說到心坎

'Cause there's nobody else to do it now.If there was somebody else to do it, I would let them do it.But there's not. So we're doin' it.

魔術師很少會到戲院睇戲，多是買ＤＶＤ回家欣賞．早前在看了Ｄｉｅ　Ｈａｒｄ　４.０時，後知後覺的我才發現了上述既對白簡直說中了自己的心底話．
不知是否香港教育制度的錯，魔術師自小遇上的朋友同學都很鵪鶉的，要分組做功課之類照例無人肯帶頭，更不要說是甚麼班制級制和校制比賽了．「屍屍縮縮」咁無厘貴格．咁，魔術師身為老師眼中既乖學生，當然好多時會被指派成為組長或者代表，久而久之，一有咩野ｇｒｏｕｐ　ｐｒｏｊｅｃｔ，無人肯帶頭，你眼望我眼既時候，魔術師照例就會「挺身而出」去做「帶頭大哥」，其中最經典既例子，莫過如呢個攝影比賽．
當然魔術師不是自詡做「英雄」，但點解會一直都係咁樣？大學讀電時做ｇｒｏｕｐ　ｐｒｏｊｅｃｔ，魔術師係兩位主程式設計之一，其餘組員既ｃｏｎｔｒｉｂｕｔｉｏｎ有少到只係負責買隻碟；去外展訓練，無人肯半夜紮木筏，又係魔術師領頭率領一斑有心人去做（想當年十幾人一組，好似得五六個人肯去試紮，仲要有三個係女仔，你話死唔死？），仲有其他小事好似座談會分享意見呀之類，講幾句野使死咩，又係ｄｅａｄ　ａｉｒ，又係魔術師見無人肯出聲，為免主持人難堪，便舉手要咪．
當然，會主動發言或者做野既人唔係無，不過比例上真係好少．如果見到呢ｄ人，魔術師會好高興咁企埋一二邊，又或者見到有甚高手便出來和其切磋一番，亦為美事一樁．
總之，響任何活動見到ｄ人，好似食左啞藥又好似被人點左穴咁，無意見無反應，魔術師就會極之睇唔順眼，又唔係細路仔，有咩好驚？有咩好怕？唔通呢ｄ野真係要由細練起？如果係既話，咁本來，魔術師對於果ｄ學雜耍式既學前教育同無野做都收你一萬幾千一個月既ｐｌａｙｇｒｏｕｐ頗為反感；但係如果可以從小便訓練到個小朋友唔驚係人前表現自己，不計得失，咁都叫有返ｄ價值．
2007/11/15　01:25:29