有樓萬事joke（二）：為左層樓，可以去得幾盡？

呢一集係咪物業投資班廣告嚟架！


其實呢位５０蚊哥真係無乜嘢值得講：

１. 行多啲路可以慳多啲錢。
魔：省下來車費的不多，例不如話行多啲路健康啲仲好。
２. 帶飯返工可以唔使見人。
魔：不如話外食又貴又唔健康，而且在新舊公司所見，帶飯在新一袋年青人都算受落。
３. 手機唔追潮流。
魔：睇下自己用唔用得着啲功能喇。

４. 用大學運動場，唔使返屋企沖涼？
魔：馬上諗起有條友叫龐一鳴（見舊文《反龐一鳴》、《反智頭條之「為了對抗地產霸權，我唯有唔打ＪＪ！」》）
５. 日常活動係睇書捉棋，脫離虛擬世界，做多啲實質的活動。
魔：呢樣嘢師認同。
６. 保持單身，或者識都要識返個唔使洗的女朋友，要行得，可以去行山，低消費活動）
魔：睇以下１０５％姐就知在另一半的重要性
７. ８年儲300萬，用５成首期在西半山買咗間600萬、600呎嘅樓結婚生仔。
魔：儲蓄速度幾快。Profile話佢係貿易公司老闆，以佢咁石頭鑽唔出血的性格，唔知道對住啲員工會點樣「慳」法呢？
＊＊＊
呢位１０５％姐簡直就係極品。高潮女仲話有對Ｘ睇下，呢位哨牙妹就真係...

８. 月入僅僅５位數，但３年儲４０萬做首期（即係９成按），原來係「食屋企，住屋企，家用唔；使俾睇戲食飯化妝品消費靠條仔。」
魔：呢啲咪係正宗港女囉，好似蝗蟲咁吸人血。又，以１０５％姐的尊容，魔術師又想知道佢男朋友係點嘅款。
９. 「男方有自己的一層樓，婚後做愛巢，最多唔加自己個名落去，自己嗰層就自己嘅。」
魔：魔術師又即時諗起初初返舊公司時，班港女同事猛話「男朋友啲錢係我嘅，我啲錢又係我嘅」的愛情觀。

１０. １０５％姐話自己儲蓄率可達１０５％，皆因５％可以從炒股中得來。
魔：如果你個個月都可以賺到５％人工，咁嘅戰績應該可以做到基金經理了。
１１. １０５％姐在單親家庭長大，住公屋，想話憑買樓升值，再加按套現，一開二二開買，俾阿媽收租養老。但阿媽不領情，認為佢無咁大個頭戴咁大頂帽，自己都顧唔掂仲要顧層樓。
魔：阿媽講得啱喎！你加按套現咪又係要供！供租相抵扣埋稅正現金流可以有幾多留俾阿媽？如果要等到租金超越按揭還款，恐怕阿媽都...仲有，一開二，二開四，在依家辣招之下已經好難有賺頭，槓桿太高一個浪打埋嚟好易火燒連環船。
１２. 最頂瘾就係１０５％姐走去上物業投資班，完全被洗腦將阿 sir 當神咁拜。睇怕「男人要有資產」、「買樓要有會所」等等都係被洗腦的結果。
１３. １０５％姐最後在ＭＫ買了小窩居，將３５０萬鋤到３３５萬，依家升咗５０萬，仲可以恥笑其他朋友一年儲唔到５０萬。
魔：樓價升值只係賬面數，除非你賣咗層樓佢，否則好難 encash；加按唔係唔得，不過加按的原理是將個人資產負債表上層樓升咗的價值（equity）做抵押加大負債（Liability），所以 Asset 會多咗 cash，僅此而已。債務多了，自己的還款能力就變得更重要了，否則又係好易重蹈負資產的覆轍。
＊＊＊
同上集一樣，似乎最後一個故事都比較正面。

１４. 兩小口皆為２８歲，男方跳舞，女方係 freelancer，都係拒做樓奴的追夢一族。
魔：即係咁，年青人買唔買樓真係個人意願，對得住自己就好。如果唔想咁困身的，唔買樓無可厚非；不過就唔好好似班社混有青咁，一面話「拒絕為地產霸打工」，一面卻希望樓價大跌可以執平貨（不過魔術師就睇死呢班有青都係得個講字，財力同執行力都係零）。
１５. 兩小口玩裸婚，無擺酒，無買樓，分開住。老婆仔同父母一家四口住２００尺公屋，而老公天水圍，每星期出街「短聚」一次，聚完仲要追尾班巴士。
魔：係就係好浪漫，不過２８歲人，係咪應該可以 plan 得好啲？抑或新一袋年輕人都係鍾意玩即興？

１６. 男方有時會到女方家中留宿，而兩小口窩居的「新房」，就只有人工搭建、朝桁晚拆的四呎床，床尾仲要對住外父外母，「做乜都要細細聲」....
魔：咁搞法真係好難有高潮，生唔到仔架喎！雖然話佢地似乎唔係好介意，可以有情飲水飽，不過成家立室自己有個安樂窩總好過好似１０５％姐咁啃老咁無恥。年青夫婦無謂走去租屋益埋班收租仔，公屋輪候冊又要排咁耐，倒不如去抽居屋算喇！
＊＊＊
伸延閱讀：
反龐一鳴
反智頭條之「為了對抗地產霸權，我唯有唔打ＪＪ！」