2016年8月30日 星期二

摩摩電影節之《葉問:終極一戰(Ip Man: The Final Fight)》:被遺忘的時光

睇咗咁多齣「葉問」,竟然以呢套唔係以武打為主線的「葉問」最好睇。梗係喇,秋生哥唔係打星,於是便可以將「葉問」變返做一個有血有肉(慾?)的「人」,而唔係「陳真」囉!


影片一開始,就由葉準(張頌文飾)倒敍父親葉問(黃秋生飾)生平。原來葉準有兩個妹妹,在皇軍侵華時餓死的的,殺人政權保護人民不力,試問有何資格在今時今日統治傷港?
在那些年(1949年),葉問不知為何拋妻棄子,到傷港來發展。原來在龍師旗下,蝗國難民來港,是沒有150人的配額,而係有如「無掩雞籠」一樣自出自入。當時找工作要「鋪保」,恐怕現在的有青回到過去就只有餓死的份兒。幸好葉師傅收了個建制派工會主席梁雙(洪天明飾)做徒弟,特事特辦便借了天台給葉師傅僭建教拳。

葉問有個徒弟叫鄧聲(陳小春飾)是個皇家傷港黑。當年貪污盛行,鄧聲面對不少引誘,要時時請教師傅做人的道理。

傷港打工仔備受資本家霸權剝削欺壓,搞到日日有抗爭,縮骨遮革命搞極都搞唔成的全面罷工罷市竟然就咁發生咗。跟今日的註銷return home card有異曲同工之妙的是,「沒有犧牲的覺悟」港豬工友因加入了工會被炒魷魚,梁雙要為工友出頭的壓力就更大。一眾葉問徒弟身懷武功,當然選擇去做勇武派參加「掟磚革命」。前事頭婆陛下的黑警奉命驅散人群,棍如雨下,眾義士反抗,有武功革命抗爭點都着數好多(琦天梁學吓嘢喇!)。葉問女徒弟李瓊(蔣璐霞飾)以武抗暴打傷了洋腸幫辦(識功夫就唔使用胸襲喇!),幸好有同門鄧聲以賄款及扑傷自己個頭將瓊保釋出來;可是鄧聲這些「滲透政府」的苦心,卻得不到師姐的諒解。

這時葉問妻子張永成(袁詠儀飾)來港跟丈夫一家團聚,可是卻因太過怪獸嘉獎而將葉準獨自留在佛山讀書。天寒地凍,眾徒弟也會籌旗(昔年也有眾籌)買了張綿胎送給師父師母,十足縮骨遮革命期間的夏慤村,盡顯人情。太政治化的時局令永成萌生回鄉的念頭,就在餞別宴上,葉問的朋友竟然爆出賣兒賣女才有錢開飯的悲慘故事,足見當年社會安全網之貧乏超乎有青想像之外,想來歸米也不是一個最好的選擇。為免再有類似慘絕人寰的悲劇發生,龍獅政府順應民意,跟殺人政權共同實施「真・中港區隔」,永成回鄉後再也不能返港聚聚。

歌女珍妮(周楚楚飾)被人調戲,因緣際會下葉問英雄救美,自此便偷了人家青春少艾的一顆心。當年未有網上交友speeddating,珍妮便借故走去找葉問幫手寫信,寄去給親戚找個金山阿伯相親,看看葉問心意如何。呢一段真係睇到魔術師眉飛色舞,唔係因為有個笨土派至愛的紅色前事頭婆陛下的鐵鑄郵筒,而係那本地址簿,魔術師死鬼老媽子都有一本(魔術師在舊物堆裡找了一陣子都找不到,可能魔術師已在當年燒了給老媽子陪葬,免得她沒法找到生前好友(其實是免得老父觸景傷情)):

珍妮成日借頭借路又煮飯又聖,走去溝葉問,不過葉師父倒也均真,飯錢倒是付足,只係跟珍妮維持朋友關係,聽聽她說心事。永成在佛山病歿,葉問傷心過度,大病了一場,珍妮乘虛而入,跟葉師父表白。葉問有長期胃病,年紀又大,始終需要個女人來照顧,順便吃吃波餅豆腐,於是珍妮便開始「登堂入室」;不過一眾徒弟卻不能接受師父見異思遷,非但唔收珍妮「裝成師母身份」派的過年紅包,就連當年送贈的被子也要取回,真係十分唔俾面,當師父無到一樣。其時葉準已突破「港中區隔」來到我城跟葉問一家團聚,葉問為免「麻煩人地」,於是跟兒子搬走獨立居住,可是珍妮卻不再上來探望:

60年代,雖然也有輸入東江水,但水量不夠,又沒有海水化淡廠,制水情況嚴重時,每日只供水四小時,「樓下閂水喉」一語,現在的巷蜀派應該十分懷念。同時期的還有飛機欖、巷仔剪髮、政府彩票、颱風溫黛也是隔袋傷民的集體回憶。葉問徒弟汪東(周定宇飾)為了生計去城寨打黑拳,因為唔肯打假拳而被城寨皇帝地頭龍(熊欣欣飾)下毒買起,給對手魏霸天(盧惠光飾)打到半死。葉問率領徒弟們來救,才發現原來城寨早已「獨立建國」,有自主自決的權利,雖然在傷港境內,但前事頭婆的忠勇部隊傷港皇家黑警卻不得干預,正是現今的巷蜀運動先驅。葉問只好施展雷霆手後,打倒地頭龍和魏霸天,將他們拖出「城寨國」交給鄧聲:

原來珍妮患了末期肺癌,在醫院等待自己最後的日子。葉問在收拾了過江龍之後,便帶了葉準去探珍妮,陪伴她走完最後的人生路,兌現了不會讓她孤零零死去的承諾(也算是補償了永成病故自己卻不在她身邊的遺憾)。情深義重,秋生的表現比丹爺更man:

17 則留言:

  1. 以為師兄會寫成報果單添。

    回覆刪除
    回覆
    1. 呢一篇我儲咗稿一排架喇,再唔出又要再排期。

      成報單嘢剛剛聽完陶藝才子講鬼古,穿鑿附會到呢...好似扶乩一樣。

      刪除
  2. 哎呀,仲乜魔兄無講"白鶴對詠春"一段?兩個性格老生做老師傅惺惺相惜,都好好睇架!

    另外最後一段明串李小龍亦反映了即使習武者亦不乏小氣之輩。

    //原來葉準有兩個妹妹

    «一代宗師»都有提.

    //殺人政權保護人民不力,試問有何資格在今時今日統治傷港?

    喂,當年主力負責抵抗皇軍係無限美好的國民政府,唔關殺人政權事啊! 有青仲經常話殺人政權前身的土八路的抗戰功績純為認屎認屁,絕不承認添!

    //原來在龍師旗下,蝗國難民來港,是沒有150人的配額,而係有如「無掩雞籠」一樣自出自入
    //為免再有類似慘絕人寰的悲劇發生,龍獅政府順應民意,跟殺人政權共同實施「真・中港區隔」

    根本1951年前龍獅政府從來沒對傷港蝗國邊境實施出入境管制,記住即使實施後還有橫跨整個70年代的"抵壘政策"(當時每日成千人成功達陣市區); 一個從來是移民城市的地方,到而家接近四成人都唔係笨土出生,竟然話一嚟到就變另一個民族(反而世代住咗幾百年既仲低人一等),咁都有人信,唔係智商有問題,就係刻意對歷史選擇性看見的自欺欺人。

    //歌女珍妮(周楚楚飾)被人調戲,因緣際會下葉問英雄救美,自此便偷了人家青春少艾的一顆心。

    呢段是對葉問描寫得最立體,亦側面反映其"孤傲老人"形象對女性的吸引力。小弟亦唔多講,只睇過"黃百鳴版本吳楚帆式葉問"的真係值得睇下。

    //被遺忘的時光

    作為70後,根據兒時記憶再date back返多十年,戲內60's的景象和現實已八九不離十.

    唔知魔兄睇咗«一代宗師»未,不過無論對王大導風格接受度如何,我都強烈推薦其另一套短篇:

    «愛神--手»(Eros: Hands): 發生在被遺忘的時光,沒有正式動作的愛情動作片

    可能因為王大導的出身,佢對該年代傷港某階層的生活形態有病態式的懷念(不過相對«歲月神偷»,其角度絕對會被有青打為"港奸"),並反映在其部分作品內。不過先等魔兄接受度如何,再睇敢唔敢推薦嘞。

    回覆刪除
    回覆
    1. //哎呀,仲乜魔兄無講"白鶴對詠春"一段?兩個性格老生做老師傅惺惺相惜,都好好睇架!

      白鶴弟子調戲珍妮,被葉問和眾徒弟教訓了一頓.白鶴弟子不岔,挑撥師父吳忠跟葉問決鬥。兩人先文攻(在報上寫詩表態)後武鬥(閉門切磋),不打不相識。然後又再採青會中合作打魏霸天,事後又大談收徒心得...

      呢段好鬼落碎,好難cap screen...

      //另外最後一段明串李小龍亦反映了即使習武者亦不乏小氣之輩。

      李小龍係好打,但武者唔係講「以德服人者仁」咩?

      //有青仲經常話殺人政權前身的土八路的抗戰功績純為認屎認屁,絕不承認添!

      又係,我外公曾參與的東江縱隊直程係流嘅添喇!

      //一個從來是移民城市的地方,到而家接近四成人都唔係笨土出生,竟然話一嚟到就變另一個民族(反而世代住咗幾百年既仲低人一等),咁都有人信,唔係智商有問題,就係刻意對歷史選擇性看見的自欺欺人。

      「刻意對歷史選擇性看見的自欺欺人」,K100/熱狗之類成日都話中國歷史由1949年開始添喇!真係有學生信呢隻懶人包架!

      //亦側面反映其"孤傲老人"形象對女性的吸引力。

      孤傲老人的吸引力嘛...以前民風淳樸仲可以,依家要去烏克蘭架喇!

      //唔知魔兄睇咗«一代宗師»未

      未。睇完會寫。

      //«愛神--手»(Eros: Hands): 發生在被遺忘的時光,沒有正式動作的愛情動作片

      個片名咁AV嘅?

      刪除
    2. //李小龍係好打,但武者唔係講「以德服人者仁」咩?

      李小龍後期曾對詠春在實用搏擊的局限(例如握拳手法在擊打對手身體較堅硬部份,例如額頭時反而容易自己受傷)作出批評並提出改良,據聞好多葉問徒弟徒孫(觀此片,應該包括葉準徒弟洗國林吧)為此唔順李小龍。事實上葉問弟子中一直與李小龍保持良好關係的,已知的只有向李小龍代師授拳的師兄黃淳樑(即《葉問2》中黃曉明飾演的黃樑)--可能因為兩者都是由細街頭巷戰打到大之輩,比較有共通語言。現仍於沙田文化博物館進行的“武‧ 藝‧ 人生 ─ 李小龍”展覽,亦有展出兩人後期交流武術的書信。

      //在那些年(1949年),葉問不知為何拋妻棄子,到傷港來發展

      據聞葉問有國民黨背景,所以在無限美好的民國淪陷蝗共時一定要逃來傷港:

      疑點二:葉問離開大陸赴港的真相到底是什麼呢?
      http://photo.chinatimes.com/20160315002255-260806

      我曾經在其他source見過提過類似原因,但好似呢個source講到咁詳細就第一次見(唔知是否因為來自寶島);其他source通常都話葉問好多傳說中的國民黨背景身份根本無法證實,而葉問在來港後亦絕少提及自己與國民黨的關係,包括對弟子及兒子

      //葉問同永成d口音真係幾唔順耳,覺得好作狀.

      如果根據呢個寶島source,其為佛山口音。印象中秋生哥在開頭鄉下口音比較重,後期慢慢向我城口音靠近...此應該是刻意為之的戲劇效果,證明葉問慢慢“認同我城價值,融入我城”也.

      //個片名咁AV嘅?

      男女主角無“正式”埋過牙的AV...

      刪除
    3. //作出批評並提出改良

      又話葉問跟粱壁學埋啲「旁門」詠春嘅? 做乜自己徒弟提出改良又唔高興了? 咁黃C嘅?

      //我曾經在其他source見過提過類似原因,但好似呢個source講到咁詳細就第一次見(唔知是否因為來自寶島)

      客席主持又建一功!

      //此應該是刻意為之的戲劇效果,證明葉問慢慢“認同我城價值,融入我城”也.

      「支持葉問率領傷港武術隊,在奧運場上打殘蝗國選手!」

      刪除
    4. 嬲李小龍係班師兄弟,唔係葉問; 話李小龍送層樓換葉問拍詠春拳法錄影也只是傳說,從來無得過兩個本人證實; 唯一事實是該錄影已廣傳,連youtube都睇到嘞。

      師傅開明,唔代表d徒弟唔老X土架。當年華叔一錘定音要白鴿密室談判,結果佢瓜老襯後白鴿反而越走越"懶係"激啦.

      刪除
    5. //嬲李小龍係班師兄弟

      即係前傳阿仲素師兄咁...可能都有少少妒忌成份, 排擠一啲「唔跟大隊,別開蹊徑」嘅人,此乃人性.

      //佢瓜老襯後白鴿反而越走越"懶係"激啦.

      民煮黨本實無乜 unique theme (有事要搵民煮黨?), 好似公文袋sell 劣師, 工擋自稱代表工人, 一眾笨土各有旗號, 係民煮最面目模糊, 所以落得依家俾人牽着鼻子走的下場.

      刪除
  3. //葉問有個徒弟叫鄧聲(陳小春飾)是個皇家傷港黑警。//

    傳授慈母棍法?

    //葉問有長期胃病,年紀又大,始終需要個女人來照顧,順便吃吃波餅豆腐,於是珍妮便開始「登堂入室」//

    學左會計界議員溝助理?

    //葉問徒弟汪東(周定宇飾)為了生計去城寨打黑拳//

    對手仲唔係龍成虎?

    //葉問只好施展雷霆手後,打倒地頭龍和魏霸天,將他們拖出「城寨國」交給鄧聲//

    葉問跨境執法可恥

    //原來珍妮患了末期肺癌//

    原來葉問都係韓劇

    回覆刪除
    回覆
    1. //傳授慈母棍法?

      慈母六點半叫你起身! XD

      //學左會計界議員溝助理?

      真係睇唔到周金魚邊處有吸引力...

      //葉問跨境執法可恥

      連「城寨國」的阿頭都被打殘,直程係強力部門公然拉人喇!

      //原來葉問都係韓劇

      生cancer不是泡菜人民的獨有權利.

      刪除
  4. 套戲我覺得ok, 但葉問同永成d口音真係幾唔順耳,覺得好作狀.

    回覆刪除
    回覆
    1. 哈哈王秋生喺TBB套劇,就係靠扮"古典口音"攞豬肉奬視帝囉...

      "在那些年(1949年),葉問不知為何拋妻棄子,到傷港來發展。"

      其實甄子丹套的愛情線有哋太煽情,嗰個年代的人邊有咁浪漫?~

      刪除
    2. //葉問同永成d口音真係幾唔順耳,覺得好作狀.

      套戲有幾個做徒弟的蝗民演員,講埋啲有口音的廣東話反而仲有親切感。

      //哈哈王秋生喺TBB套劇,就係靠扮"古典口音"攞豬肉奬視帝囉...

      而我不睇CCTBBC9劇。

      刪除
  5. //殺人政權保護人民不力,試問有何資格在今時今日統治傷港?

    /喂,當年主力負責抵抗皇軍係無限美好的國民政府,唔關殺人政權事啊! 有青仲經常話殺人政權前身的土八路的抗戰功績純為認屎認屁,絕不承認添!/

    d 有青一面就吊人大中華膠,
    其實自己都係大中華膠 -- 中華民國膠
    民國無限好, 人人有女溝有獎抽, 上海灘冇窮人

    (同日本仔維新後為踩低德川幕府 而去吹捧豐臣 一狗樣)

    回覆刪除
    回覆
    1. //中華民國膠
      //民國無限好, 人人有女溝有獎抽

      移民去寶島,人地都唔會同你講「傷港話」(煉穴腫語)架喎!

      刪除
  6. //其實自己都係大中華膠 -- 中華民國膠

    諗起之前鄉大本土派學生會「星火」係一封公開信到用民國紀年,以示民國先係正統,點知抽水抽著火水,台灣一堆網民話「你地要中華民國就要飽佢,反正我地要台灣國」XD

    回覆刪除
    回覆
    1. 其實班有青唔係死都要攬住民國,而係拚命找殺人政權的敵人埋堆而已

      刪除