2013年1月25日 星期五

港燦上廣州

廠仔們想躲懶,環球通用的藉口就係:「我唔識做。」唔識做就唔使做,美顏上司為免魔術師俾佢地屈哂所有嘢上身,便提議跟魔術師一起上廣州給廠仔一些「訓練」,面授機宜,以免佢地有藉口逃避死線。

雖然公司可以代購紅磡直通車票,但魔術師家住屯門,無理由繞一個大圈回祖國吧?去得紅磡都到咗深圳喇!於是乎魔術師的「第一次和諧旅程」就這樣開始了!

 

***

0705

起床,梳洗,換衣服。

0725

樓下吃早餐。

0745

乘小巴到上水。

0815

到達上水,上學時間已過,沒什麼跨境學童,更沒水貨客,難道上水已經「被光復」了?

0835

到達羅湖,大陸關口例牌人肉過關。但,哇個女關員好漂亮,也不是瓜子口面才好看的,方方面形的有點像趙薇,仲笑容可掬添!可惜邊防不能拍照…

Picture

0845

去到廣深鐵路(和諧號)售票處,點解自動售票機竟然會唔收紙幣,只收錶 聯卡呢?呢張環球金融的銀聯卡卻又唔食喎?咳咳…回想起來,這張好像是借記卡(Debit card),難不成先要像八達通一樣先入錢?要問問同事先…

0855

唯有排隊人肉買票,折騰了好一會,買票就買票喇,點解咁鍾意搵個售票員埋呢問路?到得魔術師喇前面的男人時,忽然有個阿婆攝埋來問可唔可以俾佢先,話自己尿急喎!前面的男人不讓,魔術師也秉承港人深表自豪的「公平原則」叫阿婆排返隊,事關呢班車就開,約了公司車架嘛,遲到又要叫人等了。

但結果…本班車的票還是買不到,要坐下一班車了,而且明明魔術師是要買一等票的,售票員卻給了二等,給魔術師省下二十大元人仔,看來還是自動售票機較可靠,回程一定要問同事怎樣買票:

 Picture

0921

上到膠鐵,分配到的座位給個男的佔了,說「有貨在貨架,要看著」喎!一個個圓形像是用來裝油漆的膠桶也不知是幹啥的,唯有跟他掉位吧。座位上有「清潔袋」,又有「膠鐵小姐賣餐飲食物」,很有點70年代火車阿婆賣雞脾的感覺。本來想拍拍照的,但畢竟是在人家地頭,不知道港燦這種行為會不會被視為「不文明」,結果還是算了吧。

 Picture

當然阿媽教落,出門靠朋友,好在有黑莓手機,當然要不停地要跟廠仔報位置和抵達時間,以免公司車遺下了魔術師呀!

1030

抵達廣州,美顏上司早就在守候,無理由丟低魔術師唔理嘅。

1100

去到公司,開會。

1230

午飯飲食團,開單食阿公,當然食七咁食,之但係十幾人食完都只係千幾蚊,又唔係貴。仲有一味係唔知乜嘢魚嘅魚生,配菜十幾樣逐樣點,事前功夫搞幾分鐘,最後只係撈埋咬幾口,認真廢時失事。魔術師不習慣吃東西前影相,只好用網上圖片代替。

 Picture

1400

食飽飽,返公司教廠仔做嘢,但廠仔阿頭哼哼唧唧,又係講就當然唔會逆上司意,但做起上來卻又是另一回事了。

1600

吓!廣女同事竟然響屋企帶條粟米返公司當下午茶?

1800

美顏約咗另一名廣州頭領去食餐好嘅,叫埋魔術師去。嘩,又要除鞋又要坐塌塌米,使唔使咁高檔呀?之但係,又魚生又壽司又燒鯖魚,三個人都只係7百幾人仔埋單,又唔貴喎!

1930

去到廣州車站,乘和諧號回程,今次坐頭等。咦,點解售票機識收紙幣架?

 Picture

2130

平安到達深圳。

2200

去到上水,嘩,條橋度極多街頭小食,由魚蛋碗仔趐串燒蒸豬扒包炸大腸到甜品到有,超正!咁先係香港精神吖嘛!但為免太張揚,魔術師都係離遠影張相算喇!

Picture

咦,有栗米喎,影返張寄俾廣女先!

Picture 

***

伸延閱讀:

善待「小動物」

2013/01/25 01:57:30 

2 則留言:

  1. 售票機上方有顯示器表明用現金或卡的,揾啱部機就冇問題。

    回覆刪除
  2. 不敗的魔術師2013年1月25日 晚上9:18

    我見呀,就係在深圳,所有售票機都顯示只收卡囉!

    回覆刪除