放長假最好就係睇戲。今個農曆新年要完成的當然就係買咗一排仲未睇的4K碟 Top Gun 套裝。唔好問魔術師點解唔睇串流，魔術師睇大片一定係睇實體碟，咁先能夠享受到較佳的影畫和音效，呢啲唔係那些只用電腦或手機仲要扮忙要倍速睇戲的妄民可以理解。
＊＊＊
《壯志凌雲（Top Gun）》貌似在明珠930重播過無數次，但記憶中魔術師整套睇完嘅次數並唔多，反而最深刻的是插曲《Take My Breath Away》：
《Top Gun》在1986年上畫，林憶蓮於1987年主唱《激情》，說是改篇自其插曲《Take My Breath Away》。同年魔術師老父因支氣管擴張吐血重創，幾乎無命，多得一眾顧問醫生搶救，得從鬼門關走一轉回來。老父在葛量洪醫院住了半年，天天聽收音機打發時間，其間《激情》大熱，被老父戲稱為「醫院歌」（見《深切治療》）：
應該都係同年，就在魔術師老父入院之前的幾個月，因老媽子真心膠地向同學們爭取要回攝影比賽冠軍給隊長的獎品，而令魔術師在校遭受排擠（見《昔日剪報》），唔多唔少造就了魔術師孤獨精的性格。呢啲都係一聽返《Take My Breath Away》/《激情》便湧回來的回憶。
講返《Top Gun》，雖然是30多年前的作品，但歌曲優美，電影情節加俊男美女主角（可以幫IQ160前焗腸做袋炎人，證明「60歲仲係『青年』」的靚佬湯唔使講，現已變肥婆的女主角Kelly McGillis當年更係靚爆鏡），加埋首首金曲配樂（《Danger Zone》、《Top Gun Anthem》、《You've Lost That Lovin' Feelin'》等）就如MV一樣，返睇完魔術師竟有衝動去補購 Top Gun Original Sound Track（魔術師當年只有卡式帶版，現己 lost in space）。根據有時不太準確的維基，本片「激勵了大批美國青年投考海軍航空隊（英語：United States naval aviator）與空軍飛行員學校」，真係不得不佩服荷里活軟銷愛國精神，「說好尾軍故事」；魔術師就未睇過同期國內電影，不過既定形象都係硬銷「中華兒女」志氣的愛國電影居多，要用真實人物事件（演員都要8、9成似樣）而唔係「如有雷同實屬巧合」的創作，以俊男美女吸睛更應該是黨的大忌吧。
魔術師評分：95/100（100分滿分）
＊＊＊
對比起第一集含糊其詞的突發任務「解救我方被困危險海域的情報艦」，《壯志凌雲：獨行俠（Top Gun：Maverick）》的最終任務十分明確，炸毁某「流氓國家」的核設施，將之消滅於萌芽之中，以免對方發展核武。本片對尾帝伸張正義的由來並不多講，劇情就在有如我城廢青「唔願意升職」的靚佬湯轉任教官，薪火相傳教導新一袋有青進行「不可能的轟炸」發展；再加上跟上集意外身亡的兒子的「父子衝突」，與及由除咗有啲魚尾紋之外完全唔似51歲的凍齡女主角 Jennifer Connelly 飾演的前女友的感情線來填滿130分鐘。
本片無論訓練抑或是「實戰」的空戰場面均非常出色，坊間評論多有論述，不贅。至於坊間亦有講話 IMAX「不可不看」，魔術師就照例「逆流而上」唔入戲院，廢事聽到那些笑點特低講遇上任何劇情均可以笑一番的傷民的弱智笑聲，又或者唔知係咪有青索K過量搞到膀胱縮小成日要去次所行出行入阻住個畫面，所以都係宅在家享受75吋電視加7.1.2 Dolby Atmos 算了。
本片唯一不及上集的就係主題曲唔掂，對比起開頭播出的《Danger Zone》（更加唔好同《Take My Breathe Away》比），Lady Gaga 呢首《Hold My Hand》就係唔夠班，繼承咗90年代開始的「主題娘炮化」，太柔弱唔夠陽剛與激情也。
魔術師評分：98/100（100分滿分）
＊＊＊
伸延欣賞：
＊＊＊
伸延閱讀：
我對激情的回憶係呢個。
回覆刪除Miss最後一班船就要大嶼山過夜的年代...
//旺角卡門
刪除哈哈，我都估到。
果然係佬戲，小的好辛苦先睇得完。應該係冇75吋冇開行soundbar的關係。
回覆刪除另，因為湊熱鬧所以睇咗兩套阿凡賊的IMAX 3D版，我只能說真心值的，返屋企同細路開碟／串流重溫某少少錯過了的細節時，佢哋會話：冇比較冇傷害，呢D戲真係唔可以屋企睇。其實魔同你可以放心，IMAX 3D入場近兩舊尾起跳（不能說是普通唔係真心想睇戲的人咁樂意俾的價錢），唔會太多你驚的情況出現，如果揀啱時間（即唔係令人餓的時候），連食嘢嘅人都極少。你仲可以選最後一排中間位，包你唔怕有人阻你出入／聽到其他人講戲。
常日早場可以包場就爽爆！
刪除當年上畫嘅時候，無機會睇，難得之前有1+2上畫，係差點忘記有呢件事嘅時候突然醒起，所以就決定要走入場看一次86嘅雄貓。睇電視同睇大銀幕真係好唔同，那種逼力係家中完全比不上。好傢伙，怪不得當年引咗咁多人投考空軍，激死出飛機出船嘅Navy了。
回覆刪除連大銀幕都睇埋，雄貓也得番波斯的雄貓，靠超級塑膠虫(F18)和肥閃乙(F35)實在難以箍客。現在，GRANDPA的飛鯊日趨成熟，在藍星最大美粉的操作下，真係相差不大。有好幾幕我仲諗「吖飛鯊咁拍landing都ok wor」、「係三哥洋上嘅假想敵係蘇30定阿瓊呢」咁⋯⋯
至於第2集嘅3代打5代真係唔好睇多次，偷襲第一部SU57都算，第2部可以靠熱箔彈、地形來躲過死神，實在太誇…..
斷估獨行俠唔會再有三，所以嘛，
雄貓，別矣！
WILL
//斷估獨行俠唔會再有三，所以嘛，
刪除Maverick 要退休了，或者可以返軍校教班後生打沙排 XD
其實有啲唔明點解唔用無人機，就唔使要真.人又越過高山又越過谷。
刪除//或者可以返軍校教班後生打沙排 XD
湯佬今次身型都仲可以勉強小露兩點（其實打沙排比上次好冇咁基情四射），下次變湯伯就唔喺咁好喇XD
//《壯志凌雲（Top Gun）》貌似在明珠930重播過無數次
記得細嗰同學仔傳話做X嗰場喺打真軍，如果定格喺睇到啲嘢的..可惜以前cap圖喺難過登天的XD
//其實有啲唔明點解唔用無人機
刪除靚佬湯：依家無人機仲未取代到人。
//湯佬今次身型都仲可以勉強小露兩點
//基情四射
啲皮膚都仲好滑。
//做X嗰場喺打真軍
我套碟無嘢睇的。
//以俊男美女吸睛更應該是黨的大忌吧。//
回覆刪除有套咁既野囉, 王一博一向演技僅粉絲可見, 飛都應該係僅粉絲會買
引用維基百科:
劇情描述雷宇（王一博飾演）等一眾年輕試飛員成長並突破試煉的旅程
《長空之王》原定2022年9月30日的國慶檔在中國上映，但官方在上映三天前以「為了呈現更好的製作效果」為由臨時改檔。此前電影預售票達3000萬元人民幣，成為預售榜首。據悉，《長空之王》突然撤檔是由國家廣播電視總局下令，擔心「《戰狼》（2015年）風電影」鼓譟戰爭情緒、甚至洩漏軍事機密[7][8][6]。據自由亞洲電台報導中國共產黨第二十次全國代表大會前，高層權力過渡必須萬無一失，避免身為政治片的《長空之王》節外生枝。
據《荷里活報道》稱，《長空之王》的特效在北京電影業內部被視為不如2022年美國賣座鉅片《壯志凌雲：獨行俠》，容易受到觀眾嘲笑，此外本片亦是對美國和中國軍事實力的宣傳展示，片中的錯誤（如將中國殲-20稱為「第四代」隱身戰鬥機）易產生政治風險。北京一位接近該項目的消息人士說稱，「阿里巴巴正在等待電影局的批准，以確定新的上映日期。電影可能隨時到來，也可能永遠不面世。」
2023年1月5日，官方發佈新海報。2023年1月9日，宣佈定檔2023年5月1日。
--Dogdogchi
//《長空之王》的特效在北京電影業內部被視為不如2022年美國賣座鉅片《壯志凌雲：獨行俠》，容易受到觀眾嘲笑
刪除神真正的誕生了……不過他仍會講粗口的:
長空，你真是蠢X過隻豬。
//此外本片亦是對美國和中國軍事實力的宣傳展示
尾軍受訓時可以蒲吧，實在太不似樣了！
//尾軍受訓時可以蒲吧，實在太不似樣了！
刪除係咯，點解駐港老解唔可以蒲駱克道呢？😏
//點解駐港老解唔可以蒲駱克道呢？😏
刪除拉燈仔：因為老解天天都要早起摺被，唔可以飲到啤啤夫。
架仔, 高盧雞, 泡菜, grandpa都拍過自己空軍軍宣, 不過都係被人話山寨top gun, 評價相當麻麻.....
刪除其實今次獨行俠成功, 是靚佬湯堅持唔用綠幕, 全上真人真機不計成本什至安全, 咁攪法出事要上身的, 如果正常一點既電影人, 全部CG加綠幕play safe就肯定, 出來效果恐怕就是美版了, 又一個經典IP GG
靚佬湯拍埋呢集Mission impossible應該都無體力再拍了, 呢D玩命拍法肯定絕唱
美版 空天獵, 出唔到字原因不明
刪除//靚佬湯堅持唔用綠幕
刪除//出來效果恐怕就是美版 空天獵
第一個創作人是天才，第二個抄襲的就是「商業奇才」XD