2007年11月13日 星期二

即場爆肚

搣匙:阿蛇,你做乜咁慶響度踢部影印機呀?
阿蛇:估唔到我咁折墮,而家連部影印機都蝦我!

搣匙:你唔好咁勞氣喇!等我黎睇下點整...
阿蛇:你一個師奶仔識乜吖!
搣匙:係呀,我唔識架.如果你係趕既,而家都要睇下有無得整架喇!
阿蛇:嘿!我都知你無好心,兜個圈黎潤我.乜我個樣似係整影印機架咩?你知唔知我咩野料?
搣匙:嘿!唔知喎!
阿蛇:我呀,假假地都係教育碩士畢業,本來校長係請我黎做呢間一條龍直資中學既科主任架,唔係開學前發現個肺有事,搞到終止合約,我都唔使係度啦!而家仲要俾你地呢班小學教師指生哂!真係多得校長唔少!
搣匙:咁你點會黎左呢度做教學助理架?
阿蛇:咪又係個衰校長囉,同我終止左合約仲響度貓哭老鼠,見我好返咪請返我囉,不過係降左十九幾級之麻.
搣匙:咁其實校長都算唔話得,佢見你無野做,好好歹歹都搵返份工俾你吖.
阿蛇:嘿!你咁幫住校長做乜?睇你瘦猛猛,一陣你凍親個肺,又好似我咁既時候,你就知咩叫無運行!
搣匙:你呢個人都幾無理取鬧架喎!
阿蛇:嘿!
搣匙:嗱,你唔好咁谷氣住,放鬆d,如果架機真係唔掂,咪去圖書館影囉.放左工我地一齊飲野好唔好?
阿蛇:嘿!我結左婚架囉喎!
搣匙:喂,你諗左去邊?我都結左婚架!
阿蛇:估唔到你咁開放.都好,尋晚同屋企個衰婆吵左一輪,個衰婆帶埋仔女而家嬲爆爆返左外家,而家屋企無人...嘻嘻...
2007/11/12 23:52:50

1 則留言: