家駒廚房

日前前組長妹頭吹雞叫飯聚，原來博士Ｋ有隱世私房菜介紹，於是大夥便又去做巷豬最喜歡的活動：飲飲食食。
話說博士Ｋ早於月前離職工作超過二十年的公司，不惜套現絕世 pension plan，改為月供 MPF，都要由外資機構（我司）轉至某華人地產霸。聽博士Ｋ話此地產霸甚為老土，一啲都唔 tech，仲要 micro management 到返工要打卡，職員遲到 HR 就會 call 人；不過好處係晚上六點後唔使開會，唔會好似我司咁同米帝開會開唔停，加上職位人工都高咗（仲有得以員工價內部認購納米盤），作為要「俾最好的」兩條港孩的怪獸嘉獎，博士Ｋ當然要發揮工資奴的最大效益。
這間隱世私房菜位於旺角某無電梯唐樓，都要行幾層樓先上到去。好在一入到去就有冷氣（！），加上汽水橙汁任飲，感覺相當唔錯。私房菜不設菜單點菜，而係任由主廚發辦，入到乜貨便食乜，簡直就係懶系私房菜。前菜有木耳沙律、德國腸（牛、豬）、與及自家製芝士（不過魔術師唔食芝士，故留返俾其他前組員算了）：

跟住上場的是黑松露周打湯，但更出色的竟然是蒜蓉包：

然後就係正到無倫嘅日本直送海鮮拼盤（好彩當時有青仲未攻打機場），海膽刺身、海螺、蝦、長腳蟹、鰻魚刺身等，就算伴菜的小青瓜都有名堂；其實來多幾 set 唔使食 main course 都夠：

席間博士Ｋ分席仔女經，話要同多啲「孩子」玩 UNO，規矩可以任佢定，刺激佢地嘅創意，唔能夠 say no。魔術師當然唔會要博士Ｋ「講人話」，沒有很尖鋼地問佢如果「無大台」，個個玩呢個遊戲的「孩子」都想話事咁點拆解？如果「大人」 say no，一定要「孩子」跟現存規玩，又會有乜後果？魔術師只係冷冷地問了一句：「咁啲『孩子』會唔會輸打贏要架？」
博士Ｋ一呆：「有時都會架！但都唔會太離譜嘅！」
嗯，原來有青就是這樣煉成的！
食完海鮮拼盤，又係湯。今次係中湯，花膠火腿燉湯：

呢件西班牙黑毛豬又係一流：

然後係 mild 啲嘅本地時蔬，豆角和翠玉瓜：

酒過三巡，怕貓講起好膽心佢個好友的女兒，話個女仔就係讀緊怕貓的母校，而間學校「好黃」。魔術師便問怕貓，佢嘅母校係邊間？
怕貓：「咪同戲子陳同一間囉！」
魔術師便問：「咁啲黃Ｃ老Ｃ會唔會帶埋你個 friend 個女一齊衝，當成係公民教育架？好易俾黑警扑穿頭架喎！」
怕貓竟然以為戰場中仲有紳士風度，幾十歲人都仲係咁天真離地：「黐線咩！女仔嚟架！」
魔術師一臉驚訝：「So what！兵凶戰危，見你衝就梗係打架喇！理得你男定女！」
怕貓正沒好氣，下一道菜便來了，是慢烤「安格斯和牛」：

最後就是甜品，已忘了係乜名堂的布甸：

晚上十一點完事，毋需趕尾班車（！）。埋單一人才５００大元。如此抵食，也不知是否沾了博士Ｋ的光。點都好喇，魔術師心想，好彩極度反中的深黃前同事Ｋ（即係娶咗個蝗婦，落埋嚟一家團聚仲生埋個囡，曾在被罷工那天「問候」魔術師嗰位前同事，見《魔術師資產配置（２０１９年８月）》留言）唔知係咪掛住去衝擊黑警無嚟，否則真係食之無味，浪費食材了。
＊＊＊
伸延閱讀：
魔術師資產配置（２０１９年８月）