轉按格價精明眼

早幾日接到電話留言，原來係大貓的客戶經理打來，問魔術師有無在其他錢莊的按揭，會唔會考慮轉過去。聽聲係條幾青頭澀的有青，語氣有禮亦唔 aggressive（有啲客戶經理語氣好急，好似逼個客買佢嘅服務咁，魔術師就唔 buy 嘞！）。由於印象幾好，當佢再打嚟時，魔術師亦無惡言 cut 線，反而耐心聽吓佢講：個 plan 其實一啲都唔吸引，Ｈ＋１.４％（借多過４００萬）或Ｈ＋１.４５％（借少過或等於４００萬），仲要只係得０.５％回贈。

魔術師走去按揭中介網頁查找，實在係大把 plan 好過佢：

（圖片來源：星之谷按揭轉介：銀行按揭回贈及按揭利率比較（新買、轉按）, captured on 18 Mar 2021）

做轉按講親都要幾百萬，貨比三家格吓價都正常。打去問按揭中介，佢地好快就俾到幾個「靚 plan」出嚟。無獨有偶，呢類按揭計劃多數都係以４００萬貸款額為優惠的分界線，借到４００萬的優惠就多啲，認真不明所以。魔術師就假設以樓按４００萬及５００萬為例，計吓每月供款額及回贈等資訊，與及繼續用小貓的還款額做比較：

可以見到，魔術師在小貓現存個 plan 的息率雖然低，但如果可以再拉長返供３０年，就可以抵銷返息率上升，每月開支反而少咗。鳩通同戴祖儀（見《瞬間睇廣告（三）》）都差唔多，分別只係係在於中介回贈。點講都好，今大貓真係唔夠人爭。

魔術師不嬲都係個「好客戶」，打返去大貓搵有青客戶經理，問佢人地個價靚好多喎...有青問返魔術師係邊間行咁荀，魔術師便照直說了。想不到有青竟然話：

「我城都知道呢間銀行可以俾到嘅價，唔係大貓可以做到的...」

呢位有青客戶經理又真係坦率得可愛！

＊＊＊

伸延閱讀：

瞬間睇廣告（三）

借定唔借？還得到先好借！