當然，慣於和主流扒逆水的魔術師，對於傳媒對英格蘭足球隊的追捧，自然不以為然，甚至乎認為某些人那些輸打贏要既精神，跟英格蘭足球流氓是相差無幾的．
學信報既索卡話齌，英格蘭足球隊既實力，係近數十年來最強，有李奧費廸南，夏格維斯，謝拉特，林柏特，高治，朗尼，奧雲等，但係偏偏打出來既成績就「有目共睹」．魔術師看來看去，有一些愚見，但係應該同坊間講到口臭既意見差唔多：
１．排陣失當：中前場多年來都找不到一個慣用的陣式，即是係進攻中場，防守中場，左中場，和前鋒線的人選，配搭場場不同，造成混亂．
２．太多神童：由以前既奧雲到而家既朗尼就係活生生既例子，兩者都係偏重於射術同速度，但係盤扭二傳等個人技術卻未係好標青，而且奧雲易傷，朗尼又無球品，細細個便將其冠以神童稱號只係害左佢地．
３．迷信名牌：名牌球星球技未見得高人一等，但係身價高機會成本亦高，太錫身拼勁和鬥心自然差一截．
４．心理質素：愈被人縱慣，愈以為自己叻，就愈受唔起挫折．英國傳媒成日講到英格蘭足球隊天上有地下無，近百年最強，當在自我催眠之下的幻想和現實不符的時候，表現自然再打折扣．０６年世界杯謝拉特見到林柏特射失十二碼後哭喪著臉的表情便是明證．
今日（１７ Ｎｏｖ ２００７）係英格蘭足球隊既「大日子」，因為０８年歐洲國家盃分組賽會有以色列對俄羅斯和馬其頓對克羅地亞，賽果直接影響英格蘭既出線資格：
俄羅斯餘下的賽程是作客以色列和安道爾，只要能連勝兩場取得六分，即共２７分，便能穩奪出線資格；而且以色列出線無望，鬥志成疑，很可能肪俄羅斯送英格蘭一程；安道爾實力所限，亦難以對抗矢志勝利的俄羅斯．所以，俄羅斯能否出線，主要關鍵反而係睇自己既心理質素，會唔會太緊張而令自己失準，多過球隊實力上既分野．
克羅地亞
而克羅地亞也只需在餘下既兩場賽事中取一分，即共２７分，亦能穩奪出線資格．其中只要在今晚對弱隊馬其頓既賽事取得和局，便可完成任務；之後對英格蘭既賽事，會變成例行公事．
英格蘭
２７成為英格蘭既ｍａｇｉｃ ｎｕｍｂｅｒ，因為縱使英格蘭能在最後一場分組賽撃敗克羅地亞，也只有２６分，所以克羅地亞和俄羅斯能夠取得２７分，便能壓倒英格蘭出線．
其實英格蘭本來抽到好籤，同組只有克羅地亞和俄羅斯呢ｄ「二線球隊」「較有威脅」，其他以色列，馬其頓，愛沙尼亞，和安道爾等名不見經傳既魚腩只會是被開刀既對象，自不然認為自己出線機會「甚囂塵上」．
被人吹捧，好說話聽得多，自不然便會輕敵．結果便是在那些「魚腩」身上失分，分別主場被馬其頓逼和，又作客賽和以色列；更敗於「競爭對手」克羅地亞和俄羅斯，失分又多又無謂，邊道稱得上係強隊？
再看克羅地亞，並沒有失分給弱隊，賽和兩場給「競爭對手」俄羅斯，更能在主場撃敗英格蘭；而俄羅斯除賽和給克羅地亞外和以色列外，而跟英格蘭是一勝一負，可說是打個平（當然對賽成績是英格蘭佔優）．
所以俄羅斯跟英格蘭之爭，就係鬥穩定性，鬥唔響弱隊身上失分．
其實，做人咪一樣，無論做幾小既事，都不能掉以輕心．
＊＊＊
又當然，臨尾梗係要回顧下英格蘭在０６世界盃對葡萄牙時，謝拉特哭喪著臉的表情：
wmode="transparent" height="355" width="425">
和葡萄牙在０４年歐洲盃又係同英格蘭射十二碼時，門將列卡度赤手撲出十二碼，再跟手射入既英姿：
2004 (June 24) Portugal 2-England 2 (European... by sp1873wmode="transparent" height="355" width="425">
2007/11/17 14:08:51
沒有留言:
張貼留言