嘩，真係前所未有嘅大混戰！
魔術師唔認同陳先生。因為以字面上嚟講，「我係香港人，唔係中國人」呢句，唔同一般人話「我係北京人」、「我係上海人」、又或者「我係香港人，又係巴基斯坦人」，前兩者並無「唔係中國人」接尾，而後者則是在說自己對社區的歸屬感和本來的種族血緣。起碼表面上，陳先生擁有中華血統，講呢句「我係香港人，唔係中國人」，令人理解成香港與中國是在同一層次的對立面毫不希奇；而且中國係國家，以「蘋果對蘋果」的對比法，呢句嘅句式就應該解讀成「我係Ｂ國人，唔係Ｃ國人」，只有將香港當成係國家先可以講得通，將其理解為「捍衛一國兩制」未免太牽強了。
仲有就係，陳梓進持有特區護照，其實即係承認咗自己係中國人，去到外國有事可要求中國領事館提供「保護」，有法理依據，就算係劉夢熊都唔會有權取消陳梓進國籍，要取消的話，就請陳先生自行取消，都唔知係度叫陣懶叻做乜。（2nd edition）
如果只要捍衛一國兩制，咁就要定義吓點樣先至係「高度自治」了，ＣＥＰＡ和其他惠港措施算唔算係干預呢？其實香港人都可以say no，反正資本主義的精髓就是business is business，所以自由行就應當是普通他國人旅行入境，東江水依需求買，上市費依行規收，甚至係解放軍，都可以將其當成是「僱傭兵」，俾返中央軍費咪得囉。總之樣樣數還數路還路，均均真真，就無問題。
諗諗下，呢種所謂「城邦自治」，香港是中國附庸但又有自治權，跟周天子分封諸侯有什麼分別呢？
但係魔術師亦唔認同熊人大哥之言，港獨並唔係咩嘢喪心病狂之事。無論係老共、老孫、多爾袞、定係朱元璋成吉思汗趙匡胤李淵父子等，江山都係打返來，搞革命不嬲都會被當權者定性為「喪心病狂」，但係只要打贏咗，天下就係革命者的了，到時成王敗寇，吊民伐罪，解民倒懸的正義之師就是自己了。
要香港人搞武裝革命並不可能，但係搞「軟性革命」，即係在不犯法的情況下，圍堵政府，用各種手段癱瘓政府運作，逼使政府讓步，還是做得到的。情況有點像黑社會要收保護費，卻不是用恐嚇縱火來要脅，而係坐滿茶餐廳座位，總之就係霸住個位唔走等你做唔到生意一樣。而事實上，咁樣做，係有一定成效嘅。最終目的就係搞到香港在中央眼中成為「難治之地」，乞人憎到逼中央放棄香港（有如新加坡獨立），咁就求仁得仁了，呢一點魔術師早有論述。
熊人大哥又話「港英龍獅旗」、「中國人滾回中國去」、「南京條約萬歲」等等係港獨，魔術師覺得係有呢個暗示（當然政治暗示呢樣嘢，非常主觀）。不過即使善意地想，都係班細路仔反叛，明知老共唔鍾意，偏就係拎出嚟激下佢地。係就係可以咁諗，但其實佢地係玩緊火，一步一步推進，潛移默化（即係「洗腦」）之下，港獨思想就會開始萌芽，而佢地其實係咪真係為搞港獨有心理準備呢？相當存疑。
史文鴻的論調其實都係一貫的理性務實口吻，以和為貴，本來就應該係咁做；之但係，依家香港人都係感性情緒行先，佢自己都有講，傳媒梗係要挑撥離間先有新聞好睇，理性思考、講道理就沒有市場了。
所以魔術師係同樣唔認同劉夫子，現在傳媒（例如毒果）以借監察政府為名，卻是濫用第四權為實，煽風點火，小事化大，唯恐天下不亂。劉銳紹又認為香港無獨立的客觀條件，但係唔好唔記得，依家反中的大部份都係年輕人，而佢地係唔介意搵唔到錢的，甚至乎做返農民都無所謂，將來香港係會由這一班人帶領的；呢一種浪漫思想，正正就是「明知不可為而為之」的基礎，客觀條件係點差都唔係要點，而且正如魔術師之前所說，香港人無可能搞武裝革命，反而搞「軟性革命」卻有可能成功。
最後另外還有一位嘉賓，不過魔術師就不予作任何評論了。
＊＊＊
話時話，年前魔術師跟眾同事到偏遠地區食飯，迎面有一約三、四歲的小女孩行過，只聽見佢忽然間大叫：「我唔係中國人！」嚇得旁邊的老人（應是爺爺吧？）慌了手腳，唔知點解個孫忽然會咁叫法。魔術師與眾同事相視而嘻，個細路得嗰三、四歲，究竟係邊個教佢講啲咁嘢架？
＊＊＊
伸延閱讀：
2012/11/01 00:53:56
講「我係香港人唔係中國人」同講「我係中國人唔係地球人」一樣咁低能....
回覆刪除哇，乜史文鴻老成咁，大一 O Camp 時佢係我輔導員。
回覆刪除確實有人想港獨，今日信報竟然可以有篇認同有港獨嘅評論見報：
何正道 < 港獨真的未形成勢力嗎？〉
但港獨得個玩字，第一，更多人反港獨。第二：真係成氣候，北京好簡單，講一聲港人治港玩完，就完喇！
以下是我在黃世澤網誌中留言。
回覆刪除October 29, 2012 at 3:55 pm
黃兄，
當日你的表現冷靜及出色，其中有一論點ＫＯ劉夢熊，就是香港人不一定是中國人。
但那個陳梓進就不行，只得一個論點，就是中國不能干預香港事務，有很多例子沒有引用，說服力大打折扣。當他拿出護照時，我還以為是BNO，原來是中華人民共和國香港特別行政區護照！這樣犯了自相矛盾的謬誤。所以他是「我口地係香港人，唔係中國人」群組的發起人就沒有說服力。他有自由聲稱自己唔係中國人，沒有犯法。但他在用特區護照，只能道德上批評他食碗面反碗底。
原來黃兄早在２０１０年已經留意米字旗，其實不應大驚小怪，在香港萬國旗都舉得。如果發起人用米字旗是策略（不是貪玩），就有機會如黃兄所說像毛澤東當年以湖南獨立來革命。但看來他們沒有毛澤東的智慧。
我認同劉銳紹的分析，希望左派不要過度解讀，這只會令社會更不安寧。
我都是第一次見夫子要大聲話「請聽我講！」
（P.S. 其實應該回復中史為必修科！）
算喇，人地會考得3分咋！
回覆刪除依家梗係「未成勢力」，但係十年廿年後90後，00後出哂嚟就難講。
回覆刪除／／香港人不一定是中國人
回覆刪除所謂「香港人」、「中國人」，要睇當時語境係講緊乜，如果係講國籍就易辦，咪睇下你拎本咩野護照囉！香港唔係國家，持有特區護照在法理上來說就是中國人。就算係劉夢熊都唔會有權取消陳梓進國籍，要取消的話，就請陳先生自行取消。
好似黃先生咁，我唔知佢持有咩野護照，總之以國籍來說，就係跟護照喇。佢血統上都似係中國人，屬海外華橋一類，隨著年月代傳一代，「中國血統」會愈來愈淡，等於那些ABC混血兒，血統係唔係「中國人」可以好灰色，也沒有既定定義。
黃先生佢持有的是英國護照，之前在他網誌中辯論才知。
回覆刪除我偏向用國籍來分是什麼人，這樣可減少爭吵。
我有很多親戚移民加拿大，不過大部分都承認自己是中國人。
我食飯嗰陣睇呢篇文啲留言，睇到魔術師一句：條友會考得三分，笑到差啲噴飯。
回覆刪除跟住睇到校長話史文鴻個樣老，話當年O'camp，又差啲噴飯。大佬，你都唔細啦！
黃某在網絡界早就「享負盛名」,閣下竟敢跟他辯論,膽子認真不小.
回覆刪除//跟住睇到校長話史文鴻個樣老，話當年O'camp，又差啲噴飯。大佬，你都唔細啦！
回覆刪除人地係偉哥來的!
移了民就是加拿大人，不能叫自己做中國人了。中國是國籍，華人才是血統。
回覆刪除當了加拿大人，卻說自己愛(中)國，對加拿大很不公道，何況移民入籍時，都有段誓詞，執正來講就是國土(加拿大)被外敵侵犯，就要盡全力效忠和捍衛。拿了加籍卻說愛中國，打起仗來站那邊？
話分兩頭，轉了國籍，仰慕中華文化及自己血統根源並無問題。
QUOTE
Quality Alchemist :
黃先生佢持有的是英國護照，之前在他網誌中辯論才知。
我偏向用國籍來分是什麼人，這樣可減少爭吵。
我有很多親戚移民加拿大，不過大部分都承認自己是中國人。
UNQUOTE
／／中國是國籍，華人才是血統。
回覆刪除如果中國人和加拿大人中的「中國」、「加拿大」是指國藉的話，那麼「香港人」、「廣東人」、「上海人。「北京人」等又應怎樣解讀？
今日先得閒睇番條片，為咗個傻仔搞壇法國大餐真係俾面佢。
回覆刪除最後劉大嗌「聽我講一講！」以為佢打圓場，點知話叫北京唔好再搞群眾鬥群眾，無野呀？反共嘅群眾就係民意，反反中嘅就係北京動員嘅群眾？
「中國人」本身是個暖昧的詞語，可因應方便隨意把它解讀。甚至英文Chinese 也可解人種或國籍 (e.g. Chinese American)
回覆刪除中國人這個字含糊，不等於對國民身份也應該含糊。移民加國，稱自己是中國人，文法上並不犯規，但說話者有蒙糊或隱去自己真正國籍的意思(是否故意則另計)，這種「方便愛國」就很不可取了，方便者，一是為了方便獲得更好生活，佔了加拿大便宜，二是為了某些緣故佔了中國人同族情懷的便宜
QUOTE
不敗的魔術師 :
／／中國是國籍，華人才是血統。
如果中國人和加拿大人中的「中國」、「加拿大」是指國藉的話，那麼「香港人」、「廣東人」、「上海人。「北京人」等又應怎樣解讀？
UNQUOTE
一方面要解放軍駐港部隊玩「軍演」,另一方面《環球時報》就企圖為港獨降溫,膠燈仔的重要性不言而喻.
回覆刪除我明白你嘅觀點,但係你都無講出你點睇「香港人」、「廣東人」、「上海人」、「北京人」喎?
回覆刪除同情地理解,所謂「中國人』本身是個暖昧的詞語」,其實你亦同意根據語境和前文後理作不同的理解,但係,又係咪只有「中國人」才有這個問題呢?
例如:
http://en.wikipedia.org/wiki/Charlize_Theron
Theron has a son, Jackson, whose adoption was announced in March 2012.[45] She lives in Los Angeles, California.[46] Theron became a naturalised citizen of the United States in May 2007,[47] while retaining her South African citizenship.[48]
「上海人」「北京人」之類，嚴格來講是地域或所屬城市，多見於俚稱或非官方用詞，我不明你想問甚麼？
回覆刪除假如你想說這是否暗示了國籍或人種，都係好灰色。鬼佬說New Yorker 不一定是美國人，可以是在紐約住了很久的其他國籍居民。但係德州佬一講Texan，幾乎等於標籤了自己是土生土長美國人，那是因為該地的文化環境，並非通例。
這類以城市為主體的詞語並不「正經」，正如Hong Konger 也不能突顯自己國籍是中國吧？
我不懂你列舉那個演員的意思。
你想說雙重國籍很常見？我不是講這件事。
QUOTE
不敗的魔術師 :
我明白你嘅觀點,但係你都無講出你點睇「香港人」、「廣東人」、「上海人」、「北京人」喎?
同情地理解,所謂「中國人』本身是個暖昧的詞語」,其實你亦同意根據語境和前文後理作不同的理解,但係,又係咪只有「中國人」才有這個問題呢?
例如:
http://en.wikipedia.org/wiki/Charlize_Theron
Ther...UNQUOTE
例１：
回覆刪除//移了民就是加拿大人，不能叫自己做中國人了。
如果「我係中國人」（或一般來說的「我係Ｘ國人」）只能被理解成指某君的國籍，那就易辦事；就好似你以上所說的例子一樣，這人既入了加拿大藉，就不能說自己是中國人了。
例２：
//「上海人」「北京人」之類，嚴格來講是地域或所屬城市，多見於俚稱或非官方用詞，我不明你想問甚麼？
//New Yorker 不一定是美國人，可以是在紐約住了很久的其他國籍居民。
//德州佬一講Texan，幾乎等於標籤了自己是土生土長美國人，那是因為該地的文化環境，並非通例。
以上我也同意.
明星的例子是對應你說「『中國人』本身是個暖昧的詞語」指她可以指自己是South African，也可以說自己是American，那麼「南非人」和「美國人」又是否很「曖昧」呢？是不是「Ｘ國人」這句式根本已是曖昧，「中國人」只是其中一個例子而已呢？
我不明白的是，例１講的，也是很「俚稱或非官方用詞」，很可能是指「我來自中國」吧了，但係你就話咁樣講唔啱，應該要以國藉論斷，咁樣講法既佔別國便宜，又沾中國的光，是不對的；但同時你又認同擁有其他國藉但住在可紐約的人可以自稱為New Yorker，又不怪責他們「既佔美國便宜，又沾自己國家的光」了。你發覺矛盾之處嗎？
回到「我係香港人，唔係中國人」的口號，無論點睇都言不成理。以國藉論去看，香港不是國家（除非他藉此暗示港獨）；以「土生土長論」去看，陳先生也不像是在香港成長但不是「中國藉」的少數族裔，起碼他自己也是持有特區護照的。
你用女星的例子不太恰當，因為她很可能是 dual citizenship，所以她說自己是南非人好，美國人也好，都是陳述客觀事實，並無曖昧之處。因為naturalized citizenship極有可能是容許她維持南非籍的。
回覆刪除又據我所知，中華人民共和國不容許雙重國籍，移了民就自動喪失中國國籍。
以New Yorker反証有矛盾一說也甚牽強，正如你提及的「語境」，「紐約人/客」此字並不如「中國人」般，帶有強烈的國籍及宗族意味。不少華人或中國人，例如樓下某些留言，會透過「中國人」一字，去判斷對方對國家或宗族的忠誠度。假如我移了民，被問及「你是不是中國人？」(質疑我的國籍和宗族背向)，為了討好對方我回答「我是中國人。」(將宗族和實質國籍混淆)，那就是沾便宜。
New Yorker 只能判別住處，無法斷定對美國的忠誠度和宗族關係。故此不能用來類比反証。
至於為何你說「例1是俚稱或非官方」？我看不明。
QUOTE
不敗的魔術師 :
明星的例子是對應你說「『中國人』本身是個暖昧的詞語」指她可以指自己是South African，也可以說自己是American，那麼「南非人」和「美國人」又是否很「曖昧」呢？是不是「Ｘ國人」這句式根本已是曖昧，「中國人」只是其中一個例子而已呢？
我不明白的是，例１講的，也是很「俚稱或非官方用詞」，很可能是指「我來自中國」吧了，但係你就話咁樣講唔啱，應該要以國藉論斷，咁樣講法既佔別國便宜，又沾中國的光，是不對的；但同時你又認同擁有其他國藉但住在可紐約的人可以自稱為New Yorker，又不怪責他們「既佔美國便宜，又沾自己國家的光」了。你發覺矛盾之處嗎？
.UNQUOTE
關於女星的例子,陳述客觀事實的確無曖昧，我講嘅係「我係Ｘ國人」這類的句式是否曖昧，你係將內容與句式混淆了。
回覆刪除說來說去，重點就係你認為「『中國人』帶有強烈的國籍及宗族意味」(其他國家就沒有這個問題)，不過國籍跟宗族就已經是很不同的兩回事。我認為要看看當時的語境係真的是指「國籍及宗族」，抑或係「你來自哪裡」。「你是不是中國人？」（Are you Chinese?) 這問句也有可能是等於在問"Where do you come from？"（也算是宗族吧？），很可能對方是不知你是「來自」南韓日本還是新加坡的，並不是在問你的國籍，而是問你來自哪裡（鄉下），希望不要搞出一些文化衝突。你硬是要答自己是加拿大人(國籍),就即是叫對方不需要理會自己的文化了. 移民了是否就等於丟棄自己的文化,真的是很見仁見智的事.
況且，如果我回答"I come from Tuen Mun/I am a TuenMuner"（跟NewYorker一樣,是在說自己生活的社區),恐怕就無人知你在說甚麼了.