2018年7月29日 星期日

摩摩電影節之《喪屍末日戰(I am a Hero)》:活着受罪但是又離不開

早論NOW睇過一套日本喪屍片(片名已經唔記得咗),唔知系唔系因為皇民獨有諗嘢方式,反而仲有啲”皇式cult"元素:例如一個生前為購物狂的女喪屍會日日流連於已成廢墟的名店遺址門外、本為高校運動健將既喪屍會日日練跳高、而最“皇味”系本為上班族既喪屍會日日早上企系度做手挽扶手坐JR返工既姿勢...講真我覺得套皇片絕對有趣過《屍殺》...
唔知點解我城啲中剷父母一定會一家大細入場睇戲,尤其享受揞住對眼在手指罅之間敢睇與唔敢睇、想睇與唔想睇之間掙扎,結果非老少咸宜、沒有那種欲拒還迎的感覺的恐佈/驚嚇電影在我城就變成無市場。魔術師就覺得呢套《喪屍末日戰》好睇過販賣廉價溫情的屍殺列車多多聲嘞(多謝摩摩推介)!

***
當電視新聞正在播報人咬狗事件的同時,在漫畫工作室的眾人正趕稿趕得苦不堪言。就在這時,鈴木英雄(大泉洋飾)站起身來,大呼漫畫就是皇國的國粹,是超越語言文化的存在(畢竟費蘭度托利斯也是受《足球小將》影響而走去做職業足球員),即使只是做助力,也不應感到羞恥,激勵了一眾同事...但其實,這一切只是英雄的幻想,就如巷蜀一樣,連死剩把口的能耐都沒有:

原來鈴木英雄在15年前曾奪得過漫畫新人獎,但就僅此而已,之後都只是在主筆手下當個助理。英雄還有一項興趣,就是射擊(看來燒槍在皇國不算是高檔活動?),並領有槍牌(看來手續簡單,否則以英雄的宅男性格,定必怕事唔會去申請),家中得以合法藏有一枝獵槍,真係羨慕死陳好癲。不過,英雄的同居女友徹子似乎對英雄的事業發展失去耐性,連獵槍也不讓他摸;加上同期出道的爆炸頭畫師已撈得風水水起,更令英雄感到不是味兒:

徹子已經34歲,不再年輕,眼見英雄資質平庸,繼續發他的漫畫家夢,是永遠不會贏在終點線的,一於發起狠來,將英雄的藏書掃走,獎盃也掉在地上,更將英雄連同他的愛槍一起趕出門外:

英雄把獵槍收在背包,回公司過了一晚,第二天早上回家買了早餐想哄回女友。由於英雄被趕出來時沒帶鎖匙,叫門又沒人應,於是英雄便從送信口向內望。只見全屋對穿,風水甚差,變成了喪屍的徹子以扭曲的肢體突襲過來,一口咬正木門,就連牙都咬甩了。英雄跟徹子從室外糾纏至室內,徹子咬中英雄手掌,幸好徹子的牙齒早已掉落,英雄得以倖免於難。最後徹子在糾纏間,後腦墥正掉在地上的獎盃,被尖刺狀的獎盃刺死:

英雄走到街上,只見自衛隊的戰機滿天飛。英雄回到工作室,已經變成喪屍的主筆仍不斷地催稿,最後被肥佬助手以棒球棍打爆頭殺死,為工資奴出一口氣;但肥佬助手亦因被咬而開始異變,在異變完成之前,肥佬抓起鎅刀割頸自盡。英雄走回街上,只見人們爭相走避,亂作一團:

就在英雄想學娘仲痕跳上的士逃走的當兒,學生妹比呂美(有村架純飾)走過來,以一副萌樣求救。點知英雄真係「要槍有槍」,竟然從背包取出獵槍來個真的「英雄救美」...咪住,原來英雄只是擺擺姿勢作個樣子而已。這時一名西裝男走來搶截的士,英雄不甘示弱又帶埋學生妹跳上車。西裝男似是國家幕僚,又電話打來報告話皇國總理唔準自衛隊開槍...就在這時,西裝男喃喃自語說出蔑視窮人的心底話,並異化為喪屍,又咬了司機一口:

英雄和美少女好容易踢了西裝男落車,本來是接待客人、駕駛態度良好的的士司機又開始異化,並釋放出壓抑了30多年的心魔,瘋狂飛車直至炒車為止...當然,因為係主角的關係,所有人死,主角都唔會死:

英雄和比呂美從網絡上得知喪屍病毒叫ZQN,會破獲人格和異化體質。由於相傳病毒會在高海拔的地方死去,於是二人決定攀登富士山。途中比呂美問英雄,如果枝槍係真的,為何唔一早拿出來用?英雄卻說不能在公眾場所展現槍械。比呂英深受英雄死都唔肯違法達義的情操感動,覺得跟他一起很有安全感,於是便倚在英雄肩上睡着了(見《睡在肩上的女孩》):

就在英雄乜斜着眼想目及嘢之際,赫然發現比呂美頸上有咬痕...原來比呂美數天前被還在餵哺母乳的小孩咬過。奇怪的是比呂美正值青春少艾,卻是一慷慨就義的樣子;但宅男英雄當然不會殺死美人兒,仲會立志當兵入伍守頀小天使添!

在上富士山的路上,比呂美知道就要發作,便要將英雄趕走。比呂美異變的一刻,嚇跑了英雄;但英雄在路上遇到另一隻喪屍,打又打唔過,眼看被咬之際,個樣仲係好索嘅比呂美出現將喪屍的頭扭斷,然後肢解,看來比呂美殘存的意迫就是要跟英雄在一起。結果,英雄見比呂美不會攻擊自己,便繼續帶着她上路,更發現她喜歡吃貓糧:

英雄帶着未完全異化、昏昏沉沉半睡半醒的比呂美來到富士山上的一個血拚場,找尋補給及物資。英雄受到喪屍襲擊,幸得前護士小田鶇(長澤雅美飾)解救。原來鶇是一群人類倖存者的成員,這天一行人來到商場取得食水。趁喪屍都不懂得上樓,倖存者便都躲在商場的屋頂上,英雄以布帶遮住比呂美異化了的眼睛,也跟了上天台。天台的領導人伊蒲對英雄的獵槍就最有興趣,原因是天台上要囡有囡(所以對美少女比呂美沒興趣),要名錶有名錶,但就是缺乏武器:

英雄跟比呂美只是萍水相逢,但仍傾力守護,此等男子氣概冧死了鶇。原來喪屍的行為是受異變前的記憶所主宰,所以鳩嗚狂會繼續鳩嗚、服務員繼續要說「多謝光臨」、工資奴繼續要逼地鐵上班做痴漢,而跳高男神就繼續要跳高:

伊蒲計劃去商場地庫取食物,要英雄交出獵槍。英雄不肯違法達義,但伊蒲認為在這無政府的天台上,自己就是法律。伊蒲以比呂美性命脅逼英雄,但比呂美開無雙打倒眾手下,混亂中比呂美額上的布條鬆脫,被人知道了比呂美是半隻喪屍。伊蒲以弩箭射中了比呂美的額角,比呂美倒下,英雄一時分了心便被長毛搶去了獵槍:

果然是槍桿子裡出政權,長毛得到了槍之後便發動「天台革命」,把伊蒲繳了械。鶇發現比呂美腦部未受破壞,並未死去,於是便將她檢回來護理,當成是給自己從醫院裡逃跑的贖罪(畢竟不是人人都能夠當上沙士英雄)。鶇發現比呂美是有脈搏的,跟一般喪屍不同。:

其實,英雄識得自我反省,承認死剩把口,只係空想空談係無用嘅,也不能算是太廢吧?

長毛只給伊蒲和英雄最基本的肉搏戰武器,便要他們去打頭陣搶劫糧倉;期間伊蒲偷偷跑了去保安控制室,亮了燈,又大放音樂,引來無數喪屍來襲。長毛開槍,卻是胡亂掃射,一係就連自己人連喪屍一起打爆,一係就打唔中:

這時跳高男神喪屍跳上了天台,展開了殺戮。鶇帶着比呂美躲起來,向劫糧隊求救。英雄匿藏起來,聽見對講機中的求救,幾經考慮,腦中模擬過無數似被喪屍咬死的片段後,終於鼓起勇氣衝出去跟鶇聯絡,自己囡囡自己救。這時有喪屍衝出來咬中英雄的手臂,幸好英雄手中戴有無數隻勞力士「防身」,得以身免:

英雄回應完鶇,便逃了出去,又撿回在混亂中長毛掉下的獵槍。鶇發揮超人體質,帶着比呂美也到了地庫,遇到了伊蒲。伊蒲提出鶇跟他性交便可以轉運,坐上他的車離去,但在說話間伊蒲已開始異變,想來是在途中被喪屍咬了。英雄趕來一槍將伊蒲轟了,又跟死剩的長毛和阿部先生會合:

眾人逃到某個角落,英雄決意以96發子彈死戰,其行為亦感召了長毛、阿部先生、和鶇一起參加肉搏戰。唔使問長毛戰死,阿部先生亦被其鳩嗚狂老婆咬倒。英雄打完95發子彈之後殺絕了喪屍,只剩下跳高喪屍;而英雄竟然可以在滿地子彈殼中拾回最後一發未射的子彈,將跳高喪屍轟倒:

跳高喪屍竟然還未死透,最後英雄以槍柄打掉其首級,方可完全殲滅。英雄與鶇、比呂美最後坐車離去,跟天台上的喪屍 say goodbye,然後亙相交換了名字...然後,便再沒有然後了:

***
喪屍圍城,有為中年原來是神槍手,偕二美殺出重圍,真係牡丹花下死,做鬼也風流,不愧是一眾動漫毒男的終極夢想;可是有村架純在本片只是「清醒」了半個小時,兼且在最後一戰竟然出乎意料地齋坐,全程做花瓶,並無開無雙;電影播了一個小時後,便由中女長澤雅美接手...不過以魔術師一向的審美眼光,會較喜歡熟女型的長澤多過卜卜脆的純妹。
明顯,港豬唔鐘意睇槍槍爆頭,血肉橫飛的 hard core 喪屍片,所以縱使有索妹撐場,票房未見轟動;又或者,如果片中的跳高喪屍換咗係文蔚BB可能會好啲:

本片的 bug 主要是來自主角威能,最明顯的就是最後隧道大戰1vs100,英雄要顧及隧道前後,以獵槍的射擊速度應該來不及阻止喪屍埋身。另外,英雄咁樣孭住比呂美,雖則會有波餅可吃,但比呂美失去了意識,手腳無力,應該好難孭得穩:

又,片中勞力士發揮的「護身效果」,真係十分惹笑,如果係植入式廣告,真係比CCTVB食炸雞高班得多了;而勞力士肯用呢條橋,證明其廣告公關都幾開明也。
跟《屍殺》以致其他B級荷里活蒼白的喪屍片唔同,本片最創新的是喪屍會保留了失去意識前的習慣、或記憶、或被壓抑的潛意識,不一而足,例如那位上班族(在最後隧道大戰中第一個被英雄轟掉),真係連做喪屍也逃不了工資奴的習慣,想想也覺得悲哀,真係做人同做喪屍都無乜分別也。
講真,在現實上,「上網」都係一種「屍毒」。睇下班妄民,尤其鍾意D正苦部門,郁啲就小事化大,人人都係磚家手指指,不斷瘋傳起哄,又起底又冷血涼薄乜都做得出,一副「見血就噬」的喪屍模樣;但回歸現實,呢班正義感澎湃的妄民卻又唔知去哂邊,唔通真係日間係人,夜裡回到家在電腦面前就是喪屍?
最後,片尾曲 Home on the range 真係好好聽,記得魔術師初中時音樂堂都有教過呢枝歌:

Oh give me a home where the buffalo roam
Where the deer and the antelope play
Where seldom is heard a discouraging word
And the skies are not cloudy all day
Home, home on the range
Where the deer and the antelope play
Where seldom is heard a discouraging word
And the skies are not cloudy all day
Oh give me a land where the bright diamond sand
Flows leisurely down the stream
Where the graceful white swan goes gliding along
Like a maid in a heavenly dream
Home, home on the range
Where the deer and the antelope play
Where seldom is heard a discouraging word
And the skies are not cloudy all day
Oh often at night, when the heavens are bright
Have I stood there amazed and asked as I gazed
From the light of the glittering stars
If their glory exceeds that of ours
Home, home on the range
Where the deer and the antelope play
Where seldom is heard a discouraging word
And the skies are not cloudy all day
***
伸延閱讀:
《屍殺列車(Train To Busan)》:小人比女子更難養
睡在肩上的女孩
Forget Pele, Maradona and Beckenbauer, meet the inspiration behind Torres' career... Japanese cartoon Captain Tsubasa
信報 2018年7月5日
無綫台慶食炸雞 新例也難容
通訊局今次放寬植入式廣告規限,或源自與電視廣播(00511)(TVB)【圖】的「炸雞」爭拗。TVB過往多次因植入式廣告違規而被通訊局警告或罰款,雙方甚至隔空交火,當中最矚目的個案,是2015年台慶節目《萬千星輝頒獎典禮》上,突然向一眾藝員派炸雞,並即場進食,品牌商標清晰可見。通訊局廣播業務守則委員會主席鄧國斌強調,儘管推出新規例,惟上述個案仍然不符合要求。
另外一宗重罰個案,則為2016年TVB在《東張西望》加插宣傳「myTV SUPER」的環節,又在其他節目推銷旗下收費服務。事後,TVB被通訊局重罰,myTV SUPER及炸雞事件分別罰款20萬元及15萬元。TVB不服,並提出司法覆核,目前法院尚未就覆核作出裁決。鄧國斌表示,新守則也對持牌機構所屬集團旗下其他公司作出規管,若在節目中提供同系公司的產品或服務,即使是無償的間接宣傳,亦受植入式廣告規則規管,即myTV SUPER個案仍不符合新規。
恒管市場學系副教授鄧子龍認為,網媒影響力提升,長遠而言,對免費電視的監管會繼續放寬,同時收緊對網絡電視(OTT)平台、網媒的規管,以平衡兩邊過度不對等的監管力度。
政府拆牆鬆綁研跨媒體擁有
浸會大學新聞系高級講師呂秉權亦同意,近年對傳統媒體的監管逐步放鬆,主要由於經營環境困難、條例變得不合時宜,放鬆監管相信會成為大趨勢。
今年2月起,政府就跨媒體放寬擁有權諮詢公眾,建議放寬跨媒體擁有權限制,本地報刊東主未來亦可同時成為免費、收費電視及聲音廣播持牌人,當時商務及經濟發展局局長邱騰華已表明要為傳統廣播媒體「拆牆鬆綁」,制度要與時並進。

19 則留言:

  1. 哈!今晚完成埋另一邊“爆seed”,你就update新戲勒.

    嚴格嚟講呢套只算半套推介...因為我只睇過一次,係由攀登富士山開始插入;但一睇就覺得好過癮,一直睇到落尾...之前部份,我係後來睇谷阿莫知返個大概.

    //片中勞力士發揮的「護身效果」,真係十分惹笑

    呢嘢真係完全估佢唔到,真係又驚又好笑!

    聽日睇下再寫多啲.

    回覆刪除
    回覆
    1. //今晚完成埋另一邊“爆seed”,你就update新戲勒.

      摩摩個seed爆得太勁, 聽日先覆.

      我通常月尾都會排返一篇影評的.

      //呢嘢真係完全估佢唔到,真係又驚又好笑!

      呢一個場口我係屋企笑咗出聲!

      刪除
    2. 在我遠遠不算專業既認知,世界上有兩個國家既電影係經常“古古怪怪估佢唔到”的:一個係法蘭西,一個就係皇國。法蘭西我認識較少(但起碼知道其民族性偏“怪雞”遠遠多於巷豬刻板印象中“膚淺的浪漫”),但“皇式cult”應該係源自於民族性“菊與刀”的混合。事實上皇國溫情電影不少,但印象中都是講溫情就是溫情,較少用其他商業蹻段包裝溫情或家庭價值--老實講後者的掌握,韓國都只是徒弟,手執牛耳的佼佼者當然是美帝荷里活了。

      不論我地中唔中意,不能否認是商業蹻段做soundbite再包裝溫情的確是吸引大部份觀眾的殺著(尤以巷豬為甚),《喪屍末日戰》呢類針對的主要是niche market.

      //英雄帶着未完全異化、昏昏沉沉半睡半醒的比呂美來到富士山上的一個血拚場
      //天台的領導人伊蒲對英雄的獵槍就最有興趣
      //伊蒲認為在這無政府的天台上,自己就是法律

      我主要係呢都插入睇,一睇到天台班倖存者自己組成“槍桿子下出政權”的小政府就覺得很有趣,所以繼續睇落去。

      其實講什麼無政府都係多餘,畢竟homo sapien不是貓科,屬靈長類就是群居動物,一群居就要有首領,有首領就要有政府;所謂想“無政府”只是因為自己唔係首領而已。人類最接近無政府思想其實是老子的「鄰國相望,雞犬之聲相聞,民至老死不相往來。」,但無網絡會死的現代人做到嗎?

      //原來喪屍的行為是受異變前的記憶所主宰

      這亦是我最深刻一幕。皇民大眾營營役役彷如工蟻,但對此的真反思從來不少,漫畫對此描述甚至更多。

      //英雄匿藏起來,聽見對講機中的求救,幾經考慮,腦中模擬過無數似被喪屍咬死的片段後,終於鼓起勇氣衝出去跟鶇聯絡,自己囡囡自己救

      除了“咬勞”一幕外,英雄在儲物櫃匿藏時幻想被殺的恐懼非常有黑色幽默--呢啲係皇片既強項,我睇過既韓片反而很少黑色幽默。

      //所以縱使有索妹撐場,票房未見轟動

      皇片一直在我城票房比較普通.

      另外又係時候推介下“新”戲:

      《我不是藥神》--上畫唔夠一個月,今日已經收過30億人仔,被譽為“中國商業化最成功的寫實電影”,最挑剔的豆瓣都評8.9分,連李總都要為套戲發話,無理由唔入list啦。雖然我覺得佢都係有啲欲語又止,不過在蝗國大環境下已經情有可原,而且同舊年《戰狼2》旋律完全不同卻一樣大賣,亦可以一窺蝗民心理投射是什麼。

      《我的少女時代》--純粹前排等開波時無聊睇到的,一個老掉牙的故仔卻出奇的拍得好看,而且針對的觀眾年齡層除咗一般的15-25歲有青外,更主要其實是一眾七十後生九十年代於巷呆成長之人士--雖然故事背景是1994-95年的寶島,但當時巷呆兩地的流行文化是大同小異的。不過小弟當年比較曳對流行文化比較投入,魔兄是否有同感就要睇過先知了。

      刪除
    3. //家庭價值
      呢套戲嘅家庭價值就係一王二后,一夫兩妻喇XD呀一個有啲喪屍又喪唔哂,做工人姐姐都得。

      //針對的觀眾年齡層除咗一般的15-25歲有青外
      戲內又華D又國貨城,啲有青唔會嫌老餅?或者完全get唔到…

      我不是薬神表面睇似係強國版Dallas buyers club。寫實戲又過到關,可能歸根究底都係西方邪惡藥廠天價藥物vsGeneric抄襲"A貨"藥⋯

      刪除
    4. //事實上皇國溫情電影不少,但印象中都是講溫情就是溫情,較少用其他商業蹻段包裝溫情或家庭價值

      皇國好多喵星人電影的 XD

      //不能否認是商業蹻段做soundbite再包裝溫情的確是吸引大部份觀眾的殺著(尤以巷豬為甚)

      巷豬呢樣嘢真係好乞我憎,成日都隨波逐流, 幾時有獨立思考過?

      //畢竟homo sapien不是貓科,屬靈長類就是群居動物,一群居就要有首領,有首領就要有政府;所謂想“無政府”只是因為自己唔係首領而已。

      就算係貓科, 都有其社區關係, 貓咪都會知道誰是大佬.

      //呢啲係皇片既強項,我睇過既韓片反而很少黑色幽默。

      皇片好多時都有呢類自嘲情節, 可能又係平時壓抑過度所致.

      //《我不是藥神》
      //《我的少女時代》

      已加,有拖無欠.

      //可能歸根究底都係西方邪惡藥廠天價藥物vsGeneric抄襲"A貨"藥⋯

      陶藝才子呢排成日抽呢個point水.

      //另外又係時候推介下“新”戲:

      又,近月睇完《長城》、《金剛:骷髏島》同埋《悍戰太平洋2》, 只能話傳奇影業被萬達收購後蝗味愈來愈重, 拍埋啲片只係特技有睇頭(畢竟是荷里活出品), 但劇情演員等均差強人意,仲下下有景甜, 都唔知做乜...

      刪除
    5. //事實上皇國溫情電影不少,但印象中都是講溫情就是溫情,較少用其他商業蹻段包裝溫情或家庭價值

      皇國好多喵星人電影的 XD

      //不能否認是商業蹻段做soundbite再包裝溫情的確是吸引大部份觀眾的殺著(尤以巷豬為甚)

      巷豬呢樣嘢真係好乞我憎,成日都隨波逐流, 幾時有獨立思考過?

      //畢竟homo sapien不是貓科,屬靈長類就是群居動物,一群居就要有首領,有首領就要有政府;所謂想“無政府”只是因為自己唔係首領而已。

      就算係貓科, 都有其社區關係, 貓咪都會知道誰是大佬.

      //呢啲係皇片既強項,我睇過既韓片反而很少黑色幽默。

      皇片好多時都有呢類自嘲情節, 可能又係平時壓抑過度所致.

      //《我不是藥神》
      //《我的少女時代》

      已加,有拖無欠.

      //可能歸根究底都係西方邪惡藥廠天價藥物vsGeneric抄襲"A貨"藥⋯

      陶藝才子呢排成日抽呢個point水.

      //另外又係時候推介下“新”戲:

      又,近月睇完《長城》、《金剛:骷髏島》同埋《悍戰太平洋2》(講英文的張晉出場幾分鐘便領了便當 -_-), 只能話傳奇影業被萬達收購後蝗味愈來愈重, 拍埋啲片只係特技有睇頭(畢竟是荷里活出品), 但劇情演員等均差強人意,仲下下有景甜, 都唔知做乜...

      刪除
    6. 景甜絕對係傳奇人物,傳奇在到呢刻為止都係「點捧都唔紅」又「唔紅極都要捧」,人人驚嘆背景強大但連大紀元都揾唔到(或吹唔到)確實來頭,只有一句沒頭沒尾的「陝西背景的藍色派系紅三代」,相關被河蟹的知乎archive亦只是列一堆姓白的陝西開國元老但又無其他線索(被刪除從來不代表就是真的)...最神奇唔只蝗國個個大腕俾晒面,07年讀緊中影時已經做美帝櫻桃袋炎人,之後小金人更破天荒整左個只有一屆的無厘頭「國際獎」頒俾佢,絕對不是一個蝗國紅三代及/或王建林小蜜(就算係,做到超過十年仲要不停使老細咁多錢已經不可思議)可以有此能量...

      狂想啲講,佢可能係唯一有蝗國背景的美帝骷髏會天生會員....

      而家佢變左老外理解蝗國演藝圈的proxy,以為佢真係蝗國當家花旦,相反真正最紅既迪麗熱巴趙麗穎等,老外就完全唔識...

      刪除
    7. //07年讀緊中影時已經做美帝櫻桃袋炎人

      https://www.elle.com.hk/celebrity/feature/who-is-Jing-Tian

      //狂想啲講,佢可能係唯一有蝗國背景的美帝骷髏會天生會員....

      啲妄民叫景甜做「國際景」,似乎都睇少咗佢。

      刪除
  2. 清一色都係勞力士,又會咁啱唔同款式,的確幾搞笑。

    回覆刪除
    回覆
    1. //清一色都係勞力士,又會咁啱唔同款式

      多謝細看截圖 XD

      //勞力士無止境

      呢個植入式廣告真係高招!

      刪除
    2. //多謝細看截圖
      截得咁好,可以拎去瑞士,指住嚟入貨"我要手腕對上第三隻"XD 其實如果成個籃裏面都係真貨都幾係野。

      刪除
    3. //其實如果成個籃裏面都係真貨都幾係野。

      睇返片尾字幕(我懶,無去個櫃找回DVD,只係睇矇矇地的片尾曲youtube),又唔多覺有勞力士贊助。

      刪除
  3. //一個生前為購物狂的女喪屍會日日流連於已成廢墟的名店遺址門外

    記得以前睇過套 Dawn of the Dead (2004) 都有類似情節。結局(好似係)成班喪屍流連於商場。

    回覆刪除
    回覆
    1. 我都有睇,不過淨係記得班人走到去個小島度就完了。

      刪除
  4. 一睇個主角扮相就諗起有套日本漫畫叫《請叫我英雄》,睇真啲原來係漫畫拍真人電影版。

    《請叫我英雄》
    https://zh.wikipedia.org/zh-hk/%E8%AB%8B%E5%8F%AB%E6%88%91%E8%8B%B1%E9%9B%84

    估唔到當時連載都未完就出電影。

    回覆刪除
  5. 多謝介紹,其實唔止日本片,印度片都幾好睇,唔一定睇荷里活大制作的

    回覆刪除