法律‧無情 (2nd edition)

怒目
今天地鐵照常擠迫，魔術師正站在近門的位置．忽然間魔術師感到被人怒目而視，轉頭一看，怒啤魔術師的乃一名女士．魔術師印象中並無觸及她身體任何部位，照理不是話我性騷擾她吧．


只見這位女士被挾在人群在車門之間，處境好不辛苦．忽然魔術師的背部感到有一些軟綿綿的東西擦過，只見那位女士向車箱中擠，越過數人，去到某較寬闊的空間站定，然然怒啤魔術師，似乎是在責怪魔術師為何不行入些少，反而站在車門邊，阻塞通道．
大姐，請問妳知唔知你越過那數人都係妙齡大姑娘，魔術師一早見到果度有個空位啦，但又點敢好似你咁夾硬擠過去，萬一有乜肢體碰撞到時真係水洗都唔清了．
分手
男：（垂頭喪氣地）判左啦，監禁ｘ個月，罰款ｙ萬，緩刑ｚ年，留案底．
女：嘿！
男：我根本唔係有心，我貪得意之麻，我又無害人，只係技術性犯規，我點知會搞成咁？
女：咁你又認罪？
男：我唔認可以點？同政府打官司，打完都洗哂成副身家啦，又唔知打唔打得甩？就算打得甩，都係保住名節清白，咁又點？洗哂ｄ錢我點同你結婚？
女：乜你以為我會同你呢個監疐結婚咩？慳ｄ啦！
男：下？我真係唔係壞人黎架喎，你識左我咁耐，唔通我份人係點你唔知？
女：我唔理我唔理，總之你係犯左法，個官判你有罪，你就係壞人！！！
以上雖為設計對白，但事件的確係真人真事．
數年前，魔術師友人因為貪得意（其實都成三十歲人，仲貪乜野玩？）做左ｄ無聊野，在不知道咁做係犯法，也在不損人不利己（反而自己浪費了時間心力）的情況下，被有關當局認為佢「有意圖」去犯事，已經觸犯了有關法例．
魔術師雖不是律師，但睇返有關條文，友人的行為的確「在字眼上」符合觸犯法例的條件，起碼在「環境證據」上，看得出他是「有意圖」如此如此，無知、貪玩、自己又無利益並非可以令人（當然，最主要係法官）信服既理由．
友人作為專業人士，留有案底下，專業牌照肯定會被吊銷．幸而他只係在小型公司工作，老闆亦明白佢係無心之失，故繼續聘用．當然友人想再做進一步專業工作，就沒有可能了．
仲有，友人女友以「有案底既就係壞人」做理由鬧分手，雖無人情但又合理，又怪得了她嗎？
所以，除非你玩得起，夠膽賭身家，又或者有足夠預謀，否則在法律面前，挑戰、貪玩（例如填問卷送禮物，後來唔知點解變成學術探討同言論自由），好易自掘墳墓，「一生前途從此毀」．
就算件事未必會告，即使告亦未必告得入，但係就驚餐飽，值得咩？
卸責
一間公司既前CEO，以公司名義犯左事，咁，有關當局的刑事撿控，將會針對現任CEO，抑或是上任CEO，抑或是兩者？
當現任CEO成為眾矢之的的時候，上任CEO是否應該第一時間出來澄清，承擔責任，一人做事一人當？抑或係任由現任CEO出去做替死鬼？現任CEO之舉動如此不合常理，是否曾被催眠？
究竟係現任CEO卸責給上任CEO，抑或係上任CEO卸責給現任CEO？
預謀
根據李先生在中大ｕｎｏｆｆｉｃｉａｌ版所言：
其實我覺得好有趣﹐呢幾日我經私人管道揭了很多怪事﹐提醒了很多人不要懶醒﹐因為不知情雖然無罪﹐但是會在水落石出時, 使人很難面對自己.
唔知你係出於順口, 定係無辦法接受『學生報無罪﹐頂多唔夠好睇』呢個「睇法」.
眼高手低﹐人人都會有﹐不過能吸引到經驗教訓的﹐就一個一個 by case 先知。你要卸責話上莊出事﹐查實就跟一開始眾人異口同聲，卸責話學生報現莊害死其他中大人同一個邏輯。
唔知乜事咪唔知囉。覺得道理上、學術上、應世上、生活品味上、堆文字有乜唔好﹐咪照講囉。但若果覺得一有不妥，便要找一個 entity 去踩﹐其實係同強姦差唔多。
衰 D 講句﹐同門如手足﹐你唔溝佢地﹐都唔好姦佢地呀。會亂倫架。
阿李先生話有一位好心水清的同學有皇牌係手,一出好多中大官員會人頭落地,鑑於談判技巧關係,暫不說破,只留待適當時機,不到最後關頭不會使用.
睇來佢地係有預謀既行動,只係扮驚俾我地睇.
佢地咁有計劃,又點叫得上幼稚無謀呢?
睇黎一干有心人都係白擔心，不如食住花生等睇戲吧啦！
聯署
仲有呢個
勇於認錯 重新改過 聲明
http://protest-cusp.hknameless.com/
評級

2007/05/15 01:37:59