其實，傷民都幾有錢，咁多阿爸阿媽可以資助仔女買樓！當然亦有可能係借仔女「人頭」做首置客避辣招喇！反正都係 win-win situation！
２. 阿紮鐵哥都係問阿媽借一半退休金做首期，仲話好彩阿媽俾咗一半錢佢，因為阿媽用另一半退休金炒股票輸哂！睇完呢段，魔術師真係Ｄ咗一聲！
４. 靚媽詻有層樓令子女更容易達到夢想，唔使俾層樓綁死...如果將層樓當係資產工具，可以賣可以收租可以加按，用來提供資金靈活性，咁睇就係啱嘅；但係以住（或高潮女所謂的「安全感」）來講就唔多啱：事關如果你係追夢一族的話，根本就唔會將區區一層樓放入眼內。在創業家的字典裡，應該沒有「有個安樂窩才能夠創業」的想法。
５. 有位慈父話，買樓俾子女，係令「供樓成為佢地嘅一種責任」。魔術師都同意呢種諗法：你有層樓要供，自然就逼你做好財務管理計劃，唔會洗腳唔抹腳，以供樓當係強逼儲錢的一種方法都 okay 的。
７. 幸運哥只得２０歲出頭，一家住千呎大屋...咁阿媽究竟幾多歲，做盛行呢？退咗休仲有筆唔少嘅退休金喎！同之前買樓俾阿仔阿女的靚媽一樣，傷港有邊幾樣職業可以咁好搵呢？
８. 古語有云：「有仔趁嫰生」，但幸運哥的金句盲係：「買棲趁後生」，原理係「如果有乜事，阿爸阿媽仲有一份工，可以幫一幫」，「錢唔係靠自己努力，但都做咗好多嘢去買樓」，「追夢創業，１００個有９０個失敗，只係得一個成功...」魔術師睇到呢到，又再Ｄ咗兩聲：雖然魔術師都係打工，但以住木屋區輸在起跑線的出身來說，魔術師有今日的資產都係靠自己，相比幸運吾，唔「拋（proud）」下都唔得！
１０. 女奀星話做偽人要儲定半年糧，以防無工開...其實依家傷港行行都係咁（所以魔術師再一次唔明白點解有咁多中剷父母咁有錢），儲定半年開支使費做失業備用金都係正常的做法。
１１. 女奀星個兩房單位，月租萬幾蚊，話「幾乎要每兩年搬一次屋，交３０年租，都未能成為業主，但就養咗班收租仔３０年」...查實，如果做愚樂圏做幾年都依然係半紅不黑，你又潔身自愛，唔想去「搵契爺」的話，咁...都係趁後生轉工吧喇！
１４. 結果設計師又去上物業投資課程（仲唔係有贊助？）！問明按揭招數之後，以２７０萬買入大圍金獅花園２７０呎蝸居，月供連管理費將１萬，旁白話「首期連裝潢６０零萬」，而當事人就話「裝潢費約２８萬」，即係首期約４０萬，即係８成幾按。點解唔借盡９成？可能係因為正職人工低過唔到壓力測試（兼職收入除非有「公司」出返糧俾自己，否則無糧單，兼職收入就唔會計入還款能力），所以要俾多少少首期了。
＊＊＊
伸延閱讀：
有樓萬事joke（二）：為左層樓，可以去得幾盡？
第一桶金續集
點解結婚同樓一定要係個package
回覆刪除同兩老一齊住好委屈咩
其實又唔係委屈。不過據我觀察，同住會有唔少摩擦，影響感情；反而分開住但多些回老家探兩老，感情會更好。
刪除//兩老一齊住好委屈咩
刪除//同住會有唔少摩擦，影響感情
係呀,相見好同住難,多個「外人」在家, 老人家唔習慣好易會嘈交.
同住唔係咁容易。我經歷過阿嫲惡鬥阿媽，少少嘢可以發到好大。
刪除家居勇武鬥爭只會是添煩添亂.
刪除//在創業家的字典裡，應該沒有「有個安樂窩才能夠創業」的想法。
回覆刪除我隱約記得某支那蝗蟲創業家講過，佢自己喺四十歲之後先買樓，亦唔建議咁後生去買樓，咁早將一大筆現金箍死晒。
//呢種 brute force 式的理財策略魔術師都試過，效果唔差架
非常同意。真喺好有效，而且滿足感好強。
//放棄萬零蚊的白領唔做，身體力行學摩摩話齋走去做紮鐵，話要「買層樓比阿媽」喎！係就係「３、４萬一月個都無難度」
喺真放棄定喺被放棄呀,既然都唔爭在不如去盡啲----
"建造業加薪平均7% 80後為月薪16萬 日做地盤18小時"
...周聯僑更指，有27歲從事混凝土工種的工人，每日工作最少18小時，月薪達16萬元，「佢做足一個月，喺地盤瞓覺，朝早八點，一路做到凌晨兩、三點，只喺瞓五個鐘左右，每月揾16萬元，之後揹背囊去玩（旅行）。」
呢一集"有樓慢自瀆"比第一集正常啲啲，無咗嗰尖下巴大波夾硬嚟講，不過真喺太多廣告，同前幾年港女節目一樣。
//我隱約記得某支那蝗蟲創業家講過，佢自己喺四十歲之後先買樓，亦唔建議咁後生去買樓，咁早將一大筆現金箍死晒。
刪除蝗創的「小目標」是一億.
//呢一集"有樓慢自瀆"比第一集正常啲啲，無咗嗰尖下巴大波夾硬嚟講，不過真喺太多廣告，同前幾年港女節目一樣。
唯有自己filter 那些投資班的內容.
我無睇電視, 多謝晒C兄既精華輯錄
回覆刪除我不嬲都鍾意造福人群 XD
刪除"7. 傷港有邊幾樣職業可以咁好搵呢？"
回覆刪除努力囉... 一直正職freelance雙軌行，咪一半時間賺兩份錢... 呢個效果都好大... 另外從細路的靚媽口中得知，有幾行「中產」工係有咁嘅收入的：
1. 保險（據說2-10球一年，而且只係「普通」，未到TOP sales）；
2. E生/醫療集團（據說屋企support 開連鎖+做埋D九唔搭八的醫學美容，個個月係千萬計的收入）；
3. 「生意」（呢種一般死都唔講俾你聽邊行，但據說都係個個月球球聲的）。
以上各項「好搵」／「有錢」的代表人物，有一個共通點，就係自己住那間反而不會太豪，都係半山舊樓「唔大唔細二千零呎 」OR普通同平實夠住，其他資金就係買俾仔／女或注資人地生意自己買下車位收租等。
“１０. ...（所以魔術師再一次唔明白點解有咁多中剷父母咁有錢）"
認真：買買賣賣多幾次就雪球到你唔信，仲要唔使好似呀財務自由40歲那個hold咁多層／三宅一生先有效果。時機好彩（provided你不是運滯到高買低賣，雖然真係有人係咁 ）的話，只是自住住夠一陣賣／換大D再換大D，每5年翻一翻零難度。「買樓趁後生」係再對不過...
例（不精密，但應該我地呢代都多人係咁）：
回歸前300呎, 1.XM，5年升至2M，賣（套現金幾十萬，5年唔使交租，「慳」咗 幾十萬）
千禧後500呎，3M，5年後升至4M，賣（套現金1M，5年唔使交租，「慳」咗1M）
千禧後幾年800呎，5M，10年後千至11M，賣（套現金6M，10年唔使交租，「慳」咗3M）
而家買1200呎 ，18M...
加加埋埋，咪夠普普地隨手拎到3幾M出來俾仔買樓用囉...
//保險
刪除呢份工真係巧驚驚...
//E生/醫療集團
//「生意」
咁就唔算係打工喇!
//買買賣賣多幾次就雪球到你唔信
//「買樓趁後生」係再對不過...
主要係趁後生是樓換樓套現,自己工資又在上升軌,借貸力高;由於樓按只做30年, 最多assume係供到70歲,到得40歲以後,借貸力變下降,唔能夠以最少的首期買到最多的資產.
"到得40歲以後,借貸力變下降,唔能夠以最少的首期買到最多的資產."
刪除正是，一定要早買！
"咁就唔算係打工喇!"
「我爸爸同人打針8,000一支」，細路如是說... 都真係有打工嘅 ....
//「我爸爸同人打針8,000一支」，細路如是說... 都真係有打工嘅 ....
刪除細路未必真係識內裡乾坤.
做醫駕集團同保險一樣, 都係係個名落「公司」度, 似乎係打工但其實係自己生意.
//身體力行學摩摩話齋走去做紮鐵
回覆刪除喂！我唔係自己諗出黎，係真係聽過一個真實個案，個位哥仔仲升埋職做埋管工，月薪成六皮...
//而係新一袋現在傾向早婚，看來同上一集「有愛萬事足」的兩小口都係一樣，需要有另一半的慰藉。唔知道如果缺乏愛情，班新一袋年青人心靈空虛，會唔會就轉型變成有青，下下上街佔中以武制暴來尋求認同感呢？
無錯，70後的確係相對之前同之後出世的世代比較遲婚。
我覺得係70後通常成長於舊一代思想比較嚴厲管教的家庭，但社會開始有新思潮出現，加上社會氛圍同資源都鼓勵新一代早日獨立生活，各種衝擊下造成70後有較渴望自由自主的性格。
至於無愛情會唔會變有青...小三咪講左要爭取扑野空間囉！
//如果做愚樂圏做幾年都依然係半紅不黑，你又潔身自愛，唔想去「搵契爺」的話，咁...都係趁後生轉工吧喇
有小小名氣（起碼冒昇中）先能夠做「名冊」中的「名牌」，如果長期半紅不黑其實都好難「搵契爺」嘞。講真好多愚圈中人之所以被標高價（本身賣唔賣係另一件事），相貌其實並不超班，而無非係名氣有個premium而已。
//在本台節目內咁講出埋街，睇怕公司都應該唔使再預佢了。
阿坤哥走的是柒男平實路線，cctvb未必會mind佢咁講野...佢形象加分公司都有得益的
//呢種 brute force 式的理財策略魔術師都試過，效果唔差架
更brute force係信用卡低息分期...不過唔用黎投資會蝕利息，而且會寫花信貸評級，影響做物業按揭
//在創業家的字典裡，應該沒有「有個安樂窩才能夠創業」的想法。
//點解結婚同樓一定要係個package
曹仁超曾經講過，好多人一生最重要的投資就是買樓，而投資是講時機的，點能夠同風馬牛不相及的個人感情生活歷程掛鉤呢？
而對創業家來講，孭住層樓隨時是創業的束縛...
//１０. ...（所以魔術師再一次唔明白點解有咁多中剷父母咁有錢）"
//認真：買買賣賣多幾次就雪球到你唔信
關鍵是佢地後生時撞正經濟blooming，年年人工加10%，速度跑贏樓市，到供滿層樓後，又輪到樓市起飛...按返俾銀行後，「炒樓炒股炒栗子仲好賺過搶」；仲未計呢班中剷好多係趁8964移民潮、高管真空期提早上位的。
又回帶：
“片中還有一個主題，懷念。......甚至是全體香港人對香港黃金年代的懷念。那時天很藍，雲很白，香港經濟繁榮，戲院人頭攢動，隨便拍部戲都可以賺大錢....”
//但社會開始有新思潮出現，加上社會氛圍同資源都鼓勵新一代早日獨立生活，各種衝擊下造成70後有較渴望自由自主的性格。
刪除係囉, 當年我剛入舊公司,就有成班藍大畢業的新仔一齊商議話搬出來住,邊度租金較佳等.搞到我仲以為佢地嘅「獨立生活」觀係由藍大的「舍堂文化」而來.
//小三咪講左要爭取扑野空間囉！
下一集劏房專家擺明係sell炮房概念.
//而投資是講時機的，點能夠同風馬牛不相及的個人感情生活歷程掛鉤呢？
「你唔好以為人地好似你咁叻」,識得分開嚟諗 XD
//仲未計呢班中剷好多係趁8964移民潮、高管真空期提早上位的。
所以依家班高官好多都係「水鬼陞城隍」....
//甚至是全體香港人對香港黃金年代的懷念。
淨係睇搵錢錢會,已經夠叫人憶苦思甜. Hea曾可能就係擅於叫人懷舊...