2019年3月31日 星期日

魔術師資產配置(2019年3月結)

又到三月,亦係年結時,故提早一天做月結。
本月投資組合的亮點是房託組合,收每單位我城貨幣(下同)$149.21,較上月升4.51%,為升幅最大組合;現排第三位,但已非常貼近第二位的沉船基金。沉船基金本月收報$149.88,較上月升1.80%;第一位的複式盈富收報$152.34,較上月升1.79%。
第四位是生活基金,本月收報$136.15,較上月升1.68%,拋離第五位的強積金組合數個馬位。強積金組合本月收報$124.33,較上月升0.84%。
作為合格線的現金及債券組合,排第六位,本月收報$115.18,較上月升1.64%。唯一不達標的是商品基金,依然包尾,本月收報$104.02,較上月升1.64%。

由於自住樓在網上銀行的平均估價(大貓、小貓、阿爺三間銀行都是用不同的估價行,以此作平均較為公允)較上月為高(怪不得777很「憂慮」),身家(淨資產)亦較上月高2.80%,收報$16,828;流動資金大升主要是因為轉按回贈所致:

由於按轉時同時還清了信用卡分期(見《信用卡分期不「裸借」》),資產負債表中的 short term liabaility 因而大減,長債就增加了少許。可以見到,信用卡分期跟「稅貸」一樣,由於還款年期短,對每月現金流的壓力不小;如果話係當儲錢(見半桶水爸爸《借稅貸賺息差?當儲錢算啦》),唔係唔得,但效率不高,魔術師就寧願自由啲採用資產配置法來 rebalance,儲咗錢現金多咗,程式就自然會逼自己入市,分配在各個不同回報和風險的投資組合:

最後,就係魔術師自2010年10月起,身家與恆指、與及以72法則(每7年翻一倍)的對比。 Actual net worth 依然跟依據72法則而定的 planned net worth 糾纏在一起,未有明確分野:

***
伸延閱讀:
半桶水爸爸:借稅貸賺息差?當儲錢算啦
信用卡分期不「裸借」

20 則留言:

  1. 最近我重新提筆,更新網誌「股市漫遊」,歡迎魔兄入來討論。
    https://stockcruiser.blogspot.com/
    我也在網誌清單加了您的 blog。

    回覆刪除
    回覆
    1. Edward, 多謝加link, 但你我素不相識, 我也不習慣招呼也不打一個便叫人加link 的行為. 見你周圍都有相似的留言, 也不知道是為了什麼. 可能其他網友不會細想, 但我卻有自己的宗旨. hit rate 對某些人來說是重要, 但我卻並非這樣看.

      //參考巴菲特師父Benjamin Graham為防禦型投資者提供的資產配置指引。
      //年多前細讀台灣學者黃仁宇一書「萬曆十五年」,覺得歷史和經濟實不可分割。

      其實我對於這樣一開來便拋書包的筆法並不感興趣. 旁徵博引可以, 但一開來便用知名人士之言作背書, 說教的感覺太重, 並非我那一杯茶.

      還是多些留言交流才add 吧.

      刪除
    2. 其實我add你link,純粹想方便快捷D 看看您的文筆。其實我只希望我寫的blog,可以有些網友入來留留言,交流吓投資上的看法。絕對無其它用意。

      刪除
    3. 我剛 draft 好過去一年的年結,請多多指教。

      又,其實我唔係財經 blogger.如果閣下有他興趣,也歡迎多加留言請益。

      刪除
    4. 其實我對講投資無乜興趣,更不屑將名人金句搬字過紙。我寧願聽下歌彈下命,算下命,睇下風水,影下相,吸下貓,月旦時事,作下故仔串人仲過癮。

      刪除
    5. 我最喜歡反而係研究吓天氣、氣象,投資倒是其次。

      刪除
    6. 如果你唔係好似偶像博客咁想出書搞講座做財演周圍供稿,其實唔使周圍的copy and paste 好似出 spam 咁叫人 add link 的。有麝自然香,你寫得好就自然會吸引到一群志同道合的網友吧。

      刪除
    7. 我無能力出書搞講座的。純粹留下一點日記。

      刪除
  2. // 可以見到,信用卡分期跟「稅貸」一樣,由於還款年期短,對每月現金流的壓力不小

    有網友教人點樣卡還卡套錢同埋拉長還款期,操作之複雜令人歎為觀止。。。

    // Actual net worth 依然跟依據72法則而定的 planned net worth 糾纏在一起,未有明確分野:

    Actual同planned一致,輕描淡寫的一句,其實好難做到。。。

    回覆刪除
    回覆
    1. //有網友教人點樣卡還卡套錢同埋拉長還款期,操作之複雜令人歎為觀止。。。

      拉長還款期用來套息? 賺 new joiner 獎品? 其實可以賺到幾多?

      //Actual同planned一致,輕描淡寫的一句,其實好難做到。。。

      我未見過有其他財經blogger 有做呢類比較。

      刪除
    2. // 拉長還款期用來套息

      佢聲稱用黎買股票套息架,風險梗係無講啦。。。

      // 我未見過有其他財經blogger 有做呢類比較。

      老老實實,有幾多人真係有咁實在既planning呀,我自己就無啦。。。

      刪除
    3. //老老實實,有幾多人真係有咁實在既planning呀,我自己就無啦。。。

      Actual vs planned 就係最客觀的比對, 不容抵賴逃避. 好似正苦啲基建項目咁, 超支呀延期呀, 就係actual 唔達標 (planned)的意思. 不過人人都識得鬧正苦跟唔到schedule,但自身的 schedule (例如理財), 就學老董嗰招, 唔提就唔存在. 嚴人寬己, 莫為已甚.

      刪除
    4. 是的是的,所以我盡量寬人寬己,滑頭到一個點

      刪除
    5. //我盡量寬人寬己,滑頭到一個點

      你會這樣教子女嗎?

      刪除
    6. 魔兄呢個真係好問題

      事實上,我真係同個仔講過類似既野。對人地有要求,就首先要對自己有要求。要人地遵守承諾,自己亦都要遵守承諾。

      “寬人”,我理解為期望對方做得好的同時,亦預備了對方做唔到的準備。

      我哋兩公婆都屬於寬人型,好多野都情願靠自己,不重要的事情便索性放棄或不強求別人做得好。人地有野做唔好,我哋偏向自己搞掂,或者下次唔再搵呢個人做。

      刪除
    7. //對人地有要求,就首先要對自己有要求。要人地遵守承諾,自己亦都要遵守承諾。

      本來呢句話好啱; 但由於每人的能力和勤奮度和毅力都不同, 對自己的要求慢慢降低, 變成逃避庸懶; 另一方面, 承認了自己係庸才(乜sir 腔), 對別人的要求就更加要提高, 「你地係專業人士嘛」! 判pair 的人生, 就是這樣煉成的.

      //我哋兩公婆都屬於寬人型,好多野都情願靠自己

      我都係靠自己的性格, 但通常如果我係有心學, 通常都會去到專餘中比較高階的級別; 如果唔去學, 咁就唯有聘請信得過嘅人幫手. 如果係一般普通人,我會對其要求無咁高;但如果對住啲高學歷、搵錢多、在其就業的公司職位高、或者係某方面專業人士、知名 KOL(尤其是係出過好多本書、搞好講座上埋電視嗰一類) 的要求, 就一定會高好多. 呢啲人嘅 behavior 如果仲係「識字盲毛」的程度, 我通常會不客氣地D之.

      所以,我係律人嚴,律己更嚴的人.

      刪除
  3. //所以,我係律人嚴,律己更嚴的人.//

    嚴師出高徒,可惜你不是老師。

    回覆刪除