男女之間

受怕貓港女同事所託，魔術師去了某會場影相，並有以下奇遇．

伯母
死賴活賴的問姐姐討來了門票,但一套兩張，又約唔到人一齊去，正苦惱間，這天姐姐忽然打電話來，問有無人陪魔術師去，如果無既話，佢媽咪要咁話．
咁，魔術師當然好樂意讓張飛俾伯母啦．
入到會埸，見有一大群叔叔嬸嬸坐左響魔術師同伯母個位度．魔術師正想同佢地理論，叔叔嬸嬸見我拿著相機，卻反而叫我坐落一行，話果度影相方便D．
如果魔術師係自己一人當然無問題，但係如果伯母來到無位坐未免尷尬，結果魔術師都係堅持坐返自己個位，變左同班叔叔嬸嬸坐埋一齊，仲聽到坐係隔離既兩位嬸嬸既以下對話：
嬸嬸甲：有無見到著白衫果個女仔，好靚喎，唔知係咪有份表演呢？
嬸嬸乙：果件係米色衫，咪我個女囉，佢唔係有份表演，佢今日係響到睇住個ｓｈｏｗ．
嬸嬸甲：著短褲果個？
嬸嬸乙：咪係囉！
吓！著米色衫短褲仔既咪係姐姐！咁，坐係魔術師隔離既咪係伯母！？
紙巾
見姐姐餓到發慌，朱古力又請左伯母食，唯有用餅乾同清水代替．當然飽食之後，會提供紙巾抹下個櫻桃小咀．
那邊箱，可愛得來有點ｂａｂｙ　ｆａｔ的小妹妹在台上感動到哭了起來，阿鄧生又勢不能將佢一擁入懷又或者借個膊頭俾阿妹妹，紙巾又無張，仲要同後台「班」，就似乎差左ｄｄ．
男人，係幾時都需要有包紙巾響個袋度既．
求婚
竟然有男士出奇不意係台上同自稱「識左無幾耐」既女朋友求婚，仲出埋阿媽獻花，直程係逼婚，唔係求婚，擺個女仔上檯，超過一千對眼望住佢地兩個，直頭係逼個女仔答應．
魔術師就唔係幾欣賞呢種做法喇，呢ｄ咁私人既野，點可以利用群眾壓力架？同埋，如果真係「識左無幾耐」，咁樣逼人結婚，會唔會兒戲左ｄ？
2007/10/02 00:08:20