魔術師月供基金系列（２０１２年１２月７日）

最近放大假，在家休養生息，又可以做下家務搞下維修睇下碟打下機，當然少不了的就係重整投資組合。在魔術師咁多個投資組合當中，最缺乏「關愛」的就是月供基金組合，所以今之就拎佢來「開刀」吧。

魔術師月供基金組合中共有四位成員：

2010年10月開始月供

貝萊德 ﹣拉丁美洲基金（美元）：總回報-5.30%，複式年回報約為-2.48%

貝萊德 ﹣世界礦業基金（美元）：總回報-12.49%，複式年回報約為-5.97%

匯豐 ﹣印度股票基金（美元）：總回報5.28%，複式年回報約為2.40%

以上三隻基金已供滿26個月，即意味著往後每個月的供款開始低於總成本的４％，拉低平均買入價的效能開始減退，需要重新審視。

2011年6月開始月供

惠理價值基金（Ｃ單位，港元）：總回報1.23%，複式年回報約為0.57%

此基金雖然表現差強人意，但由於只係供咗18個月，仲可以有多幾個月俾佢爭取表現，人頭暫且寄下。

＊＊＊

以晨星研究（香港）（圖一）和獅子銀行的基金搜尋器（圖二）做參考，魔術師呢次嘅轉換就先打算保持三隻出三隻入，就以股票基金，債券基金，和資產分配／均衡分類。

在股票基金類別，魔術師今次選取亞洲單一地區股票基金，其中以JF菲律賓基金（圖三右邊第一點）表現最好，但賓仔（包括廠仔）跟港人仇深似海，並不乎合良心投資概念，故將其排除在外；餘下JF泰國基金（圖三右邊第二點）和富達泰國（圖三右邊第三點）基金二選一，其中又以富達泰國的夏普比率（Sharpe ratio，以每單位波幅計算的回報率（當然有統計上的假設））和亞爾發系數（由基金經理的主動投資而產生跑贏大市的回報）的表現都較佳，所以就選富達泰國了（圖四）。

以債券基金來說，魔術師一來為了迎合香港主流意識，唔投資人民幣債券基金；二來採取穩中求勝的投資態度，避開歐羅，揀返美元，轉換起來都方便一點；三來跟據圖一，都係揀高收益債券基金類別。本來係應該揀貝萊德美國高孳息/收益債券基金嘅（圖五），但如果再睇真啲，揀環球債券基金類別，同樣比較夏普比率和亞爾發系數，景順策略債券基金的表現卻更佳（圖六）；要留意的是貝萊德美國高孳息/收益債券基金的亞爾發系數竟然是負數，即是說該基金經理的主動投資策略，分分鐘唔做好過做（圖七）。

最後揀埋資產分配／均衡類別，原來資產分配類有足夠歷史嘅都只係獅子銀行自家基金系列，表現方面大家有眼見（圖八），唯有局住揀返隻回報無咁大但風險亦細啲（夏普比率較佳）嘅景順亞洲平衡基金（圖九）。

轉換方面，魔術師會將現有基金當成是強積金基金處理，不能直接贖回收回現金，反而要轉入停泊基金（Parking fund），日後每月再以人手轉入新基金。

停泊基金通常為貨幣基金，今次的選擇是滙豐環球貨幣基金（美元），具體操作下次再談。

圖一

圖二

圖三

圖四

圖五

圖六

圖七

圖八

圖九

 

＊＊＊

參考資料：

晨星研究（香港）

匯豐銀行基金搜尋器

2012/12/08　 03:59:42