近睇討論區，先發覺原來２０１１人口普查的網站相當正，截圖如下：
睇嚟盛女情況都唔係太嚴重啫！起碼２０１１年未婚人口減２００１年未婚人口（即係呢十年來結咗婚嘅人），男同女的百分比係一樣嘅；不過以人數絕對值來說，男比女多卻是事實...
都話年青人唔好咁心雄，２０零歲出來做嘢中位數都只係萬鬆啲，咁快就想買樓？去到３５歲，就算男女收入（中位數）都係到頂峰，夫妻檔夾埋都只係２萬幾，咁即係每個月只能供萬零蚊，以３０年２％息月供＄１２,０００計，可以借３２５萬，９成按就可以買３５０萬樓；所以其實要買樓，話難唔難，話易唔易咁喇。
其實做電車都唔係太差，中位數有＄１７,０００；反而做地產的中位數點會係＄１０,０００？主要收入肯定係唔使呈報的「暗水」喇！又，８０後的最鍾意做的農業，係無資料的說。
香港人收入真係咁低，中位數只係得＄１２,０００？實在唔多似。又，最低收入組別的收入中位數只係＄３,５８０，計及＄２８的最低工資，咪即係話每月工作１２７小時？開工如此不足，倒不如去領綜援好過。
睇一眼就知，讀副學士不如讀返傳統的文憑證書課程。老闆俾人呃咗幾年，似乎終於知道副學士係「Ａ貨」，無論係薪金絕對值抑或是年來升幅都比文憑證書低。
＊＊＊
參考資料：
2012/12/14 01:12:59
某日睇12.12.12結婚的花邊，望落拉埋天窗的都係2X的，所以其實盛女問題真係一D唔普遍，係咁啱自以為讀多幾個錢書又嫁唔出／唔想嫁的無限擴大囉。你望吓公司大部份都係已婚人士就知... :P 要結的始終都會結（不分男女），選擇不婚的真係送佢一千粒都唔會結，個人選擇與人無尤呀
回覆刪除公司同事的離婚率又是超低的說.
回覆刪除自然出生,男性出生率比女性高少少,正常情況下男性人數比女性多少少係正常
回覆刪除香港剩男問題比較少注意係因為可以北望神州.
而年齡層方面,男性比較少與比他大的女性,多數都係與比他少的女性交往,女性35以上發市機會低得多.
P.S.大陸男性出生率比女性高得多(大概1成),衍生光棍危機.都係一個幾有趣的課題.
//自然出生,男性出生率比女性高少少,正常情況下男性人數比女性多少少係正常
回覆刪除係咩? 呢個我又唔知喎!
//香港剩男問題比較少注意係因為可以北望神州.
MIC的確是一個解決方案,所以「港男結婚人數絕對值」比港女多就是這個原因(當然咁講好政治不正確).
//而年齡層方面,男性比較少與比他大的女性,多數都係與比他少的女性交往,女性35以上發市機會低得多.
我有個同學女,就是姐弟戀.