2018年7月5日 星期四

富人育成靠公屋

戶主經常出門,成日住酒店都唔夠,就連公屋屋企都要化身酒店,唔通真係住唔厭(37:20—47:40)?
樓盤傳真 2018/06/09 2018/06/09 23:18

剖析大角咀蚊型盤利奧坊.凱岸,再次憑開則細通全區、嘗試拉高每呎租值,但今次難以翻版姐妹盤利奧坊‧曉岸般租務回報偏高。同時追訪利奧坊‧凱岸揀樓買家當中,投資者擔心可能即將加息以及一手樓空置稅嗎?
踏入加息六月,二手市場量跌價升局面加劇,十大屋苑當中,將軍澳新都城情況尤其厲害。當兩房放盤已達 700 萬元以上,今集仍然見到 6 字頭。
會德豐筲箕灣 ISLAND RESIDENCE 入伙, 2015 年底開售,足足 30 個月樓花期,與其說買家和發展商對賭,倒不如說未入伙已看著樓價升,可惜驗樓遇著大問題,廚房地台去水竟然被英泥封了。
公屋樓價跟隨大市上升,當年的租置公屋戶,已經富起來,沙田博康邨 370 呎單位,業主兄妹二人,裝修要求是把公屋變酒店。屋邨外圍無法改變,但室內就可大變特變。
沙田博康邨85年入伙,戶主02年以14萬經租置計劃買入,睇怕依家升廿倍都唔止;現在只有兄妹二人同住,梗係可以多多要求,請個靚太設計C來執執佢(不過室外環境與及鄰居質素就無得執了):

公屋原來圖則甚為奇怪,只有露台方向有窗,但廚房卻竟然在室內,完全無通風(左上);靚太設計C於是便將廚房拆去,間出兩間睡房(右上)。兩間睡房都無窗,以兄房為例,只能長開冷氣,吹住個頭(左中);另一邊的牆壁有個特別裝飾,可以用來掛衫(右中);妹房跟兄房一樣(所以兄房從略),都係以升高地台儲物(左下),衣櫃下方偷空,用來放唔去旅行會死的旅遊書(右):

(女?)戶主喜歡煮,於是食靚太設計C將露台打通,改成開放式廚房(左上、右上)。全屋只有廚房方向有窗,所以廚櫃以鏡面設計,增強反射光線效果,玻璃飯枱亦可透光,配以名牌洗衣機、蒸焗爐、大型雪櫃等,十分型格(左中)。靚太設計C甚至在蒸焗爐之間加上一塊拉板,增加工作空間(右中)。客廳以簡約設計為主,梳化背為唔等使掛畫,門邊則是全身大櫃,底部偷空加滲燈,再加上型格天花燈,可補客廳光線不足的問題(右上):

公屋最衰就係「次格」,無裝潢的話空間甚為狹窄,基本上係要同個馬桶一齊沖涼(左上)。靚太設計C將廁所牆向外移(右上),於是便可以有個淋浴間(左中),仲可以無厘頭地將梘液、洗頭水、護髮素倒出來,注入酒店所使用的容器內(右中)。花酒對面的牆壁是戶外防水木,打開來原來是廁所渠位(公屋設計始終呃唔到人),現在以木門遮起來,其餘空間亦可用來放置大型雜物(右下):

平平無奇的設計,咁就58.8萬,原來靚太設計C只收3萬設計費,還不到清拆油漆的一半,真係估佢唔到。

12 則留言:

  1. 而家建築的設計費真平...

    回覆刪除
  2. 一神教,想話瞓黑房唔係太好,可以慳返啖氣…
    廚房地下又咁啱啲射燈射成一個十架咁。
    多數真喺成日要出國嘢都唔想返到屋企仲似係住酒店咁,冇啲家庭溫暖感覺。睇嚟都只係去過一兩次南亞倭國之類。

    回覆刪除
    回覆
    1. //廚房地下又咁啱啲射燈射成一個十架咁。

      咁都俾你睇到,果然夠哂 attention to details!

      //睇嚟都只係去過一兩次南亞倭國之類。

      成日出trip 的人態該係阿哥。阿妹獨守空閨,怕蝕底俾人,唯有信一神教。

      刪除
  3. 趟門隔聲好好架喎,帶多個返屋企就乜私隱都無啦。

    回覆刪除
    回覆
    1. 人哋一神教好pure好true㗎XD

      刪除
    2. //帶多個返屋企就乜私隱都無啦。

      連爆房錢都慳唔到,買層樓返嚟把鬼咩?

      //人哋一神教好pure好true㗎

      但係教主娘親未婚產子喎!

      刪除
    3. //但係教主娘親未婚產子喎
      不特止,教主娘親產子之後都仲係處女嚟㗎
      https://en.m.wikipedia.org/wiki/Perpetual_virginity_of_Mary

      刪除
  4. 兄妹同住都要整成咁,真係有啲好奇。佢地其中一個嫁/娶然後要搬既話,裝修費咪豪晒出去?定係呢兩兄妹打算同居一世呢?

    回覆刪除
    回覆
    1. 可能留下來的那位要補地價買返業權 XD

      刪除
  5. 個次所十足蝗國啲七天酒店.

    回覆刪除