魔術師資產配置（2025年1月）

Grandpa 及比卡超團隊推出有多項救市措拖，一為神功二為弟子，救己救巷。一簽多行、樓市撒辣（熊貓經濟、盛事經濟等 gimmick 嘢魔術師反而持保留態度）等似乎對我城經濟等有所幫助，但呢啲都係中長期措拖，要等時間醞釀。眼前就要睇侵侵有無只為尾市帝 great 而不理全球（包括尾帝盟友）死活的大動作。始終地緣正字都係一大基本因素影響陸巷與及全球經濟。

上月結算，股票：商品：房託：債劵及現金比例為 33.7:4.0:25.2:37.1，都係一貫股票強，房託弱的格局。要回復目標比例 33:4:26:37，只需簡單地以沽出股票，加少許現金買入積弱多時的房託；加上魔術師每年4月年結在即，將會重檢投資組合，為免到時出時大手沽貨掃貨的場面，也就順便預先為投資組合重檢作準備：

- 股票方面：買入具防守性的我城高息股 ETF，為免巷股過多便將股息率較低的盈富基金酌量沽出，反正日後總有低位買回的機會。由於巷股交投係一手手咁計，當遇上「買一手太多，唔買又唔夠數」的時候就以買入巷股指數強積金基金調較。另外酌量季供尾帝標普 ETF及其衍生 short call ETF，務求砌靚個 portfolio 以備 4 月結算。

- 商品方面：在不影響投資比例下酌量增持實物黃金 ETF。

- 房託方面：由於我城寫字樓商廈行情睇淡，於是將泓富產業信託（00808.HK）從核心持股變成行衛星持股（core-satellite approach），由順豐房託（02191.HK）取代其核心位置。其餘則以 RSI 14 比較弱勢的個股及ETF加倉。

- 債劵及現金方面：主要就係行禮如儀地月供尾帝高息借貸 ETF，上月尾帝國債到期，回籠資金一方面安排找卡數，一方面繼續 rollover。沽出少量環球債券強積金基金做轉換。

以每１００萬股票組合計，資金調配如下：

爽歪歪富國島（五）之睇動物、食蟹、夜市（Day 4）

都話咗呢間二號酒店「富國島海洋灣度假村（Ocean Bay Phu Quoc Resort and Spa）」唔係咁「長者友善」，食早餐要行一大段樓梯上二樓：

雖則酒店臨近海灘，海景實係幾無敵（竟然唔記得在餐廳影相）。

食完早餐便 call 車去富國珍珠野生動物園（Vinpearl Safari Phu Quoc），全程同司機又係用 Google Translate 溝通：

一入到園區門口便見到有大量卡通人物在 say hello：

虛擬雙龍閃組合（2024）

人言報回顧去年（2024年）痕指表現，原來升咗3,000點有多（見伸延閱讀），咁去年「虛擬雙龍閃模擬倉」的戰績又係點呢？先 recap 下遊戲規則：

雙龍閃長倉：在本月期指結算日買入下月雙龍閃長倉。如期指開市價較遠離某恆指期權 strike price（不超過+/-50點(如 strike price 間隔為200點)或+/-25點(如 strike price 間隔為100點)），則做 straddle 長倉；如期指開市價靠近兩個恆指期權的 strike prices 的中間（不超過+/-50點(如 strike price 間隔為200點)或+/-25點(如 strike price 間隔為100點)），則做 strangle，期權金以開市價計算，並一直（佛系地）持有直至結算。

例如開市價為20,180點，在 strike price 20,200點 ＋/- 50點之內，於是便做 long strangle long call 20,200 long put 20200；如開市價為19,840點，在 strike price 19,800點 ＋/- 25點之外，於是便做 long straddle long call 19,900 long put 19,800。

為了做 control experiment 作比對，魔術師同時也模擬了期指長倉作比較，就係簡單地在本月期指結算日以開市價買入下月期指，並一直持有直至結算。

以下係2024年虛擬雙龍閃的戰績，雙龍閃長倉勝期指長倉 978點：

爽歪歪富國島（四）之夜遊富國大世界 Grand World Phu Quoc（Day 3）

位於富國島南部 Sunset Town 的一號酒店「希爾頓格芮精選酒店（La Festa Phu Quoc, Curio Collection by Hilton）」環境真係好得沒話說，話咁快就來到 check out 的日子，靚姐姐自然不放過機會，吃過早餐臨走前便在酒店泳游池來過下水禮，比堅尼泳衣盡顯美好身段（魔術師都算見過世面無流鼻血），可惜伯母在另一邊休息，搞到魔術師想學《精裝追女仔》馮淬帆（定荷蘭叻？）咁藉口幫手搽太陽油都唔敢...

又，原來得幾條繩綁住的比堅尼真係可以游到水又唔會甩...

又又，靚姐姐水着照當然唔會在此刊登。

魔術師資產配置（2024年12月結）

本月尾帝減息後放鷹，尾股回順但並未大跌，巷股則跌咗一輪之後年尾收復部分失地，收 20,000 點之上。以尾股為主，巷股為輔的沉船基金較上月微升 0.05％，每單位收報＄195.10（我城貨幣，下同），依然佔領本月第一。加密貨幣及黃金回軟，商品基金較上月下跌 1.49％，本月每單位收報＄179.80，繼續守第二位。第三位同樣不變，係由巷尾高息股、公用股、科技股組成的生活基金，整體表現成為逆市奇葩，較上月升 3.75％，每單位收報＄171.08。

第四位是合格線、包含高中低回報（及風險）的債券、債劵 ETF/CEF 和現金組合因2025減息幅度縮窄、甚至有加息可能而回軟，本月每單位收報＄139.20，較上月微跌 0.49%。

傷巷股市雖然爭返一口氣，但依然廢廢哋，複式盈富組合每單位價格收報＄130.21，較上月上升 2.85％，保持第五位。第六位係以環球債劵股及中巷貨弊基金為主，巷尾股票指數基金為輔的大雜燴強強積金組合，整體表現持平，每單位收報$108.33，較上月微跌 0.70％。房託組合繼續潛水，本月下跌 3.82％，每單位收報$94.74。

爽歪歪富國島（三）之富國島南部一日遊（Day 2）

靚姐姐經 KKDay 訂咗呢個 local tour，需要一早起床（仲早過返工），搭車同其他來自世界各地的團友集合，參加呢個一日團：

【越南】富國島南部一日遊及纜車體驗

1. 參觀珍珠養殖農場，認識島上的珍珠養殖產業

搭一輪車去到珍珠養殖場，見到有工人拎住類似老父以前的雕象牙的雕刻機在幹活，竟有一絲感動。

之後去到賣紀念品的地方，有啲似大陸平價旅行團去咗土瓜灣的感覺，幸好並無強迫消費，行個圈便離去：

《再見螢火蟲（Grave of the Fireflies）》：生於亂世有種責任

傷民真係多愁善感，在電影討論區睇《破．地獄（The Last Dance）》（見伸延閱讀）要帶幾包紙巾，在家睇《再見螢火蟲（Grave of the Fireflies）》又話要喊到死去活來...其實傷民係咪壓力太大，情感無法釋放呢？

爽歪歪富國島（二）之到埗（Day 1）

話說魔術師、靚姐姐、與及伯母各自從家中出發到機場集合，剛好趕得上一齊 check in 擺低寄艙行李，使逕自出發去 lounge 食嘢：

（菠蘿包、春卷、雜菜湯）

（魚蛋河）

記住各大錢莊的旅遊信用卡雖然名義上可以「免費享用」機場貴賓室，但事實上事後係要用張卡在指定時限內碌返夠本，至於時限和碌幾多錢、點先至算係「合資格簽賬」則每間錢莊每張卡都唔同，用之前要俾多少少 attention to details 計好數；好似大貓呢張 EveryMile Visa Signature 卡就要在使用 lounge 後60個曆日碌滿4,000等值我城貨幣，才可以「豁免」＄250 去 lounge 的費用：

新聞雜評（四百五十四）

皇馬巴塞名宿賽｜消委會接19宗投訴涉近14萬元　批主辦方處理欠妥、冀彈性處理 有線新聞 2024年12月23日

【有線新聞】皇馬對巴塞傳奇球星表演賽，消委會至今接獲19宗相關投訴，涉及金額13.8萬多元，最高金額的一宗為1,3761元。消委會期望主辦方彈性處理球迷爭議，有律師說要研究細節才能斷定事件是否違反《商品說明條例》。

有球迷以6,880元購買皇馬巴塞傳奇「特別體驗套票」，排隊等候多時，最終未能如條款列明獲得與全體球員的合照和簽名，失望而回。皇馬香港球迷會會員黃先生：「我們是很愕然，不知道發生甚麽事。再補充少少，當時我們購買這個套票，是應承了一人一張合照和簽名，但是當時我們進去，他們不斷催促我們稱快點快點。拍照也變了那兩位球星的合照，我們站在兩位球星後拍了三張照片 ，然後就叫我們去下一張枱排隊。」

消委會促請主辦方彈性處理球迷爭議。消委會總幹事黃鳳嫺：「我們現在看到消費者給我們的要求，第一，有些不是要退款，希望這些主辦方真的要改善。因為安排混亂，導致他們的失望，這一些情況不可以在其他活動發生。但都有一些消費者說要退款，但沒有說明要退多少款，亦沒有說一定要全數退款。所以我覺得今次事件是比較特別，亦都要比較個別針對性處理，因為事實上真的每一個情況不同。」

有大律師說刑事檢控基礎高，需視乎情況判斷是否構成違反《商品說明條例》。大律師陸偉雄：「有部份球迷又可以觀賞球賽，又可以拿到簽名，又可以拍到照。簡單來說，如果你說今次整個安排是沒有人可以拿到球星簽名，沒有人可以跟球星合照，又或者根本沒有落場，如果在這樣的基礎下，刑事成份就明顯很多。刑事的檢控基礎或標準是很高，要去到毫無合理疑點，要證明到他是存心欺騙才能成到罪。」

他又認為球迷向海關及消委會投訴做法恰當，呼籲主辦方與涉事球迷協商，以賠償形式處理事件。

1. 皇馬香港球迷會會員黃先生：「我們是很愕然，不知道發生甚麽事。

究竟係咪班刁民特別容易「欲求不滿」，成日要求退款呢？睇返呢位出哂名係「何仙奴」/亨利鐵粉的有線靚女主播 Lizzie 成功簽到名（搞到俾班妄民要佢「澄清]），仲有得俾亨利大大力抽水，明顯好滿足喎！由佢報呢單新間會唔會在幕後偷偷地陰陰嘴笑鳩班皇馬球迷呢？

求學時期曾應承自己

將來要努力工作儲錢睇亨利

有人話我

課重金買見面會飛、睇埋場波

這個行為很傻、「水魚」

金額之大足夠旅行/直接飛去外國睇波

不過也有師兄同我講

「同睇戲一樣，最緊要自己enjoy」

求學階段未有經濟能力

只能從電視看偶像

踏出社會後開始努力追夢

可惜兒時偶像已退役

儲錢就是希望可以每隔兩三年

可以去球場看看那銅像

緬懷昔日的時光

時至今日

機會終於來臨

不是見銅像，而是真人

我當然諗都唔諗

果斷課金買兩張見面會飛與伴同行

至於價值

就在於事情本身對你的意義有多大

而對於我

他填滿了我的美好回憶

若果不是他

別說是「越位」

或者我連甚麼是阿仙奴都未必知道

能夠見到兒時偶像

親眼看到他在球場上踢波

圓夢了❤️

（網上圖片）

（網上圖片）

外遊啟事

魔術師休假外遊，本 blog 在下星期中聖誕節（25 Dec 2025）將回復更新。

Merry Christmas and Happy New Year！

 

爽歪歪富國島（一）之旅遊平台中伏記

各位網友，當睇到呢篇帖文之時，魔術師已經跟靚姐姐及伯母（見《拖篋不可打JJ》）在越南富國島嘆（短暫的）世畀。今次出遊由於要帶埋老人家同行，於是便揀個比較近便卻又夠  chill 的目的地 - 越南富國島。

本來魔術師一力承擔打點，點知呢一兩個月公司太多嘢做（公司班後生電車仔女愈來愈唔似樣，一係就成日病假，唔知真係孱仔定係夜晚有副業去做PTGF/PTBF，一係就係乜都（扮）唔識做，delegate 啲工作俾返魔術師做），好多時放咗工成身散晒返到屋企撻落床馬上要訓陣先識醒，搞到今次貪方便經旅遊平台網上 book 機票和行程，用 Agoda 預訂機位，語哂大品牌總算一 take okay：

（圖片來源：Agoda > 交通 > 機票, captured on 12 Dec 2024）

點知用我城品牌嘅畸碌 book 行程就出事了...

舊電車仔賣年金

話說魔術師在這公司入職不久，使發現有條電車仔經常請病假，一個月可以請足一半工作日，搵親佢開會、做嘢好多時都係搵唔到，相信佢都應該用緊 no paid leave。直至半年後佢終於唔撈（至於係出訴自願定係被勸退就不得而知），之後就再無音訊...

點個，近日收到佢一份「度身訂造」嘅 whatsapp，竟然係去咗賣保險，仲話要介紹（疑似）年金產品俾魔術師做退休計劃。魔術師心中納罕：你連無乜聯絡開的舊同事都拎嚟跑數，恐怕你自己的退休計劃都未 plan 好吧？

由於前電車仔同事呢個 plan 乜詳細資料都無（例如儲蓄期的回報率假設係幾多，收成期回報率假設又係幾多，當事人幾多歲開如攞錢等等到），魔術師無法評論，更無興趣約出嚟傾吓。

拖篋不可打JJ

比卡超話傷巷商界「執10間開返16間」（見《新聞雜評（四百三十六）》），財經/地慘KOL又話飲食業的「執笠最大原因」係「生意太好，唯有執笠」（見伸延閱讀），可是靚姐姐就感受唔到呢啲咁歡樂嘅氣氛，始終生意難做，壓力爆煲，點都要出國旅行減吓。咁啱靚姐姐媽咪太耐無去過旅行，靚姐姐今次就帶埋伯母外遊。魔術師有感早前住院期間伯母時常來探望（見《又見新一袋醫護人員》），湯水生果不缺，於是今年年假就做吓跟班，跟靚姐姐兩母女去遊歷，順便多對手幫忙照顧老人家，應有之義也。

咁啱上年同靚姐姐去完旅行（見《爽歪歪澳洲遊》系列），發覺早年買入的 LV 中篋有部份「膠腳」老化需要維修，屋企個 RIMOWA 鋁箱又太笨重只適宜用來裝攝影嘻材，最舊的行李箱更加係有老父油畫「墨寶」，點都唔會用，所以有需要買返個篋：

（家父「墨寶」之一）

馬來亞春色綠野景緻艷雅

唔知係咪魔術師平時上妄睇得囡囡多，邪惡的FB就不時推送啲霉妹仔專頁過嚟俾魔術師「鑑賞」。今次就見到條大馬妹咁講：

𣊬間睇廣告（二十）

1. 面盲挑戰

都話比卡超正苦終於開竅，正苦廣告開始識得用可愛囡囡來吸睛：

好似呢個「短訊發送人登記制」廣告，個女主角驟眼睇同之前企明禎BB隔離嗰個妹妹（見《𣊬間睇廣告（十九）》)好似兩姐妹咁

係魔術師面盲，抑或係依家啲霉妹仔妝扮都係一模一樣？

新聞雜評（四百五十三）

大熊貓｜中央贈港大熊貓沿用原名　寓意好事不斷、凡是有可能　明起與公眾見面 有線新聞 2024年12月07日

【有線新聞】中央贈港的一對大熊貓沿用「安安」、「可可」名字，寓意香港好事不斷，這對國寶星期日起正式與公眾見面。

「兩隻大熊貓將會繼續叫做『安安』和『可可』。」大熊貓命名比賽收到二萬二千份命名建議，最後「安可」組合脫穎而出，寓意香港未來好事繼續「安可」。海洋公園主席龐建貽：「首先『安』代表安定的意思，『可』則代表有可能。我想香港現在的情況，大家也想安居樂業，亦想有不同的可能、生機。」

大熊貓命名比賽冠軍李嘉明：「我是熊貓愛好者，見到很多指引上說熊貓5歲後要改名也很難適應。我心底的一層是小時候父母帶我來看安安、佳佳，我也想承傳，見到很多朋友結婚，我們可以教他們的子女，上一代港人有安安、佳佳陪伴，這一代有安安、可可。」

港澳辦常務副主任周霽、國家林業和草原局副局長李雲卿、中聯辦主任鄭雁雄、外交公署特派員崔建春和行政長官李家超率先探訪一對新成員，李家超：「（大熊貓的）名字我們覺得都是本來的名字好，所以叫安安、可可。」

擺放攀爬架的是安安的新居，雄性安安活潑好動，對新環境適應較快；雌性可可正好相反，性格比較敏感，新居中有一個皇座。

安安、可可9月從四川都江堰運抵香港，牠們在香港完成了隔離檢疫，過了兩個多月的適應期，由海洋公園動物護理團隊護理監察牠們的狀況。海洋公園為了迎接新成員翻新了四川奇珍館，周日開始朝10晚7開放，若人數太多，參觀將有限時安排。

1. 「兩隻大熊貓將會繼續叫做『安安』和『可可』。」大熊貓命名比賽收到二萬二千份命名建議，最後「安可」組合脫穎而出...

難得女主持宣布完用返原名之後，仲要懶 high 咁 Wow 咗一聲。其實用返原名有乜咁興奮？？如果一早知道用返原名、「五十年不變」的話，咁又點解要搞命名比賽呢？如果當初諗住改名，後來才發現用返原名好過嘅，咁即係投稿嗰二萬二千份建議都係差到揀唔落？

祝智雙雄

 （幕開）

（偌大的辦公室中，一名髮線只有稍微後移、踏入初老階段的男子，正坐在辦公桌位子，神情緊張地望着電腦螢幕，操弄着滑鼠。）

（辦公室的門鎖忽然猛被大力打開。）

（一名身穿低胸露腰背心配瑜珈褲、梳了一條大馬尾、拿着小手袋的少女閃了進來。）

（少女身手甚為靈活，甫一走進辦公室，後腳一蹬，房門便「砰」的一聲關上。）

（少女蹦蹦跳地來到男子面前。）

少女：（俯身彎腰，心心眼）爸爸！

（男子乜斜着眼瞥了少女胸前一眼，眼光便轉回電腦屏幕。）

爸爸：（敷衍地）阿雪，你今日做乜咁興奮呀？係咪有嘢想開心 share？

阿雪：（嘴藐藐）妖！爸爸，乜你咁㗎！雖然今日天氣涼，行上山唔使身水身汗，但你都要念在我一場嚟到探你，俾吓面估吓我因乜事咁開心好啊！

爸爸：（頭也原回）係咪因為我做埋呢個月就唔撈？我諗咗㗎嘢，到我離職嗰日，唔使再睇廿蚊張面色，我就會喺社交平台貼返張二號橋嘅相，天空海闊，踏入人生新階段！（唱）

「天空海闊人開朗　胸襟寬曠情意長

 清風令我心醉　大海添我樂暢

 塵俗氣　沾不上　優悠歲月長

 不憂衣食呢不管世間事

 天生做人愛自由心呢歡暢

 春郊秋嶺萬方闖 山青水秀人舒暢

 星燈耀我方向 月影邀我往

 憑傲氣　沖宵漢 英雄心膽壯

 登高一嘯萬聲千響相和

 肝膽相照愛自由 心呢相向

 星燈耀我方向 月影邀我往

 憑傲氣　沖宵漢 英雄心膽壯

 登高一嘯萬聲千響相和

 肝膽相照愛自由　心呢相向」

魔術師資產配置（2024年12月）

上月巷股跌尾股升，黃金跌加密貨幣升，結算竟然係股票：商品：房託：債劵及現金比例為 33.0:4.0:25.6:37.4，股票同黃金基本上唔使做嘢。要回復目標比例 33:4:26:37，只需簡單地以現金買入積弱多時的房託：

- 股票方面：由於尾股可能「就爆」，只係在不影響投資比例下酌量季供尾帝除外 ETF同埋巷股高息 ETF。

- 商品方面：在不影響投資比例下酌量增持實物黃金 ETF。

- 房託方面：按投資比例，在巷尾房託持股中挑個 RSI 14 比較弱勢的個股加倉。

- 債劵及現金方面：主要就係行禮如儀地月供尾帝高息借貸 ETF，上月尾帝國債到期，回籠資金一方面安排找卡數，一方面繼續 rollover。我城出基建債券，保底息不高，只得3.5%，酌量申請。

以每１００萬股票組合計，資金調配如下：

新聞雜評（四百五十二）

屯門南延綫將以高架橋延伸　港鐵：V型橋墩保視野　料2030年完工 有線新聞 2024年12月02日

【有線新聞】港鐵屯門南延綫項目由屯門站向南延伸約2.4公里，當中包括1.7公里高架橋，預料2030年竣工，高架橋設計及建造會盡量減少對河道的影響。

屯門南延綫將興建兩個新車站，包括在原屯門泳池位置的中途站及鄰近屯門碼頭的屯門南新終點站。鐵路會以約1.7公里長的高架橋接駁屯門站，其中一段是長約250米的跨河鐵路橋，超過七成五橋段坐落於屯門河上，設計上盡量減少橋墩佔用河道空間。港鐵總建造經理潘建強：「今次橋墩設計採用V型設計，V型設計有甚麼好處？只需要2個橋墩，可以提供4個支撐點，承托整條橋1.1萬公噸重量。如果沿用以往垂直橋墩，可能在屯門河需要更多橋墩數目，設計跨河橋橋身及整體高度時考慮要為社區保留開闊、開揚視野。」

南延綫項目落成後預計服務超過10萬居民，繁忙時段由屯門碼頭經鐵路往屯門站交通時間較現時可以快一半。為了避免工程對屯門河水質造成影響，高架橋的工作平台使用了隔泥幕圍封工地，防止建築物料流入河中。

今次是繼南港島綫之後再次在河道上興建高架鐵路橋，興建時間及成本比在陸地上高，港鐵又說接駁高架橋結構、供電系統及軌道工作都會在晚上進行，暫時未見需要縮短屯馬綫行車時間。

1. 屯門南延綫將興建兩個新車站，包括在原屯門泳池位置的中途站及鄰近屯門碼頭的屯門南新終點站。鐵路會以約1.7公里長的高架橋接駁屯門站...南延綫項目落成後預計服務超過10萬居民，繁忙時段由屯門碼頭經鐵路往屯門站交通時間較現時可以快一半。

咦？官網話屯馬綫會直達屯門碼頭區，咁係咪即係話屯門站會由總站變中途站？咁屯門站上蓋豪宅瓏門豈非會跌價？今次班「小」業主實俾黨鐵玩死咯！

（圖片來源：屯門南延綫官網, captured on 3 Dec 2024）

魔術師資產配置（2024年11月結）

尾股本月勢頭保持在高位徘徊，下下上試新高，唔知係咪「就爆」的先兆；以尾股為主，巷股為輔的沉船基金受惠於尾股造好，較上月升2.55％，每單位收報＄190.15（我城貨幣，下同），依然佔領本月第一。侵侵當選後加密貨幣爆升，黃金回軟，商品基金較上月下跌1.30％，本月每單位收報＄182.52，繼續守第二位。第三位同樣不變，係由巷尾高息股、公用股、科技股組成的生活基金，巷股回落抵消尾股升幅，整體表現靠穩，較上月升1.35％，每單位收報＄164.89。

第四位是合格線、包含高中低回報（及風險）的債券、債劵 ETF/CEF 和現金組合受惠於減息刺激，本月每單位收報＄139.89，較上月微升0.32%。

傷巷股市升回一輪之後無以為繼回落，複式盈富組合每單位價格收報＄126.60，較上月下跌3.62％，保持第五位。第六位係以環球債劵股及中巷貨弊基金為主，巷尾股票指數基金為輔的大雜燴強強積金組合，債劵基金升幅抵消股票基金下跌，每單位收報$109.23，較上月微跌0.44％。房託組合又再回跌穿$100，返回潛水行列，本月下跌1.77％，每單位收報$98.49。