2016年8月14日 星期日

《末世凶煞(Cloverfield)》:自已命運自己揀

魔術師有一個壞習慣,就係睇續集電影前必定會將前作重看一遍(所以遇上《恐懼鬥室(Saw)》或是《狂野時速(The Fast and the Furious)》等死唔斷氣的長命系列電影會很大鑊),就連conceptually connected的「姊妹作」也是如此處理,於是最近在看《末世街10號(10 Cloverfield Lane)》之前,便又再觀賞了舊片《末世凶煞(Cloverfield)》。
本片是「手搖鏡偽記錄片」的經典之一(好多影評話會睇到頭暈,但文弱書生魔術師卻沒此感覺,唔知係一眾觀眾人云亦云定係財多身子比魔術師更弱定係戲院大銀幕的問題),但由於劇情係以主觀鏡頭扮成「被官方找到的證物(found footage)」來呈現,難以交代背景故事,於是便大量的疑幻似真的網站、youtube新聞片段來做viral marketing兼補足劇情之來龍去脈,將架空的電影劇情與現實融合,也算是Augmented reality的原始概念吧?


一開始顯示的日子是4月27日,女主角Beth與男主角Rob在床上的玩樂片段,蓆間提及了去Coney Island遊玩:

鏡頭一轉去到5月22日,Rob的「兄弟」Jason(英文「巴打」一詞無講到兄長定係細佬)將攝錄機交給了樣衰衰的老友Hud,叫他在派對裡拍攝一眾友人的賀詞。原來這是個送別晚會,Rob將會去AV大國工作,一眾無腦金髮妹以獵奇方式用法文代替「唗唷啦喡」送別,更有Hud的女神Marlena三唔識七都來打抽豐,看來美帝文化是賓客不用俾人情入場費,否則好似我城咁搞親宴會包場都要「收益除行政開支外會用來大抽獎」,只會叫人聞風色變:

就在這時,Beth收了件新兵Travis,並帶來派對中耀武揚威一番。雖然話阿Rob去日本前途似錦,但依家卻乎頗為手緊:雖然時為2008年,但用緊的攝錄機依然是以影帶操作。一啲都唔attentive to details的Jason和Hud一拍嘢就即時overwrite了Rob跟Beth的歡樂片段(所以電影間唔中會出現零碎舊帶片段以交代一些side story):

Beth的閏密、Jason的女友黑妹Lily講出了Rob與Beth的分手真相:原來是女神和兵發生了關係後,兵卻趙完鬆,仲要飛到去AV大國派洋腸一去無回頭,幾個星期無搵女神。女神和新兵要走,Rob卻毫不留戀地送上一句「Good luck tonight, Travis」,實在酸得可以:


Rob跟Jason打開心扉,兵上了女神,「以下犯上」,只是因為一時性衝動(spur-of-the-moment),唔夠膽話俾女神聽自己會去AV大國做男優,便索性唔搵人,寧願「扑完都可以保持朋友關係」:

不過,感情煩惱其實只係小事。忽然之間有怪獸突襲美帝本土,更將豉油女神像梟首示眾。眾人慌忙逃生,手持攝錄機的Hud在逃命間依然能準確對焦,拍下Jason被怪獸尾巴拍扁的畫面:


Beth被困不能動彈,情聖Rob身為兵,「自己命運自己揀」,當然要為女神赴湯蹈火,但一眾豬朋狗友竟然都「小圈子自決」,甘願或半推半就之下跟Rob一同以身犯險,而唔去聽軍方命令疏散,究竟係「為了心中理想」抑或係從朋輩中找到認同感抑或真係為朋友兩脅插刀生死與共,就不得而知了:

於是,本來只是來party白吃白喝又無緣無故跟着班所謂「朋友」走、毫無主見的Marlena就此送了性命:

眾人不聽軍方指令撤離,排除萬難,救出被鐵枝插穿了漲卜卜的胸脯的Beth。Beth果然係女神級別,話口未完便生龍活虎的逃難去了:

好景不常,眾人的直升機被怪獸撃落,Hud被斬開兩截(奇怪點解攝錄機餅帶由天黑錄到天光都仲有得錄,架機仲有電喎!),Rob與Beth逃到橋下,錄下遺言,「靜待」軍方在這時發動的最後無差別轟炸攻勢:

最後,影帶又切換到舊日Rob與Beth到Coney Island遊玩的片段,背景正拍攝到有一異物從天而降(紅圈是魔術師加上去的):

不過,唔好以為怪獸是外星生物。根據那些backstory 網站,Rob正赴任的AV國公司Tagruto正開發的飲品SLUSHO!含有令人上癮的配方,該配方是從美帝境內海域採挖而得,故此懷疑就是AV國的鑽挖令得怪獸「覺醒」...
真係難得AV國咁樣被人老屈都無傷害其民族感情,其強韌的EQ跟動不動便受傷害的蝗民玻璃心差天共地,一向祟優的傷港民族棄蝗從皇,其來有自。

13 則留言:

  1. 當年喺戲院睇The Blair Witch project喺暈咗浪,爭啲車都揸唔番到屋企。之後喺電視機睇就冇。

    回覆刪除
    回覆
    1. 死火,當年睇死亡習作我係俾佢flick到以為件事是真的 *_*

      刪除
    2. //之後喺電視機睇就冇。

      我依家鍾意熄燈拉哂簾坐在地氈上挨住梳代抬少少頭咁睇部65吋電視,加埋7.1音效(可惜裝潢時ATMOS未有普及版),都幾有午夜場效果.

      摩摩:

      //當年睇死亡習作我係俾佢flick到以為件事是真的 *_*

      呢套嘢的marketing又係一絕.

      刪除
    3. 當年冇FB冇youtube冇手機上網嗰宣傳都做得咁好。我記得公園樹林會周不時有人玩野留低用樹枝做嘅人形公仔。。。

      刪除
    4. //我記得公園樹林會周不時有人玩野留低用樹枝做嘅人形公仔。。。

      好過依家啲人zombieize自己,一日唔仆街GO一日都唔安樂.

      刪除
  2. //睇續集電影前必定會將前作重看一遍
    咁有冇睇007?

    Cloverfield我都睇過.我覺得幾ok.就係嫌佢太短同怪獸出場太少。唔講真係唔知有續集,但睇個style同上集好似好唔同

    //紅圈是魔術師加上去的
    好眼力喎!我睇時真係冇留意到。

    //當年睇死亡習作我係俾佢flick到以為件事是真的
    我聽聞班演員真係比人呃話有巫婆,所以先表現得咁真實。

    回覆刪除
    回覆
    1. //咁有冇睇007?

      早前的007故事多是獨立成章,劇情上無乜話係好似連續劇咁, 係daniel craig呢幾套就開多咗啲連繫,所以近年呢幾套就有重睇(Mission Impossible亦是類似).

      //好眼力喎!我睇時真係冇留意到。

      我第一次都係唔覺.

      //我聽聞班演員真係比人呃話有巫婆,所以先表現得咁真實。

      拍恐怖片最好都係唔好俾演員知太多劇情呢...

      刪除
    2. 我都想問魔兄有冇追007~俾無想兄問咗先㖭=)

      依家哋電影都好商業化, 係唔係都搞續集成個merchandise咁,hunger games同divergent系列後期既票房都愈來愈低...

      刪除
    3. Hunger Games都算有個正式結局...狂野時速就爆啲,連Paul Walker死埋都仲有得拍落去。

      刪除
  3. 10 Cloverfield Lane 有睇, 可能我睇老翻...係屋企睇自己一條友對住個MON, 就好悶.

    SAW 入戲院睇哂, 不過隔一年先一集, 真係斷哂片.

    回覆刪除
    回覆
    1. 下星期寫10 Cloverfield Lane.

      SAW直程發展到好似連續劇咁.

      刪除
    2. 可以改篇做長劇。。。講成魔之路的日常!

      刪除
    3. Saw係第三集寫衰咗,整死咗Jigsaw搞到後來唔知點收科。

      刪除