不孝的切雞C

戶主兩夫婦子女事業有成，「夾錢」買咗將軍澳君傲灣440呎單位俾爸媽退休，至於60萬裝修費又使唔使「夾錢」就不得而知了（00:00-09:53）：

樓盤傳真 7/1/2022 第四節

設計廊：子女事業有成不忘孝義，合資為父母買入將軍澳一個小型單位，裝修成養老屋，加闊通道、圓角設計都少不了。

主持人講到戶主班仔女好似好孝順咁買樓俾戶主享清福，仲話班仔女「將孝順任務」交俾切雞C...但係，最「不孝」的似乎就係個切雞C！

本單位只有約440呎，切雞C為了加大收納空間和加強空間感，將全屋改以半開放式設計；又將為了老人家的安全着想，同為巷孩做設計一樣，都係以弧形傢俬概念實行：於是一入玄關的鞋櫃已經係以入牆隱藏式弧型設計，廢老眼唔好未必能夠順利開到門之餘，弧形間都唔知可以擺到乜嘢（左上、右上、左中、右中）。另外，廢老最怕中招，所以切雞C又為戶主夫婦在門口安置了衣物消毒機和光觸媒燈，用來殺死病毒（左下、右下）：

雖然廢老蛋數都係鍾意梗廚，但切雞C卻以開放式廚房設計（又係弧形），戶主父婦坐在前方吧台，背對客廳，肯定唔會「電視機送飯」（左上、右上）。記者仔又造戶主夫婦喜愛下廚，於是切雞C設置了大型sink盤（左中），但非常諷刺的就係爐頭只得兩個電磁爐同一個蒸焗爐（左中、右中、左下）。另外，設計師話吧枱前面裝長椅好似藝術品，但就同水龍頭和 sink 盤非常之近，睇怕呢件「藝術品」好快就會整污糟：

客廳走簡約路線，上有弧形燈槽、吊櫃；前方電視櫃有弧形地櫃收藏影音器材，廢老戶主爬高爬低拎嘢駁線真係辛苦兼危險（左上、右上、左中）。切雞C話燈槽仲有一個功能，就係用來收藏電動窗簾之用（右中、左下）。由於全屋變成開放式，結果睡房就在客廳後面（右下）：

開放式睡房基本上無門亦無遮無掩，只係以條子玻璃作弧形間隔牆分隔，象徵式保障私隱（左上）；而弧形間隔牆的其中一邊留空，切雞C話可以等廳的冷氣流入睡房，慳返啲電（右上）。唔通戶主班仔女連「夾份買多部冷氣機俾父母」都唔肯，全屋只得一部冷氣？玻璃間隔牆後面設有書枱，又有高腳凳（驚廢老戶主唔會跌親），背後有全高衣櫃，下方有儲物櫃（又要爬高爬低，左中、右中），形成一條窄長走廊通往睡眠區。主人房睡床要貼牆，不是三邊落床，兩公婆訓靠牆嗰個要痾夜尿都幾麻煩（左下），都唔知係個設計順着戶主的生活習慣定係戶主改變生活習慣來遷就個設計（右下）：

切雞C又再重申單位細小所以要左偷位右偷位，430呎改到變納米樓咁（左上、右上），結果個浴缸變咗個類似日式風呂之外（𨂾出𨂾入不怕跌倒？左下），切雞C又拆牆改則來整個全高收納櫃（戶主張梯要收在哪裡？右下）：

最估唔到嘅就係搞咁多嘢都「只係」60萬裝修費，算係將貨就價了。

＊＊＊

精華版如下：

完全版如下：