尖東試鏡

這晚跟隨攝影班導師到尖沙咀影夜景，大鄉里的魔術師終於見識到咩叫「被大陸同胞攻陷」的「盛況」，基本上成條街都係旅遊車（照片下半部），揸住枝定焦鏡連腳架要避人都真係幾難。

更離奇的是，同胞們果然當我地港人係「自己人」，也不理三七二十一，便逕自走到各學員（當然包括魔術師）的腳架、相機和鏡頭前指指點點，兼睇埋我地影成點。唉，香港人慣受西方教育，習慣人同人之間的social distance，尤其是係三九唔識七的陌生人，哄咁埋做乜呢？有啲仲離譜，企正係魔術師的鏡頭面前「欣賞」魔術師枝鏡。頂，你當你自己是食玻璃大的嗎？怪不得較自我中心、容忍度較低的年青人要大叫「光復」喇！ 

要儘量避開好奇的途人，又要玩八星濾鏡，忽忙間只能試到如此效果：

這就是「幻彩詠香江」（以Nikon AF-S 24mm f/1.4G拍攝）？就咁閃閃閃，都好冷落下啫！：

 

玩埋多重曝光。呢幅唔係玩墥船，而係同一幅影多幾次而已。有些同學玩人像、燈飾、維港夜景疊影玩得好的，仲試過俾同胞「問價」添！睇來收返三十蚊一幅都係一門幾好賺的兼職小生意（不過魔術師無心機去trial and error就是了）。

 

試埋魚眼鏡（以Nikon AF 16mm f/2.8D拍攝）：

 

魔術師參加的這個攝影班認真神奇，竟然係女龍友多過男龍友的（以Nikon AF DC 135mm f/2D （無景深操控）拍攝）：

 

（至於魔術師有無俾人「撩」，就...）

2012/12/16　15:25:59