雖然我城正苦推廣「綠在區區」廢物回收已有好幾年，但隨住垃圾徵費推行在即，近日又見「6仔」打起宣傳。魔術師好奇心起，查看一下，竟然發現在手機 app 存在：
|
| （圖片來源：App Store：綠綠賞手機應用程式, captured by 17 Mar 2024） |
個 app 似乎都設計得幾精美（真係在白頭謝監督下進行？），於是魔術師也就 download 來睇下。
除咗最基本的 show 到你鄰近有乜回收站之外，個 app 最大的功能當然就係回收有積分儲（可用「智方便」登記個人資料）：
於是，這天魔術師就「新X坑」，帶住個環保袋裝咗幾件「小型電器」去屯門新墟（V City 對面）的「綠在區區」回收點來試吓。
入到去，有青職員就叫魔術師打開個「綠在區區」app，在個磅之前掃碼，取得魔術師的會員編號後，就可以將環保袋放上去磅，以重量計積分：
今次魔術師帶來的有壞熨斗（見《壓力式熨斗》）同埋舊 mouse 兩隻（留意磅重可以一齊磅，但回收時要拆盒分類，機還機、紙還紙、塑膠 packing 還塑膠 packing）：
咁就 2.5 公斤，儲到 25 分，仲即時會在 app 上反映，反應算幾快。
咁要儲幾多分先有嘢換，又可以換些甚麼呢？
|
| （圖片來源：綠在區區官方網站, captured on 18 Mar 2024） |
都係一啲柴米油鹽、廁紙即食麵梳打餅等，得啖笑都幾好玩。
而且，「回收有分儲有嘢換」都幾吸引基層走去「拾荒」來賺返啲零用的，幫輕吓家用都好嘅。
＊＊＊
伸延閱讀：
地方都幾乾淨企理, 咁多都喺麵條類，又幾有趣----要留意喺換完即止，公公婆婆要留意行細字，有得食胡就叫唔好做得太大喇。
回覆刪除公公婆婆無咁好眼，但應該都會本着「有食唔食，罪大惡極」的態度，有得換就換。
刪除送啲咩襟章(慳BB冇popo嘅提子咁cute...)算唔算送咗一舊冇得回收嘅廢物？不如送吓搭巴士地鐵優惠，不過要驚動太多部門正苦唔會做的了。
刪除//搭巴士地鐵優惠，
刪除對廢老來說只值2元，換包即食麵好過。