2007年5月8日 星期二

最低工資與五斗米

「又,你都係吾明我講乜嫁啦,唉」

香水妹妹講到咁幽怨,我見尤憐,唯有out out地都寫下呢個topic.

以整個社會咁來睇,已經響C.M.度寫過:
點解咁多人支持最低工資法?好簡單,先諗下以為會「受益」於最低工資法的人會是一些什麼人?一定不會是你和我吧...相信大多是一些低技術和競爭力較低的勞動階層.我很懷疑他們有無足夠能力去分析最低工資法的實行後的境況,自不然,他們便會成為政棍們的棋子.香港人一向濫情,所以民意亦極度容易被挑撥.最大得益者當然是打民意牌的議員,後事如何他們懶理,最緊要是騙得愚昧的群眾去相信「美好的明天」,進而提供珍貴的選票去維持尊貴的議員們的薪水和地位.

至於最低工資之害,信報林行止亦多有提及,因為根本是斷了低於界線的人的生機.很簡單的例子,假如要付6000元去請保安員的話,保安公司會不會去請一些年輕一點,甚至中五畢業,會說(只怕是那麼的一點點)英語的保安呀?那麼那些五六十歲的伯伯怎麼辦?他們甚至連降低薪金的「議價能力」都沒有了.

其實現在社會都有兩種工作是有最低工資,到後來還不是出了「黑市」來「推動競爭」?其一,不用多說,便是外傭;其二,便是八折的.分別是同是付鈔的人,外傭雇主如果「剝削」傭人,會有機會給傭人控告(但傭人其實會知道,若不降價,很可能連工作機會都沒有,所以也很少有控告雇主的報導);而的士乘客則不會.其實的士也算有定下來的工資(咪錶)吧,但當稅競爭太大,改善服務(埋線)和減價便是生存之道.劃一工資毋寧是「好心做壞事」.

至於個人方面,身為數怪,當然係會將個人既世界觀盡可能量化.即係咁,有d人寧願拿少少人工都唔拿綜緩,即係話,佢地既尊嚴係有一個「價」既.骨氣加工資,響佢地既心中,就等於綜緩啦.而生活所需減工資,就係要「吃」既骨氣了.


但係,學粵語殘片話齋,骨氣幾多錢一斤.骨氣係呢班人既心中既「價」,當然係換唔到飯食.咁有乜辦法去減低生活所需同工資之間既落差?一就係降低生活所需,過著更苦既日,或者逐水草而居;二就係加人工.

對一d低層工人來講,加人工既途徑,就即係用最低工資啦.

最低工資要訂係幾多?好似最少都應該係同「生活所需」一樣.

好似好美好咁!

但係,唔好唔記得,最低工資係用「人」做單位,綜緩係用「家庭」做單位.小朋友既 marginal return 唔係少數!

所以,拿綜緩既人唔會少左,而其他人因為「被迫」加左人工,亦同時「被迫」面對更大競爭,好似業餘隊去左打丙組咁.可能有少部份可以適應到,但係被淘汰既,連果少少人工都失去了,咪變相加大綜緩既數字!

2007/05/08 00:55:55

4 則留言:

  1. 好心的魔術師:

    關於家庭單位 VS 個人單位呢個 POINT 幾好丫

    不過呢果幅圖加番D箭嘴好D喎

    回覆刪除
  2. 數怪哥哥:
    我在個blog度講緊社會經濟好複雜,吾係一個簡單既自由經濟可以通盤解釋.而依家既綜緩,其實正正係影響巿場運作同阻礙自由經濟.
    如果我地係純達爾文既物競天擇理論來睇嫁話,果d低生產力既人應該由得佢自生自滅.而如果我地既真係一d保護網都吾設立既話,自由競爭既結果係社會財產會集中在少部份人手上,形成M型社會.
    點解你會支持綜緩而反對最低工資?因為擔心會減少低技術職位? 我都好鍾意林行止但係都吾可以相晒佢,立法執法都吾容易,但係難吾代表吾應該做.
    我同人傾左咁耐,睇來都要寫返篇我自己既結論.
    五斗米,真係足夠好多人拆腰,因為攞綜緩對佢地來講係跪.

    回覆刪除
  3. >>關於家庭單位 VS 個人單位呢個 POINT 幾好丫
    唔...多謝!

    回覆刪除
  4. 多謝 = 多謝提醒!

    回覆刪除