2013年1月2日 星期三

城市論壇論分化(2012年12月30日)

剛過去的星期日,城市論壇又「搞」(呀唔係,應該係「講」)分化:

 

***

Picture

爛民幫同拳頭力量咁多成名人物之中,講嘢最「無料放送」的,大舊認第二,應該無人敢認第一(唯一的對手應該就是慢必),講來講去都無新觀點,總之係CY無誠信,要落台。OK,落台就落台,之後無論選到袋巾梁、巫婆靜、紀曉風定係黃痴瘋,律師治港又好傳霉治港都好,魔術師都無意見,總之要尊重法律,事事司法覆核,反高鐵反港珠澳,最緊要係保持雙非入境就得嘞。

***

 Picture

民陣不嬲都係咁柒,將民生問題(陳小姐的舉例是雙非、房屋、長者生活津貼(2:54-4:36))歸咎於無普選和功能組別。魔術師一向同意取消分組投票,立法會取消分區概念,一於全港單一選區大混戰,在此不贅。之但係,以雙非嚟講,呢個係法律問題,正是終審法院一錘定音,依莊豐源案得出來的結果,而法治不是香港的核心價值嗎?為何港媽無論基層定係中剷都挾「民意」要求打擊雙非?如果普選出來的特首可以漠視法治,嚴打雙非的話,又是否漠視「核心價值」?

再以習總最近要求CY留意解決的六大民生事項來講:

1.就業 - 呢個係香港產業問題,例如80後喜歡務農搞藝術,一個普選出來的行政長官是否就可以取締金融地產等「搞高增值」產業「轉型」為農業?以戰略角度來說,魔術師認為每個地區某程度上都應該能夠在食物供應上自給自足;而且搞返輕工業也不是壞事,可以給低學歷人士提供就業機會,之但係是否一定要靠普選才能成事?

2.物價 - 呢個係環球經濟問題(低息、QE)和港元與美元掛勾的問題,魔術師睇唔出是否一個普選出來的行政長官就可以解決。

3.住房 - 同產業與物價有關,兼且要起公家房屋的話,又會俾中剷反對喎!一個普選出來的行政長官就可以擺平刁民?

4.貧困 - 亦係同產業有關。普選出來的行政長官是否就可以擺平所有大地產商和小業主,解決高租金的問題,搞返起輕工業,基層市民有就業,貧困問題自然就可以解決。

5.環境 - 魔術師捉摸唔到環境有咩問題,事關環保團體在香港已經很有市場,事事保育,甚至乎親手殺死海洋生物都在所不惜添。

6.老齡化 - 魔術師最反對的就係「全民退休保障」,就算係普選出來的行政長官,都無可能將一個財務上有問題的計劃變成無問題;抑或係只要靠人多讚成就可以唔理財務問題?退一步講,老人家生活使費未必好多,但人老多病,全民醫保似乎較合理,就等保險公司啲精算師計掂佢。

阿陳小姐最搞笑嘅就係,「意見表達唔係得一種方式、一個內容」,但係就只包容支持「要求CY落台,馬上普選」(24:20-24:50)。魔術師想知的是,點解民主社會唔可以包容支持「專制政權」的聲音呢?

***

 Picture

如討論區中網友所言,遊行本來是反權力者(在野黨)的活動,支持權力者的走去遊行,未免太怪雞。而且呢位高先生,口齒不靈,多次捉到鹿唔識脫角(例如民意係反居屋,反8萬5的,又例如反東北發展與公並房屋的問題),似倒米多。

***

 Picture

呢位同學(28:27-29:00)就真係被洗腦嘞!人地都無話要俾幾百蚊你叫你去支持CY,你就硬屈人,年紀輕輕就咁刁,幾時刁得嚟大?

***

Picture

泛民區議員譚女士(30:04-30:45)你好似係幫中剷業主反對在大磡村起居屋喎,藉口係屏風效應,實情恐怕係怕影響景觀以致樓價下跌吧?而家唔係基層大哂架咩?中剷與基層為敵才是分化吧?仲有就係,阿譚女士你「攞唔到籌入唔到場講嘢」就係「無言論自由」,咁都講得出,你柒唔柒啲呀?

***

參考資料:

前大磡村地皮擬建居屋

莊豐源案

覆「老有所養」君

全民退休的烏托邦

 2013/01/02 00:40:25 

9 則留言:

  1. 或者這樣說吧。
    一位爛賭的家庭主婦,沒有心思買餸煮飯,對子女教育不關懷,老公晚上的要求更是無味。一副心思,就是怎樣等待甚麼時候可以自摸十三么,大四喜或大三元。根據麻雀牌的或然率,一定有機會。
    對她來說,自摸十三么,比更老公上床更開心;吃了大四喜,買餸煮飯就搞掂;槓上自摸大三元,阿女讀書成績一定好。
    面對這位不守婦道的爛賭主婦,我們能說甚麼?只能又是一句:社會的錯!
    如今這個爛賭主婦病,我們所有那些所謂政客都患上。不但他們患病,甚至將病毒散播。可以這樣說,香港有一本人口都有這種爛賭主婦病,反正一朝自摸十三么,一切都好。那就繼續摸吧,機會還是有。
    但主婦家中的事,誰理呢?關人!
    那些患病政客,本來是站在反對派的立場,監督政府運作,那是非常美滿的組合。我們確實需要一些人幫我們去監督政府。但個個都身患嚴疾,怎麼辦?
    做老公的,看見這個爛賭老婆,死性不改,還可以說一紙休書,跟她了斷。但我們這群爛賭主婦,是怎樣也沒辦法將她們休掉,如何是好?原來又是社會的錯!

    回覆刪除
  2. 「魔術師一向同意取消分組投票,立法會取消分區概念,一於全港單一選區大混戰」 -- x2
    「魔術師睇唔出是否一個普選出來的行政長官就可以解決」 -- 就算700萬人睇唔出都係冇關係嘅,因為700萬人入面冇1個人可以代表「民意」。假如普選行政長官就可以解決問題,就不用普選,凡事公投即可,肯定更有效率。

    回覆刪除
  3. 不敗的魔術師2013年1月3日 清晨7:22

    個老婆咁惡頂,不如北上包二奶;雖然二奶只係愛你的錢,但起碼可以令你feel like home.

    回覆刪除
  4. 不敗的魔術師2013年1月3日 清晨7:24

    係囉,新世代成日話自己係獨立個體,無人可以代表到佢地,咁又點溝通呢? 要幾百萬人逐個逐個同佢地傾嗎?

    回覆刪除
  5. QUOTE
    不敗的魔術師 :
    個老婆咁惡頂,不如北上包二奶;雖然二奶只係愛你的錢,但起碼可以令你feel like home.
    UNQUOTE



    哈哈,令你feel like home就唔係二奶,係大婆啦!home同dream home係唔同嘅噃。

    回覆刪除
  6. 不敗的魔術師2013年1月3日 上午8:37

    而係啲傷港人,唔dream house 唔買架!

    回覆刪除
  7. QUOTE
    不敗的魔術師 :
    個老婆咁惡頂,不如北上包二奶;雖然二奶只係愛你的錢,但起碼可以令你feel like home.
    UNQUOTE



    說得好,這樣的衰婆,真的人見討厭。所以政治上,我們還是要北上尋親,早點將香港這群臭婆娘休掉。

    回覆刪除
  8. 我覺得個主婦比喻應該咁:
    她本來也想當一個賢妻良母,但家公家婆總是看她不順眼,而老公就係一個無主見的裙腳仔,唯父母之命是從,於是無論她在家政上有多好的意見,即使獲得子女支持,但由於他們在家中無say,開家庭會議時往往以一對三,建議總是被否決。
    咁搞落去梗係好無癮,為了子女著想和建立自己在家中的地位,於是就想搵多D錢。佢眼見住隔離的台灣婆、追日劇、韓劇的師奶,就連D菲傭、泰傭都因打麻將贏到錢,個主婦便覺得這當然是賺錢的好方法。佢唔貪心,只係想食下對對胡、混一式之類的牌,點知佢的想法一早被專制的家公知道,於是暗中安排定麻將腳,每逢見到個媳婦想做牌,就出老千等佢點都食唔到糊,然後還要同佢講:「你安安份份聽教聽話,都可以俾下雞糊你食o既」。
    個主婦領了幾次野後,知道個遊戲規則早就唔公平,溫和理性原來無運行,梗係反檯唔玩,然後要嗌同老公離婚,爭番子女的撫養權。於是老公和家公當然用盡方法威嚇佢,話脫離這個家實餓死、水都無滴你飲…..
    搞成今日如此局面,你話邊個要負最大責任呢?

    回覆刪除
  9. 不敗的魔術師2013年1月9日 晚上8:47

    //住隔離的台灣婆、追日劇、韓劇的師奶,就連D菲傭、泰傭都因打麻將贏到錢
    睇怕係個主婦有情緒病多啲。事實上,橫財命唔起人人受得起。
    //每逢見到個媳婦想做牌,就出老千等佢點都食唔到糊
    現實版:
    父亲雇“高手”网游中追杀儿子以制止其玩游戏

    http://game.people.com.cn/n/2012/1228/c48662-20041705.html

    回覆刪除