窮住九肚山

魔術師真係唔識嘢，以為火炭駿景園的多數是大宅豪宅，估唔到仲有６００呎的細單位，又幾親民喎（３６：０５—４６：１５）！

樓盤傳真 2021/01/09　2021/01/09 22:04

疫情略有緩和及疫苗效應，1 月首周二手樓成交量隨即回升，會德豐亦開出頭炮全新盤、啟德 MONACO 開價重返 3 年前同系新盤開價，同時反映疫情及經濟變化對樓價的影響。至於長實半山豪宅新盤 21 BORRETT ROAD，逾 2,000 平方呎大型單位，只劃出一房則，屬區內罕有盤源。

經濟不景之下，部分資金周轉出現問題的業主斷供物業，致單位淪為銀主盤。其中位於元朗娉廷的洋房銀主盤，更加以蝕讓價放售，叫價 2,000 萬元。屋苑過往成交多以蝕讓居多，節目會探討背後原因。

地盤細小不一定要開迷你則，市建局與信置的一號九龍道，或能示範出單幢盤一樣可以提供面積適切的單位，兼有高交樓質素。

小孩一步步踏出成長路，設計單位提供每一個細節讓兩兄弟遊玩，又有空間讓一家人度過溫馨時光。

搞親呢啲親子設計，多數都係貴夾唔飽；仲要搞到雜物左收右收真係浪費咗「駿景園」呢個招牌。不過點都好，益靚女設計Ｃ總好過益鎢絲 sir：

５９４呎兩房仲要玩鑽石廳，靚女設計Ｃ的解決方法是加入一個三角形讀書區（左上、右上），以拉直梳化及按摩椅睇電視的位置（左中）。讀書區有磁石牆用來貼上兩隻巷孩的「畫作」（右中），另外亦升高地台作儲物，與及書架上的摺疊小書枱可以反出來（右下）。但「書枱」咁窄真係唔知有乜用，似係無嗰樣整嗰樣。

電視櫃係大型收納櫃（左上），電視櫃旁的條子可以拉出來做掛勾（右上），算是幾唔錯的設計。大門玄關的企身櫃以中空鏡子分隔（左中），大路做法。廚房由梗廚變開放式（右中），未免攞嚟搞，真心唔明開放式廚房可以「擴闊」到幾多空間。飯廳對面牆有 Family 字樣的特色時鐘，下方是鋼琴，鋼琴旁的儲物櫃宥可供拉動的機關，可以將一箱箱雜物「拉」出來（左下、右下）；心思雖好，但如果雜物掉到櫃裡面，架車仔就推唔返入去，有排執拾：

走廊門用磨砂玻璃設計，唔知可以增加幾多「通透感」（左上）；走廊又係以幾面櫃代牆，增加收納空間（右上）。靚女設計Ｃ縮細次所偷位造儲物室兼客房（左中），次所走簡約路線（右中），多圓角以防巷孩墥親（但係廳又唔見多圓角？左下）。企缸門以單面反光鏡設計可以給戶主整理儀容（右下）...但全身鏡放在次所也未免太寒酸了吧？

客房有高架床，以供海外親戚（廢老？）留宿（左上）。客房並設有百頁窗，廢老（？）親戚可以打開逗弄巷孩（或監視巷孩有無打ＪＪ，右上）；如果客房睡的是工人姐姐，巷孩更可爬窗施以「夜襲」。客房床底下有空間放玩具，門口開在巷孩房中（左中）。兩巷孩睡高架床，劏房一分為二一人一半，完全對稱，不過巷孩大咗就唔夠住（右中）。床下有書枱和磁石版，以供做功課貼 memo 紙用（左下、右下)。

主人房都幾細，無得三邊落床，床尾頂盡衣櫃（左上）。主人房唯一亮點是有投影螢幕，兩公婆可以共享ＡＶ（右上）。另外仲有無甚新意的梳妝枱與窗台櫃（左下、右下），都唔知要咁多收納空間做乜。

＊＊＊

非用戶精華版如下: