恐懼鬥室（一）

魔術師一向喜歡看恐怖片和驚悚片，西片，日韓都看，即使是荷里活的Ｂ級恐怖片也看，就是不看土炮．

荷里活的Ｂ級恐怖片，賣點是血腥暴力，在大洒血漿的同時，當然少不了大胸女角．通常呢ｄ大胸女角，都不會是主角，而是註定給兇徒惡魔屠宰的羔羊．即使有甚反抗，多是軟弱無力，或有頭威無尾陣，總之大都是無腦地送死給人宰割，看完後不覺恐怖，只覺可笑．
近期較深刻的例子是在恐怖臘像館（２００５）的Ｐａｒｉｓ　Ｈｉｌｔｏｎ．

近年魔術師印象較深的恐怖片，就是德州電鋸殺人狂（２００３），呢套野無錯係賣弄血腥，但係氣氛都算營造的唔錯，其中一段殺人魔將受害人用電鋸斬腳後，再用粗鹽醃住傷口，用包肉紙包好，然後將受害者活生生的掛在肉勾上，真係睇到嘔，但係個畫面好震撼．
當然，如果講劇情，電鋸就真係無乜，同恐懼鬥室（而家上緊畫既係第四集，魔術師要講既係第一集）無得比．
恐懼鬥室乃２００４年既「舊片」，可能好多人都睇過，但係魔術師都不厭其煩地簡述一下劇情：

拼圖殺手已經「犯」了好幾單「謀殺案」，但係佢又無殺過人，因為基本上拚圖殺手係設計左一ｄ「陷阱」俾受害者去解，解決方法就係用自己的生命作賭注，失敗了，就等於是「被迫」自殺．
在一間好大的洗手間／浴室中，醫生羅倫斯和記者亞當分別被人用粗鐵錬鎖在兩角，浴室中心有一名因中毒難醫而吞槍自殺的死屍．醫生和記者好像亙不相識，其實暗地裡又有關連．這時醫生知道家人已被狹持，想家人無事的話，便要在限時前殺死記者．醫生發現身邊有些小工具，例如香煙和子彈－當然還有死屍手中的手槍．．．
而又當然，醫生又未必一定要殺死記者，他們可以合作，想辦法逃出去，但他們會亙信嗎？
如果他們不想合作的話，也不是沒有辦法．兩人各有一把鈍鋸，鋸鋸不斷鎖住足踝的鐵錬，但卻可以鋸斷足踝．．．

恐懼鬥室雖是低成本制作，全片演員不多，場境亦不多，又無乜外景，但佈局相對嚴謹（當然不會無ｂｕｇ），伏線多，不賣弄血腥，但配合起上佳既燈光取鏡同配樂，氣氛營造一流，尤其是鋸腳一段，無視覺特效，但係個鏡頭淨係影住主角果種豁出去既狠勁，足以睇到魔術師心都離埋．
以下係電影末段既配樂，魔術師相當喜歡：

2007/11/07 01:49:49