做個勇敢小黃人

年尾流流大掃除，魔術師的熱身運動就係 review 吓自己 FB 究竟 save 咗幾多 posts? 睇返原來大部分有關黃人嘅有趣故事魔術師都已經拎出嚟寫過，剩下的大多是近期儲低搵機會寫的。既然如此，那就擇日不如墥日喇！

某個年齡層的香港人，或多或少都喜歡過陳奕迅，或者迷過陳奕迅某幾首歌，即使過去他在演唱會如何持續地失準、失聲也好，今次陳奕迅演唱會，聽說是他近年少見的良好狀態，也著實掙扎過是否應該再給一次機會，最後還是提不起這份心，到昨日陳奕迅主動提到讓他跌下神壇的新疆棉，再一次提醒大家，陳奕迅，已經回不去了。

因為他根本不明白，他失去的是甚麼，讓他和他自己曾經的歌迷們走遠的其實是甚麼。

這關係到陳奕迅的一種特殊性，一種曾經只屬於他的情懷。

我們聽過他在反叛期，在《專家話》的控訴、《遊離份子》的惶惑，和朋友通宵達旦時互唱「從來未愛你綿綿」「坐到咖啡酸了喝也喝不掉」、「遊玩時開心一點不必掛念我」；《每一個明天》、《幸福摩天輪》，他的歌陪伴大家一同尋找情愛中幸福，天荒地老地流連在摩天輪；再過了幾年，或許都到了踏入成熟的歲月吧，走過了年少輕狂和浪漫，想到家人，《Shall We Talk》，我們可以好好對話嗎？《K歌之王》，我們自身到底是甚麼？

時光飛逝，陳奕迅經驗完父親的官司再次走紅，大家亦到了不上不下的年紀，《夕陽無限好》、《葡萄成熟時》用歌聲帶我們反思，很多美好都是短暫；許許多多人都借《陀飛輪》，感嘆過「霎眼廿七歲 時日無多方不敢偷懶」，或者自己曾經用「幾多心跳來換取一堆堆的發票」，到得後來，走到《苦瓜》的階段，「真想不到當初我們也討厭吃苦瓜」，到後來慢慢吃出苦瓜的味道，到最後感覺到，其實做人能夠《任我行》就好。

說他的歌膾炙人口是個很俗爛的形容，陳奕迅其實更像一個，在你耳邊哼唱數十年的朋友，一同成長、一同煩惱，這二十多年來你總能在他的歌中找到自己。

然後突然有一天，我們發現這個朋友，和我們的想法原來如此南轅北轍。

陳奕迅不像楊千嬅，從來沒有那樣面目可憎，甚至他為了生活為了市場要做某些妥協，都似是可以理解和原諒的事，即使在新疆棉之後，對他的都不是恨，playlist 中還是充滿了他的歌，只是再提不起勁去聽，就像是一個朋友，疏遠了，那種親切流走，曾經以為會與我常在的一道聲音，在記憶中消失了。

到了昨日，他原原本本告訴大家，過了這麼久，他其實根本不明白，不明白很多人對他的失望，不完全因為北望神州，而是他根本不知道，那些曾經將他視為朋友的人，對一些價值看得有多重；他根本不明白，那些連見也未見過的新疆人被迫害，為甚麼會是這樣重要的事，因為他不知道、不理解，很多人已經失去了太多，所以他能看似舉重若輕地拿來開玩笑，「自己去無印買呀，但我唔知佢咩棉嚟㗎吓。」

「有啲嘢係會返翻嚟。」陳奕迅在演唱會中如此說著，但其實這個地方，很多事、很多人，已經回不去。

醫神只是一名歌手，佢是否「我口唱我心」實在不得而知；魔術師反而覺得那些滿有「情懷」（先不論其意識是否黃）是抒發填詞人的心境多啲。雖然話歌手挑來唱某首歌來唱某程度都同填詞人夾過，大家價值觀不能差太餐，否則唱來來就唔會有感情；但講到「從來未愛你綿綿」、「坐到咖啡酸了喝也喝不掉」、「遊玩時開心一點不必掛念我」、「霎眼廿七歲 時日無多方不敢偷懶」、「幾多心跳來換取一堆堆的發票」、「真想不到當初我們也討厭吃苦瓜」，醫神自己是否真的好似朋友一樣着樂迷成長甚至「漫步人生路」都係一個謎。畢竟醫生搵嘅錢同一般課金俾佢嘅樂迷的生活大不同，樂迷認為醫生唱出了自己心境隨時只係一廂情願（反而話填詞人寫出一般傷民心境可能更貼切）。

由此路進，黃人因新疆棉事件「嬲咗」醫神呢個「朋友」未免太自作多情。所謂「曾經將他視為朋友的人，對一些價值看得有多重」是黃人自己的事，醫神又有沒有視黃人為他朋友呢？黃人之間可能視互相課金為「朋友之義」，但「婊子無情，戲子無義」，醫神收得黃人樂迷課金就等價交換賣藝娛賓，一買一賣你情我願，正如鏡仔黃藍通吃也。黃人將「價值觀」扣醫神帽子真係「諗多咗」，正所謂「誰人又相信一世一生這膚淺對白」呀！

＊＊＊

下星期一本身準備返新工，我今日turn down咗個offer，因為覺得間公司冇人情味。

話說而家同老公喺北海道滑雪，本身諗住返新工之前去旅行輕鬆吓，點知上星期老公喺日本中咗，即刻要分開兩間房同埋要改機票🤦🏻‍♀️

今日打電話俾Line Manager，對方竟然唔識得體諒，仲話我唔識安排、「咁小小嘅危機都處理唔到，第時點旨意你幫手？」「講好咗新年前返工，而家又要拖幾耐？」

我相信我第時返工對住呢個上司都未必開心，所以直接同佢講：「咁麻煩你再搵個第二個幫你啦，我星期一唔返工喇」之後就cut咗佢線，繼續自己嘅滑雪之旅，老公就係房間度繼續養病。

成件事跟政治無關，不過既然係黃色獵人的讀者投稿，魔術師就當呢位投稿人係黃人無誤。

而事實上，臨返新工前投稿人跟老公「返鄉下」，已經成浸「傷巷中剷」味出哂嚟：除咗「唔去旅行會死」之外，滑雪呢啲咁有 lifestyle 的活動又令魔術師想起前一份工的光頭M都係返工之前去咗歐洲滑雪。

另外，「鄉下」疫情都唔輕，中招唔出奇，返新工前做埋呢啲「高風險」活動都幾不負責任（雖然今次係老公中招而唔係事主中），Line Manager 唔體諒就係公司衰，亦係十足十黃人巨嬰 Meme 思維。你話公司要你去出差，你不幸中咗招公司就要體諒啫；你用自由意志在返工前同老公「返鄉下」做埋啲「高風險活動」（puns intended），有乜事就係你自己嘅錯，公司體諒係人情，唔體諒係道理（雖然上述個 case Line Manager 的 EQ 和處事技巧都唔係好得）。

回想起多年前老媽子仲在生的時候，上司K一句「你阿媽有心臟病係佢嘅問題」而拒絕取消無關痛癢的深宵追魂 call（見《歷任上司評》），繼續肆意吵醒當時住公屋開放式單位訓碌架床的魔術師一家三口，便已明白到有事只能自強，唔可以靠人可憐，係黃人先咁鍾意要人地遷就自己嘅啫。

＊＊＊

【劉珈汶攞景定贈慶？】

香港國安法實施後，一眾黃絲政棍「走夾唔唞」，其中去年辭任黃大仙區區議員議席嘅劉珈汶，佢日前唔知係咪得閒得滯，開心share自己移英後嘅相，莫非佢想激下而家仲坐緊監嘅「同路人」，真係難為晒！

呢個 FB post 係魔術師大半年前已經儲起，之後就無咗件事唔記得寫，到依家幫 FB save for later 大掃除先拎返出嚟睇...其實無乜嘢好評，都係嗰句黃C囡囡的顏值比藍營囡囡（if any, correct me if I am wrong）高得多，怪唔得引到咁多搏男首觸前赴後繼變身黑暴，只為將來有日能在煲底見面！

＊＊＊

伸延閱讀：

歷任上司評

回應返今朝個投稿，見到好多熱心嘅讀者留言，有幾點我需要解釋一下：

1: 我同老公全程都好小心，唯一一次我估到老公會中嘅機會就係幫一對香港情侶影相。（真係唔好隨便幫人影相，我哋拒絕咗好多大陸人😂）

2: 有啲口臭嘅讀者，問「老公中咗之後點解要分房瞓」，我懷疑佢哋係未中過或者講嘢未經大腦😂咁間房唔係特別大，明知佢發燒39度幾，又不停咁咳，唔通我仲同佢困埋係一間房入邊咩？做咗一個理性同埋成熟嘅決定，而且佢都想我轉房，因為唔想兩個都病，成個旅程就玩完！

3: 其實去旅行真係唔好中🦠，以前一啲旅行基本問題，有錢就可以解決，但係而家因為機位緊張，唔係話可以隨時處理到。我老公因為病情反覆（真係個個唔同，可能佢抵抗力特別差），中過就知， 一時可以39一時又36 ，第二日又無啦啦變返38，知道佢中咗之後我都即刻打去航空公司改機票，但唔係可以咁容易改到，咁好好彩都改到一次🤦🏻‍♀️但係我老公唔係好多你page讀者咁講「幾日就冇事」，差唔多拖咗接近八日，我要再改第二次，好遺憾，呢幾日已經冇晒機位。咁我已經即刻打俾Line Manager，但係換來嘅就係嘅唔理解同埋刻薄嘅說話。

我心諗：都未開始返工你已經咁樣，唔通我抌低老公買張機票即刻返嚟同你做嘢咩？雖然我同老公分開瞓，但係我每日都要幫佢張羅，幫佢買嘢食同埋日用品，我都想好好照顧我老公。如果為咗一份工作，叫我即刻返香港（我老公仲係一深一淺同低燒），我做唔到。

工作可以再搵，但係老公只有一個，睇到久保你嘅文章我好欣賞，我覺得真係要錫自己多啲，真係唔好浪費時間係一啲唔適合嘅人或者事情上面！