2017年7月30日 星期日

成功重奪美帝股息稅(2017)

票已收!就算存入外國結算的支票要手續費,嗰少少錢點都要俾。人一世物一世,搞咗一大餐懵(見《拒交陀地》系列),點都要問美帝拎返張票嚟威下先,唔係咩呀!
魔術師這天便到屯門市廣場的卓越理財中心去存入呢張「來自美帝的支票」。本來以為大西北的分行,應該唔係好多接觸呢一類交易,點知跟春花同名的服務員頗為熟練,馬上就答得出魔術師需要收幾多手續費,快快手手就辦妥存款手續,仲話一個星期後就可以收妥款項。睇返張存款單,原來係屬於大貓幫魔術師「買票兌現」:

至於收費方面,魔術師的退稅金額不高,會被徵收最低收費(我城貨幣100元)及相關 correspondent bank 的費用:
(圖片來源:香港匯豐 > 個人理財 > 服務收費 > 滙豐零售銀行及財富管理客戶銀行服務費用簡介(2017年8月1日生效), retrieved on 29 July 2017)
最後,再一次重申,魔術師係以 Non-effectively connected income(NEC) 的形式問美帝取回多收的30%股息稅(withholding tax),而唔係好似呆灣博客鼓吹的以 Effectively Connect Income (ECI)去扮美帝公民以個人免稅額退稅。魔術師一向唔鼓勵任何(疑似)搏大霧瞞稅逃稅的行為,亦唔會回答相關問題,伸手黨敬請自重。
***
伸延閱讀:
拒交陀地》系列

23 則留言:

  1. 多謝分享,網絡上需要多一些像這篇把複雜條文拆解來應用的文章

    回覆刪除
    回覆
    1. 謝謝早月兄. 早月的網誌也相當具知識性, 有update我也是必看的.

      刪除
  2. 照計主要銀行都有呢個服務。手頭仲有張之前internship留低嘅退稅支票,問過屋企附近嘅中銀小分行話冇......可能要行遠少少去搞。個職員嘅反應明顯係未見過呢d退稅支票。

    回覆刪除
    回覆
    1. 阿爺銀行的細分行可能真係未做過呢類transaction,去大型分行甚至乎係總行搞會穩陣啲。

      刪除
  3. 摩兄可做税務顧問。
    銀行好多都唔理呢D服務,但如設立相關職位,推廣美股更多玩法。
    好多人都因30%税而唔玩美股。

    回覆刪除
    回覆
    1. //摩兄可做税務顧問。

      1. 我係魔兄.
      2. 未有耐可以做到稅務顧問喇, 我淨係識 pub 515, 519 架咋!

      //銀行好多都唔理呢D服務,但如設立相關職位,推廣美股更多玩法。

      銀行好難有職員識做美股的. 以銀行來說,係香港的美股投資服務, 疑似都係以艇仔形式存在, 就連1042-S都可以無, 你就可以知道幾咁 informal.

      刪除
  4. “唔係好似呆灣博客鼓吹的以 Effectively Connect Income (ECI)去扮美帝公民以個人免稅額退稅。”

    咁嘅“服務態度”,都仲可濫開財務course...真令人汗顏!

    回覆刪除
    回覆
    1. 人地教到學員可以成功「騙」回稅款, 學員又自我感覺良好肯乖乖的奉上學費, 仲唔係win win situation?

      刪除
    2. //人地教到學員可以成功「騙」回稅款, 學員又自我感覺良好肯乖乖的奉上學費, 仲唔係win win situation?
      //...令人汗顏!

      That is the world we are living !!! Pas de critique, pas de moralite.L'importance ,c'est qu'on gagne de tous les cotes.La moralite ? va faire foudre, cretin !

      roger

      刪除
    3. 寫寫下出法文,真係唔夠你玩.

      點都好, 傷港不嬲笑貧不笑娼, 低俗無底線,道德放一邊.

      刪除
  5. 今日開工煩到嘔,剩係係你個"財經版"送篇蝗文俾你:

    http://blog.sina.cn/dpool/blog/s/blog_949001700102y6qb.html?type=-1

    回覆刪除
    回覆
    1. //今日開工煩到嘔

      摩摩可以休下先,我今日繼續寫「財經版」.

      //财富自由不过是死人的想法

      剛剛起完稿仲想串黃C上司, 即時俾你呢篇打窒咗, 要改一改份稿.

      //成功学

      呢三個字係非常之乞我憎嘅, 基本上只係用來train sales用的.


      //凡是秉承财富自由,财务自由观念的人,都必然是有这几个共同点的:
      1,这群人否定汗水,否定努力和勤奋,反之鼓吹自己的高级方法论,只要199,就可以轻松躺挣。
      2,这群人对金融市场没有基本认知,对金钱和事业缺乏基本尊重,狂妄自大到认为可以轻轻松松就做好事业,可以投资成功
      3,这群人无视风险,完全没有风险概念,鼓吹无脑投资和购买。//

      呢三點唔知作者點derive出來。

      //永不停歇的进取心,永不满足的野心,和不断持续加速度的进步,这是这些成功者们最可怕的地方。
      成功者们都在不断进取,而我们普通人在干嘛呢?
      我们正在热炒“财富自由”这个概念,并且躺在“轻松就能赚大钱”的幻想里不愿醒来。//
      //他们从不认为读书学习和赚钱工作是受罪,他们热爱学习,热爱工作,热爱事业,热爱金钱。 他们以赚钱和工作为乐趣,而不是以花钱享受为乐趣。 所以他们没有想过什么财富自由,什么提前退休,什么吃喝玩乐,什么环游世界,而是不断进取努力,不断再创辉煌。//

      作者所舉的成功人士例子, 根本就不是「一般人」, 而係 entrepreneur. 呢個世界有野心家有梟雄, 例如曹操; 也有軍師丞相好似孔明; 也有好打得的武將如關張趙馬黃; 甚至乎做個不起眼的角色例如王平, 也有他的作用. 根本無需要下下逼使自己有「成功的渴求」.
      現下一般的財務自由概念, 其實只係「被動收入多於生活使費」,不用揸頸就命為五斗米折腰. 財務自由之後,你可以繼續打工又可以創業, 做你自己喜歡做的事, 僅此而已; 反而「赚大钱,睡美女,开好车,住豪宅」似係土豪式的四仔主義多啲.

      刪除
    2. //1,这群人否定汗水,否定努力和勤奋,反之鼓吹自己的高级方法论,只要199,就可以轻松躺挣。
      2,这群人对金融市场没有基本认知,对金钱和事业缺乏基本尊重,狂妄自大到认为可以轻轻松松就做好事业,可以投资成功
      3,这群人无视风险,完全没有风险概念,鼓吹无脑投资和购买。//

      哈哈,純粹因為呢三點令我諗起以乜Sir為首的一眾加按再加按的收租人生教練! ~

      刪除
    3. 差啲唔記得,諗起既仲仲仲有...:無限補時既假值投G者...

      刪除
    4. //乜Sir為首的一眾加按再加按的收租人生教練

      仲有債基疊增(其實佢啲學員個個幾千萬身家,都唔知點解仲要上佢堂)。

      //無限補時既假值投G者

      春花都有新故事:
      http://cherry1201.blogspot.hk/2017/07/gotham-2-homecoming.html

      刪除
    5. 哈謝魔兄幫忙宣傳👍唔知有没有人get到我串緊邊位..

      刪除
    6. //唔知有没有人get到我串緊邊位..

      我都get唔到...可能人地根本就唔係「辭咗份工」呢! 人地係創業家, 打自己工的!

      刪除
    7. 摩摩, 你嗰三句真係金石良言.

      刪除
    8. 新一篇文有講:

      https://magicianyang.blogspot.hk/2017/08/blog-post.html?showComment=1501565193468#c2954775731500841561

      刪除
  6. 我都收到退稅支票, USD268元咁大把,經華僑永亨都係HK$30手續費, 但時間耐 D, 約一個月. 咦, 大家都係屯門友喎

    回覆刪除
    回覆
    1. 咁我又無華僑永亨戶口, 又唔鍾意學啲C9咁玩格價開戶迎新, 用開大貓咪用囉.

      我住咗屯門有40年喇!

      刪除
  7. 謝謝魔術師在我的C9 POST 內留言指導, 你好利害, 可以從美國稅局回水, 真的殊不簡單。

    回覆刪除
    回覆
    1. 我係見有人亂發噏風, 扮哂專家寫一大抽嘢, 我先來挑機啫. 點知一挑戰佢, 佢就話「我早知唔合規」,「我講嘅嘢好可能係錯」咁賴皮, 真係只有C9才可以咁做呀!

      刪除