會議記錄 (3rd Edition)

俄羅斯輪盤
今天開會，老細分享上完堂後既心得，並有此一問：
假設你在被迫情況下給予一支左輪手槍（即槍膛可上六發子彈）玩俄羅斯輪盤，
題目一．
將三發子彈裝入在相連的三個彈膛，隨機轉動槍膛後，你可以有兩個選擇：Ａ．向自己開一槍，不死的話，再隨機轉動槍膛，再開另一槍，如此類推，共開三槍；Ｂ．直接了當，向自己連開三槍．如果你不想死的話，會選擇哪一種方法？
三十秒內回答．

題目二．
將題目一改成只入一發子彈，一樣是有Ａ和Ｂ兩種向自己開三槍的選擇．這一次你又會怎樣選法？
三十秒內回答．
當然，呢ｄ問題點考到化身數怪既魔術師．

始計第一
孫子兵法第一篇【始計】有云：「夫未戰而廟算勝胜者，得算多也；未戰而廟算不勝者，得算少也。多算勝少算，而况于無算乎！吾以此觀之，膀負見矣。」
由以上既「俄羅斯輪盤」，講到計劃策略，魔術師以孫子兵法分享之，當然成班番書人無人明白．
火燒上方谷
老細講下講下，分享左一ｄ對領導人對ｄｅｃｉｓｉｏｎ同ｒｅｓｕｌｔ既睇法：

在老細解釋ｂａｄ　ｌｕｃｋ　ｓｅｇｍｅｎｔ的重要性時有ｄ詞不達意，魔術師便又加把口，但知道上次講得太深，於是話：「即係當年諸葛亮將司馬懿父子引入上方谷內，滾石播木齊下，將其封死，然後放火燒之．司馬懿兩仔爺喊住咁攬埋一齊，只叫：『死嘞死嘞，呢次死硬嘞！』點知係呢個時候，天降大雨，司馬懿父子便逃得性命．諸葛亮唯有嘆句『謀事在人，成事在天』．」
呢之好ｄ，有一位中大師兄知道魔術師講既古仔，但係餘人依然十下十下，包括老細都話「唔知你講緊既係咩野古仔」．
知己知彼
老細最後講左句「知己知彼，百戰百勝」，其實原文係出自孫子兵法第三篇【謀攻】：「知己知彼，百戰不殆；不知彼而知己，一勝一負；不知彼不知己，每戰必敗．」
強如孫武都未敢講「百戰百勝」，坊間以訛傳訛，愈來愈多人習非成是．不過魔術師今次就只在心中咕噥了一下，也沒有再說甚麼了．
＊＊＊
並覆香水妹妹：
1. 可以用itune或者window media player都可以將cd convert做mp3
2. 如果你想好似魔術師咁樣整d歌出來,你去imeem開個account啦!
因為ｓｉｎａｂｌｏｇ　ｕｐｇｒａｄｅ左之後再似仲有ｄ問題，個留言死死地，你今朝留到俾魔術師，我真係好佩服．
如有其他問題可ｓｅｎｄ　ｅｍａｉｌ給魔術師，帳號是
undefeatablemagician@gmail.com
2007/10/18 14:47:57
＊＊＊
多謝安安來信指正，因手民之誤，幅ｄｅｃｉｓｉｏｎ　ｍａｋｉｎｇ既圖既橫軸ｇｏｏｄ同ｂａｄ調轉左，現已更正．
至於「俄羅斯輪盤」既解說，遲少少再講．
2007/10/18　17:36:11
＊＊＊
答案:
第一題.
每次隨機轉動槍膛重設的話，則每次存活的機率為二份一，連續三次即為八份一．
連射三槍的話，可以假設槍膛是順時針轉動，Ｈ為鎚頭位（發射彈膛），Ｂ為子彈，則以有以下一個擺位可以不死，機率為六份之一．

所以Ｂ較Ａ好．

第二題.
計算或然率應該不難，但這亦是「只懂計算，放棄直覺」（或曰讀死書）的悲哀．有時慣於計算的人，遇到可以計算時會傾向去計答案，忽略了實際需要，可以說是知識的盲點．
直覺地看，連開三槍即放棄了再遇「已知」空彈膛的機會，當然不會比每次重設好．
2007/10/19　21:02:47