齊齊消費，帶動經濟

消費劵真係好神奇，唔知點解魔術師明明都唔係用微信囡來領消費劵，但 WeChat HK 依然推廣這樣那樣的優惠給一般用家，唔使用消費劵都得，好似維基 TVMall 咁都做咗兩 round 優惠：

有奶便是娘，魔術師也唔理維基是否黃黃地，見到有全單九折當然唔好嘥，買埋啲唔等使嘢響應波叔「齊齊消費，帶動經濟」：

回想疫情最盛的時期，眼鏡鋪都唔係好想幫客人洗眼鏡；依家疫情放緩，又有消費劵，入眼鏡鋪就更易被店員捉住 sell sell sell（魔術師就試過在灣仔街頭被眼鏡鋪店員捉入去 sell，個氛圍甚似黑店）。如果唔想煩，呢部超聲波眼鏡清洗機真係幫到手：

魔術師將清水注入盒中，再加一滴洗潔清，試用後感覺不錯，震完５分鐘之後副眼鏡明顯乾淨咗，就連鼻托上的油漬都清得一乾二淨，在水中央也見到一粒粒污垢（為免影響食慾，故意無影副眼鏡的 close-up）：

（清洗前）

（清洗後）

＊＊＊

補充返，魔術師之前一次食維基折扣劵係買咗啲家居雜貨連即食湯包，＄８８三包：

胡椒豬肚湯係魔術師至愛，曾經諗過好唔好買啲即食火鍋湯回家加水當湯飲，不過最近發現另外都有小店出售胡椒豬肚湯湯包，反而次愛中式人參燉雞湯包就比較少見（韓式唔啱飲），於是便訂了兩包人參燉雞湯加一包胡椒豬肚湯來試下：

魔術師唔用叮叮加熱，而係用傳統方法煲滾一窩水再將湯包放入去「坐熱」（家中永久財位（八白土）在廚房，間唔時生吓火，火生土都有助財運），５分鐘後即可食用。最後開估，人參燉雞湯就麻麻地，雞味夠但人參味就淡咗啲：

（尚品：人參燉雞湯，飲咗幾啖先記得影）

至於胡椒豬肚湯就好好多，起碼一剪開個湯包就成浸胡椒味「標」出嚟：

（尚品：胡椒豬肚湯）

＊＊＊

提貨都方便嘅，滿＄２００便可免運費送到自提點，只要唔係太大件自己拎都可以的：

（圖片來源：HKTVMall > 購買問題 > 配送及運費問題 > HKTVmall 運費安排 (2020年9月1日起生效), captured on 13 Oct 2021）

最大的問題係 over packaging，一張單三件貨三個 merchants 便三個包裝，又紙盒又膠袋，相當唔環保：