辯才無礙

在多年前和最近在新聞組中，魔術師發現現在的年青人都很能說會道，自己口才有所不及．以下係魔術師跟佢學到既技法．


１．　凡事「討論」
以「討論」為名，用科學分析方法（例如統計資料）為藉口，打壓對方的主觀觀感．而自己的主觀觀感，則儘量不明確表達，而是由他人之口（即ｑｕｏｔｅ報導，不論是否ｒｅｌｅｖａｎｔ）表述．當然，若自己真係有主觀觀感，對自己自然唔會太嚴苛．萬一唔夠人講，都有其他方法補救．
例子：
魔：（覺得對方胡亂拉扯）咁你即係為辯而辯唧．
Ａ：「為辯而辯」，你又再次在沒有理據下作出主觀的評論了。
魔：．．．（秀才遇著兵，唔夠佢講）
２．　凡事「相對」
呢個係被攻擊時的解決辦法之一．最緊要係無棱兩可，只要找得出事情的灰色地帶，便可儘量利用，將自己同對方既對立淡化．如果對方係講理既人，只要佢認同灰色地帶，則甚至能同化對方，令對方忘卻真正的黑白面．
例子：
「大學報o既情色版我都睇過幾期. 我個人覺得佢地o既報導冇"賣弄色情", 但係行文用字誇張就真係好觀點與角度.」
３．　凡事「反思」
魔術師見識淺陋，第一之接觸到「反思」呢個字詞係響中大．但係，每次聽完一ｄ討論或者辯論或者演講，「反思」完一輪之後，我地會做ｄ乜？
響魔術師的認知，「反思」完後，係可以確立到自己既價值觀，然後再身體力行．
但係，如果將「反思」運用在辯論裡，當自己處於劣勢時，可以先退一步，認同兼且讚賞對方，然後將對方的論點淡化，自己便可重整旗鼓．如果當自己處於優勢時，「反思」更可以將自己顯得更義正辭嚴，頭頂加個光圈，再將對話劃上圓滿的句號．
當然，如果要他們把「反思」完後的觀念付諸實行，便另作別論．
例子：
「備受爭議的情色問卷亦非刻意鼓吹某種性行為－－如所謂的「亂倫」和「人獸交」－－而讓讀者如實反映他們的性想像，藉此反思一元性論述。」
４．　漠視常識，明知故問
面對別人指責時，可以裝不懂，漠視常識，要求對方提供定義解釋．如果對方不慎中計，而要定義的字眼又未必是有客觀科學性的答案時，我們便可找出其定義的弱點再加以攻擊．由於定義愈含糊，愈對自己有利，所以在一般社會科學的話題會用得著，而科學命題則不適用．
例子：
魔：點解要用「學生報」的名義去作呢d「討論」?而唔係自資出一份校園性愛刊物?
Ａ：我又想問, 點解唔可以用學生報名義?
魔：中大學生係咪都會對呢類問題有興趣,即係例如去邊做,同乜野做等等...
Ａ：係迷所有/大部份中大學生有興趣, 先可以係學生報討論??
事實：
公器私處用(2007-05-07)
５．　名詞大法
用泛濫既名詞，理論，主義淹沒和拋窒對方．
例子：
我喜歡劉華的處理方法(2007-03-29)
６．思想自由，言論自由
尚方寶劍，唔使多講．當然唔需理會被受自己滋擾和影響的stakeholders．
例子：
A: 1984 入面好似形容呢種思考限制叫 "crimestop"
＊＊＊
好，現在是測驗時間：
練習１：
魔：學生報出粗口標題有損校譽.
A:校譽是什麼？
魔：無論老師同學甚至校友都應該維護校譽.
Ａ：點解我地要去維護校譽？校譽有乜值得我地去維護？
問答中魔術師為何會啞口無言？
練習２：
「三十八年來，本報一直以針貶時弊，改革社會為己任，關注世道的篇章至今未嘗稍歇。．．．備受爭議的情色問卷亦非刻意鼓吹某種性行為－－如所謂的「亂倫」和「人獸交」－－而讓讀者如實反映他們的性想像，藉此反思一元性論述。」
上文運用了什麼辯論技巧？
2007/05/08 11:56:58