2018年4月22日 星期日

常有明月屋

許鞍華的《明月幾時有》榮獲本年度金像獎最佳電影,總算比《十年》及《樹大招風》正常得多。呢篇影評遲啲先寫,今次就先睇吓設計師如何可以將「明月」引中屋中(37:23:—48:09):
樓盤傳真 2018/03/24 2018/03/24 22:49

恒地推出香港仔迷你新盤南津‧迎岸,先憑開則細至 189 呎,壓縮樓價至 300 多萬及 30 多萬元首期入市,再憑率先自製升幅,明顯加價 15% 加推單位,今集計算低首期、帶來高供款,以及低銀碼、實際高呎價,發展商預期租務回報 4% ,是否誇大?並會探討南津‧迎岸景觀分布及香港仔規劃。
屯門偉景花園,業主憧憬景秀里新盤御半山高開,叫價衝上 488 萬元破頂水平,呎價接近 12,000 元,售出機會有多大?
新世界元朗柏巒,清一色洋房,銷情不及提供細單位的二期柏逸之外,洋房呎價比最細 272 呎的分層單位,甚至低兩、三成,納米樓呎價超越洋房。
市區重建樓盤,樓景為主,設計師為了迎合喜好大自然的屋主,將山林月映的設計主題,透過燈光及櫃的形態呈現屋內 。
房協重建盤,似係走私樓路線,露台、工作平台佔38呎,窗台佔26呎,真係買「實而不華」的居屋好過了:

由於新屋入伙,無需改間格,保留原則(左上)。首先由客飯廳入手,為增加收納空間,便大量造櫃(右上);電視櫃更是橫跨整個客龐,只是唔到頂,又利用波浪形手抽減低壓逼感(左中、右中)。設計師又利用高樓底之便,連假天花都造埋櫃(左下)。牆身油粉藍色,代表天空;電視櫃、鞋櫃、梳化用綠色,代表山林;甚至乎風扇都係用木紋扇葉,懶理轉到你頭暈,都要貫徹設計風格(右下)。

門口玄關前鞋櫃收納量大(左上),而圓形燈同埋門前的金邊圓角全身鏡亦和「月映」主題呼應,鞋櫃通往廚房的一邊刻意造斜角,以免撼親女戶主條小蠻腰(右上、左中)。廚房改動不大,只係在露台前的凹位加櫃(右中、左下);反而利用抽油煙機位造櫃並不稀奇,起碼魔術師間屋都係咁,唔值得大書特書(右下):

主人房方面,為咗善用大窗台,設計師升高地台,再將床放上窗台去,不過凌空而睡,魔術師就覺得唔係咁合風水原則(左上、右上)。房間又有大衣櫃,仲預留凹位放按摩椅(左中、右中)。床尾有書枱,無端端加塊半月形嘅板,加啲燈光效果,設計師就話呢個就係月亮喇!檯面上仲有個小小的半月形扮倒影添!(左下)。至於女房,都係一樣佈局,升高地台,單人床架上窗台,書枱又係半月形...(右下):
真係夠哂自我感覺良好,唔知呢個位係唔係唔可以擺嘢嘅呢?又,塊「月光寶板」背後豈不是會很藏塵?咁特別的設計,唔通阿女個 taste 係唔係又同阿爸阿媽一樣咁特別?

***
伸延閱讀:
維基百科:第37屆香港電影金像獎

6 則留言:

  1. 窗簾太薄, 就算真係日出而作, 都怕光污染搞到夜晚瞓唔好

    回覆刪除
  2. 點解嗰設計C唔拆啲牆起啲牆吖咪可以收唔只廿萬啦XD

    嗰月光板似喺啲泥堆出嘅山墳嘅形咁。

    回覆刪除
    回覆
    1. //點解嗰設計C唔拆啲牆起啲牆吖咪可以收唔只廿萬啦XD

      呢位真係良心設計C...

      //嗰月光板似喺啲泥堆出嘅山墳嘅形咁。

      所以話唔好慳在設計C身上,否則俾人整蠱咗都唔知...

      刪除