以下為魔術師的讀後感:
滿足:
唔咸,官能刺激欠奉,和坊間一般成人故事差唔多,亦睇唔出有咩討論同反思的空間.
讀者回應:
大部份和「滿足」一樣,唯備註2中有反映現實,表達了家庭性教育的貧乏致使子女的成長受到困擾,可以引起讀者共鳴.
咁,有共嗚既讀者,記住到你地做左人父母既時候,唔好咁保守啦!
回應彩鳳
是一篇「範文」的寫作指導，下屆會考生要注意啦，如果中文作文出「滿足」，你地應該知道點做啦，是中大的師兄師姐袋錢入你袋呀！
問卷:
由於已標明題旨:「絕不想懶科學化呢個野，目的旨在介紹及致送紀念品給有需要既人」,個人認為,絕對係幼稚無聊既不文玩意,志在滋擾和令人尷尬.
拜神唔見_:
唔知想表達d乜...
因為學生會費有部份係用來資助學生報,用學校和築生的名義刊登,有理由相信報中的內容係為同學們的福祉出發,只係魔術師思想守舊,不懂得欣賞.如此令人擊節的校譽,魔術師將來作為考官出席面試時若有機會遇到呢間本地名校既畢業生,一定會多加注意.
為免有關人士洗版,故抄低立此存照,如此丟人現眼之事,豈可不留為珍藏,以待後世景仰.
在此亦多謝網友文盲提供資料.
以下內容含有成人題材,未滿十八歲者須要家長陪同閱讀,亦歡迎家長和子女一起討論和探究有關的性問題.
鑑於所引用之內容有可能已被評為二級不雅，故魔術師決定刪除有關引文，敬希垂注．
2007/05/09 01:14:52
我同意你反對此問卷的grounds，校譽同埋言論操守係好重要既
回覆刪除不過我個人就認為份野無乜問題
反而今次針對的重點都錯了:
到底今次篇文章，有幾多係健康的性討論，幾多係erotic，幾多係純官能的porn，好似無乜人區分過。中大校報，有性討論同埋erotic 都是好的，porn 才唔多好
一味站在道德高地發炮，咁樣個社會只會繼續係一個禁忌社會，d 人一方面鬧呀邊個邊個淫賤，轉頭又去睇甚麼飛波走奶的8卦雜誌然後「啋！」
至於有甚麼反思空間，我認為有個地方俾人講自己的性觀念和性生活是好的。問卷做到這一點。
至於「滿足」一文，那是女性角度寫的文字，我不覺得那是porn，porn 係啖啖咸肉不用思考的。我自己就睇到作者講左女性難以在性生活上滿足這個問題，同時佢以女人角度講出自己的性幻想
其實有幾多男人會知道自己的另一半原來只是扮高潮？又或者女人的性幻想是甚麼？有幾多人會知道女人原來好多都只係high，但真係到高潮的極少？有幾多女人會直接同男人講自己慾求不滿呢？
我覺得中大校報可以登到呢類文字出來，係幾寶貴的一件事
可惜的係睇的人只係諗佢是否咸古，應否處決...可惜可惜。
《滿足》滿足了誰？
回覆刪除文章公開展示女性自慰，滿足男性讀者窺淫癖；女性性幻想內容仍是男性主導的從屬關係．
這帶來甚麼反思？
難道日本AV中大量的女角主慰場面也算是「女性主義式對性愛自主的發聲」？
這還不是為了滿足父權價值下的一眾男性讀者／觀眾－－就如《滿足》帶來的效果一樣．
如果說這是解放弱勢，挑戰權威，這明顯是作者學養不足，不慎自打嘴巴還洋洋得意「為女性發聲」．
得閒睇下《拜神唔見＿》，打得仲大力－－我講佢打自己．作者對妓女的踐踏簡直比明ｘ社之流來得更狠毒．
還敢說自己解放弱勢？
http://www.cusp.hk/
回覆刪除正是「秀才造反,十年不成」，因為往往流於得把口．反思之後，自己應該有一份新既價值觀，之後再身體力行，貫徹自己既理念．
所以啊，躲在安全的校園一角裡寫寫說說,先可「滿足」自己的性幻想,又可將自己「打造」成「挑戰社會主流」,未免太過容易了吧!有誰不會呢?
有心既,學下人地咁,走完後庭打完官司仲要勝訴,立下案例,就真係「做左d野」啦.
不過唔緊要,「後庭」有左court case,學生報仲可以玩人獸,父母兄弟姊妹雜交,最緊要上court,無論拗唔拗得贏法官,都叫做挑戰左人倫禁忌.
學佢地話齋，在和「與市井隔絕」的中大校園裡反思，又點能夠引起社會關注呢？老實講，人獸亂倫偷窺自慰呢ｄ，好多人都知係咩野一回事啦！
所以,淨係坐係度「反思」係無用既,反思完,要做先得架麻！唔身體力行，點可以將自己領悟出來既「深度多元性論述」表露於人前，帶領香港家庭進入新既性世代才對！
拿，如果學生報或者學生會真係出來「做」(即係人獸性交,亂倫等等，總之佢地話乜就乜，不過唔好係一般既男女，男男，女女咁喎！),我一定支持,有錢出錢！