上水
由屯門返大陸，一係坐直通巴，一係搭小巴到上水，魔術師選的是後者。去到上水站，咦？說好的水貨客呢？嗯，也不是沒有，只是得小貓三數隻，還要只是在離港鐵站老遠的外圍徘徊，可能真的是怕了「光復力量」吧？又其實，無論是港人
又抑或是一簽多行的「蝗蟲」（註：先此聲明，魔術師用呢個字眼並無認同之意），直至目前為止，走水貨又不是走粉，沒有犯甚麼法，依據余大律師的邏輯，「合法的就可以去做」，「光復力量」又哇哇叫叫甚麼了？
本來魔術師是想携相機同行，但因另有要事，需即日來回，為了省卻時間，還是免了，所以就沒有照片做證了，不過日後一定有機會再補回的。
過香港關
情況依舊，所謂「快捷通道」，非接觸式系統要掃瞄身分證，反應反而慢過舊款接觸式讀卡器，年來都無任何改善。
過大陸關
有驚喜！過關系統掃瞄過回鄉卡後，竟然會在畫面中顯示魔術師在系統中的相片，明確「提示」魔術師當時係無戴眼鏡嘅，果然今次在那極端麻煩的相片認人關卡中一take就過，當真開心！
大陸銀行
走回香港銀行當年的老路，single queue派飛仔，不過自動櫃員機的功能就較香港多，all in one咁濟，有好有唔好喇：好嘅就係唔使咁多架機，乜乜通乜乜易咁，排隊前都要望清楚；唔好就係你唔會知道排你前面嗰個會做乜，隨時等到阿媽都唔認得！
資金出路
打了簿後才醒覺自己太耐無處理過個戶口了，平白多了一舊錢存款，唔想放係度食息，咁點算好呢？人民幣又不能自由兌換，就算魔術師在大陸獅子銀行有跟香港戶口相連的international account，但係都匯唔到落香港，只能拎住一舊舊「銀紙磚」「走水貨」回港，相當麻煩；而且就算拎咗筆公錢返返到香港又點呢？最多可以投資雙幣雙股，但係魔術師又唔肯違反香港人的「核心價值」，唔係好想投入資金幫祖國建設（現在香港的主流意識都不承認自己是中國人吧？），又要繼續研究一下有乜邪惡投資可以負負得正先得。
唔拎舊錢返香港都得，私人投資就做唔到嘞，一係就係做傻仔買那些疑似是ＲＱＦＩＩ的保險／投資產品，一係就消極地做定架，三個月都有兩厘幾，好過香港得半厘嘅！
又，魔術師都可以試下買多層樓收租，做其地產霸權，咁就夠哂邪惡，負負得正喇！不過咁，又真係要check返啲政策、文件，睇下有無限購限制，可能又要勞煩葉謝鄧幫下手了。
回港
在羅湖口岸，傳統的「人肉過關」係快過自動化系統的，個關員仲好好禮貌，又有笑容添，點睇都唔似香港人對「蝗蟲」的認知喎！
＊＊＊
伸延閱讀：
2012/12/28 23:21:59
沒有留言:
張貼留言