結果都係去南丫島，由榕樹灣行去索罟灣算了。
＊＊＊
一早出發，一早到埗，魔術師試下部相機，見到墥棍搖竟然變身希魔，就用來測試一下光圈快門白平衡喇：
嗯，果然雖然天陰陰，都會曝光過度，都係較細啲個光圈，調快啲個快門。
前同事們雞咁腳咁出發，魔術師掛住搞部相機唯有追落後。又咁講，呢啲村屋又好似幾舒服咁，唔知幾錢呢？
前同事怕貓實在太頂癮。話說佢都唔係好住得慣馬灣，於是月前便回歸做返太古婦。由太古城出車出中環渡輪碼頭，怕貓竟然唔搭港鐵（00066.HK），而去搭巴士，結果墥正跑步活動大塞車要遲到。於是魔術師一行人便在南丫島吃點東西，邊 hea 邊等；搞到去到豆腐花檔都無胃口再食：
行行下開始下雨，一干人等都無意四周逛，所以都無睇「風車」同兔仔，一路爆到上頂。魔術師見到呢個海灣風水唔錯，可惜似乎無位起樓：
郊地區邊陲都有保育價值的。可能魔術師太耐無行南丫島，以前都好似唔多覺有呢兩塊說明牌：
在怕貓依依哦哦話行龍脊唔會係一粒星的埋怨聲之中，話咁快就已經到達目的地。成班人有大有細好業餘咁行都只係用咗一粒鐘多少少，所消耗的卡路里一定少過食呢餐飯。等埋唔想行只想吃的已退休收租老人、同埋另一名港婦前同事之後，便可以開餐了。老實說，魔術師只喜歡吃白灼蝦（辣椒豉油是精髓）和蒸魚（魚汁是精髓），其餘飽魚和龍蝦魔術師都不太感冒（尤其是魔術師受唔得芝士味，芝士龍蝦就真係免了）：
飽餐之後，hea 一陣便走。上船時竟然見到有港女抱住隻狗上船，只希望佢唔好亂咁走，唔好嚇親貓都怕，狗就更驚的怕貓就好！
＊＊＊
伸延閱讀：
港島10公里賽特別交通及運輸安排（東網 ２０１７年１１月１２日）
//又咁講，呢啲村屋又好似幾舒服咁，唔知幾錢呢
回覆刪除識朋友住喺南丫島呢啲村屋，的確幾舒服，空氣都好啲，間格又比較四正（鎢絲sir無用武之地），不過就當然喺交通極唔方便，要灰姑娘咁午夜前好搭船返屋企喇。
港女可能都會like，因為亦有唔少洋腸（朋友就是一家三口米帝遺民）...前幾年搭船就見識過人（唔喺蝗）鬼對罵，洋腸話啲傷巷支那咕哩嘅貨塞住出入口唔安全（"毋忘海難"），call埋警察又手機拍埋片，擾攘咗成粒鐘先至解決到。
//魔術師見到呢個海灣風水唔錯，可惜似乎無位起樓：
好過對住幾支香嗰個方位，不過地產霸權的思想是要不得的哦 XD。
／／識朋友住喺南丫島呢啲村屋，的確幾舒服，空氣都好啲，間格又比較四正（鎢絲sir無用武之地），不過就當然喺交通極唔方便，要灰姑娘咁午夜前好搭船返屋企喇。
刪除可以當係享受真．退休生活的好地方。
／／港女可能都會like，因為亦有唔少洋腸
目測所見，的確如此。
／／好過對住幾支香嗰個方位
嗰幾枝香真係大煞風景！