今日投票

今日（１８　Ｎｏｖ　２００７）係區議會選舉投票既「大日子」，魔術師作為良好公民，自然會去行使被賦與既權利．

魔術師所屬既選區只有兩位候選人，自不然一位係來自保皇黨，一位係來自氾民．觀乎助選卅團聲勢，保皇黨真係有好多人，資源亦較多，仲有短褲妹妹（！）坐陣，相信係ｄ家長係助選團，便叫埋ｄ仔女來幫手．魔術師心中嘀咕，當年讀大學時暑假都叫幫過保皇黨搞下ｄ選舉野，點解無ｄ咁荀既「優惠」？否則近水樓台，嘿嘿．．．
反觀氾民果邊，除左魔術師今朝出街響天橋見過有人派傳單之外，見來見去都係ｄ硬照海報，放軟手腳既程度，真係令魔術師搖頭嘆息．
至於政綱，保皇既都係一ｄ關於民生既野，例如改善交通服務，監察票價，創造職位，舉辦活動，增加醫療設施，捍衛弱勢社群權益之類．而氾民既呢，宦都係大同小異，都係改善交通，醫療，居住環境和設施，當然仲有係慷政府之慨既提高生果金和長者醫療額，仲有少不了既爭取２０１２雙普選．
兩者睇落去，無乜邊一方面係好突出．雖然魔術師都有考慮過投白票，意謂兩個都唔滿意；但係轉念再想，投白票既「控訴」，其實係講俾邊個聽？魔術師深信，有志參加選舉既，尤其是係無黨派的獨立人士，根本無需大量既白票去「喚醒」其使命感，驅使其參選；反而「白票效應」只會放出訊號引來那些古靈精怪的騎呢怪來企圖分一杯羮．
結果，魔術師都係投左氾民，一來保皇黨響度落根多年，「政績」卻未見突出，政綱寫得比較馬虎，用字很虛，沒有很確切的ｓｕｂｊｅｃｔ；而魔術師雖然都對氾民不寄厚望，但係以政綱來看，就寫得比較實在，在明確ｓｕｂｊｅｃｔ，例如有關西鐵，巴士路線和社區設施都有較仔細的描述．雖然未必和事實相符，但係都值得支持和鼓勵．美中不足的地方，是氾民的宣傳和包裝真係好唔得，有咩隱衷，魔術師就真係唔知道了．
2007/11/18  23:16:28