2017年3月5日 星期日

摩摩電影節之《樹大招風(Trivisa)》:其實主角係唔係大賊,並唔係最重要

既然相一個人,不如相信每一個人,咁究竟係貪曾、Hea 曾、689、689 2.0、定係肥彭做我城城管,都唔係最重要嘅事;邊個選到都好,「就讓一切隨風」:


***
在那個 we used to be that Hong Kong,有三個大賊,但其實他們是不是大賊,並唔係最重要:

季正雄篇
時值1997年5月,大賊季正雄(林家棟飾)在我城犯案累累,殺死黑警後更被通緝,唯有假藉楓葉國以商人身分北上廣州避禍。期間季以「潮哥」的身分招兵買馬,待機再回我城食大茶飯。誰知接頭人早已掛住拓展走私手提電話生意,又係「去非洲賣鞋,一人買你一對都發」的論調。接頭人非常求其地搵了些賊眉賊眼的旗兵敷衍季正雄,季無奈之下只挑了兩人,最緊要就係識講「我城方言」。事後原來才知道接頭人早已懷疑「潮哥」就是季正雄:

季回港後找上舊時同黨大輝(姜皓文飾),妻求在輝家暫住數天,才發現輝已娶了個泰妹為妻,育有一女。輝患病不能工作,只靠做正骨的妻子養家,住在天台屋上,是傷港弱勢社群的典型。輝只知季叫「可樂哥」,說自己早已厭倦以往犯案的日子,心驚膽顫又賺不了錢,無謂變成「犯案奴隸」。輝問季作何營生,季便說自己是走私手提電話的:

其實季早就盯上了輝樓下的小金行,是下次行劫的目標。季跟旗兵手下商議犯案計劃,但旗兵竟然嫌唔夠大單,仲問起「潮哥」的真正身分是否季正雄,是否要跟葉國歡、卓子強等人合作:

賣槍給季的拆家不知就裡,仲話如果有季的消息,不妨打給卓子強的專線報料,到時三大賊王在回歸前合作「玩鋪勁」,總好過殺人政權解放我城之後,「飯都無得食」,盡顯傷民內心的恐懼:

這晚季跟旗兵手下依計行事,在金鋪附近的投注站待機。這晚3T彩池以億計,「馬照跑」的光景,迷倒了旗兵手下。季思前想後,打劫一百次都賺不了一億,真係「賭馬好過去搶」,意興闌珊之下便取消了行動,再到碼頭殺了旗兵手下滅口。季回到輝的天台屋,原來輝已發現了季的真正目的。季對利用了好友也感到內疚,便給了輝一筆掩口費,內裡竟有幾張「血染(來自旗兵手下)的銀紙」:

季在夜裡致電卓,自報身分,看看有甚大茶飯計劃,卻給輝偷聽到了,知道原來「可樂哥」就是三大賊王之一的季正雄。季懷疑輝偷聽自己,想下殺手,但輝及時裝睡避過了。就是因為季的一時婦人之仁,輝在第二天早上帶同妻女逃了出外,通報黑警,將季圍捕:

葉國歡篇
葉國歡(任賢齊飾)剛聯同黨羽在觀塘打劫完金鋪,便往黑市拆家銷贓,誰知道卻給銷贓佬壓價,一千萬的黃金只收兩成。葉幾經「討價還價」,方以四成成交,即係咁多同黨共分400萬,連同軍火水腳等開支,肯定未能財務自由,估唔到打劫金鋪仲衰過做收租仔:

葉坐大飛潛逃回蝗國,驚見迎面而來有大隊船隊,還以為是追兵。船家解釋這是家電走私商的船隊(順風速遞的前身?),走一水都以百萬計,好過葉國歡等人做案搵命搏:

葉心感「打劫」已是「夕陽行業」(爭在IVE未開培訓班),於是便化名張大寶,跟走私商方老闆(林雪飾)接洽,頂手接了走私船隊來做生意。方老闆帶葉跟那些什麼科長打關係,賄賂疏通,少不了要陪飲酒,下下乾杯,就連一代賊王都飲到劏白鶴:

科長的情婦也來葉的店子裡打秋風,葉無奈,唯有送呢樣送嗰樣,恨得一眾手下牙癢癢。這時傳來消息,問葉是否重出江湖,跟季正雄、卓子強等人合作犯案。葉卻只是一笑置之,反正現在的走私生意不用刀頭上舐血,但錢卻賺得更多:

這天,葉的貨品給海關扣押了。葉去跟海關科長理論,卻先要跟門口通傳的小官送禮。賄賂完小官之後,又要服侍海關科長,仲要被科長玩,又話本來約好在風滿樓見面,臨時卻改了地點;又嫌葉點的港式家常菜鹹菜扣肉「太粗」...葉國歡在江湖叱吒一時,幾時受過這等閒氣?但出奇的事是葉的 EQ 倒也不低,通通應付過去了,最後在海關扣押所內跟眾人點煙,領回貨品;但轉過頭,卻給人黑吃黑,劫了那批貨逃走:

方老闆跟公安局長打好關係,迅即破案拉人兼起回失物;但賊王葉國歡幾時試過被小毛賊食夾棍?士可忍孰不可忍,葉正要發作,局長卻因為小毛賊是官二代的關係,要求放小毛賊一馬,否則就「依法辦事」,嚴懲葉國歡這「小資」。在手槍和茶杯之間,葉咽下了這口氣,喝茶和解了事:

葉發覺還是回復自己大賊的身分更好,於是和手下回到我城,要找卓子強合作食大茶飯。無奈手下已過慣安穩生活,變成了港豬一族,寧願「裝睡不覺醒」,也不欲再起事端。葉覺得自己以前在那些蝗官面前扮矮人扮得過了頭,令手下看不起自己,便在街上吵將起來,結果給街坊投訴問誰在發聲,更惹來黑警調查。葉手下訛稱自己是蝗民,因為迷路心急,所以說話較為大聲,卻給黑警嘲諷為「大陸喱」。葉覺得所有人都看扁自己,再也氣不過來,便跟蹤二警,到街角以AK47轟殺之。誰知原來這是黑警宵夜集散地,眾警見同袍被殺,便一擁而上,將葉擊倒:

卓子強篇
卓子強(陳小春飾)最出名的就是綁架,捉了富商的兒子勒索三十億,一袋袋紅白藍膠袋咁以名貴跑車車走,臨走時還不忘串了事頭婆麾下的黑警一下:

卓對綁架等大案已感到無聊,想要「玩鋪勁」,於是便設立專線,懸紅找尋季正雄、葉國歡的下落,一於食大茶飯。至於「大茶飯」係乜?係綁架肥彭定係佢嘅對頭人白頭魯?無人知?事關一向癲癲喪喪愛玩即興的卓子強不嬲都無plan,只知道「三大賊王合作,捅乜都咁勁」:

之後電影有唔少篇幅講卓子強的「尋人經過」,無聊又浪費時間,不贅。最後就係講到卓拋低同黨,隻身返回蝗國見接頭人,以為有季、葉二人消息,誰知接頭人只係想sell軍火和手下,想和卓合作食大茶飯。就在這時,季、葉二人找卓,卓大喜,搶了那筆軍火逃走,仲想聯同季、葉二人要脅事頭婆及阿爺,企圖將回歸典禮炸了,三大賊王之魄力,實非戴當家等「佔中三恥」可比。可惜,好景不常,就在卓逃走期間,遇上車禍,軍火散落一地,就在卓撿拾間,武警來到將卓子強逮捕了:

結局
最後全片解釋了為何「江湖中人有傳三人在蝗國接洽」:原來就是那一晚在風滿樓,季在招募旗兵,葉在陪官員飲酒疏通,而卓則和手下商議下一個綁架目標的一幕。然後接下來的就是肥彭與女兒們揮淚別我城,正苦總部換過旗幟,黑警也換過徽章,歌舞昇平放煙花,之後就係一片雪花,意味「一個時代的完結」作結局。

***
其實本申可以稱為「《十年》外傳:《二十年前》」,都係由三個導演拍三個短篇,不過今次跟《十年》唔同,並非以獨立故事製作,而係將三篇故事平行剪接,三位主角輪流講下;其實三大賊王除了最後那一幕之外根本就沒有任何交集和對手戲,魔術師也只是將剪到破碎的情節拼湊回來而已。

三大賊王之中,明顯以葉國歡的篇幅較多,出自《十年.方言》大導歐文𠎀之手,再一次將恐共意識輸出到一眾傷民(包括一袋年輕人)心中:葉國歡一代賊王,殺人如草介,但回到蝗國竟然變成「小資」,仲要被小毛賊食夾棍而不得作聲。虎落平陽被犬欺,賊王都避不過,何況平凡的一眾傷民。所以,學呢篇黃C影評話齋:
1. 「有人看到最後一幕,馬上灑淚」:「相信每一個人」,都係人心思英,大家幾懷念肥彭(及其女兒)?
2. 「這故事中寫到縱使身有通天之能的大賊,到了國內,功力都全作廢,那明顯的是指北上的電影人。」:仲唔係《十年前傳》?
3. 「你功夫好又怎樣?還不是要飲茶灌水,所謂香港人是中國人,不過是寄人籬下,受盡屈辱,去學習那根本沒有規矩的規矩。」:唔知道不是中國人的美帝米帝要來華通商,是否又是「受盡屈辱,去學習那根本沒有規矩的規矩」?形勢比人強,恐怕我城就算是巷蜀成功,一樣都要「寄人籬下,受盡屈辱」吧?將傷港人是中國人,再將中國人跟貪污腐化劃上等號,只能說句「莫須有」,「來說是非者,便是是非人」。





***
伸延閱讀:
何兆彬:《樹大招風》回到崩壞前,大賊都有夢想的年代
思辨練習題之人人都是曾糟財
《十年(Ten Years)》之《方言(Dialect)》:蝗驅人的一天(2nd edition)

25 則留言:

  1. “卻給黑警嘲諷為「大陸喱」。葉覺得所有人都看扁自己,再也氣不過來”

    個人覺得呢個位比較牽強~其實阿葉已轉行做生意佬,為人唔係應該圓滑哋?咁容易就被人撩起把火嘅?

    回覆刪除
    回覆
    1. 呢一段係講葉係大陸俾班官玩到謝,已經忍受唔住,不再是生意人,要返香港回復大賊身份. 警員「有眼不識泰山」,竟敢譏刺賊王, 葉當然將那些黑警一槍斃了.

      刪除
    2. 突然覺得係呢段係為七警平反 - 至少係求情理由

      人往往就會為佐一句對方無心之言而燒FUSE, 大動干戈

      更何妨有心既挑釁呢?

      刪除
    3. //突然覺得係呢段係為七警平反 - 至少係求情理由

      但葉國歡最後係中槍倒地喎(生死沒有交待)...

      刪除
  2. 未回歸前,D大陸賊殺港人如麻,回歸後,太平咗好多年。傷港人竟懷念過去,屍得哥以魔症候群?

    回覆刪除
    回覆
    1. 呢套戲個名要改,雷大雨小

      刪除
    2. //傷港人竟懷念過去,屍得哥以魔症候群?

      「那些年, 我們有選擇是否被殺的自由;但現在,就連這種自由也失去了.」

      //呢套戲個名要改,雷大雨小

      你睇埋嗰篇「大賊都有夢想」的影評先叫吐血.

      刪除
    3. 以前每個星期都有銀行金舖打劫,通地AK47手榴彈亂舞嘅日子當然是美好的,俾流彈射中死咗都喺"米國人"嘛。

      雖然都喺蝗國,但喺而家嘅比起以前大賊仲衰啦,而家嘅淨喺識得買買買掃貨"窮得只剩下錢"同埋通地屙尿.....

      ///唔知道不是中國人的美帝米帝要來華通商,是否又是「受盡屈辱,去學習那根本沒有規矩的規矩」?

      洋腸零舍不同,廁紙包頭才子最清楚。

      刪除
    4. //以前每個星期都有銀行金舖打劫,通地AK47手榴彈亂舞嘅日子當然是美好的,俾流彈射中死咗都喺"米國人"嘛。

      真係生為米國人,死為米國鬼.

      刪除
  3. 哇,我估唔到你上篇既提示系寫呢套!

    我自己的觀感,系呢套戲幾有娛樂性,九十年代的風景幾像真(尤其系個投注站,之後會講),首“讓一切隨風”幾有feel,如此而已...絕對想像唔到要去到“戲未完場,已掌聲雷動了兩大一小次。到出Roller,全場再拍了兩三次掌”的地步。

    呢套其實系合拍片來的,不過劇情唔過關,蝗國上唔到畫而已。其實我覺得殺人政權太無自信了,劇中官員連制服都是廿幾年前的式樣,呢幾年打貪下官員的作風早就不是這樣子了,大可將劇情推卸往“當年黨紀不嚴”也。

    我順便推介多一套啦:《丐世英雄》。呢套嘢絕不是嚴肅之作,但個人覺得將九十年代蝗國的光怪陸離嘢反映的真實而搞笑,而且因為劇中主人公不是設定為傷民,而是一個鄉下蝗民,反而拍得沒有歧視之感。我相信好多熟悉蝗國九十年代甚至千禧年前後情況的傷民,都會睇到會心微笑。

    //總好過殺人政權解放我城之後,「飯都無得食」,盡顯傷民內心的恐懼

    又回帶:

    https://youtu.be/arA7hojVIVU?t=1h31m58s

    要講呢種恐懼,晶哥早你27年就拍咗出來。事實上我覺得呢類講法(或背後有真有假的心情)只是當時的一種搵話題的講嘢方式,根本談不上很大的恐懼。

    況且戲裡面話題環繞的是犯罪份子,政權易手對犯罪份子的手法亦會改變,由佢地口中道出這種所謂恐懼,恐怕難以聯想到一眾老襯吧?

    //這晚3T彩池以億計,「馬照跑」的光景,迷倒了旗兵手下。

    這是真有其事,當年馬季季尾的3T的累積彩金破了紀錄,結果到馬季最後一日(日馬)即使無人中,都隨3T安慰獎一次過派晒出去。戲中講的是夜馬亦合情理,因為彩金是因為一直無人中而累積的,當然亦包括之前的夜馬。

    至於個投注站,八九十年代的投注站裝修都是這樣子的--雲石牆、燈光黃黅黅,現在的投注站裝修大部份都變晒白板牆白光燈了。自然引起我等中學時已經參與賽馬投注等壞學生的集體回憶。

    //季思前想後,打劫一百次都賺不了一億,真係「賭馬好過去搶」,意興闌珊之下便取消了行動

    佢好似見到架馬會解款車,為安全計先臨時取消行動的

    //就是因為季的一時婦人之仁,輝在第二天早上帶同妻女逃了出外,通報黑警,將季圍捕:

    那個CRT電視播出的173-173-173廣告,也是當年的典型光景

    //科長的情婦也來葉的店子裡打秋風

    不是純粹打抽風,而是飯局上送的花樽只代表“達成協議”,情婦則是沒有身份的白手襪,登門拜訪是正式收錢;當然又VCD機又画王(又是一個經典集體回憶)就當是小費吧。

    //這天,葉的貨品給海關扣押了。葉去跟海關科長理論,卻先要跟門口通傳的小官送禮
    //方老闆跟公安局長打好關係

    這兩幕的蝗國官員制服都是九十年代的式樣

    //葉手下訛稱自己是蝗民

    //就在這時,季、葉二人找卓,卓大喜,搶了那筆軍火逃走

    我覺得呢段卓用計引起混亂乘機逃脫反而幾精彩,盡顯一個“歷盡江湖險惡”之人的急智

    //魔術師也只是將剪到破碎的情節拼湊回來而已

    我覺得三個故事情節交錯算交待得清楚,節奏亦明快,算系咁啦

    //意味「一個時代的完結」作結局。
    //「有人看到最後一幕,馬上灑淚」

    我真系聯想唔到有人竟然會睇到呢幕灑淚。

    我只能說所謂“hea曾帶來一個重拾對香港人身份認同的希望”,原來個market大到遠超我想像。

    //葉國歡一代賊王,殺人如草介,但回到蝗國竟然變成「小資」,仲要被小毛賊食夾棍而不得作聲。虎落平陽被犬欺,賊王都避不過,何況平凡的一眾傷民。

    之前已經有網友講過,你自己在上面避稅走私要搵官員疏通而低聲下氣,怎能引起正常觀眾的同情(過度被迫害妄想情意結者除外);除非你話葉在上面搞的是正行生意又唔同。

    //「你功夫好又怎樣?還不是要飲茶灌水,所謂香港人是中國人,不過是寄人籬下,受盡屈辱,去學習那根本沒有規矩的規矩。」

    這是一種徹底誤導性的reframing--就算講到殺人政權如何貪污腐敗,可一般平民百姓也需要熟習這套“沒有規矩的規矩”,勉強講落去,也不過是在地人唔使從頭適應,傷民北上後要”學習“而已--不要講到好似一般蝗民對著殺人政權官員就不需要受這套“屈辱”,而只有傷民才有這種“特權”。

    這很明顯是將對殺人政權遷怒至一般蝗民的煽動手法.

    正是「來說是非者,便是是非人」。

    //你睇埋嗰篇「大賊都有夢想」的影評先叫吐血.

    先別說佢將“貪過癮”寫成“夢想”的牽強...首先,卓只是虛構人物,其人物原型張子強的生平,並未有證據證明其“有夢想”。

    將一個虛構的情節講到真的一樣,咁我以後都可以叫人集齊七粒龍珠去實現夢想了。

    //而戲中無論你在香港多風光都好,一回國就是另一套規則,當中有幾人因此吃盡苦頭?

    去到寶島有寶島的規則,去到皇國有皇國的規則,去到美帝有美帝的規則,唔適應自然就要吃苦頭--其實佢呢段話,乜都無講過。

    至於回國先有得風光的,除了順豐速遞的王衛外,仲有個冷門的--盛傳準備上市,全球最大手機屏幕玻璃供應商伯恩光學,老細楊建文都系傷民來的。

    唔好話王衛系新移民...咁三大賊王的人物原型,邊個唔系新移民?

    回覆刪除
    回覆
    1. //絕對想像唔到要去到“戲未完場,已掌聲雷動了兩大一小次。到出Roller,全場再拍了兩三次掌”的地步。
      //我真系聯想唔到有人竟然會睇到呢幕灑淚。
      //我只能說所謂“hea曾帶來一個重拾對香港人身份認同的希望”,原來個market大到遠超我想像。

      所以我覺得好鬼有《十年》feel

      //呢套其實系合拍片來的,不過劇情唔過關,蝗國上唔到畫而已。

      咁就真係失敗.

      //呢幾年打貪下官員的作風早就不是這樣子了

      殺人政權有時真係幾細路仔的, 唔敢去面對以前的自己.

      //我順便推介多一套啦:《丐世英雄》

      已 add

      //況且戲裡面話題環繞的是犯罪份子,政權易手對犯罪份子的手法亦會改變,由佢地口中道出這種所謂恐懼,恐怕難以聯想到一眾老襯吧?

      港豬會話, 就連賊王, 在殺人政權前都充滿無力感, 何況係自己 (又自我感覺良好一番).

      //至於個投注站,八九十年代的投注站裝修都是這樣子的--雲石牆、燈光黃黅黅,
      //那個CRT電視播出的173-173-173廣告,也是當年的典型光景
      //這兩幕的蝗國官員制服都是九十年代的式樣
      //當然又VCD機又画王(又是一個經典集體回憶)

      呢啲細位做得幾好, 幾有懷舊feel.

      //佢好似見到架馬會解款車,為安全計先臨時取消行動的

      其時警車與解款車已走,並唔係「為安全計」.

      呢一幕, 季正雄望咗解款車的錢箱好耐, 心有所感所以走人; 我的理解是一場3T的「財富轉移」已遠遠超越打劫金鋪, 季開始覺得意興闌珊, 非常無癮.

      //你自己在上面避稅走私要搵官員疏通而低聲下氣,怎能引起正常觀眾的同情(過度被迫害妄想情意結者除外);除非你話葉在上面搞的是正行生意又唔同。

      班黃C唔理的, 好似嗰篇影評所講咁(一身本領上到去都要廢哂武功), 做賊惡慣嘅都要低頭, 更何況係撈正行的文弱書生?

      //這是一種徹底誤導性的reframing
      //這很明顯是將對殺人政權遷怒至一般蝗民的煽動手法.

      退一萬步想,黃C影評作者應該係話蝗民唔揭竿起義, 由得殺人政權蹂躪自已, 所以係幫兇囉!

      //將一個虛構的情節講到真的一樣,咁我以後都可以叫人集齊七粒龍珠去實現夢想了。

      哈哈, 笑咗.

      //唔好話王衛系新移民...咁三大賊王的人物原型,邊個唔系新移民?

      唔知黃C影評作者的父母又係咪舊移民呢?

      刪除
  4. // 去到寶島有寶島的規則,去到皇國有皇國的規則,去到美帝有美帝的規則,唔適應自然就要吃苦頭--其實佢呢段話,乜都無講過。

    潛意識就係, 點解個世界唔係圍住我轉, 而係我要去適應個世界嘅轉變.

    回覆刪除
    回覆
    1. 50年不變, 點解要我去遷就個環境呢?

      刪除
    2. 可惜, 事實係, 班有青去到邊個環境都係失敗果咋

      大學生? 返去當年O米會考湊唔齊5科PASS, 中學都唔知叫畢業未去做運輸

      刪除
    3. //班有青去到邊個環境都係失敗果咋

      無JJ嘅,做女神都叫有條出路;有JJ呢?真係做定運輸都得嘞.

      刪除
  5. //一部電視機,香港賣二千,大陸賣八千//

    我真係唔知,不過,97年前喎,當時大陸人有咁勁嘅"爆買"力? 如果真係咁,由97年開始走水貨已經係"朝陽行業"啦...

    回覆刪除
  6. //以前每個星期都有銀行金舖打劫,通地AK47手榴彈亂舞嘅日子當然是美好的,俾流彈射中死咗都喺"米國人"嘛。
    //雖然都喺蝗國,但喺而家嘅比起以前大賊仲衰啦,而家嘅淨喺識得買買買掃貨"窮得只剩下錢"同埋通地屙尿.....
    //潛意識就係, 點解個世界唔係圍住我轉, 而係我要去適應個世界嘅轉變.
    //50年不變, 點解要我去遷就個環境呢?

    客席主持幫手回帶:

    https://magicianyang.blogspot.com/2017/02/blog-post_9.html?showComment=1486641898623#c4373952099548172410

    “「車…大陸呀外國呀都好多人係咁啦」,你唔明”

    “認為傷民應該和世上其他人區隔,與別不同”

    http://linepost.hk/?uid=14281.7.0.0

    “ 姚氏認為, 主因是大家對曾俊華有「希望」, 希望可以是很多種, 曾俊華的「希望」很簡單, 便是重新肯定自己「香港人」的身份!”

    套用黃C影評的兩句:

    “戲中葉國歡受盡凌辱,開始懷念往日在香港冒險的日子。在香港的確要冒險,但起碼規矩明白,我知道怎樣玩。”

    “大家在懷念舊時代,即使那時代是多麼的混亂不濟,也是五彩繽紛,五花八門。”

    大賊落嚟打劫開住AK亂咁掃,都是美好的--因為佢地系認同傷港,先會落嚟搶--傷民只是物質甚至身體受傷害,反而自尊上是滿足的--唔認同我地的價值,點會搶我地?反正平時我地唔使應酬佢地。點同班"窮得只剩下錢"的蝗蟲,我地要佢地低聲下氣,尋求佢地認同呢?

    所以明知戲內三個大賊的人物原型,犯案時都是來港只是七年多dd的新移民(戲內明顯描寫為新移民只有葉國歡一黨),在黃C影評者眼中,佢地都系“草莽英雄”--無非都系因為覺得佢地“認同傷港”而已!

    (咁既然大家咁懷念認同傷港的旗兵,小弟都唔等到2023年啦,就推介埋套1983年經典《省港旗兵》啦!)

    其實呢d心態,晶哥早幾年已經寫得仲清楚,可晶哥寫得太冷眼旁觀,甚至貶稱其為“監獄”,又點得到黃C認同呢?

    https://magicianyang.blogspot.com/2016/12/to-live-and-die-in-mongkok.html?showComment=1483039358910#c6661096337306081924

    “片中還有一個主題,懷念。...實際上是香港電影人對香港電影巔峰時期的懷念,甚至是全體香港人對香港黃金年代的懷念。那時天很藍,雲很白,香港經濟繁榮,戲院人頭攢動,隨便拍部戲都可以賺大錢;那時的字典還沒有“北上”這個詞,CEPA也不知道是什麼玩意兒,內地市場根本不放在眼裏,電影人們意氣風發,更不會仰人鼻息。然而當往事如風,一切都成為過去式,這種不斷回頭顧盼的姿勢不過徒添感慨,倍增淒涼。只有loser才會沉溺在曾經的輝煌中尋找慰藉,像個复讀機般反復念叨自己過去的成績。輝最後雖然肉身死去,但精神獲得了真正的自由,希望香港電影也能如此。”

    Quote返一大段嘢,系近來對呢種部份傷民獨有心態,除了煩厭外,開始有少少研究興趣--因為我之前覺得這純粹是“自詡為文明人不甘被野蠻人統治”,可近來懷疑更深層的心態是,不甘心自己作為周邊重心的狀態越發消失於外力干擾--不管這種外力是野蠻與否。外力貌似野蠻只是更容易搵到藉口去pointing finger而已。

    //簡直就元祖級水貨客喇!

    蝦餃兄一早話傷港歷來都系水貨之都:

    http://hargawswiss.mysinablog.com/index.php?op=ViewArticle&articleId=8112422

    我都聽過早於八十年代初,好多人已經着幾條牛仔褲,過咗關就除落嚟賣.

    回覆刪除
    回覆
    1. //大賊落嚟打劫開住AK亂咁掃,都是美好的--因為佢地系認同傷港,先會落嚟搶--傷民只是物質甚至身體受傷害,反而自尊上是滿足的--唔認同我地的價值,點會搶我地?
      //在黃C影評者眼中,佢地都系“草莽英雄”--無非都系因為覺得佢地“認同傷港”而已!

      係喎,摩摩一言驚醒! 因為龍獅正苦講法治,就算失手被擒, 無死刑就無死刑, 皇家飯又唔會餓親你, 大賊來我城打劫的確是treasure我城的法治呀

      //因為我之前覺得這純粹是“自詡為文明人不甘被野蠻人統治”,可近來懷疑更深層的心態是,不甘心自己作為周邊重心的狀態越發消失於外力干擾

      即係好似媽咪生咗個細佬,做哥哥的發現了lose parents' attention,所以就愈發頑皮來 seek attention.

      又,摩摩今次quote我又quote 蝦餃, 果然夠哂旁徵博引!

      刪除
  7. //其實本申可以稱為「《十年》外傳:《二十年前》」

    魔兄你都頗有先見之明,做得"外傳",自然要攞埋"最佳電影"嘞.

    我本人對呢套戲並無惡感,但非常喜歡就談不上,只是覺得幾有娛樂性,想當年的景象重現得幾真而已; 我自己都睇過好多銀河影像系列,感覺起碼同«奪命金»有啲距離。林家棟當然做得好,但是否出彩到攞最佳男主角,我是頗質疑的(並非質疑其演出,而是其出彩方式啱攞最佳男配角多啲,類似«奪命金»中的盧海鵬)。

    當然這都不重要,只要掀起傷民政治上的傷春悲秋就夠了。其實我懷疑因為飾演葉國歡,佢地想頒男主角俾小齊多啲的,不過小齊一貫演技被質疑(雖然我認為佢在阿杜手下是識做戲的)故只能取林家棟了。當然,這似乎是blog友的預測之中(利申:我未睇«一念無明»):

    http://iamsnail.pixnet.net/blog/post/65309374

    在寶島金馬獎出盡風頭的«七月與安生»,因為偽港片的原罪,當然就得返個原創音樂獎了; 早就游離於傷民圈子之外的星爺,旗下的«美人魚»更一個獎都無,星爺當然亦例排無出現,正如另一位blog友所言:

    http://oldjimpacific.blogspot.hk/2016/02/blog-post_13.html?m=0

    自己都北上工作多年,我是很明白文中所謂的"抱團"概念: 傷民北上工作,好多時乜都埋傷民堆,食晚飯要一齊,求助只會先諗到搵傷民...你星爺班底唔刻意留幾個位俾傷民,當然大家就越行越遠。

    我甚至頗肯定,圈中人排斥星爺,與舊年賭氣投«十年»,其實心態根源是一樣的。

    既然傷民電影圈心態係咁,這個唯一傷港本來仲有啲渣拿的軟實力,早晚會同電視劇一樣tmd見鬼去...事實上作為港產片之王,早發覺自13年«激戰»後,已幾年無新作達到呢個高度。

    PS 我非常喜歡「大家都不是一個Level,無謂多說。」這一句,並決定以此作為其中一個座右銘。

    回覆刪除
    回覆
    1. //魔兄你都頗有先見之明,做得"外傳",自然要攞埋"最佳電影"嘞.

      我都諗咗陣點解摩摩會搵返呢篇來留言, 原來又係一年一度頒獎時.

      //林家棟當然做得好,但是否出彩到攞最佳男主角,我是頗質疑的

      查實佢無乜內心戲,最多就係在殺唔殺姜皓文之間掙扎吧?

      //只要掀起傷民政治上的傷春悲秋就夠了。

      睇返班偽文青的影評就知道幾咁自傷自憐.

      //早就游離於傷民圈子之外的星爺,旗下的«美人魚»更一個獎都無,星爺當然亦例排無出現
      //傷民北上工作,好多時乜都埋傷民堆,食晚飯要一齊,求助只會先諗到搵傷民...你星爺班底唔刻意留幾個位俾傷民,當然大家就越行越遠。

      基本上同口嗰啲讀書唔成出國留學的港孩一樣, 埋返自己友圈子, 英文都唔講多句, 碌下碌下等畢業; 如果有朋友「潔身自愛」,同鬼仔同學教授friend, 當然又會被排擠喇! 自己衰,就唔想人地好, 呢啲就係傷民劣根性.

      //我甚至頗肯定,圈中人排斥星爺,與舊年賭氣投«十年»,其實心態根源是一樣的。
      //為什麼內地基本沒人批評周星馳?都是香港導演在罵他?因為香港人習慣抱團北上,但周星馳是個沒有派系概念的人,他從來不當大哥,也不跟人Social,這讓那些香港導演很不滿意,覺得周星馳太沒人情味了。

      我都係一樣, 妹頭話我unapproachable,因為我唔同佢地好似博士K班人埋堆,間唔時就恥笑下佢地(從 whatsapp group 就知佢地一向幾無聊),正是「大家都不是一個Level,無謂多說。」

      刪除
    2. 香港的男主角還要看政治、人緣、資歷,余文樂當然吃虧。

      刪除
    3. //香港的男主角還要看政治、人緣、資歷

      我要真普選!

      刪除
  8. 如果九七後大賊無得撈,咁物幾好?

    回覆刪除
    回覆
    1. 奇怪班偽文青點解咁鬼懷念班大賊...係咪文青窮到褲穿窿根本就nothing to lose,唔怕俾人打劫?

      刪除