我城低智共同體

上文《跨國代購第一擊：銀河英雄精工錶》講到魔術師興高采烈叫代購幫手預訂銀英最新的手錶產品，但第二日就一盤冷水照頭淋：

魔術師問出了什麼狀況，代購的回應只係話對方唔接受佢付款，詳細情況木宰羊。魔術師只好一面等店家退回按金，一面另外想辦法買貨：

　
當魔術師正在煩惱如何將銀英手錶入手之際，卻又收到負責搞轉按的律師樓職員打電話來，約魔術師上去辦公室簽文件，並同時傳來單據使費叫魔術核對：

魔術師見佢用手拎住張單影相，伸要俾埋隻指公魔術師觀賞，實在相當唔開胃。又話智慧城市乜柒柒，其實民眾都要「科技化」起來先得。畢竟拎住份文件影相，給人的感覺實在不太專業。如果俾着魔術師，一係就係將反正都係 MS Word 打的 source file print PDF，一係就係將收到的 hardcopy 信 scanned PDF。如要用 Whatspp 就用 desktop version， 一係 send file，一係就 screen capture。
點都好，魔術師對數發現美帝銀行只係話收３００個我城大洋做手續費，而律師樓卻收５００:

正好是日約好上律師樓簽文件，點知條職員早上先嚟提魔術師帶備差餉地租和水電煤單...KLM，依家間間機構都話綠色環保，通通都變哂做電子帳單（科技超級落後的特衰正苦除外），有乜數要找都係 send 封 email 算數，邊有咁多單據？一於一次性要求律師樓職員回答：

律師樓職員卻以魔術師最討厭的 voice message 回應（見舊文《我最討厭的 Whatsapp 功能》）。魔術師本來就煩住開電腦搵返中電（00002.HK）及煤氣（00003.HK）的電郵單據就，仲要聽呢條友解釋收５００蚊係預定 buffer，以免「分行再收手續費」；而要魔術師出示以上單據的原因是要證明魔術師無欠款在身，以免有關機構追數時會釘契云云，真係煩上加煩。
諗返真係弗弗地，都唔知會唔會其實係律師樓會計打錯＄５００，呢位職員只係耍魔術師而已；而單據方面的解釋就仲離奇，淨係唔交水電煤會釘契？上網、電話、收費電視等等呢？
不過，Ｄ還Ｄ，自己的份內事當然要做好先。魔術師有理無理，搵哂啲單出嚟先算。首先，呢張燦氣單就真係 hea 到無倫，淨係得個賬戶號碼、銀碼、同令款日期（底下仲有 QR code 讓客戶去便利店付款，從略）：

魔術師再 login 煤氣個網站 portal（好在魔術師有用 iCloud 記低 login ID/password）search 帳單，今次就有住址提供，但魔術師卻一時間搵唔到下載按鈕，又唔想用 website print PDF 咁蠢，唯有只好 screen capture 完再 email 俾律師樓職員：

中電就好樣啲，電郵上已經提供了 masked off 了的用戶姓名及地址，仲有下載鍵：

只消輸入簡單個人資料，便可下載最近期單據了：

如此說來，以網站的 user-friendliness 論，中電稍勝煤氣。
最後，魔術師今次轉按係用小貓銀行承做按揭（見《轉按精明眼》）。魔術師同一日分別搵兩間按揭中介做 referral，同一日問小貓同阿爺，結果效率高下立見，小貓出哂 offer letter 又跟魔術師開埋戶口，再過多兩個星期阿爺先話魔術師的按揭申請獲批...阿爺你係咪恃住後台強勁，唔介意做少啲生意呢？
＊＊＊
伸延閱讀：
跨國代購第一擊：銀河英雄精工錶
轉按精明眼
我最討厭的 Whatsapp 功能