2018年7月10日 星期二

終身年金:說好的4%回報呢?

千呼萬喚始出來的終身年金終於出爐,由威權正苦包底。一言蔽之,基本上就係長者買入年金保險,由年金公司保證分期每月支付定額年金,在保證期內一定能取回105%投入資金。如果投保人在保證期後仍然存活,則可繼續每月領取;如投保人在保證期內辭世,則可由繼承人繼續收款,直至保證期完結,取回共105%為止。長者(或繼承人)亦可隨時退保,即時取回現金價值,但很有可能蒙受損失。
(圖片來源:香港年金計劃產品小冊子,retrieved on 9 Jul 2018)
跟魔術師在《新聞雜評(一百四十九)》中的理解一樣,以65歲的梁伯為例,如果投保人能活多20年至85歲,則月息率為 0.29%(=rate(240,5800,-1000000))或年利率為 3.56%。但現在引入保證期的概念,就唔係咁睇:
(圖片來源:香港年金計劃產品小冊子,retrieved on 9 Jul 2018)

但係,如果只係以182個月(即約15年另2個月)的保證期來說,保證月息為 0.060%(=rate(182,5800,-1000000))或年利率 0.72%,真係少得可憐;而且因為年期跟前文假設的20年為少,故此回報率亦跟所謂的4%回報相去甚遠。15年後,梁伯已經係80歲,假設每年通脹率為 3%(下同),到時 $5,800 的購買力相等於現時的 $3,772.80(=5800/(1+3%)^15)。
由於投保人愈年輕,則保證期愈長;反之投保人年紀愈大,則保證期愈短。以85歲的董伯為例,保證期118個月(9年另10個月),亦即係話董伯可以收 $8,900 直至95歲,月回報率為 0.095%(=rate(118,8960,-1000000)) 或年回報率 1.14%;而10年後的 $8,960,其購買力相等於現時的 $6,667.08(=8960/(1+3%)^10)。
當然,以我城男士平均壽命為82歲來說,85歲的董伯買終生年金,睇怕都係為了留低一份較「高(?)」的回報率的年金俾後人,算係一份心意多過負擔囉!
圖片來源:香港特別行政區政府 衛生署 衛生防護中心,retrieved on 9 Jul 2018

同埋,點解每人最多只能投資100萬呢?真係窮嘅俾唔起,有錢嘅又嫌無肉食,頗有點雞肋的味道。

***
伸延閱讀:
香港年金公司  官方網站
半桶水:是否推薦香港年金計劃俾四大長老?
新聞雜評(一百四十九)

21 則留言:

  1. “窮嘅俾唔起,有錢嘅又嫌無肉食”

    講中哂

    回覆刪除
    回覆
    1. 不患寡而患不均, 就會有咁嘅問題.

      刪除
  2. ibond都是一樣。

    回覆刪除
    回覆
    1. ibond有啲唔同, ibond係變種全民派錢, 政府用本金投資其他嘢幫補吓
      呢個年金息口仲低過美國國債, 完全係呃錢嘢

      刪除
    2. ibond 仲衰, 5萬一手, 你可以 at par 買到幾多?

      刪除
  3. 請教一下,如果有錢買年金,點解唔買債收息? 年金嘅派發係連本派,債劵收息個本仲係到。

    回覆刪除
    回覆
    1. 因為呢個其實保險, 將長命嘅風險, 移轉落短命嘅人到. 對自己一個人嚟講, 幾長命真係估唔到, 就算自己買債個息口好過年金, 如果同玩年金一樣本利定額攞出嚟洗, 但只要長命過平均, 就會洗凸.
      對政府嚟講, 買年金嘅人夠多嘅話, 平均壽命可以好接近期望值, 所以政府可以殺咗短命嘅本嚟賠俾長命, 接近零風險, 反而仲有賺.

      刪除
    2. 所以只係政府做左保險公司角色去賺長者錢(個pool夠大嘅話),同市民對賭。 但以市民角度,買年金只係保障 將來每一年都有收入,問題就在於呢份收入基本上係來自 自己嘅本金,食本食息食到過世。以消費者角度睇,買債收息 收到過世都仲有份本留比受益人 , 諗唔明點解要買年金。

      刪除
    3. //點解唔買債收息?

      伸手黨: 債券可以去邊到買?

      //如果同玩年金一樣本利定額攞出嚟洗, 但只要長命過平均, 就會洗凸.

      所以點要應該保持本金,唔應該亂花, 有錢剩仲應該 reinvest.

      //問題就在於呢份收入基本上係來自 自己嘅本金,食本食息食到過世

      政府年金的回報率來自於過咗保證期之後每月所收的款額.

      刪除
  4. 2002年,我城男士平均壽命為78歲。
    2017年,我城男士平均壽命為82歲。
    2032年,有理由相信,我城男士平均壽命會是為86歲。
    要出糧出到死,要計劃21年。 年利率4%無錯。

    呢個計法,計到咁盡,一系數佬揸旗,一定要年金公司賺錢,一系AO特登整死年金計劃。

    Lawrence

    回覆刪除
    回覆
    1. //一系數佬揸旗,一定要年金公司賺錢

      年金係保險, 精算師計過點會死錯人?

      刪除
  5. 買債風險其實超高,老人家遇着間大公司債變垃圾,真係叫佢去死。記得迷債吧?
    呢個年金,適合資產有幾十萬既長者。佢地可將錢投放落年金,因年金不作資產審查範圍,留返十萬响手再申請特惠生果金。咁,每個月又多D錢洗。
    當然,大家財商高,又唔會志在咁。

    回覆刪除
    回覆
    1. //迷債

      迷債不是價劵。

      //老人家遇着間大公司債變垃圾

      試舉例以說明之?太集中買債,風險跟跟太集中買股、樓一樣;分散投資可減風險。

      //適合資產有幾十萬既長者

      所以我話「真係窮嘅俾唔起,有錢嘅又嫌無肉食」,中中地就覺得有用。

      刪除
    2. 就是了,迷債唔係真債券。但O8年奶完嘢先咁多人知。現今世代,銀號仍不斷製造類似産品呃人。債基叠增,直債,好似好深,但講穿老孖買垃圾債。老人家乜都唔知,唔好話買嘢追通漲,首要係保本先係硬道理。
      電鰻,美佬國際,通櫃汽車D債都输死唔小人。所以魔兄既分散投資係王道。但真係唔多人懂。

      刪除
    3. //債基叠增,直債,好似好深,但講穿老孖買垃圾債。

      唔好做孖展,相對上安全。

      //電鰻,美佬國際,通櫃汽車D債都输死唔小人。

      仲有玩具反斗城 XD

      //魔兄既分散投資係王道。但真係唔多人懂。

      啲人唔係唔識分散投資,而係貪心,成日想一注獨贏啫。

      刪除
  6. 對於諗縮數既我, 由於呢個年金的投保額唔計入資產內,我認為很佢好適合資產得100萬左右既人。
    例子:
    假設65退休人士(男)有100萬資產
    我會建議佢將80萬放入年金, 那每個月就可拿5800*80/100=$4,640,144,000放在銀行投資/放定期,一年收1%利息,每月$120,剛好可以申請高額長者生活津貼, 每月可拿$3,400,這樣每月$8,040,54,000為現金,作應急用。這樣計的話, 年金未必是一個很差的產品。股票, 債券回報比年金計劃是高, 但計埋社會福利的話, 它就會變得吸引。
    利申:我打算幫我阿爸買50萬

    回覆刪除
    回覆
    1. 連長生津都諗埋, 服咗你. 我就好少會咁樣去做 optimisation 了.

      刪除
    2. 關乎父母的晚年生活,能多千就是幾千了

      刪除
  7. 點唱:魔兄咁中意串乜Sir,呢段新聞主人翁就算唔係佢弟子都係佢同宗,有無興趣點評下。

    http://linepost.hk/index.php/news/2539-d20180716-9123

    http://www.thinkhk.com/article/2018-07/16/28081.html

    回覆刪除
    回覆
    1. 摩摩當然可以點唱喇!呢篇嘢等我諗下先。

      刪除