本月結算，尾股依然受加息、衰退陰霾拖累，報復式大反彈無以為繼，要透一透氣。以尾股為主的沉船基金本月大致橫行，較上月微升0.43％，每單位收報＄139.28（我城貨幣，下同），穩守第一位。黃金、鈀金等貴金屬繼續走高，商品組合每單位收報＄132.55，較上月升3.12％，依然佔第二位。生活基金本月收市每單位報＄＄125.68，較上月升3.10％，維持第三位。大陸開關、傷巷正苦死跟，我城民生股繼續反彈，如果唔係生活基金同樣持有尾股均衡一下風險，反彈會更好。分散投資就係咁玩法，輸唔死亦賺唔盡。
尾帝亂儲局一如預期減慢加息步伐，但之前債劵有些升過籠，本月有所調整。合格線現金（存款除外）及債券組合每單位收報＄＄117.07，較上月跌2.19％，佔第四位。
我城股市年尾食任大解放勢頭繼續V彈，複式盈富組合本月每單位價格收報＄116.52，較上月大升6.42％，己追近合格線。魔術師強積金組合現時主力持有環球債券基金，巷尾股指數基金較少，始果未能受惠於今次大反彈，呢個亦係魔術師以強積金組合來對沖其他投資方案的可預結果。強積金組合較上月微升0.99％，收報＄104.35。房託組合終於返回＄100樓上，每單位收報＄100.72，較上月升4.56％。
本月資產淨值（身家）埋單每單位收報＄15,764，只較上月微升0.31％，但淨流動資產較上月卻較上月升2.37％（較2016年3月31日基數升70.18％)。原因係屋企住宅價格繼續下跌，抵消投資組合升幅：
魔術師的長債和短債都因為申請咗尾帝錢莊的信用卡現金分期而增加，但得來的資金都放回現金及債劵項投資賺息差，資產同樣多咗，結果魔術師的資產負債表依然係正資產，相當健康。本地錢莊跟隨尾帝加P，樓宇供款息率增加令每月供款還息部份多咗，還本部份少咗：樓債跌咗（分母下跌），魔術師按揭比率（按揭貸款/樓價）由上月
47.87％ 升至 48.79％，物業淨值佔總資產淨值34.66％：
最後，本月魔術師身家跟我城指數的 beta 值保持至 0.30，跟痕指關連亦再下跌至
53.70，又係因為樓市下跌跟我城股市V彈背馳所致；standard deviation of rate of
return (month-on-month) 保持平穩，微跌至 3.16％：
沒有留言:
張貼留言