2019年7月12日 星期五

新聞雜評(二百三十六)

油塘連儂牆惹爭執引逾百市民聚集 更新:2019/07/11 06:11

港鐵油塘站有人不滿青年自發設立「連儂牆」,雙方起爭執、互相推撞,警方一度舉紅旗警告,之後帶走幾個人協助調查。
上十時多,油塘站 A 出口附近有大批市民聚集,有人不滿青年在此設立「連儂牆」,互相指罵,有人被推跌,警方趕到現場拉起封鎖線,又築成人鏈將兩批人分隔。
近十一時警方舉黃旗警告,雙方繼續推撞,數分鐘後警方舉紅旗,警告市民不要再衝擊,之後又封鎖油塘站出口通往屋邨的電梯,有人不滿坐在電梯中間,在場人士不斷要求開路,與警方對峙。期間有市民懷疑一名穿灰色上衣的男子打人,追入油塘站將他包圍,警員到場調停,將該名男子帶走。
在商場出口,有另一批市民發生口角,互相拉扯,警方分開他們,之後帶走數名男子返警署協助調查。
事發於晚上約八時,一批青年在油塘站 A 出口自發設立「連儂牆」,給市民寫上訴求及打氣字句,引起其他市民不滿,到場撕下便利貼,又包圍設立「連儂牆」的青年。
近午夜有人在現場再派發便利貼給人寫字句,連接商場的平台、石柱、橫樑、廣告牌都貼滿便利貼,當中有些是警員的相片。
1. 有青們想玩「走人社區」,「深耕細作」,「連儂牆」遍花。今次就真係對巷豬傷民的一大考驗嘞!班有青攻圍警總打垃圾會可以無切身關係,但係依家成班好似黑社會、童黨咁嘅有青在你屋企樓下聚腳,你又會唔會睇得順眼呢?Not in my backyard 係我城核心價值之一(其實我城都幾多核心價值),咁就睇下各區區民會否感到已經到了最危險的時候,自發保衛家園了!
2. 兩幫人爭鬥,黑警理應 hea 做,隔山觀虎鬥,以民眾鬥民眾真係不二法門。

3. 黃C女同黑警口角,打哂交叉手咁,動作都幾豪邁,對毒男來說應該都有相當吸引力(逃)。
4. 魔術師僅此聲明,並無持有「連儂牆」概念股3M Company (MMM.NYSE)。
多區設置表達意見連儂牆發生衝突 更新:2019/07/11 18:26

多區都有市民自發設置用來表達意見的連儂牆,但不同意見的人近日就為了撕或貼而發生衝突,本來讓人抒發感受的一幅牆會否引發更多衝突呢?
連日來多區都有衝突,由撕紙、口角、甚至動手,都由這幅連儂牆而起,大埔一條隧道被稱為連儂隧道,由火車站對開,一直延伸到其他出口,兩名教授就不約而同來這裡做紀錄,他們都指不擔心會人愈來愈多這些衝突,有市民在此放下 MEMO 紙、筆和膠紙等,有人就看守著,他們指大家都是應網上號召,大家都互不認識。
連儂牆上,有人就曾貼警員的個人資料,雖然私隱專員公署暫未接獲投訴,但前專員蔣任宏指,即使這些資料在網上已公開,都不可以這樣貼出來。
政府會不會清理各區的連儂牆?食物及衛生局局長陳肇始指,食環署若接獲投訴,會視察及評估,再決定如何處理。
5. 又話啲「孩子」在示完威之後會清理垃圾嘅?咁運儂牆呢?唔會要食環叫啲基層弱勢社群清潔工去清理,咁無陰功掛?

6. 昔年明教五行旗有掌旗使,今日我城「連儂牆」亦有護牆尊者,可隨意郁手打人,看來我城隨時都會進入無政府主義狀態了!(左上、右上)。至於黃C妹妹(左下、右下),雖然唔係靚,但係受訪問時講到「幾個月來都好似無進展咁...」,便悲從中來要抹眼淚,然之後又堅強起來露出「絕望的笑容」...如果魔術師「好似佢咁嘅年紀」,真係會容為之動,心為之碎,整個人都溶化了呀!在此,點返隻歌俾黃C妹妹聽先!

***
信報 2019年7月11日
紀曉風 獨眼香江
DSE狀元多盼習醫 齊呼通識有貢獻
中學文憑試今年誕生12名狀元【表】,喇沙書院成大贏家共佔3位,其中一人更是超級狀元。12位尖子,各有不同背景,志願卻較接近,大多選擇讀醫懸壺濟世,也有立志成為法學士;對於近期因反對修訂《逃犯條例》而導致的遊行示威,以至有聲音指通識科是「禍首」,他們的看法都相近,認為通識科有助學生更關心社會。
超級狀元是指除7科獲5**外、數學延伸部分也獲5**的考生;這6人均來自傳統名校,包括拔萃男、女書院、皇仁書院、喇沙書院、聖保羅書院及聖保羅男女中學;每人的故事都不同,相信來自聖保羅男女中學的甘浚祺較令人感動,也可成為後來的學弟們的榜樣。甘浚祺年幼時曾患急性淋巴性白血病,幸得醫護人員盡心治療,不但戰勝病魔,更成為超級狀元,因此他立志就讀醫科,未來在公立醫院工作,回報社會。
至於大贏家喇沙書院,同樣想讀醫科的超級狀元黃子峯,對時事十分關心,表態不支持修訂《逃犯條例》,但沒有參加遊行,認為特首林鄭月娥下台作用不大,且下台無助解決問題,對當初「暫緩」修例,他質疑林鄭為何不說「撤回」。同校狀元許友灝稱,現時最重要是修補撕裂,政府應該提供平台讓不同立場人士溝通;同屬喇沙的狀元蕭子聰則表示,現時社會相當對立,應盡力修補,他有參與遊行。
女拔蔡欣平讚市民熱誠
喇沙今年更創下佳話,就是狀元許友灝的孖生弟弟許友泓,也是同屆考生,兩兄弟互相勉勵、並肩作戰,最終大孖奪殊榮,弟弟亦考獲3科5**、4科5*共45分佳績,兩人同樣有意入讀中大醫學院。
狀元輩出的傳統名校拔萃女書院,超級狀元蔡欣平反對修例,欣賞港人上街的熱誠,但認為要以和平理性方法表達意見,又指通識科有必要保留為必修,因學生應學習本地以至外地知識,且通識科沒有固定框架,不會要求學生從特定方向思考, 能訓練批判能力。來自拔萃男書院的超級狀元周伯儒則打算報讀港大或中大的醫科,對7.1有示威者衝擊立法會,他稱社會對事件存在不同看法,「看看條線畫在哪裏,若條線畫在法律上,(行為)固然破壞了立法會,是不對的;有些人會畫在更高的理想,他們可能會支持。」他補充個人的線會畫在法律上。
至於來自聖保羅書院的超級狀元黃瀚賢,說自幼觀看法庭劇集對法律有興趣,覺得經濟及法律是構成世界的規則,冀報考港大工商管理學學士及法學士;他自言對法律用語仍未熟悉,對特首談及反修例時,不使用「撤回」而說「壽終正寢」,要更多時間分析兩者的分別。
公屋尖子籲基層勿氣餒
另一個勵志故事,主角是地區名校觀塘瑪利諾書院的「平民狀元」杜焯賢,來自公屋單親家庭,他表示因兒時蛀牙的痛楚經歷,決定選擇入讀港大牙醫,勉勵大家不應因背景出身而自暴自棄。至於社會近日的爭議,他說在7.1有到銅鑼灣觀察示威者行動,對於壯大的場面感到動容,不理解政府何不全面回應市民訴求。而筲箕灣聖馬可中學首次誕生的狀元陳韋諾盼入讀中大醫學院,他透露父親是食環署公務員,在《逃犯條例》事件上父子持相反意見,但平常互相尊重,不會發生爭執。

7. 一眾DSE「墥完」點睇都唔會「絕望」,佢地嘅未來都係光明嘅!「我們都是星球人!」
8. 「超級狀元黃子峯,對時事十分關心,表態不支持修訂《逃犯條例》,但沒有參加遊行,認為特首林鄭月娥下台作用不大,且下台無助解決問題,對當初『暫緩』修例,他質疑林鄭為何不說『撤回』。」阿超級狀元,咁你即係「乜都無做過」,只係搭順風車享受有青們犧牲自己前途得來的成果,真係無恥呀!
9. 其實...如果有個「墥完」走出嚟係鼻青眼腫,話自己係勇武笨土俾黑警打殘嘅,咁先夠震撼。到時藍大、鄉大唔知收唔收佢好!
***
李國能稱現階段不可特赦示威者 更新:2019/07/09 17:36

終審法院前首席法官李國能,首次公開評論《逃犯條例》修例風波,認為應該成立由法官領導的獨立調查委員會,但現階段不可以特赦示威者,又認為應讓特首林鄭月娥繼續服務社會,但她一定要更多為港人發聲。
李國能在兩份報章撰文指,非常關注近日因《逃犯條例》草案爭議引起的事件,身為終審法院前任首席法官,他無意涉足政治領域,不過鑑於現時情況特殊,希望有所建言。李國能認為面對廣泛要求,政府拒絕成立獨立調查委員會,但他個人認為成立由法官領導的獨立調查委員會,調查近期的事件更能有效探明真相,因為聆訊是公開、傳召證人,證據在誓言下提出,受絕對特權保障,並受盤問驗證,不會針對證人,各方有權委任法律代表。
至於政府建議由監警會調查,李國能認為監警會無獨立調查委員會的權力及保障,始終不及獨立調查委員會。他又指獨立調查委員會提交報告最少需要九個月,這段時間可讓社會緩和氣氛,他又覺得獨立調查委員會審視事件,短期內或對警方聲望有影響,但長遠能提升聲望,獨立調查委員會是完全不偏不倚和公正的,有機會還警方清白。
對於示威者衝擊立法會的場面,李國能形容醜陋和令人震驚,在法治之下不可容忍,涉事者必須被法律追究,如果在公平審訊後被判罪成,法庭應考慮具阻嚇力的刑罰。至於有人提出特赦示威者的建議,李國能指現階段特赦,即使警方不再調查,並不恰當,與法治不符,社會上每個人都受法律約束,守法之外不應有其他選擇。
對於有廣泛聲音要求政府立即撤回草案,李國能認為暫緩和撤回在實際上並無分別,撤回草案有助和解進程,政府現在應撤回草案。而今次修例上,李國能稱即使草案在立法會得到大多數支持,中央仍支持放棄草案,展現了明智務實。
而在修例事件上,政府毫無疑問犯下嚴重的政治判斷失誤,低估香港人對內地法律制度的不信任,以及香港日趨內地化的關注,但是特首已為政府處理手法真誠道歉,應該給她機會繼續服務社會。他同時建議身為領袖的她下重要決定前,政府內部應廣泛討論,小心衡量,作出更好的決定。
在《基本法》之下,特首要對特區政府和中央負責,從港人的觀感看,特首過度側重中央,她必須為港人更多發聲,並彰顯於人前,他指無論在行政、立法、或司法機關服務的公職人員,必須時刻銘記,他們並非凌駕市民行使家長式管治,應該謙卑服務、受輿論監督。

10. 「涉事者必須被法律追究,如果在公平審訊後被判罪成,法庭應考慮具阻嚇力的刑罰。至於有人提出特赦示威者的建議,李國能指現階段特赦,即使警方不再調查,並不恰當,與法治不符,社會上每個人都受法律約束,守法之外不應有其他選擇。 」李割L收皮喇!淨都呢句已係係死罪,企埋高牆嗰邊!「公義面前,法治第二」講咗幾年都唔識,真係枉佢做過終極假髮人首席!
11. 「聆訊是公開、傳召證人,證據在誓言下提出,受絕對特權保障,並受盤問驗證,不會針對證人,各方有權委任法律代表。」但係要查就只能查黑警,查唔到有青。你睇班有青話就話「衝擊得就預咗坐監」,但係又蒙面又話要永不追究,其實只係色厲內荏,又點會有有青肯上庭俾證供呢?
12. 「李國能認為暫緩和撤回在實際上並無分別,撤回草案有助和解進程,政府現在應撤回草案。」有青認為特衰正苦係「戰敗國」,無資格談判,777退一步,有青就進兩步,認錯只會令己方陷入萬劫不復之地。
13. 「聆訊是公開、傳召證人,證據在誓言下提出,受絕對特權保障,並受盤問驗證,不會針對證人,各方有權委任法律代表。」最大的問題係,777係市長,你李割L唔係。你講嘅嘢佢要聽,咁豈非咪好無面?
***
伸延閱讀:




卸膊解釋與現實解釋
2019年07月10日 (11:46 上午)
特首林鄭昨日(9日)在行政會議前再現身見記者,再解釋修例風波。她表示今次修例「完全失敗」,又話市民擔心會否重推修例,她表明條例已「壽終正寢」,她又用英文講一次:the bill is dead(草案已死),希望為「撤回」爭議劃上休止符。

從語意上來說,條例「壽終正寢」,其實比「撤回」更決斷,撤回如同撤兵,形勢好一點又可以回頭。但「壽終正寢」玩完了,沒法回頭了。
但政治不是講語意分析,爭議當然沒有那麼快停止,反對派再罵政府不撤回。政府消息人士又解話,指深藍的建制派不滿用「壽終正寢」的字眼,他們十分強硬,可向中央打報告,又可以在立法會不合作,所以要顧及這批人的感受云云。
當然,消息人士這種解釋,再被政府官員口中的「深藍」人士狠批,指政府卸膊,將責任推向建制派身上。
高人話, 有一種解釋更貼近現實,現時反對派提出五點要求,撤回修例只是其中一項,還有成立獨立調查委員會、取消暴動定義、特赦被捕人士。而第五點就閃來閃去,有時是全面普選,有時是林鄭下台。林鄭現在根本冇膽再叫阿爺同意撤回修例,因為阿爺會反問,如果你應承撤回修例,對方一定不會收貨,肯定會繼續提出其他四點要求,那麼你又接受嗎?
高人話,以為做得一樣就一樣,其實做一樣就會露出傷口,對方會追住來咬。
今早在電台有理大社工系引述學生在討論區的意見,學生形容政府是戰敗國,有乜資格無條件無前設溝通?
高人話,連溝通都要全面接受對方的條件,你以為改個字眼叫「撤回」就可以解決問題,就未免太天真了。
Ariel

79 則留言:

  1. 其實會晤會因爲林鄭無論點做都係畀人鬧,黃C點都晤會收手㗎啦。咁不如沒完沒了係撤回條例既字眼上drill 落去,等d黃C門永遠只focus係哩一點上,咁就可以晤洗理其他要求 ,又可以消耗d黃c士氣同令多d其他人反感。

    回覆刪除
  2. //「我們都是星球人!」

    C9S,最讀得書個個都讀醫剩返個都做律師,讀醫嗰班亦唔見得畢業會做醫學科研...仲話搞STEM?挑!

    回覆刪除
  3. //黃C女同黑警口角,打哂交叉手咁
    目測好似短褲仔添,坐到咁高唔怕低抄?

    //「看看條線畫在哪裏,若條線畫在法律上,(行為)固然破壞了立法會,是不對的;有些人會畫在更高的理想,他們可能會支持。」他補充個人的線會畫在法律上。
    嘩哥仔你咁夠膽,連累學校聲譽,你死定了XD

    //個個都讀醫剩返個都做律師
    傷巷自古以來,撞完都喺做醫,想做其他實俾撞完嘉獎日哦夜哦,搞STEM真喺唔使諗--如果有我就唔使喺米國對住班洋腸等米爆喇!

    //但不同意見的人近日就為了撕或貼而發生衝突,本來讓人抒發感受的一幅牆會否引發更多衝突呢
    原來都喺一言堂,言論豉油呢?又好唔環保囉。字又再次咁肉酸

    回覆刪除
    回覆
    1. 其實讀西醫,法律,教育和社福基本上都不用上大陸實習。所以這一班對國內才是最反感的。

      刪除
    2. 推 STEM?夠老師咩?

      刪除
    3. 不用老師,索性強制性大灣區實習,唔實習就不能拿學分畢業xddd

      刪除
    4. //如果有我就唔使喺米國對住班洋腸等米爆喇!

      原來ec兄都係技術人 XD

      //其實讀西醫,法律,教育和社福基本上都不用上大陸實習。

      後兩樣我覺得有這個考量的好多,西醫同法律就不一定:薪高糧準、長期有市場和我城社會地位高係重要因素;畢竟好多事務律師都要做大陸生意,而對理科生嚟講,西醫係讀中學時就最能理解工作性質但又只限理科生的行業。

      //推 STEM?夠老師咩?

      哈哈!無錯,連落場既都唔夠,仲邊咁多人搞青訓?


      刪除
    5. //不用老師,索性強制性大灣區實習

      IT同civil都難講,但揀得其他engineering,都預咗第時工作唔長駐都要成日來回跑了。

      刪除
    6. //推 STEM?夠老師咩?
      畢業有工做嗎?

      刪除
    7. //畢業有工做嗎?

      大把。

      廿年前啲friend成日話,大陸人工咁平,香港請一個engineer抵得大陸請八至十個,所以香港遲早無得做;但當時我已經預計,根據市場定律,到時個個請大陸既,大陸人工就會升,香港人工就會跌,跟住就會去返另一個平衡...

      呢個平衡10年代已經慢慢出現,到近幾年甚至成為常態--而家深圳東莞一個十年資深engineer人工閒閒地過兩萬人仔,相反香港engineer薪水長期跑輸大市 :( ,好多港資外資(甚至陸資)都想請返啲港人甚至香港開返R&D centre,始終暫時香港engineer英文都比較好,出trip亦比較自由唔使去邊都要攞visa。

      (其實而家東莞一個電子廠普工,加足班已經有四五千人仔一個月...十幾年前啲西廠仲可以厚顏無恥掛招工橫額話月薪“可達”千二蚊...)

      當然如果成個行業猶如修例般“壽終正寢”,香港連人才都出唔到,咁STEM在我城的工作機會就真係completely dead了;不過未來十幾廿年應該都未到呢個地步。

      刪除
    8. 千幾蚊我諗酒樓知客都好難請。
      仲有一件事由朋友處聽返嚟,國內人士普遍冇傷巷人咁勤力。

      刪除
    9. 而家深圳東莞仲有好多服務行業係得兩三千蚊人工,雖然通常都係包吃包住同埋加埋班會搵多啲,但同STEM行業差好遠,好難想像香港一個十年經驗engineer會係酒樓企堂人工既十倍八倍。

      論技術人員,大陸人已經唔可以話比香港人懶,如果話離鄉別井無家室既後生仔甚至比香港人更勤力(雖然加班無錢但放工其實無咩地方好去);even其他行業的確仲算無香港人(有青除外)咁勤力,但已經比幾廿年前“踢一踢郁一郁”好得多。

      刪除
    10. //坐到咁高唔怕低抄

      有藉口告黑警。

      //撞完都喺做醫,想做其他實俾撞完嘉獎日哦夜哦,搞STEM真喺唔使諗
      //教育和社福基本上都不用上大陸實習
      //夠老師咩?
      //香港連人才都出唔到,咁STEM在我城的工作機會就真係completely dead了

      留意下篇的薯片叔叔講座包膠。

      //國內人士普遍冇傷巷人咁勤力

      //雖然加班無錢但放工其實無咩地方好去

      幾年前我都同公司廣州分部的同事 work 得幾 close,一啲都唔覺得佢地懶(蠢蠢地就有),

      註定係被資本家剝削的工資奴!做乜唔抗爭?

      刪除
    11. 真可惜冇游小妹領軍去南海鑽油啊,幾多STEM機會呀我即刻可以獻身喇 XD

      //一啲都唔覺得佢地懶
      我都唔喺覺得我識得嗰啲內地人懶,反而覺得好搏(可能始終唔少喺學霸有sampling bias)不過有時諗啲嘢會死咕咕咗啲。以前會再加多一項英文講得唔好,不過最近都追得好快或追上了。

      刪除
    12. //以前會再加多一項英文講得唔好,不過最近都追得好快或追上了。

      其實呢...薯片叔個seminar中, CUM-BA 的主持人的 spoken English, 真係差過我識的蝗同事(我當場有諗過鄉大又唔係藍大,使乜扮哂嘢 main content 要用英文? 你條友又唔見講得好流利).

      刪除
  4. 依家見到D嘢都流流地,淘大三十幾歲小孩,練過鐵頭工,比人打咁多拳到冇事,實在要做毒軍上將。
    又見到D斯文後生女,開口殺人咁,真係冇高潮令到人暴燥D。

    回覆刪除
    回覆
    1. //淘大三十幾歲小孩,練過鐵頭工,比人打咁多拳到冇事

      fake news!

      //後生女,開口殺人咁

      咁樣先對男性有吸引力,能夠挑起雄性的征服慾望(逃)。

      刪除
  5. 應該搵一班女神喺油塘站跳脫衣舞,但要戴口罩、眼罩、頭盔、手套、波鞋。佢地除哂之後,心口兩個波峰,一峰以寫上「逃犯」的便利貼包住;另一峰就以寫上「條例」的便利貼裹住。肚臍以下的黑森林,就以寫上「撤回」的便利貼黏住。咁樣號召,肯定全部人企喺度拍掌支持,一定無人同佢地起爭執,亦唔須要差人分隔兩幫人。嘻嘻!

    回覆刪除
    回覆
    1. //一峰⋯⋯一峰⋯⋯
      好肉酸!我好想打佢~

      刪除
    2. 一眾麻甩佬在脫衣舞女郎身上小得不能再小的內衣上「攝」銀紙,咁又算唔算係「連儂牆」?

      刪除
    3. 可以當籌款,一粒鐘起碼籌到一億,可以在全世界電視台賣反送中廣告。嘻嘻!

      刪除
    4. //一粒鐘起碼籌到一億

      如果真係籌到一億, 我諗班有青一定未落廣告先着草...

      刪除
  6. 哎呀! 明天又來光復上水.
    為什麼沒有元朗?
    STEM其實同大學入學要求有關. 只要改入學要求才有incentive.

    回覆刪除
    回覆
    1. //只要改入學要求才有incentive.

      應該只是讀工程電腦等等要必修 STEM 吧?

      刪除
  7. 學生們的確是戰勝了 --- 他們戰勝的, 是香港人的道德底線. 除了網上匿名的鍵盤戰士外, 還有多少人誰敢站出來發聲, 甚至出手阻止他們? 誰不怕被起底, 批鬥, 貼街招, 甚至當場被捕?

    當大家都選擇做個不分是非, 八面玲瓏的醒目仔時, 道德就被敗壞了. 例如, 某 "偶像博客" 就是一個活生生的例子.

    鄉愿,德之賊也 (轉截自大妓院)
    http://www.epochtimes.com/b5/11/3/18/n3201858.htm

    一味地迎合世俗人群的道德水平、人情的願望,成為眾望所歸的好人或模範,這樣獲取名利情的滿足而沒有什麼真正道德修養的人,最是能惑亂有心修養心性者的心志,尤其在道德敗壞的時代,這種所謂的好人、模範,更是十足的鄉愿。因為他們自以為是善的、好的、對的,其實和真正的善的、好的、對的相去甚遠。從道德修養的角度來看,他們渾然不懂道德廉恥、沒有自知之明,會把人群領向何處?真是誤了好多人,使許多人偏離他們人生真正的目的,確切地講,他們是在敗壞道德。

    回覆刪除
    回覆
    1. //網上匿名的鍵盤戰士

      我要對號入座了 XD

      //偶像博客

      但係人地以僅有不多的財務知識,都可以出咗好幾本理財書,又搞講座又上電視,長做長有,呢份 marketing 的才能,都唔係流的。

      刪除
    2. 對於偶像博客,我的評價也是十分肯定的,我認為他一直是做正確的事,選擇了聰明人的立場,就像諸位尖子狀元們一樣。在吸納支持者方面,魔兄以至在坐各位是永遠及不上他的。

      不過,當明白了他做的不過只是鄉愿之後,我欣賞的還是堅持講道理和邏輯思考的各位。

      刪除
    3. //選擇了聰明人的立場,就像諸位尖子狀元們一樣。在吸納支持者方面,魔兄以至在坐各位是永遠及不上他的。

      當然喇. 偶像博客的target audience 是初學者, 所以一向都是以淺白形式入文(advance level的他也寫不來,一寫就露饀).

      //當明白了他做的不過只是鄉愿之後,我欣賞的還是堅持講道理和邏輯思考的各位

      謝謝. 偶像博客的問題是他永遠不會承認錯誤(他又說自己只是「小薯」, 但「小薯」卻又可以出N本書開講座上電視, 足見其虛偽). 佢傾向將自己在知識上,可被驗證的錯誤說成是「見仁見智」、或「你不喜歡我」的主觀價值判斷, 這才是叫初學者學壞師的地方.

      刪除
  8. 週街貼大字報,簡直係無法無天

    蛇齋餅粽黨應該發揮社會功能
    區議員同社區商議劃地方俾佢貼 - 交由志願團體管理
    有官方指定地方,就唔會好似依家咁管又唔敢,唔管又唔係

    回覆刪除
    回覆
    1. 將難以規管的合理化,道理同大麻合法化、設紅燈區管理大媽一樣。

      刪除
    2. 冇用嫁,會聽你講就唔係「黃慧冰」,唔鍾意睇,可考慮在上面點中國國簱^_^

      刪除
    3. 我未有時間搵有線新聞或者其他 reference,不過頭先聽傷台,有訪問支持「連儂牆遍地開花」的黃C女,佢話「終於知道自己呢個區都有咁多同路人,好感動」...魔術師為之一愣,又話100萬、200萬人出嚟遊行嘅,我城都只係得700幾萬人,即係你身邊總有人出咗嚟行,你班黃C又點會覺得孤單無助呢?

      刪除
    4. 搵同路人一齊霸凌返自己老母,食回力鏢食到飽,我諗通識科冇教己所不欲勿施於人
      https://skypost.ulifestyle.com.hk/article/2397636/%E3%80%90%E9%80%83%E7%8A%AF%E6%A2%9D%E4%BE%8B%E3%80%91%E6%AF%8D%E8%A6%AA%E6%AF%80%E5%A4%A7%E5%9F%94%E9%80%A3%E5%84%82%E7%89%86%E8%A2%AB%E8%B5%B7%E5%BA%95%E5%85%AC%E5%AF%A9%20%E5%A5%B3%E5%85%92%E4%BB%A3%E8%87%B4%E6%AD%89%E6%8F%AD%E7%84%A1%E5%A5%88%E7%9A%84%E4%B8%96%E4%BB%A3%E7%9F%9B%E7%9B%BE

      刪除
    5. //事件引起一眾街坊及網民不滿,該老婦隨即被起底「公審」,有人更留言稱:「希望佢屋企人仲有良知就唔好比錢呢隻嘢,趕佢出天橋底瞓下反省下。」

      可以以黃C腔回應:「婆婆只係撕咗幾塊memo紙啫! 依家你地話要趕佢出天橋底瞓, 唔通婆婆嘅晚年就值唔過幾塊memo紙?」

      刪除
    6. //可以以黃C腔回應:「婆婆只係撕咗幾塊memo紙啫! 依家你地話要趕佢出天橋底瞓, 唔通婆婆嘅晚年就值唔過幾塊memo紙?」

      同黃C分享,其實只係問佢地阿婆係咪應該要俾人起底大公審,都可以拉到去普通人被藍C起底(唔清楚邊個「普通人」咁普通到藍C要搞佢),又叫人去啲牆講,話有人被打到斷骨,但都係傾唔到阿婆是否因為撕走memo紙而被公審的問題。

      既然連啲相對無咁激烈嘅事都不容討論,咁除左quit group我都唔知可以點做....

      刪除
    7. //可以拉到去普通人被藍C起底(唔清楚邊個「普通人」咁普通到藍C要搞佢)

      呢啲就真係要drill 落去問, 叫黃C俾證據, 唔可以俾佢地「笑而不語」, 故作神秘咁蒙混過關.

      //咁除左quit group我都唔知可以點做....

      可以留係度做CDROM, 深入敵陣, 暸解情報 :)

      刪除
    8. //叫黃C俾證據, 唔可以俾佢地「笑而不語」, 故作神秘咁蒙混過關.

      有問啊,唔答呢。
      基本上你問乜佢只會反問同重複一啲佢想講嘅說話。
      對我來講,「普通人被藍c起底」呢個說法,根本同莫舔肛話「香港警察打香港人」係完全無分別。而我當然係心神領會到邊位人士係「普通人」啦,人地不便透露呢啲「普通人」嘅行蹤而已。

      之前都有次討論係777唔做邊個做想邊個做,又係無人敢直接答(講緊係「想」,唔係邊個頂上),我又被反問。我直接話:我覺得777無問題。

      所以,都已經型過一次,今次又黎過,我都好夠皮。

      其實啲人大概知我立場,我都知大家都忍得好辛苦忍住唔點講架啦。我quit左大家暢所欲言,都係一項功德呢。

      我想話個阿婆同佢個黃C女對立係我家中寫照(只係立場相反),換轉係我家中長老俾人公審我都會阻止啦。只能夠話,你地全部最好一家人一條心,我就真係恭喜你嘞。

      //深入敵陣, 暸解情報
      日日係公司了解完嘞,況且,我無當佢係敵人啊。當然,人地點諗,我都控制唔到。

      刪除
    9. //之前都有次討論係777唔做邊個做想邊個做,又係無人敢直接答(講緊係「想」,唔係邊個頂上),

      呢個真係覺得好X煩... 成日話要公民提名, 但實際上連搵個對象「想」下都無.

      刪除
    10. //成日話要公民提名, 但實際上連搵個對象「想」下都無.

      佢地提出來的人全是建制溫和,因為「阿爺不接受」;但叫佢地真心「想」,「想」一個泛民台或邊個都好,係「想」唔到架!

      好似啲��仔把口成日話溝女,問佢想溝邊條女係永遠都講唔到
      但照而家咁睇,最緊要條女係可以俾佢隨意「X」,重要係X埋條女全家就最好。

      睇真啲,根本係冇人想要一個領袖(所以冇大台,公民提名諗唔到邊個),有個靶就夠。佢地其實係想要一個奴隸。

      刪除
    11. //佢地提出來的人全是建制溫和,因為「阿爺不接受」

      咦, 乜原來班有青會接受「睇阿爺面色」的政治現實嘅咩? 我仲以為佢地淨係諗住巷蜀添!

      //最緊要條女係可以俾佢隨意「X」,重要係X埋條女全家就最好。

      簡直係有青天堂啊!

      //有個靶就夠。佢地其實係想要一個奴隸。

      「民眾所喜歡的並非自主性的思考及隨之產生的責任,而是命令、服從及責任免除。魯道夫的登場,就是一大歷史見證。在民主政治中,該為政弊負責的是選擇不合格的從政者當政的民眾本身;專制政治則不然,民眾不願自我反省,而喜歡偷偷且不需負任何責任地大肆抨擊為政者。」

      - 《銀河英雄傳說》黎明篇 序章 銀河系史概略

      刪除
  9. 因為小弟見呢度好多人好唔忿氣(我要學某blog主點名:尤其係風輕雲淡兄 XD),想大家睇睇呢套片,雖然主持真係幾樣衰,套片又不太短,但真係講到啲我之前都諗唔到既嘢...總之,而家大家就係要冷靜,不要中計,不要令差大哥疲於奔命:

    https://youtu.be/DnFG2NBNTww

    當然魔兄比較冷靜,就可睇可不睇勒(其實係唔想俾壓力你睇 XD)

    回覆刪除
    回覆
    1. 延伸閱讀(同晚第二節):

      https://youtu.be/6I6IhQTTZys

      刪除
    2. 摩摩大力推介, 咁就加伸延閱讀喇!

      刪除
    3. 我看起來有這麼不忿氣嗎?其實只是比較閒,可以到處爭辯和說說不中聽的話而已。經過上星期的憤怒之後,這星期已冷靜得多了,多謝關心。

      刪除
    4. 原來何志光已經由黃轉藍。開頭我仲以為泛民得姓湯一位由黃轉藍。

      刪除
    5. 看來「反黃」頻道很有市場,何志光和陳怡由黃轉藍,有助平衡下黃c攻勢。

      刪除
    6. 如果我定義,何志光應該係「反黃」多過藍。呢段係其中一條佢講點解自己轉立場:

      https://youtu.be/niga9Q9s4v0

      何志光同陳怡近來好多片都過100k觀看次數,陳怡啲片比較淺,有啲甚至過300k,何志光14個月前寫既簡介訂閱數先過10k,呢個幾月升得好快今個月肯定過50k。

      所以我FB推片還推片,好多人自己會揾另一個觀點既片嚟睇的。

      刪除
    7. //所以我FB推片還推片

      typo:所以我話(FB當然不是我的 XD)

      //摩摩大力推介, 咁就加伸延閱讀喇!

      多謝!嘻嘻

      刪除
    8. 佢講嘢又慢又重複又重複,我冇乜data淨係聽佢講。 X(

      刪除
    9. 呢類視頻其實類似於清談式電視節目。魔兄以前都提過,呢類「非直播節目」如果內容好好組織化為文字,一個「良好閱讀能力」既人閱讀時間絕對比原視頻短。中間如果連上圖或播其他片都無,咁視頻形式絕對無替內容附加premium。

      但現實是呢個時代,唔睇字是潮流,黃媒就係搶先掌握左呢個潮流而佔左話語權--由以前黃轆撚燒藥丸既MyRadio就已經佔得先機,後來拆夥燒藥丸亦靠YouTube頻道做左KOL,仲帶摯埋啲無料扮四條之人(例如嗰個姓趙的)一齊揾食,即使燒藥丸預測啲嘢「燈」到嘔仲咁多人聽。如果反黃仲食古不化,話語權就只會越縮越少。

      陳怡啲片通常執人口水尾而且背後團隊組織得比較好,所以較精簡;何志光一啲舊片比較有組織,但近來社會事情太多,佢都係匆匆出片中間亦無刪剪過,亦明顯無講稿而只有main point開講時自由發揮,雖然中間會上圖和播片,但有時真係loop在某啲point耐啲,影響左條片的附加值。

      不過而家呢啲都係次要,最緊要有人幫忙力爭「反黃」的話語權地盤,大家唔好計較太多,只要言之有物的都要支持下(有啲反黃片推俾我但真係見到個topic太on9都唔想睇,例如據聞「假藍」的芒向頻道)...

      我希望何志光可以借今次上位,將來甚至可以挑戰燒藥丸...據聞之前預測G20何志光中到應但燒藥丸就繼續明燈地錯到嘔,我有時間都會睇返佢地當時啲片驗證下。

      刪除
    10. //何志光同陳怡近來好多片都過100k觀看次數,陳怡啲片比較淺,有啲甚至過300k,何志光14個月前寫既簡介訂閱數先過10k,呢個幾月升得好快今個月肯定過50k。
      //又慢又重複又重複,我冇乜data淨係聽佢講

      我真係無乜心機聽完全部.

      我平日都有聽陶偽才子的《光明頂》,都係清談節目, 同樣係一小時, 但肯唔會令人覺得悶 (不論是否贊同其觀點). 主要原因係呢類藍C/反黃 youtube 片係影住一個人,不停講, 畫面並無任何功能(呢方面陳怡做得好啲), 講者「又慢又重複」,叫人好難focus(即係我提及過的 video/audio 幾乎無法 skip read 找 main point),所以好難睇得完(啲hit 數係view rate,唔係 complete rate).

      相反《光明頂》通常唔只陶偽才子一個人講,一係有幾個其他主持一唱一和, 一係有嘉賓訪問,控制 context 的長度亦適當, 呢樣嘢藍C拍馬都追唔上.

      刪除
    11. //呢類視頻其實類似於清談式電視節目。魔兄以前都提過,呢類「非直播節目」如果內容好好組織化為文字,一個「良好閱讀能力」既人閱讀時間絕對比原視頻短。中間如果連上圖或播其他片都無,咁視頻形式絕對無替內容附加premium。

      啱啱同摩摩個point cross 咗, 嘻嘻!

      //影響左條片的附加值。
      //不過而家呢啲都係次要,最緊要有人幫忙力爭「反黃」的話語權地盤,大家唔好計較太多,只要言之有物的都要支持下

      Not exactly. 片長短其次, 主要係 well organised 同埋要在短時間內 deliver 到個 message 出來, 然後才附加解釋(即係好似報紙新聞, 第一段一定係 summary, 然後才 go into details);同時,個 message 要易入屋, 唔好好似陳文鴻咁, 講完一輪外國勢力之後無proof (人地黃C話689 UGL 事件都有文件做證, 誰是誰非可以討論).

      //近來社會事情太多,佢都係匆匆出片中間亦無刪剪過

      呢個係問題. 黃C一樣面對「社會事情太多」的問題, 但人地的 presentation skill 通常較佳(可能佢地真心黃, 所以做起來特別有 heart), 呢個係重點.

      刪除
    12. Title, subtitle 其實就係中學英文寫 essay 嘅 title 同每段 [通常第一句] topic sentences。It’s okay to linger 但實在唔夠 data 去睇曬。E+乜都要 impression 㗎!佢咁好蝕抵。如果佢有 transcript 咁我寧願睇 transcript。:P

      陳文鴻係每日都要寫一篇,我諗佢都懶得比資料來源。但係佢一直都有講呢樣野,報告啊根源啦喺邊度你要睇返之前。外部勢力插手到都已經唔怕你哋知道,問題係你想唔想相信囉!
      https://www.facebook.com/486392624735448/posts/2904386662936020?s=674595164&v=e&sfns=mo

      點解黃色嘅 presentation 咁好就係因為有專人教路囉!

      刪除
    13. 鬼佬藍C Nathan Rich
      https://youtu.be/kFnqIJaHKno
      有條理啲

      刪除
    14. 火鍋大王睇過
      最中意佢串何CC係過氣藝人

      刪除
    15. //如果佢有 transcript 咁我寧願睇 transcript。:P

      #MeToo

      //報告啊根源啦喺邊度你要睇返之前

      咁佢可以加返伸延閱讀...

      又, 如果有數簿證實, 咁會好啲...

      http://www.hkihrm.org/index.php

      網上流傳關於學會的失實和誤導性資料

      敬請注意,近日網上新聞及視頻流傳關於「香港人力資源管理學會」的失實和誤導性資料。

      謹此鄭重聲明,香港人力資源管理學會乃獨立自主的專業組職,並非民間人權陣線成員,亦從未收取或接受美國「國家民主基金會」National Endowment for Democracy的捐款。

      香港人力資源管理學會已正式向有關網站及社交媒體反映上述失實情況,亦已向Facebook及YouTube舉報關於學會的失實報導。

      //外部勢力插手到都已經唔怕你哋知道,問題係你想唔想相信囉!

      成日都睇片, 我唔係做社會學研究的... :(

      //因為有專人教路囉

      點解藍C無人教路呢?

      //有條理啲

      加咗, 雖然我不太同意佢講「恐怖主義」那一段.

      刪除
    16. //最中意佢串何CC係過氣藝人

      雖然佢無話「由於佢係過氣藝人,所以講嘅嘢不可信」,未屬於人身攻擊; 但其實是否過氣藝人跟論點無關, 只屬搞笑而已.

      刪除
    17. 果然好介紹,c嬸。

      連外國人都看得通透過港人。

      刪除
    18. 唔明點解連老外都會係藍C囉! 佢地無理由唔擁抱普世價值格!

      刪除
  10. 家長: 食飯啦。
    孩子: 我要食"白飯"
    家長: 呢D係就係 "飯"啦.
    孩子: 無"白"字唔食。
    家長: 你盲架,咁白都話唔係白飯。
    孩子: 你我可能色盲
    家長: 你老味,色盲唔到白色既咩 ?
    孩子: 唔同你咬文嚼字,討論色盲定義只會沒完沒了。等我一句KO 你。包裝袋上只布絲苗米,無白米字樣。
    家長: XYZ, 咪撚食 !
    孩子: (Yeah ~ 可以唔食飯,去打(J)機了。)

    白飯 : 撤回"送中"
    打(J)機 : 真普洱

    回覆刪除
  11. 下集:

    孩子 : 無飯食,咁我去打機。
    家長 : 打機與否,不是媽媽一個人可揸主意。部PS4 是阿爺出錢買的,要問阿爺批准。
    孩子 : 我唔理,我要打(J),不是,是打機。
    家長 : 你上大陸問阿爺啦,我只是我爺的代理人。
    孩子 : 仆你個街,下台啦。
    家長 : 你係度嘈生哂,嘈住阿妹溫習,嘈住阿哥工作。
    孩子 : 你老味,關我X事。我要打J,我要打J。要比我就 call 同事圍 9 你。
    家長 : 我們是你家人,家人大D, 定打J 大D。
    孩子 : 打J是我生理需要,你唔比我打,不配做我阿媽。阿哥阿妹唔滿意,可以叫佢地搬走 !!!
    家長 : 點解要一家人就你一個 ? 你要打 J,你可以出去打。
    孩子 : 你識唔識做人阿媽架。。。下台啦。

    回覆刪除
    回覆
    1. 「打J 出嘢的是我, 不是你, 你無權干涉我內褲!」

      刪除
    2. //「打J 出嘢的是我, 不是你, 你無權干涉我內褲!」//

      最慘是要阿媽幫佢洗底褲呢...

      刪除
    3. 重要一路洗一路讚

      刪除
  12. 湯家驊失控,錯失在國際層面宣傳政府觀點的機會。

    https://www.facebook.com/story.php?story_fbid=2271926796231866&id=822896961134864

    回覆刪除
    回覆
    1. 又26分鐘嘅片? 你唔係 except 我睇哂佢吓話?

      刪除
    2. 看開始的精華及最尾完結就可知大概了。
      Conflict Zone這節目幾好睇

      刪除
    3. D, 一開頭就疊哂聲, "You let me finish first..." 好似城市亂壇咁。

      講講下又「聖人都有錯」... 真係難頂.

      個老外主持有啲黃C feel, 懶 critical 咁,成日 interrupt 湯渣講嘢.

      睇咗5分鐘, 頂唔順了. 不停疊聲.

      Sorry, 呢段片我評為不合格, 浪費時間之作. 以後有推介請先 filter, 或有內文有transcript 就最好. 我講過好幾次, 每條link每條片都睇去refer 係非常花時間及費神的. 我唔係全職咁樣做research 法. 請見諒.

      刪除
    4. 懶critical是主持的style,湯家驊卻入了圈套,給人印象甚差。

      刪除
    5. 其實湯唔需要上呢類節目俾主持人挑釁. 我亦唔明白節目 target audience 是誰, 如果是黃C的話,上去講根本無用.

      刪除
    6. Target audience是外國人,如果淡定得體,可為香港政府拿回一些分數。估不到他EQ不佳...

      刪除
    7. //Target audience是外國人
      //為香港政府拿回一些分數

      我明白,但那是那些外國人先? 但「為香港政府拿回一些分數」又如何? 如果要靠外國勢力認同, 那就真是笑話, 不是說外國不要干預蝗國內政嗎?

      刪除
  13. 魔術師, 今天起, 我有數個留言不能顯示在blog中 (即是有其他人來留言, 跟著email中收到notification), 所以我是看到他們留言的(在我的mailbox), 但這一些留言沒有顯示在blog文中, 所以其他人沒看到新留言, 是否因為留言太多而系統超出負荷? (純粹問一問, 如果不知道答案也不用介意. nevermind)

    回覆刪除
    回覆
    1. //(魔按:因為本文留言已過200,故需要在網頁最底按「載入更多」方能見到最新留言,敬希垂注。)

      以上 disclaimer 已經在本blog 出現過好幾次了.

      刪除