信與被信

數年前，魔術師因為戲言一句，得罪了某小氣同事，被佢借題發揮，發大件事向（前）老細告狀，導致仕途受損，繼而專職避禍．自此魔術師便學會了唔多出聲，費事又被人捉住痛腳．
今日，又因為戲言一句被人在ＭＳＮ　ｃｕｔ線．

魔術師想返回頭，其實都有少少不忿．不忿不在於開句玩笑就俾人用極重語氣數說一輪然後Ｃｕｔ線（其實咁做真係幾無禮貌），而係在於，魔術師相信，相識以來的言論行為，點都唔會係對方咁諗既人，唔通真係講左一句對方唔欣賞既玩笑話就值得換來咁既待遇？
七十以前問過魔術師，點解咁老成持重？其實，魔術師係唔想開玩笑，因為真係成日開口夾著脷．
因為比信任別人更困難的便是，得到別人的信任．
罷罷罷，反正魔術師都是慣了單打獨鬥的．
2007/10/02　00:26:57