魔術師資產配置（２０１９年７月結）

魔術師今天返工，途經荃灣站，見有有青好似賣身葬父咁（咁似當日嗰班「我們被逼擾亂民主，只因本已民不聊生」嘅？），要求港豬們參與８月５日罷工行列。魔術師身邊仲有都係返緊工途人快閃打氣，話「支持你地」，然後便閃入港鑼站搭車返工...有青喜不自勝，頻說「多謝！」

（網上圖片）

咪住！８月份魔術師資產配置的執行日期正正就係８月５日，你班有青會唔會搞到巷交所都一併罷工，停市一天架？
＊＊＊
今個７月我城就在有青跟黑警的打打鬧鬧中渡過，但出乎意料之外，各投資組合並無大跌，排序亦無變化。本月結算，第一位依然係沉船基金，每單位報我城貨幣（下同）＄１５３.９９，較上月跌１.３％。複式盈富繼續穩佔第二位，收報＄１４８.６３，較上月跌２.０６％。房託組合依然都係處於第三位，收報＄１４８.１６，較上月微跌０.６８％，追貼複式盈富。
第四位係都係股票項中排末席的生活基金，收報＄１３６.９７，較上月跌１.３０％。第五位係股債混合的強積金組合，收報＄１２５.４５，較上月微跌０.４６％，又係債券基金發揮定海神針威力的時候。第六位係合格線的債劵與現金組合，收報＄１１７.７５，較上月升１.１０％，果然現金流就是王道。
包尾的雖然都係商品組合，收報＄１１５.４９，升３.７８％，再次成為逆市奇葩，睇怕美帝減息令各商品價格不再絕望也。

７月份身家淨值由上月的每單位＄１７,４７０再升至本月的＄１７,５１５，微升０.２６％；流動資產由上月的５９.０８%（相對基數日為２０１６年３月３１日)微跌０.２５％至５８.６９％。可以話兩者都無乜變化：

兩年前魔術師訂下了新的三年計劃（見《魔術師資產配置（２０１７年９月結）》），就係流動資金超過８００萬，呢個係開頭真係幾難，尤其是舊年年尾仲有一段時間係倒跌添！加上無用槓桿，要達標真係要俾啲耐性，細水長流慢慢將個雪球滾大佢（依家班有青最缺乏的就是耐性）。不過，自從搞咗轉按之後，還清信用卡分期，對即時現金流大有幫助：

最後係 Actual net worth 與 Planned net worth（每６年翻一倍） 的比較，本月雖有反覆，但 actual 依然可以輕微跑贏 planned 。以恆指為 benchmark 的話，魔術師身家淨值與恆指的相關系數（Correlation）為５３.８６％，Beta 值則為０.３２：

＊＊＊
伸延閱讀：
魔術師資產配置（２０１７年９月結）