2016年11月5日 星期六

新聞雜評(一百三十)

人大將就基本法第 104 條釋法 更新:2016/11/04 23:22
人大常委會將會就《基本法》第104條,關於宣誓的條文釋法。人大委員長張德江下午聽取關於釋法草案的彙報,預料明天提交大會審議。《基本法》委員會委員譚惠珠表示,今次是人大委員長主動要求釋法,主要理由是國家統一及領土完整,是權衡輕重後的決定。
人大委員長張德江下午主持委員長會議,聽取人大常委會副秘書長李飛,彙報《基本法》第104條的釋法草案。委員長會議建議,將草案提交人大常委會審議。中央台在新聞聯播播出有關片段,預料草案星期六早上提交全體會議,下午分組審議,到下星期一表決。
在北京的《基本法》委員會委員譚惠珠表明,今次是中央主動釋法。香港高等法院原訟庭剛剛聽完宣誓司法覆核案各方陳詞,法官仍未裁決,人大就主動釋法。
譚惠珠解釋,根據《基本法》第158條,條文如果關乎中央與香港關係,而又會影響到案件裁決,中央可以釋法。中央政府是於星期四晚,去信通知特區政府將會釋法,特首梁振英稱仍未知詳情。
今次釋法觸及的第104條,是涉及行政長官、主要官員、立法會議員、各級法院法官等,就職必須依法宣誓擁護《基本法》,效忠中華人民共和國香港特別行政區,具體會解釋哪些字眼?如何解釋?
譚惠珠未有透露,她強調《基本法》序言中,已經提及維護領土完整,又指今次釋法,會對本地法例列明的宣誓內容有影響。
有赴京開會人士透露,釋法會是原則性陳述,效果是阻止主張港獨的人進入立法會。而人大常委會中,唯一港人代表范徐麗泰請假,身處歐洲,助理指她不會回北京開會。
1. 今次是人大委員長主動要求釋法,主要理由是國家統一及領土完整,是權衡輕重後的決定。 ...釋法會是原則性陳述,效果是阻止主張港獨的人進入立法會
傷民撩交打被樁秧打臉,可謂求仁得仁了。魔術師同意「法律無講明唔俾做嘅,就可以做」,但同時市民亦都應該明白,法律無可能「寫得太嚴密」,所有事情均有界限,作為「良好市民」,道義上應該尊重法例背後嘅精神,而唔係不斷去挑戰那些「界限」的灰色地帶。係,「法律罅」一定會有,俾你走到可能係你叻仔,咩嘢「言論自由」呀,「討論」唔等於「煽動」呀咁,可能班瀆派要拗可能真係拗到贏,但唔好唔記得當你牙斬斬挑釁對方的時候,對方係有權兼打力量將「態度惡劣」的你一棍打死的。
2. 據《基本法》第158條,條文如果關乎中央與香港關係,而又會影響到案件裁決,中央可以釋法。
「如香港特別行政區法院在審理案件時需要」的對象,只係規限中嬸法院。《基本法》又真係無寫到人大幾時可以主動釋法的條件,這就是「應由」而不是「只能由」的分別。
《基本法》第一百五十八條
本法的解釋權屬於全國人民代表大會常務委員會。
全國人民代表大會常務委員會授權香港特別行政區法院在審理案件時對本法關於香港特別行政區自治範圍內的條款自行解釋。
香港特別行政區法院在審理案件時對本法的其他條款也可解釋。但如香港特別行政區法院在審理案件時需要對本法關於中央人民政府管理的事務或中央和香港特別行政區關係的條款進行解釋,而該條款的解釋又影響到案件的判決,在對該案件作出不可上訴的終局判決前,應由香港特別行政區終審法院請全國人民代表大會常務委員會對有關條款作出解釋。如全國人民代表大會常務委員會作出解釋,香港特別行政區法院在引用該條款時,應以全國人民代表大會常務委員會的解釋為準。但在此以前作出的判決不受影響。
全國人民代表大會常務委員會在對本法進行解釋前,徵詢其所屬的香港特別行政區基本法委員會的意見。
法律學者指人大釋法為名判案為實 更新:2016/11/04 19:05
青年新政梁頌恆和游蕙禎批評釋法是「輸打贏要」。大律師公會主席譚允芝就認為,在司法覆核案審理期間釋法時機不幸,強烈呼籲人大常委好好解釋釋法的必要性。
23 天之間,宣誓風波引發人大釋法,梁頌恆和游蕙禎不認為自己要負責。他們的案件星期四在原訟庭完成審訊,特區政府早上書面通知區慶祥法官指,星期四晚收到港澳辦信件,確認已經將《基本法》第 104 條釋法問題納入人大常委會議程,但並沒有其他詳情。
大律師公會主席譚允芝表示,留意到審訊期間,與訟各方主要爭拗本地法例,較少爭拗《基本法》,釋法未必影響法官判案。但她同意未判就釋法,會令人有很大反應。
法律學者陳文敏就質疑,原訟庭都未判就釋法,會帶出很負面的訊息。
法律界將會繼一九九九年和二零零五年兩次釋法,以及二零一四年白皮書後,再度發起黑衣靜默遊行,以終審法院為終點。
3. 宣誓風波引發人大釋法,梁頌恆和游蕙禎不認為自己要負責。
在2016年垃圾會選舉,娘仲痕在新東出擊,拿到37,997票;游小三出戰九西,則有20,643票支持,所以搞出咁嘅大頭佛,責任不在糧油二人,而係保送佢地入局的5萬幾票。糧油二人其實只係做返青頭新症的一向主張笨土巷蜀的本份,不過係因為制度使然,本來只代表佢地出選嗰兩個區,但既然已成為70名蟻員中的其中之二,佢地就變相可以代表全傷港市民了。呢個就係「民意授權」的意思。
***
覆核案爭論主席能否決定再宣誓 更新:2016/11/03 20:29
針對青年新政兩位議員梁頌恆及游蕙禎的宣誓覆核案,今日在高等法院審理。今次覆核案的爭論是,到底誰去決定宣誓是否有效,以及誰去決定可否再次宣誓。政府一方指立法會主席容許再次宣誓,是違反《基本法》,又認為梁頌恆及游蕙禎的行為,已經代表他們拒絕宣誓。但梁游一方則認為宣誓爭議屬於立法會內部事務,法庭不應干預。
司法覆核最關鍵的《基本法》第 104 條訂明,行政長官、立法會議員就職時,「必須依法宣誓擁護基本法,效忠中華人民共和國香港特別行政區」。代表政府一方的余若海指,條例突顯香港是中華人民共和國不可分離的一部份,又提到「就職時」宣誓,即代表只得一個場合、一個機會去宣誓,若再給予機會,主席就違反第 104 條。他又指《宣誓及聲明條例》訂明議員要盡快宣誓,但梁頌恆及游蕙禎的行為明顯拒絕宣誓。
而梁頌恆手指交叉的動作,余若海認為是不認真看待誓詞,連他的女兒都明白這樣代表口是心非。他又指根據維基百科,「支那」是港獨人士經常用的詞語,認為二人是藉機推動港獨。
余若海又引用梁國雄 2004 年案例指,任何改誓詞的宣誓都無法律效力,又指雖然議員在議會內發言不受法律追究,但不包括誓言。立法會主席只是有權監誓,無權決定宣誓有否違反《基本法》及《宣誓及聲明條例》,法庭才有最終決定權。余若海又用行政長官做例子,指行政長官由中央官員監誓,但有問題時都要交由法庭處理。法官區慶祥隨即說笑指,「如果這樣,我可能會收到另一宗司法覆核申請」。
代表梁頌恆的潘熙反駁,按政府理解,即有選民不滿議員或官員宣誓,例如懷疑梁振英幾年前沒有妥當宣誓,都可以隨時訴諸法庭,這樣法官會很繁忙,亦有違法律原意。他又質疑若梁振英打算以個人名義入稟,應該用他自己的名字,而並非「行政長官」,公眾沒理由為他的官司支付費用。
代表游蕙禎的資深大律師戴啟思就強調,宣誓爭議屬立法會內部事務,不受行政、司法干預,如果認為游蕙禎當天在宣揚港獨,而並非宣誓,有關言論就應受《基本法》保障,不受法律追究。政府反駁指不干預,是指法庭不應參與立法會立法工作,但兩人根本未宣誓就任,遑論以議員身份參與議會工作,故無違反不干預原則。
代表立法會主席梁君彥的翟紹唐指,政府將立法會主席列作答辯人,是不必要及錯誤,會帶出行政干預立法的錯覺。
法官聽取各方理據後,指會盡快作出裁決,政府代表律師余若海指可先作出裁決,後補理由,法官指會考慮。
4. 「就職時」宣誓,即代表只得一個場合、一個機會去宣誓,若再給予機會,主席就違反第 104 條
有 point 喎,學到嘢。可惜第104條將被解釋,呢招再好都未必仲有機會發揮。
5. 他又指根據維基百科,「支那」是港獨人士經常用的詞語,認為二人是藉機推動港獨。
以有時準有時唔準的wiki來做證據,未免有點不倫不類,其實只要去下登高、毒果日報熱狗時報等妄民集散地「搜集環境證據」,都夠足夠證明有突了吧?
6. 法官聽取各方理據後,指會盡快作出裁決
今次真係要同人大爭分奪秒,下星期一就係決勝日,否則人大一釋咗法就可能會干預到法庭原先的判決喇!

7. 如果認為游蕙禎當天在宣揚港獨,而並非宣誓,有關言論就應受《基本法》保障,不受法律追究。
既然在本來應該宣誓的場合「並非宣誓」,咁即係「拒絕宣誓」喇,仲唔斷正?
信報 2016年11月4日
宣誓風波
律政司:無提請人大釋法
宣誓覆核聆訊畢 法官押後裁決
律政司就青年新政立法會議員梁頌恆、游蕙禎宣誓資格的司法覆核案,昨在高等法院原訟庭完成聆訊。律政司一方在庭上透露,已就人大常委會擬在日內就宣誓爭議釋法的傳聞,向人大常委會求證,但至昨早仍未獲中央回覆;律政司並指出,無就今次案件提請人大釋法。法官昨聽完與訟各方陳詞後,宣布押後裁決。
向中央求證 未獲確認
代表律政司的資深大律師余若海開庭時稱,政府留意到報道指人大常委會本月4日至7日期間,有機會討論與本案相關的宣誓行為,強調特區政府並無提請人大釋法,並已就消息向中央尋求確認,但未有回覆,若有新消息會盡快通知法庭。律政司一方又不點名批評港大法律學者張達明。張近日評論政府稱不排除人大釋法是顯示政府沒信心覆核申請能夠勝訴。律政司一方形容其講法偏離事實。
梁頌恆及游蕙禎的代表律師指出,議員宣誓屬立法會內部事務,法庭原則上不應干預;及立法會議員在會議上的發言應豁免被追究。 律政司一方反駁,議員宣誓是《基本法》104條下的憲制要求,不可能純粹是立法會內事務,性質不似拉布屬立法程序一部分。
余若海強調,《基本法》在香港擁有最高地位,法庭不干預立法會事務的原則亦受制於憲制要求。余指出,今次覆核案件的關鍵問題,是梁、游二人是否違反《基本法》104條要求,故不能說二人可能有違憲而法庭不應處理。
代表梁頌恆的資深大律師潘熙稱,《宣誓及聲明條例》21條就議員若拒絕或忽略作出誓言則「必須離任」的陳述,不代表即時生效,仍須待議員自行提出或由立法會主席決定。他又說,立法會主席或秘書長作為監誓人,必然是決定議員誓詞是否有效及是否構成「拒絕或忽略」宣誓的「最終裁決人」。主審法官區慶祥質疑上述兩論點,曾詢問潘熙是否憑常識(common sense)作此推論。
律政司認為法庭才是決定宣誓是否違反《基本法》104條的「最終裁決人」。區官以特首當選人就職時須宣誓向中央政府効忠為例,質疑若監誓人是中央官員,一旦特首宣誓受挑戰,應由誰作裁決?余若海說,人大常委會已授權香港法院處理涉及《基本法》爭議,本港法院當然可以處理,看不到有何難題。區官笑稱,這是為日後接到類似覆核申請作準備。
律政司同時覆核立法會主席在10月18日,容許梁、游在19日大會上再宣誓的決定,認為立法會主席裁決前雖曾參考法律意見,但忽略了梁、游的言行已構成「拒絕或忽略」宣誓;當日主席裁決僅指出二人首次宣誓無效,卻未履行主席因應《宣誓及聲明條例》21條應不讓二人重誓的責任。
代表立法會主席的資深大律師翟紹唐反駁,律政司一方對立法會主席根據21條責任的指稱,完全與其指立法會主席並非該條例和《基本法》104條的「最終裁決人」的觀點相違背。他強調,將立法會主席列為答辯人,是完全不必要及錯誤,更給人行政干預立法的錯誤印象。
8. 當日主席裁決僅指出二人首次宣誓無效,卻未履行主席因應《宣誓及聲明條例》21條應不讓二人重誓的責任。
人地運用酌情權,「你好我好」;你就用來作用「有先例可援」,令對方「有權亦不能用」,結果就逼使人地「有權必用」,那不是自作孽麼?
***
買賣住宅印花稅增至 15% 更新:2016/11/04 19:04
樓市投資需求持續急增政府推出新一輪「辣招」,將基本印花稅劃一提高至 15% ,新措施午夜過後生效。但無樓在手的本地居民置業可獲豁免。
政府稱樓市投資需求一直主導市場,令樓價急速反彈及成交大增,政府推出新一輪樓市「辣招」。全面調高買樓印花稅,將稅率由目前 1.5% 至 8.5% ,劃一調高至 15% ,午夜起生效。只有無樓在手的本港永久居民獲豁免。
至於以往針對非本地居民要付 15% 的買家印花稅 BSD ,會繼續適用、即合共要付 30% 稅款。
3 年來再靠加稅壓樓市,政府表示主要是 9 月樓價距離歷史高位只相差 3.5% 。近期因為購買第二層樓要付雙倍印花稅的宗數仍然大升,反映措施力度不足夠,必須即時行動。
政府表示,目前潛在供應有 93000 個,強調會繼續加大供應,應付市民置業需要。
9. 全面調高買樓印花稅,將稅率由目前 1.5% 至 8.5% ,劃一調高至 15% ,午夜起生效。只有無樓在手的本港永久居民獲豁免。
收租仔殆矣!細價樓炒得咁癲,新盤劏房則愈起愈多,吸引投資客,都係因為本來依樓價作階梯式分段收費的印花稅率不公所致。現在一刀切將「雙倍印花稅」變成「劃一印花稅」15%,大大加重了收租仔的投資成本,今次仲唔死火!
信報 2016年9月21日
陳天宏 專家評論
中產更難置業的怪現象
最近跟從事地產代理工作的朋友飯聚,他提及有位客人跟他睇樓,是位月入達5萬多元的專業人士。這位客人現租住物業,月租1.5萬元,並希望「轉租為買」,在市區物色一個2房單位作自住。
不過,由於一手新盤的2房戶入場費達700多萬元,而二手2房樓價雖然較平宜,但仍超過600萬元,並只能承造6成按揭;客人因首期不足惟有繼續觀望,等樓價下跌,或是政府減辣,放寬按揭成數才可有望上車。

可能讀者會想,為何這位客人好高騖遠,不先行購買400萬元以下單位,以承造9成按揭上車;等若干年後,有足夠資金才「樓換樓」。不過,從用家角度看,市民買樓都是想改善生活,如買樓後所居住的地方還不及租樓好,這亦會減低置業的誘因。
其實,要分析這位客人的要求是否不切實際,要求過高,我們可從其賺錢能力和樓價作簡單比較,便會略知一二。
根據政府統計處2016年第一季資料顯示,按月收入超過5萬元的就業人數,只佔總就業人數不足1成。由此可見,月入達5萬元人士已列在整體就業人數收入之最頂層。如今想購買一個600多萬元的物業自住,要求是否過高,讀者亦可自行判斷。
事實上,現時若購買一個620萬元的住宅單位,單是首期已須248萬元;即使每月儲起2萬元,仍須儲足10年多才可有望上車,還未計算厘印和其他開支在內。
相比起剛推出的綠置居,合資格人士可以低至幾萬元的首期便可置業,實在令人羨慕。

雖然在樓宇質素上不可作直接比較,但不同階層的市民也對自已有着不同的期望和要求,中產人士要找到適合自己的物業改善生活並非容易。
現時中產向下流的情況愈見嚴重;中產要盡快上車,惟有放棄所謂的中產生活,離開中產社交圈子。這亦是香港中產階層可悲的一面。
陳天宏
永豐信貸有限公司董事總經理
10. 月入達5萬多元的專業人士...客人因首期不足惟有繼續觀望,等樓價下跌,或是政府減辣,放寬按揭成數才可有望上車...現時若購買一個620萬元的住宅單位,單是首期已須248萬元;即使每月儲起2萬元,仍須儲足10年多才可有望上車,還未計算厘印和其他開支在內。
減辣就無,加辣就有佢份,所以如果唔夠能力在租金或租住地方上應對自如的打工打,自住樓不能不買。至於作為「月入達5萬多元的專業人士」,在職場打拚亦應有一段日子,三幾百萬,真係咁難儲?

65 則留言:

  1. //他又指根據維基百科

    睇新聞時聽到呢句都真係打左個突,學生d papers都唔比引wiki啦。

    //既然在本來應該宣誓的場合「並非宣誓」,咁即係「拒絕宣誓」喇,仲唔斷正?

    呢個point正!

    //月入達5萬多元的專業人士」,在職場打拚亦應有一段日子,三幾百萬,真係咁難儲?

    要養家又冇投資收入的話,都真係要花好一段時間。

    回覆刪除
    回覆
    1. //學生d papers都唔比引wiki啦。

      可能個劣師見人大織法在即,所以hea 做.

      //要養家又冇投資收入的話,都真係要花好一段時間。

      係要花一段時間架喇, 不過唔係not achievable.

      刪除
  2. //將「態度惡劣」的你一棍打死//
    殺人政權!

    //法律學者陳文敏就質疑,原訟庭都未判就釋法,會帶出很負面的訊息。 //
    其實釋法有乜好憂慮就係唔知 -- 幾時、關於咩 會釋法。而家試到啲準則出嚟,唔算係無譜,有乜好驚?好驚唔驚,要驚就驚自己都管唔掂自己先啦!一時一樣,又要反政府,又要出政府糧,把口死唔認,身體係咁做,又冇底褲又剩咁。

    //責任不在糧油二人,而係保送佢地入局的5萬幾票//
    擺到明係衰過小學雞嘅啦!你地都選佢入去!不顧後果唔會冇後果。今日結果全部人一齊同你埋單都算係咁啦!

    //根據維基百科//
    唔係證據,而係根據呢個資料,余大狀有理由相信佢兩個係毒浱。

    釋法分分鐘同法官一致。唔一定相反。

    //在宣揚港獨,而並非宣誓,有關言論就應受《基本法》保障,不受法律追究。//
    人哋打你話:
    1. 並非宣誓
    2. 重宣揚港獨
    咁你認咗 1 嚟打甩 2,有冇笨啲呀?

    //酌情權⋯⋯「有權亦不能用」,結果就逼使人地「有權必用」//
    要用時冇用,又或者判斷錯誤錯用,都唔算逼佢「有權必用」。好似小 LLC咁,開埋口自己承認發假誓都重酌情佢,咁條例咪有等於冇囉?

    回覆刪除
    回覆
    1. //而家試到啲準則出嚟,唔算係無譜,有乜好驚?

      本來立法時無巷蜀呢回事,所以法例上就有漏洞/灰色地帶;咁依家班笨土瀆派不停地 test 呢個 limit, 人地不勝其擾,法例都要與時並進,出返個 bug fix,有何不可?

      //擺到明係衰過小學雞嘅啦!你地都選佢入去!不顧後果唔會冇後果。今日結果全部人一齊同你埋單都算係咁啦!

      傷民都未曾好似米豬咁,「我唔知會搞成咁」,爆咗之後要求再投過,算係有賭品架喇。

      //咁你認咗 1 嚟打甩 2,有冇笨啲呀?

      話明係笨土...個劣師唔知係咪整蠱佢嘅呢?

      //好似小 LLC咁,開埋口自己承認發假誓都重酌情佢,咁條例咪有等於冇囉?

      陶偽才子在《光明頂》話FB status 不能當真...

      刪除
    2. //陶偽才子在《光明頂》話⋯⋯//
      He's nobody! 記者?學者?硏究委員?律師?編劇?He's just a 寫字佬!No better than 陳振聰!

      刪除
    3. 呃到富婆20億是技術活,我唔見得陶藝才子有這個技術。

      刪除
    4. //人地不勝其擾,法例都要與時並進,出返個 bug fix,有何不可?

      今日新聞見大劣師公會果位戴茶色超的女士亦如是說。

      佢講一大段嘢,其實潛台詞就是:而家大家咪求仁得仁囉。

      刪除
    5. //No better than 陳振聰!
      //呃到富婆20億是技術活,我唔見得陶藝才子有這個技術。

      佢會用廁紙包頭.

      //佢講一大段嘢,其實潛台詞就是:而家大家咪求仁得仁囉。

      總知願賭服輸,唔好姓賴.都唔知遊乜鬼行,social gathering 咩?

      民陣周日發起「守護法治」遊行反釋法
      2016/11/4 — 17:18
      民陣發起星期日下午舉辦「守護香港法治 反對人大釋法」遊行,抗議人大常委會將就基本法第104條釋法,會由灣仔盧押道遊行至中環皇后像廣場,再舉行集會。

      民陣今日在政府總部東翼前地廣場外,召開遊行記者會,燒毀印有人大委員長張德江的照片,並高呼「釋法若到來 法治遭殘害」、「中共若然釋法 抗爭必定到來」等口號。民陣召集人區諾軒表示,今次遊行是要守護香港法治,反對人大釋法,又指若果基本法委員會主任李飛來港,民陣會有狙擊行動。

      事件中主角之一、青年新政立法會議員梁頌恆,亦有現身記者會,表示將會全力配合本周六、日不同團體發起的行動,又強調釋法本身是破壞香港制度和法治,期望香港人站出來保衛香港幾十年來的基石。

      立法會法律界議員郭榮鏗亦發起法律界下星期二下午5時許,舉行黑衣遊行,由高等法院遊行至終審法院,抗議人大常委會釋法。

      刪除

    6. //今日新聞見大劣師公會果位戴茶色超的女士亦如是說。

      點名小LLC...

      「好似小LLC咁,一個一個字咁,點解唔得呀? ... 不停咁測試樁秧嘅底線,而且係好不必要嘅...你係都要人地講淪楚咯,咁人地咪講清楚囉.」

      胡國興認為釋法時機不恰當 更新:2016/11/05 13:16
      曾任法官的特首參選人胡國興指,不評論青年新政的梁頌恆和游蕙禎引起今次釋法,但相信沒有官司就不會出現釋法;大律師公會主席譚允芝就指近日有人不必要踩中央底線,令人大覺得需要回應。

      人大釋法勢在必行,究竟是否有人需要負責?胡國興稱不想評論,但相信沒有出現這一幕,就不會有釋法這一步。

      大律師公會主席譚允芝亦表示,近日有些人的舉動,令她理解中央有反應的原因。她稱現在未知釋法細節,不欲評論,又指如果釋法會使令香港法律更清楚,未必是壞事。

      刪除
    7. //在宣揚港獨,而並非宣誓,有關言論就應受《基本法》保障,不受法律追究。//

      人地好認真咁宣左誓,擁護「re-fucking of 支那」,噢~ 咁兩位應該分唔到心去擁護Republic of China。
      都唔好勉強啦~ 勉強冇幸福...

      刪除
    8. //擁護「re-fucking of 支那」

      其實咩嘢叫做re-fucking? fuck 完一次又一次咁痴纏?

      刪除
    9. //其實咩嘢叫做re-fucking//
      Who fucking care 佢地班小學雞既用詞
      反正叫佢地去立"re-fucking of 支那" 既法, 出"re-fucking of 支那" 既糧就無錯

      刪除
    10. fucking又好,re-fuck都好, 出的只會是精, 不是糧.

      刪除
  3. 五萬多選民,內裡有精神分裂症、狂妄症、躁鬱症、思覺失調症、反社會人格等,直頭喺青山精神病院嘅影子囉。如果代表全香港市民,咁就大劑喇。嘻嘻!

    回覆刪除
    回覆
    1. 我有個親戚表示投錯票㑭 pig dick。我問佢當初做乜投佢。
      係 Impression!
      佢話其他好似好奸,dick dick 好似好忠直~
      同魔術師啲同事妹妹仔一樣「佢係咪忠㗎?」

      刪除
    2. 阿dick個樣成日好似俾人蝦“要告俾老師聽”咁。

      刪除
    3. 選他們的仲有精蟲上腦人士xddd 佛爺

      刪除
    4. //如果代表全香港市民,咁就大劑喇。
      //選他們的仲有精蟲上腦人士

      咁佢地係70個議員中的兩個,兼且販民又唔敢公然同佢地割蓆,咁真係夠代表全傷港市民架喎!

      //佢話其他好似好奸,dick dick 好似好忠直~
      //阿dick個樣成日好似俾人蝦“要告俾老師聽”咁。

      朱仔競選海報張相,見佢個avatar戴住頂農夫帽,真人卻在收割作物, 面帶天真無邪的笑容, 直程係C9殺手喇!

      http://www.elections.gov.hk/legco2016/pdf/intro_to_can/LC4_20.pdf

      刪除
    5. //同魔術師啲同事妹妹仔一樣「佢係咪忠㗎?」//

      妹妹仔有冇聽過...強姦犯冇樣睇嫁...

      刪除
    6. 47 NELSON.AK:

      咁,即喺打飛機都出唔到火!嘻嘻!

      刪除
    7. // 即喺打飛機都出唔到火!

      油閉精。

      刪除
    8. 個腦上火 燒壞腦

      刪除
  4. 中産駛費自我增大,有乜好怨?睇戲,兜巴星,细路外星計劃,年度欧遊,季度日遊,酒店下午茶,可免則免。免咗,咪唔係中産!

    回覆刪除
    回覆
    1. 我覺得女傑青話佢儲第一桶金的時候,唔睇戲唔睇演唱會唔去旅行,都算正路。人窮要儲錢,除咗開源仲要節流,慢慢累積到一定資產先可以放縱一下;否則草根人士自稱中剷,都只是春夢一場。

      刪除
    2. 咁蠢!我好 angry 呀! XD XD XD

      刪除
    3. Angry B = Angry bird.
      Angry C = Angry 嬸

      刪除
    4. Angry kid = 憤青
      XD XD

      刪除
    5. "呢個世界好L多人係傻既,多L到你唔信!"

      刪除
    6. //Angry kid = 憤青

      Angry teens?
      Angry tits?

      //"呢個世界好L多人係傻既,多L到你唔信!"

      果然係「人多殭屍係怪物,殭屍多人就係怪物」

      刪除
  5. 而家香港嘅形勢......
    一係中央就踢香港出局,俾香港自生自滅,還港獨派一個心願。一係就快刀斬亂麻,一擊打殘港獨,否則任由港獨壯大,中央又唔放手,唔上唔落,之後只會鬥爭不斷,結果就係香港會係呢場政治惡鬥中玩完。

    回覆刪除
    回覆
    1. //一係中央就踢香港出局,俾香港自生自滅,還港獨派一個心願。

      呢個就係我一向講開的「軟性革命」。

      刪除
    2. 獨又死,唔獨又死。獨係一定唔會㑭。唔係個個都嚟咬一啖重得了!
      我係中央得鬼閒理你,反正一過界我就仆一嘢!香港生死,已經不足掛齒!

      大陸呢?上天嘅飛上天,出海嘅出大海,買樓嘅買樓,上市嘅上市。
      香港呢?後生就係唔衰得,老嘅就死要面!叫佢哋爭氣啲啦!
      唔係功課多,就係政府政策令佢哋無得向上游喎!
      「喂!做咩唔將啲鮑魚餵落我個口度?」

      刪除
    3. //唔係功課多,就係政府政策令佢哋無得向上游喎!

      唔知點解,我總係覺得係港青在讀書時期(無論係唔係「贏在起跑線」上的操練)的課外活動,太過側重人文美術社會,而缺乏邏輯數理科學的普及活動有關,結果搞到個個年青人都係藝文青,傷春悲秋,日日吹水唔抹嘴,而唔係去以一啲比較科學的角度去想想有何發展空間.

      刪除
    4. 近排同幾個有仔女讀緊小學的波友吹水,對呢樣嘢有d睇法,不過篇幅會有d長,如果今晚d波唔好睇,睇下會唔會早d發表下。XD

      刪除
    5. //唔知點解,我總係覺得係港青在讀書時期(無論係唔係「贏在起跑線」上的操練)的課外活動,太過側重人文美術社會,而缺乏邏輯數理科學的普及活動有關,結果搞到個個年青人都係藝文青,傷春悲秋,日日吹水唔抹嘴,而唔係去以一啲比較科學的角度去想想有何發展空間.

      因為傲慢,以為自己高人一等,男既臭寸女既就港女講野高音八度,做埋哂表面功夫扮哂善人,大家或者留意到一件事就係宜家 d 人好識得禮貌地講過份的要求,係咪離普係咪洗死人你估人地真係唔知?末落貴族心態,有咁既父母自然影響育兒方向製造相同下一代,當然傳媒、專家、學者係有份教壞人推人去死啦

      刪除
    6. //而家香港嘅形勢......
      一係中央就踢香港出局,俾香港自生自滅,還港獨派一個心願。一係就快刀斬亂麻,一擊打殘港獨,否則任由港獨壯大,中央又唔放手,唔上唔落,之後只會鬥爭不斷,結果就係香港會係呢場政治惡鬥中玩完。

      香港係示範單位、廚窗中的假人。可以是示範一國兩制名下歸順祖國會有乜好處,也可以示範得罪十三億人會如何被整治末落

      刪除
    7. //中央就踢香港出局,俾香港自生自滅//

      大把離岸資產響到...唔可以俾香港自生自滅嫁...

      刪除
    8. //大家或者留意到一件事就係宜家 d 人好識得禮貌地講過份的要求

      呢啲先係語言偽術.

      //末落貴族心態,有咁既父母自然影響育兒方向製造相同下一代

      呢啲父母真係唔知係好可憐定可笑...

      //可以是示範一國兩制名下歸順祖國會有乜好處,也可以示範得罪十三億人會如何被整治末落

      前者太多示範,後者真係要搵人心口掛勇字先得,難搵好多.

      //大把離岸資產響到...唔可以俾香港自生自滅嫁...

      經濟上維穩到咪得囉.

      刪除
    9. //等埋你呀,客席主持! XD

      1)而家最大的問題,可能不是「怪獸家長」,而是「怪獸學校」。之前阿米講的有部份是對的,就是排名無咁高的學校,校長反而會有誘因為KPI催谷學生,而且呢類學校間間都有催谷成份,只是谷多谷少之別,好多家長都面對仔女做唔晒功課而隨時要幫仔女做埋的問題--你唔幫又唔得,因為d功課又計分,有時d先生都覺得功課太多,明知係家長出手做都隻眼開隻眼閉。呢d情況要到個校長好離譜,功課多到完全無法應付,家長在網上嘈到拆天時,先至有可能改善--我以前間學校小學部就係好例子,有個校長新上任就要做野證明自己,結果就被逼宮下台。不過改善後仍然是谷,只是谷少d而已。

      但阿米亦唔係全對:唔好以為最top名校唔谷就無壓力,佢地根本假設了你地要「自谷」(自行補習),成績掉隊太勁就會俾壓力個學生同家長,最worst case當然是要你轉校。

      現在唯一能避開催谷的方法,就是讀起碼6位數學費一年的國際學校...

      而所謂「催谷」,就是「機械式操練」,例如加減乘除要你做夠一百幾廿條,重點就是拉高學生的總體分數。功課多之餘,測驗考試亦頗頻密,好多家長為了提高應付效率,會預先定好考試前每天溫習計劃。故好多學生的學習生活,其實是「不停地在壓力下接受別人安排的枯燥操練」。

      先聲明「安排溫習計畫」的已未必是怪獸家長,只是想最efficiency保住合格底線而已;好多家長其實已經盡量在週末不為子女報名課外活動或補習,而由得子女能輕鬆過個週末。

      2)而因為整個學習生活都是「不停地在壓力下接受別人安排的枯燥操練」,所以會形成以下問題:

      - 學校生活只圍繞成績,群體活動減少
      - 學習的啓發性低,不能培養實際解決問題的能力
      - 長期每事都在別人安排下,形成「不知道自己要什麼」

      3)我波友提過一個佢幾admire的校長,該校長在佔窿時曾發表文章,話「年輕人想藉佔街表達訴求原因是自我中心,而自我中心是因為學習太著重考試成績,而忽略了群體活動中學習」。其實魔兄一早已講過,你想藉挾持要對方滿足你的要求,前提是挾持對象一定是要對方care的才有效果,你挾持條路或背後普羅市民的不便根本就搔不著正苦最癢處,呢種做法同謝遜亂咁殺人意圖逼成崑現身本質上毫無分別,根本是發洩情緒多於一切。連咁基本既人情世故都唔曉,咪搞到自己好似謝遜咁,被中立市民神憎鬼厭囉。

      其實傷港教育歷來都不著重思方學(諷刺是蝗國高考數學會教基本邏輯例如「基本條件」「充份條件」「三段論」之類),但以前大家群體生活多,即使無邏輯思維,都會由作為社會縮影的群體生活中,用歸納法學習到人情世故的邏輯;可而家缺少群體生活,學習的又不切實際兼毫無啓發性,自然無辦法區別「應然」和「實然」。

      4)當然更仆街是學習方針集合了東方的缺點,可個個又道貌岸然扮晒西式教育,對年輕人不能苛責只能appreciate,怕傷害年輕人云云...結果個個扮晒偽文青幫年輕人寫飛機文,年輕人被折磨咁多年後,亦終於可以反底肆無忌憚發洩情緒了。

      5)巷蜀不是偽命題,可俾而家呢班信徒搞就一定是偽命題--因為一幫自我中心之徒,是無辦法達成任何目標的,可現在笨土宣揚的理念和文宣,最吸引的就是自我中心之輩。你睇國師個「城邦論」,主張唔使理殺人政權點諗自己搞就得,咁既邏輯隨時以前跟過大佬劈過友的問題青年用黑社會思維諗下都唔會信啦!

      6)笨土巷蜀的潛意識就是「一幫自詡文明人之輩不服野蠻人的統治」,而隨著蝗國越有進入「世界文明人俱樂部」之勢,笨土巷蜀最終只會是侷限小數死硬派信徒的信仰;但催谷教育一日唔變,新一代的競爭力仍會每況愈下,畢竟你即使接受了蝗國也學不到蝗國d好野,傷民哈日咁多年又學到皇民幾多好野呢?

      刪除
    10. //一係中央就踢香港出局,俾香港自生自滅,還港獨派一個心願。一係就快刀斬亂麻,一擊打殘港獨

      真正要最快一擊,就只能出「劍十八」(基本法18條),但現在仍未到撕破臉皮之時;至於「快刀」其實已耍緊,只是我地普羅大眾覺得佢慢而已--剩係睇佢地密密買地就知道,呢d完全係政治行為,係d財經版二流分析員先會用經濟角度分析。

      共產黨是好相信「下層建築影響上層建築」的.

      刪除
    11. 學下魔兄先:唔好估啦,我唔會答的~

      刪除
    12. //唔好估啦,我唔會答的~

      我寫工作嘢就俾人估公司有邊啲客,寫投資嘢就俾人估有幾多身家...其實呢啲八掛嘢估中又點估唔中又點?用來證明自己推理能力高超?

      刪除
    13. //學下魔兄先:唔好估啦,我唔會答的~
      小弟大魔兄一年,印象中魔魔也是差不多年紀,可能相識姐。
      佔中時登報讉責禿鷹的人數,遠高於港華讉責娘仲痕的人數。證明通街殭屍。殭屍多,人就是怪物。難得仲有人的校友。太好了。

      刪除
    14. //小弟大魔兄一年,印象中魔魔也是差不多年紀,可能相識姐。
      //難得仲有人的校友。太好了。

      呢啲嘢,大家心照就算,無需要揭開個肚皮畫公仔畫出腸,含蓄啲比較好. 之前的留言已刪,敬請留意.

      刪除
    15. 呢位朋友:如果只是一直只談風花雪月,加埋社會氣氛融洽,話俾人知我係邊間學校其實無乜所謂,但社會撕裂至此,加埋小弟在魔兄此處透露個人軟性特徵甚多,一些硬資料就無謂公開了,省得被人估到身份沾上麻煩。

      所以是否閣下的校友,我也只會不置可否。

      敬請諒解。

      刪除
    16. 摩摩:留言已「完全」刪除.
      Blogger 有兩種刪留言方式,一係留返留言者名字及日期時間,一係完全毀屍滅跡.前者對出示黃牌有「擲名」作用,但今次牽涉的是「匿名」,留返個殼俾佢都無意義, 只係加咗「面斥不雅」tag 落本文處以作紀錄.

      另外,我亦update了版規,希望各位訪客友好能夠亙相尊重,私人問題如非當事人願意公開,否則無責任的胡亂猜度只會對他人造成不便,損人不利己.先此聲明, 違者留言必刪,毋需事先警告.

      刪除
  6. //因為傲慢,以為自己高人一等,男既臭寸女既就港女講野高音八度,做埋哂表面功夫扮哂善人,大家或者留意到一件事就係宜家 d 人好識得禮貌地講過份的要求,係咪離普係咪洗死人你估人地真係唔知?末落貴族心態,有咁既父母自然影響育兒方向製造相同下一代,當然傳媒、專家、學者係有份教壞人推人去死啦

    所以唔扮哂高雅離哂地做文青點顯得自己是中鏟?另一原因則是本城去工業化當然就唔需要科班人材,讀科學工程冇出路,影響埋課程編排

    回覆刪除
    回覆
    1. //另一原因則是本城去工業化當然就唔需要科班人材,讀科學工程冇出路,影響埋課程編排

      唔一定, 所謂「課餘活動」偏向琴棋書畫類,扮哂文青就真.

      刪除
    2. //原因則是本城去工業化當然就唔需要科班人材,讀科學工程冇出路,影響埋課程編排

      其實大城市發展下一定會「去工業化」的--如果「工業」是指低技術勞動密集製造業的話;但取而代之可能是高技術的OBM。

      傷港的去工業化純粹是班廠佬自己唔願意升級轉型,個個仲顧住靠「血汗工廠」食糊,咁又使乜咁多高技術人才。

      //唔一定, 所謂「課餘活動」偏向琴棋書畫類,扮哂文青就真.

      一河之隔已經年年搞緊maker faire,Google「maker」中譯「創客」卻竟然連一個傷港網頁都無,你話驚唔驚?

      https://www.facebook.com/MakerFaireSZ/

      刪除
  7. 我部棒子國平板一接近冇電個虛擬 keyboard 反應就會神神地,感謝魔術師兄幫我執留言

    回覆刪除
    回覆
    1. 咸蟲話「蝗國電視機會爆炸」,點知棒子三叔而家爆完手機仲爆洗衣機爆到全世界都知,三叔本身是棒子國霸權企業,而家加埋朴大媽「閨蜜干政」立立亂,實在俾蝗國企業一隻絕對好牌上,進入「世界文明人俱樂部」又會快幾年...你睇華為新機的貴價版在日耳曼可以賣到€1350部,能出高端野賺文明人錢,已經是「文明人」的雛形:

      http://gadgets.ndtv.com/mobiles/news/huawei-mate-9-porsche-design-launched-price-release-date-specifications-and-more-1621280?site=classic&from=mobile

      鄭蟲蟲之前去踩「反巷蜀」場,串人地手機用蘋果唔用小米唔愛國...其實佢quote小米已經代表佢out到唔out了,而家上面最紅手機係oppo同vivo,高端就講華為,小米已經淪落到四五選(睇下偉仔幫部新機做袋炎人又搞唔搞得返掂).

      連串人前自己都唔做功課攞返d老黃曆來講,可見其「活在過去的自我中心」之態也。

      ***

      一路寫一路睇干地隊車仔踢343好似踢到變魔術咁...我唔專心睇都要寫,實在盡晒客席主持之責嘞.

      刪除
    2. //一路寫一路睇干地隊車仔踢343好似踢到變魔術咁...我唔專心睇都要寫,實在盡晒客席主持之責嘞.

      謝謝摩摩詳盡留言,為免留言沉底浪費,特另開新文討論,一盡地主之誼:
      https://magicianyang.blogspot.hk/2016/11/blog-post_6.html

      刪除
  8. 人大釋法嘅終極招數是 -- "效忠中華人民共和國"是否真誠是由中央政府或人大判定
    如此一來, 所有中央唔順眼嘅人都唔可能得到任何官職或議員資格, 連831落閘後嘅特首提名權都一舖過處理埋 (法官因只需效忠基本法, 而唔使效忠中國所以除外)
    就睇阿爺會唔會去到咁盡

    回覆刪除
    回覆
    1. 我覺得應該要有方向性指示,又睇下點?

      刪除
  9. 我个女讀小学時就教識我一句鬼佬小学雞說話 : Don't poke the bear.
    油小姐或者会鄉下音讀成 Don't 扑 the bear。
    而家 re-fucking 幾次,終於无咗份高薪 hea 職。

    回覆刪除
    回覆
    1. 但聖經教落幾矮都好,都要扑濕個巨人喎

      刪除
    2. //而家 re-fucking 幾次,終於无咗份高薪 hea 職。

      小學雞死雞撐飯蓋撐出禍。
      其實我都想知,如果班笨土乖乖地宣誓,殺人政權仲有乜藉口可以整走佢地。

      //聖經

      被人顏射完左邊臉,要俾埋右邊臉佢顏射?

      刪除
  10. // 《基本法》又真係無寫到人大幾時可以主動釋法的條件
    // 魔術師同意「法律無講明唔俾做嘅,就可以做」
    咪就係咁囉

    // 對方係有權兼打力量將「態度惡劣」的你一棍打死的。
    花師奶咪好似話如果要計, 蝗國同意恤髮嘅人一定多過你傷港人加埋

    // 而該條款的解釋又影響到案件的判決
    小弟又覺得不會影響案件的判決, 因為本來就應該咁判, 反其道行反顯異相

    // 梁頌恆和游蕙禎不認為自己要負責
    // 其實咩嘢叫做re-fucking?
    佢地雖不殺架仔, 架仔因佢地無啦啦被鞭屍
    李主任講快左, 應由甲午前開始講, 前前後後 re-fucking 左百幾年
    嗱, 咁咪好囉, 真長毛假長毛一齊被剪

    // 再度發起黑衣靜默遊行,以終審法院為終點。
    又話法治己死, 但又日日食法治飯
    啫係海味舖執笠大減價, 執極都仲響度, 執到 XP 泵執埋佢都仲響度

    // 責任不在糧油二人
    關立冬事, 一立冬就收左皮

    // 睇新聞時聽到呢句都真係打左個突,學生d papers都唔比引wiki啦。
    wiki話「游父母工作繁重而常被寄托至居於沙田的親屬」, 果個年代的公務員有幾繁重?

    // 潘熙反駁
    // 戴啟思就強調
    // 今日新聞見大劣師公會果位戴茶色超的女士亦如是說
    茶色超女士應該用鄧碧雲嘅口吻加多句:「咁你地係咪唔信阿祥哥吖?」

    // 面帶天真無邪的笑容, 直程係C9殺手喇!
    現在佢有機會返去上山下鄉, 同當地人算清果筆帳

    // 而家香港嘅形勢......一係中央就踢香港出局,俾香港自生自滅
    咁又唔會, 唔通擦屁股擦穿了厠紙, 就要切掉手指?

    // 大家或者留意到一件事就係宜家 d 人好識得禮貌地講過份的要求
    咁我會好有禮貌咁請佢過主

    // 敬請諒解
    估黎做乜? 大家唔好估仲好, 廢事顯得別有用心

    回覆刪除
    回覆
    1. //小弟又覺得不會影響案件的判決, 因為本來就應該咁判, 反其道行反顯異相

      依家無論點判都會俾人話.

      //啫係海味舖執笠大減價, 執極都仲響度

      我以為係鴨記電子雜貨的「仲有X日」的無限loop錄音.

      //關立冬事, 一立冬就收左皮

      24節氣果然有料到.

      //wiki話「游父母工作繁重而常被寄托至居於沙田的親屬」, 果個年代的公務員有幾繁重?

      有啲咁嘅樹?

      //茶色超女士應該用鄧碧雲嘅口吻加多句

      佢個款又真係幾似大碧姐.

      刪除
    2. // 依家無論點判都會俾人話.
      人地點講係人地嘅事, 反正點都會搵野黎講
      法律同玄學一樣是不能脫離人類社會獨自生存的, 在人與人的關係中, 不一定是你對我錯, 我對你錯, 可以是兩個都啱兩個都錯
      今次糧油其實沒有搞出多大的事, 所以可以用文明的方式處理, 如果佢地坐上了 turkish airlines, 就不是釋法咁簡單了
      如果老共沒有快速修正的能力, 就不能謙談小康, 還有資格講八榮八耻...

      // 24節氣果然有料到.
      如果游小姐熬多幾個鐘先出黎, 會唔會好啲呢?

      // 有啲咁嘅樹?
      https://zh.wikipedia.org/wiki/%E6%B8%B8%E8%95%99%E7%A6%8E
      早年生活

      刪除
    3. //法律同玄學一樣是不能脫離人類社會獨自生存的, 在人與人的關係中, 不一定是你對我錯, 我對你錯, 可以是兩個都啱兩個都錯

      最弊依家傷民搞的正字是敵我矛盾,意識形態行先。

      //今次糧油其實沒有搞出多大的事

      攏明係藉口,係都要整佢地架喇。鬼叫佢地係要好似頑註咁「你唔鍾意嘅我就偏要做」, 日日叫巷蜀...咁糧油二人無行差踏錯由自可,一有痛腳便即時被將死,這是預期之內.

      刪除