2018年7月21日 星期六

新聞雜評(二百)(2nd edition)

譚指民族黨言論說明有港獨意圖 2018/07/19 19:09

保安局局長正考慮以《社團條例》禁止香港民族黨運作,《基本法》委員會副主任譚惠珠認為,警方已提供足夠法律和證據,她認為「講得出的就是真的」民族黨的言論,已說明他們有港獨的意圖。
警方助理社團事務主任撰寫的理據連附件總共八百多頁,詳列香港民族黨的創黨記者會擺街站的發言、參選立法會的言論、到上電台做訪問、均有逐字記錄。警方承認民族黨至今未有使用任何暴力,但未能排除會用武力的可能性,要防患未然。 
《基本法》委員會副主任譚惠珠看過警方的理據,認為很充分,她則重申鼓吹港獨違反《基本法》第一條,已經超越了言論自由。

1. 哈哈!涼瓜杰都幾好笑。思想當然係停留在腦海裡,但至於「付諸實行」嘛!齋噏大隻講是一回事,有企圖實行但未付諸行動卻是另一回事,否則就沒有恐嚇、企圖謀殺/行劫之類的罪行喇!傷民黨佢地雖然未有能力去搞罷工罷市、買娼買炮,但前期文宣工作做了不少,可以話佢地已經有一份「巷蜀藍圖」。正如談餵豬斤言,如果你只係齋噏大隻講,又點解要周圍做宣傳,講到似層層咁?係唔係想策反一啲傻仔做爛頭卒,萬一搞得起個勢,自己再出來攞彩呢?
2. 如果學涼瓜杰所言,無行動就唔可以當真的話;咁班劣師黨蟻員在垃圾會宣誓時信誓旦旦擁護《基本法》,效忠威權政府,但實情上又未見過呢理蟻員有「付諸實行」,咁係唔係可以當呢班劣師蟻員所謂「擁護《基本法》,效忠威權政府」只係空談,當不得真呢?咁,又算唔算係發假誓呢?
(圖片來源:立法會:作出立法會誓言, retrieved on 19 Jul 2018)
第200章 《刑事罪行條例》31. 宣誓下作假證供任何人如在一般情況下或某一司法程序中依法宣誓為證人或傳譯員後,在任何司法程序中故意作出一項在該程序中具關鍵性的陳述,且知道該項陳述是屬虛假的或不相信該項陳述是屬真實的,即屬犯宣誓下作假證供的罪行,一經循公訴程序定罪,可處監禁7年及罰款。
***
年金計劃今起接受長者認購登記 更新:2018/07/19 19:17

終身年金計劃第一日接受長者登記認購意向,下月八日截止,有長者表示有興趣,但仍在考慮自己的健康狀況及年齡是否適合參加。
二十間銀行、七百多間指定分行開始收表格,但交表的人不算多,有市民上星期一已經領取表格,但指又擔心自己身體差,影響回報。另外八十歲的劉女士都是取表格,她指還沒有想好,但傾向參加。 
香港年金計劃入場門檻為五萬元,最多可投保一百萬元,六十五歲或以上香港居民可以參加,內部回報率介乎三至四厘。以六十五歲、投保一百萬元為例,男性每月可領取五千八百元、女性則為五千三百元,直至終老。
年金公司指,如果出現超額認購,最終發行額將由一百億元增加至二百億元。有興趣的市民可以在下個月八日前交表,年金公司會抽籤決定認購的先後次序,銀行稍後會約申情人辦理手續,最快十一月可以獲派年金。

3. 呢位譚女士,老人家身體差就唔好參加咯!魔術師在《新聞雜評(一百四十九)》中都講過(都只係51篇之前啫!),終身年金係個鬥長命的遊戲,身體差輸面就大。就算當留返俾子女,都唔係咁着數:早退保就蝕價,唔退保就蝕通脹。希望譚女士的子女可以制止阿媽「做傻事」喇!

4. 劉女士都80歲了,保證期(即回本期)為180個月,即係15年(見《終身年金:說好的4%回報呢?》)回本期(不計及時間值)為142個月(=1,000,000/7,030),即接近12年!就算我城的威權政府無呃人,但又有誰敵得過「死神來了」?閻王要你三更死,誰敢留人到五更。劉女士真係咁有信心活得超過9歲?(2nd edition:紅字為更正)
5. 又,這天魔術師返工時,在屋苑門口竟然遇到蛇齋黨的女議員助理。此女笑容可掬地遞上單張,魔術師一手接過...D,P佢個K吖,頂爺嚟嘅?仲要打錯字,「一」變咗「_」(圖中紅圈),KLM頂爺係唔係仲未學識用 Microsoft Word?

***
強積金入息上限倡分兩階段調升 更新:2018/07/19 20:33

積金局完成檢討強積金供款入息限額,已把結果提交予政府考慮,據了解,入息上限建議分兩階段調升至四萬八千元,強制性供款上限亦會由現時一千五百元逐步增加到二千四百元。有商界認為建議會導致僱主負擔沉重,要求暫緩實施,但勞工界認為分階段調高上限已經減輕了僱主壓力。
全港四百多萬名參與強積金計劃的僱員明年會否增加供款,積金局已經檢討完畢,這個四年一次的強積金供款入息檢討,據了解建議將上下限提高供款入息下限,會由現時的七千一百元提高至八千二百五十元,月入不足這個數額的二萬元多名僱員不用再供款,僱主則要繼續供款。 
入息上限現時是三萬元,建議分兩個階段,增加至四萬八千元,估計有四十九萬人要增加供款。實施首兩年,入息上限會先提高九千元,每月強制性供款上限會由一千五百元增加至近二千元,隨後兩年的入息上限會再增加至四萬八千元,每月強制性供款上限亦會增加至二千四百元。 
據了解,分階段提高上限是擔心一下子調高六成,僱主會有難處,但若果分太多階段,跟替打工仔儲多點錢的目的有距離。有商界認為,要應付取消強積金對沖額外開支之餘,還要增加供款,每年要付出多一百億元,負擔很沉重。

6. 魔術師忽發奇想:對高端人口打工仔來說,強迫金在其退休時佔淨資產份額應該唔多,僱員供款供多一千幾照計唔算係乜嘢;但對基層員工來說,就算明天說會取消強迫金,中小企度縮僱主亦不見得會加返「僱主供款」嗰份俾打工仔,亦唔見得唔會要求員工做牛做馬。既然如此,不供白不供,梗係要加啲供款同班僱主鬥屈機喇!
***
伸延閱讀:
終身年金:說好的4%回報呢?
新聞雜評(一百四十九)

44 則留言:

  1. //保安局局長正考慮以《社團條例》禁止香港民族黨運作

    呢幾日我都特登留意新聞(當然臘腸毒果就唔使睇就知佢點回應同“造勢”啦),發覺民間反應真係好細...呢個先係重點

    回覆刪除
    回覆
    1. 陳好癲在我城政界唔係咩嘢頭面人物, 又無觀眾緣, 講嘅嘢大部份港豬都唔buy。一粒老鼠屎搞壞一鍋粥,隨時會有傻人做傻事,無人希望這些巷蜀派講下講下搞出禍來。

      刪除
    2. //講嘅嘢大部份港豬都唔buy

      loop back返去最初頭既理論:我城支持巷蜀既人有一定數量,不過sorry,個個都係“無代價巷蜀”,即係好處要晒犧牲少少都咪搞,陳好癲話咩嘢“罷工罷市罷課再武力”真係無人會聽佢支笛。

      刪除
    3. //個個都係“無代價巷蜀”

      所以個個都係「空談」,死道友不死貧道, 支持埋啲無行動去實現嘅嘢, 只係坐係度等支爆, 同打JJ時的性幻想無分別, 啫爆就有佢地份.

      刪除
    4. //陳好癲話咩嘢“罷工罷市罷課再武力”真係無人會聽佢支笛。//

      有穩定工作, 有家室既人係唔會

      但係對一眾"點解你咁醜樣就咁多頭髮, 我咁靚仔就甩晒D頭髮", 做緊老麥既有青, 就唔係咁講

      佢地會諗, 最好我無你無大家無, 至少我條氣順D

      罷工罷課罷市佢地無力推, 週圍放菠蘿既鬼祟野就難保佢地會做出泥

      係要防佢地一手

      刪除
  2. //劉女士都80歲了,保證期(即回本期)為180個月,即係15年...

    魔兄,不同年齡與不同性別的回報收入金額都有不同,年紀愈大回本期愈短,由於80歲的劉女士每月可得7030,回本期為12年。
    http://www.sohu.com/a/241129722_643607

    回覆刪除
    回覆
    1. //不同年齡與不同性別的回報收入金額都有不同,年紀愈大回本期愈短

      這個我知道, 之前我都有認真寫過.
      https://magicianyang.blogspot.com/2018/07/blog-post_10.html

      //由於80歲的劉女士每月可得7030,回本期為12年。

      是的,我一時大意, 沒有認真計算, 誤將保證期寫成回本期, 謝謝指出, 現已更正.

      相比起頂爺,我的大意失誤今次更嚴重了, 實在是任何時候都不應該疏懶的,給人抓到了也就很樣衰,也不好意思去笑別人了.

      幸好我還有自知之明,沒有去寫財 blog,那些要求我寫投資心得的讀者也真是謬讚了。話又說回來,要做到零錯誤,精神壓力也不小的,風兄文章質素少有錯誤,的確叫人佩服。

      刪除
    2. 不敢不敢,只是剛巧看見多口而已,魔兄勿怪。其實魔兄Attentive to Details與資料精確的能力,在Blog界屬一屬二,小弟自愧不如。
      話說回來,根本沒有零錯誤的blog,而且也不需去做到。Blogger寫blog,志在分享,只要不是存心誤導,讀者自有自行分析判斷的責任。我們又不是百科全書,怎麼可能樣樣不出差錯呢?如果魔兄都自謙無資格寫財blog,我相信也沒有甚麼人真有資格寫了。
      不要有無謂壓力,Blog盡力求真不出錯只是人情,不是道理。

      刪除
    3. //不要有無謂壓力,Blog盡力求真不出錯只是人情,不是道理。

      我們都太 old school 了,仲係度講文責的問題。依家係認真便輸了的時代呀!

      刪除
    4. 對,認真便輸了,寫blog都係隨心好啲,哈哈。

      刪除
    5. 我咁多題目,夠哂隨心 (有時見到啲 blog 文以教科書的寫法去寫, 明顯有所為而來, 實在係惡頂).

      刪除
  3. 其實等成年就係等班笨土做D實質嘢(去學校門口派單張)嚟構成合理懷疑。
    https://m.facebook.com/story.php?story_fbid=2193462770683383&id=211789612184052

    回覆刪除
    回覆
    1. 哎呀,講到德成前局長都好似罪有應得咁.

      刪除
    2. 即係咩?德成宣傳港獨?定係已拉咗阿陳?

      刪除
    3. 德成小時派傳單, 便被龍獅政府當成是「實質嘢」了.

      刪除
    4. 咁做facial,新餐廳都派傳單嘅。都冇要佢哋停止運作兼解釋。
      如果連呢啲煽動性行為都冇就要佢接埋,咁咪重牙煙?又話冇言論自由乜乜乜㗎啦!

      刪除
    5. 佢黨綱已經話「不排除使用武力」,再加埋同外國及台灣政治團體實質聯繫,呢嘢其實斷得幾正.

      刪除
    6. 有傳佢去英國見黃台仰。不過唔知真定假。

      刪除
    7. 剛看到日前新聞説中出羊子和黃台仰獲英國大學邀請訪談。如屬實,這是否浪費英國納稅人金錢之组舉?

      另外,我孤陋寡聞,今日才知六十年代除馬文輝之外,張國興(曾任浸會書院傳理系主任)也曾提倡香港獨立。

      刪除
    8. //如果連呢啲煽動性行為都冇就要佢接埋
      //呢嘢其實斷得幾正.

      911之前班恐佈份子都無乜「實質行動」架!

      //又話冇言論自由乜乜乜㗎啦!

      班人都弗弗地. 咁點解邪教又要被取締呢? 人地都有信仰自由.

      //有傳佢去英國見黃台仰
      //剛看到日前新聞説中出羊子和黃台仰獲英國大學邀請訪談。如屬實,這是否浪費英國納稅人金錢之组舉?

      我更孤陋寡聞,完全唔知道呢件事.

      //張國興(曾任浸會書院傳理系主任)也曾提倡香港獨立。

      人地係要由米帝殖民地獨立, 點同呢?

      刪除
    9. 我呢輪特登留意聞瀆檔呢單新聞,睇到延伸報導有講中出san聲稱同黃台瓜在米國見面...不過連魔兄咁鍾意深入敵陣都唔知,證明而家個“敵陣”都無咩嘢好深入。

      刪除
    10. 就算係反對派喉舌臘腸新聞都只係得嗰寥寥幾句, 就知呢單「新聞」轟動有限...


      中出羊子:與黃台仰低調出席英大學訪談 2018/7/17 — 18:56

      被控暴動、煽惑非法集結及煽惑暴動的本土民主前線召集人黃台仰,自去年11月棄保潛逃後,今天傳出其行蹤的消息。

      本土派人士中出羊子今午在facebook發文,稱與黃台仰獲邀低調出席一英國大學研究所之內部錄影訪談。中出羊子表示,與黃台仰出席大學內部訪談翌日,一同遊歷附近名勝。

      中出羊子稱,黃台仰抵達當地至今「沉醉學業」,並因行蹤外洩而「甚少會見國人」。中出羊子二人會面時無所不談。

      中出羊子又稱,黃台仰與其臨別時,囑咐他不要再恥笑梁天琦。

      黃台仰在保釋候審期間,向法庭申請到德國出席活動。法庭批准,條件為返港後到警署報到,及向法庭交還旅遊證件。不過,黃台仰未有按時向警方報到,法庭發出拘捕令,黃台仰至今行蹤不明。

      刪除
    11. 睇相中出公主好似係去咗劍橋同黃台瓜格劍⋯"硏究所內部訪談"可能因為兩位都係奇葩,當奇花異草標本咁嚟硏究一吓。

      刪除
    12. 睇怕中出與台瓜佢地都好有三國風, 經常都「抵足而眠」XD

      刪除
  4. 美國第一位被行刺的總統林肯,開頭都喺南方班友鬧佢。講吓講吓,就真喺有條友仔做咗!雖然改變唔到南北戰爭既結局,但喺就擺咗林肯條命。

    回覆刪除
    回覆
    1. 所有「防範」的行為,都可以講成係唯心的, 缺乏實質行動證據下的指控. 我又真係唔明白點解要有實質行動才可以取締巷蜀.

      刪除
  5. 年年轆死係唔係都唔係真心嘅,得個講字都是空談,原來仲衰過行禮如儀。

    回覆刪除
    回覆
    1. 傷民真奇特, 竟然連「死剩把口」都值得自豪一番.

      刪除
    2. 你唔覺以家傷民只識吹水咩? 身邊大把呢啲人, 屋企, 公司, 學校, 通通都係吹水人.

      刪除
    3. //傷民只識吹水

      呢個問題,就在商界/教育界鼓吹軟技巧(soft skill)比硬技巧 (hard skill )重要時開始。soft skills 靠 EQ,hard skill 靠 IQ。EQ/soft skills 入門門檻低,同做 sales 一樣,人人可學,亦人人都會有一定程的「進境」;IQ/hard skills 係硬橋硬馬真功夫,你無天份就真係學不來,成功失敗係好易定義出來的。

      現代社會鼓吹「天生我材必有用」,避免標籤失敗者,所以整個社會風氣就偏向易於「搓圓撳扁」的 soft skill,即吹水方向行進。

      刪除
    4. 我覺得又不完全是。或者應該是說港豬所謂的“軟技巧”只是局限於“包裝自己”、“講完都唔知講乜”,或者只識用用亮麗死資料的“硬包裝”。

      真正的銷售技巧是將一件產品能演繹到吸引顧客...但現在的所謂“贏在起跑線”課程,從包裝來講,極其量只是“幫自己鍍金”,但連如何吸引target的“攻心之術”都完全無涉獵;如果用溝女嚟講,即是只著重“高(學歷)富帥”的“硬包裝”,而絲毫無教如何針對女性的心理弱點。這種真正的“銷售教育”,同“理財教育”一樣,在我城其實非常欠缺,亦其實被怪獸家長所不齒--因為怪獸家長(以及由佢地培養出嚟的子女)係認為:只要我“死resume”(由嬰兒爬行大賽排名至大學學歷、專業資格)夠殺,就可以“人求我”,不需要“我求人”--所以“神科”永遠是醫科法律,不會是市場學,更不會是心理學,其他就更是“萬般皆下品”...

      而地球上手執這種真正“攻心之術”的牛耳的,當然是美帝了...

      一眾正字人物嚟講,我城的銷售技巧亦很低。蛇齋黨就唔好提了,就算是販民,只是利用殺人政權的負面印象來替自己貼金而已(否則都唔會死拿住轆死不放),本土巷蜀就將抽水範圍擴大到整個蝗民群體;但真正好似希特拉、毛澤東嗰種能將“偶像、天堂、橋樑”三部曲演繹得出神入化的人物,我城最勉強一個只是倚天梁,痴瘋仔靠辯駁做咗偶像但後兩步完全欠奉,國師就搞錯次序剩係識做後兩步(無辦法賣相口齒太差),陳好癲之流直程同佢地挽鞋都唔配...

      收買人心的絕技
      http://blog.xuite.net/davidrosanna/twblog/126120212-%E6%91%98%E8%87%AA%E2%80%9C%E5%8D%B0%E8%B1%A1%E6%B4%97%E8%85%A6%E8%A1%93-%E6%94%B6%E8%B2%B7%E4%BA%BA%E5%BF%83%E7%9A%84%E7%B5%95%E6%8A%80%22%28%E6%9D%8E%E6%B0%91%E5%82%91.%E6%B1%9F%E5%81%A5%E5%8B%87%E8%91%97%29%E7%9A%84%E9%87%8D%E9%BB%9E%E5%88%86%E4%BA%AB2

      而至於這種“軟技巧”的上限,更不是無天賦之分,而是比“硬技術”更取決於天賦--我有一個朋友,睇到另一個損友同女既whatsapp同微信,感嘆:“真係寫埋台詞俾我讀我都讀唔出”...因為這更取決於你潛意識相信自己是什麼人、公眾形象是什麼,而人的潛意識很大程度取決於天性和幼年時教育,之後就好難扭轉,不喜歡講的說話就點講都講唔出。

      所以在我眼中,Elon Musk同賈躍亭是同一種人,只不過後者吹爆咗,前者仲未爆而已;爆咗翻唔到身就係失敗者,未爆過或爆過翻到身仲打爆機就係成功人士,如此而已...

      題外話:從“勢、能、命、運”角度,撇開完全被動的“勢”及接近不可控的“運”,“硬技術”更取決於“能”,“軟技巧”則更取決於“命”:

      https://kuaibao.qq.com/s/20180426A1X5PX00?refer=spider

      刪除
    5. //真正的銷售技巧是將一件產品能演繹到吸引顧客...

      所以 Apple 係製造需求,咁先叫 sell 到嘢。

      //這種真正的“銷售教育”,同“理財教育”一樣,在我城其實非常欠缺,亦其實被怪獸家長所不齒

      怪獸家長基本上就係「岳不群教華山劍法」,一招一招死板板(咁先有 model answer),人生攻略就是由嬰兒爬行比賽開始做好 portfolio 到入大學讀神科等等;你俾個風清揚佢教你融會貫通,視對手而發招,因應對手製造破綻以獲取勝利(攻心之術),港豬們就會坐立不安,好似不能腳踏實地咁(所以咁多人鍾意做收租仔)...

      //但真正好似希特拉、毛澤東嗰種能將“偶像、天堂、橋樑”三部曲演繹得出神入化的人物,我城最勉強一個只是倚天梁

      摩摩會不會不抬舉倚天梁了?起碼我都未知「三分天下」、「時代革命」係乜東東。

      //而至於這種“軟技巧”的上限,更不是無天賦之分,而是比“硬技術”更取決於天賦

      咁又係,呢個世界大把把口琅過油之士,真係天生 sales。我所講的 soft skill 可以不靠天賦,指的是低層次,可學習的擦鞋法而已。

      //“硬技術”更取決於“能”,“軟技巧”則更取決於“命”

      一命二運三風水,四積陰德五讀書。如果「能」是指讀書,咁摩摩都講得啱。

      刪除
    6. 摩連奴兄: 愚見認為梁天琦層次未到太高,可能只是中學領袖生之流,或可鼓動學生盲衝一時,長久也易被看穿。司徒華可能掌握銷售技巧,可長久地鼓動市民,但不知何解現在很多人憎恨他。

      刪除
    7. 魔兄和C:哈,所以我都話勉強是而已。至少佢在旺爆後一舉成名成為「偶像」,亦能用「時代革命」「三分天下」嚟慢慢包裝「天堂」而有青又受落;只是佢想鞏固三部曲頭兩步、未去到第三步就被DQ了...當然佢被DQ時證明佢僅有的魅力無法壓倒傷民「無代價」的深層傾向,所以只能是「勉強」--否則支持者應該是策劃更大規模的暴動才對。不過佢無著草,而且糧油之輩相對佢,有成個選舉工程都講唔清楚「天堂」係乜(「時代革命」是浪漫廢話,但重點是夠浪漫),所以佢都算係一個人物既。

      至於話學生領袖,據聞當年在藍大Ricci Hall佢係一個好出位人物...

      而家反對派咁多人「憎」華叔,無非係表態同華叔路線切割而已。


      刪除
    8. //我城最勉強一個只是倚天梁
      其實對付大多數傷巷有青,"勉強"嘅銷售技巧可能已經夠用了。



      刪除
    9. 反正傷民就是一班減肥港女一樣,又要唔使做,又要減到肥,重要顯出高貴一面咁囉!
      所以浪漫廢話最有效,起碼滿足到兩樣先。減肥亦由關鍵變成不重要。
      是否能完全民主選舉已不重要,好似吸咗毒咁,又正義又理想又乜乜⋯⋯ high 到老竇姓乜都唔記得。

      刪除
    10. // 怪獸家長基本上就係「岳不群教華山劍法」,一招一招死板板(咁先有 model answer),人生攻略就是由嬰兒爬行比// 賽開始做好 portfolio 到入大學讀神科等等;你俾個風清揚佢教你融會貫通,視對手而發招,因應對手製造破綻以獲// 取勝利(攻心之術),港豬們就會坐立不安,好似不能腳踏實地咁(所以咁多人鍾意做收租仔)...

      都係貪快,無視學習過程, 其實係建立緊思考能力.....

      刪除
    11. //愚見認為梁天琦層次未到太高,可能只是中學領袖生之流

      之前睇過一篇報導,話當日倚天梁豪取六萬票,係以大學生上莊手法做宣傳。

      //用「時代革命」「三分天下」嚟慢慢包裝「天堂」而有青又受落

      如果「三分天下」係指「長線」能夠在選戰中與建制派及販民分庭抗禮,咁梁第一次高票落選只係開初的第一步,仲有大把路要行;同樣,如果「時代革命」係有青在「三分天下」後,在議會上展現影響力的「願景」,又無時間表又無路線圖,那就真的太流於吹水了

      //不過佢無著草

      呢樣係唯一可貴的地方。

      //司徒華可能掌握銷售技巧,可長久地鼓動市民,但不知何解現在很多人憎恨他。
      //而家反對派咁多人「憎」華叔,無非係表態同華叔路線切割而已。

      司徒老鬼不嬲走「建設民主蝗國」路線,死人又唔會發聲抗爭,梗係成為眾矢之的喇。

      //其實對付大多數傷巷有青,"勉強"嘅銷售技巧可能已經夠用了。

      其實中慘港豬一樣好易呃。

      //傷民就是一班減肥港女一樣,又要唔使做,又要減到肥

      話時話,森下仁丹個女model幾靚:
      https://www.youtube.com/watch?v=01OTcBUyAv0

      //建立緊思考能力.....

      依家興即食文化呀!講呢啲!

      刪除
  6. 販民又將“社團條例”扯上23條,形容成23條分拆上市。
    用呢個邏輯,咁佢地係唔係應該支持政府用“社團條例”呢?
    因為“社團條例”已經夠用,咁23條就唔洗立法啦。
    反之,販民反對政府運用“社團條例”,又要支持反港毒,咁係唔係應該支持23條立法先?

    回覆刪除
    回覆
    1. 基本上根據販民所有只說不做的都是「言論自由」,所以AV仁尋日在城請亂彈就只係提到言論自由乜乜乜。我預定寫一篇,但呢個星期已經排滿稿,要輪一陣街症先寫到。

      刪除
  7. //中小企度縮僱主亦不見得會加返「僱主供款」嗰份俾打工仔
    小弟政府工, 政府供款係減"僱主強制"後補足15%, 加強制對公務員來說是純強姦多幾舊, 又俾政府搵笨
    -----------------------------
    剛諗到政府年金如按以下方法改良,方有小許着數:
    逆按可以一筆過提取用嚟買年金, 而年金購買額無上限, 當然要按揭公司唔准收樓, 借款用複息疊上去, 其實係賭樓價升幅大過借貸利率, 按揭公司有着數
    咁一層樓㩒五球出嚟, 一個月收兩萬幾, 先至有少少肉食

    年金無着數, 額細, 又要現金
    逆按息高, 攞得仲少
    二者合體條數會好睇少少

    回覆刪除
    回覆
    1. //小弟政府工, 政府供款係減"僱主強制"後補足15%, 加強制對公務員來說是純強姦多幾舊, 又俾政府搵笨

      係呀,政府 contractor 多數都係咁。

      其實呢個建議幾多,但

      //年金購買額無上限


      呢個先係最大問題。按證有政府 grandfather,如果無限額,隨時被人隊到爆廠,到時負責投資的基金經理理壓力即時大到無倫。

      刪除
    2. //如果無限額,隨時被人隊到爆廠
      之前已經計過, 港人平均壽命(男性82歲)計嘅年金IRR其實同美國十年債差唔得多, 政府單買美債已經夠找數
      政府年金作為退休政策, 點都要將一啲息口同壽命增長嘅風險揹上身, 唔可以單靠市場
      就算有設限, 都冇可能係唔夠洗嘅一百萬(5800/月), 五百萬較合適
      而且只要美國一加息, 政府其實係有賺

      刪除
    3. //政府單買美債已經夠找數

      相信按證個 mandate 會規定某投資板塊的上限.

      //五百萬較合適

      同意.

      //只要美國一加息, 政府其實係有賺

      其實即係以低息借市民錢來投資,賺息差而已.

      刪除