各位聽眾，好耐無見！最近民怨沸騰，要求排洪嘅來信又多咗，無辦法唔清咁啲。事不宣遲，先讀第一封信。
呢封信係由署名「一群建設派蟻員」寫來嘅，話要點俾梁生聽，話佢地唔係唔想幫你，但係你下下講完嘢之後都有鑊爆，好難叫人安心訓身撐你咁話，又希望你以後唔好以唧牙膏方式講嘢喇！
到第二封信嘞，嗯，呢位聽眾叫做癲狗，佢想問６８９先生個「醜」字幾多劃，答繁體字就得嘞，要佢確實答覆喎！
第三封信呢，係由西環契仔寫嚟嘅，佢想問思歪可唔可以在不影響大局之下辭職喎？點解封封來信都問埋啲咁嘢嘅！
話咁快就去到第四封信，係由狼鷹寫嚟嘅。佢想點俾全傷港市民聽，希望能夠憑歌寄意喎！
好嘞，終於嚟到最後一封信嘞！係由阿爺點俾乖孫聽嘅，希望乖孫快高長大，身體健康，並祝乖孫唔好夭折，無穿無爛，起碼有五歲大；至於去唔去得到十歲，點都要先過到五歲先算咁話喎！乜呢個阿爺講嘢咁似黃興桂嘅？
2012/12/12 23:59:49
沒有留言:
張貼留言