2017年3月17日 星期五

簡易數學(十)之精英補習班

今日打開信箱,見到屯門有間新開的數學補習班派來廣告小冊子。魔術師好奇心起,揭一揭...嘩,原來依家要「贏在起跑線」(「贏在射精前」唔見得識計數),真係唔係咁易!
P.6 Q8 已經打咗個突,都要諗一諗先肯定到個原理。 Q6 就陰同學仔睇題目夠唔夠細心。


P.3 Q9 同 Q10 就真係離哂譜,好似仲難過 P.6 咁嘅?就算魔術師化身數怪,都唔能夠在幾秒之內計到個答案!如果全港「性系統」評估(Territory-wide System Assessment, TSA)或其變奏基本能力評估(Basic Competency Assessments, BCA)要考埋呢啲嘢,就真係死梗囉!
低年級的就正常啲:



睇返補習班呢啲題目,所有年級Q9、Q10都打咗星星,算係挑戰題,主要着重思考拆題,係就係幾好玩,但如果成日要操練,人仔細細就要 set 埋啲咁嘅方程式,班細路唔做到想死就勢係假!都係以前《智力世界》嗰類問題好玩啲(見舊文《智力世界》)。
***
讀者看倌如果想知道答案,魔術師就「復古」一下,學埋以前啲兒童周報咁將個答案調轉印出嚟,唔好唔覺意地俾大家睇到掃大家興!
***
伸延閱讀:
智力世界

11 則留言:

  1. 點解幼稚園全英文嘅!嗰嗰阿媽當正自己俾洋腸中出?

    回覆刪除
  2. 而家D細路叻嗰班好勁架,唔使教自己都諗到(你P.3 第九題佢地平日D補充好多吓,已去到三分鐘內點都計得出)... 據日常家長群組的對話可見,只能說父母普普的,希望孩子不普普的可能性頗低... 有時爸媽話唔識做要求救(仲要好冇禮貌,好似人哋出錯題要群起聲討那種),真係唔知點俾反應...

    真例:

    TSA 3: 把三個四位數由小至大排列如下:

    1021(最小),_________________,1102(最大)

    在空格內填上適當的數。

    ----- [OK,D字係寫得無可再衰]

    求救的這樣說:[]內為小的屏外反應

    C: 第3題答案是什麼?[有冇問題再冇禮貌D?加句請教/請問得唔得?奉旨答你嗎?]
    D:其實係米填任何只要係1021至1102之間嘅數字就得? [正解,完]
    C: 不是啊 0,1,1, 2排啊 [吓?]
    E:而家睇番,我都唸吾到答案喎,如果只能1,1,0,2 既話就吾會有答案了 [吓吓?]
    C:所以好怪啊 [好似係你諗多咗咋喎,你可以話條題目寫得衰嘅,但閣吓點解覺得係要0112排呢???]
    D:佢條題目有話一定要用0,1,1,2咩? [正解,可以完]
    C:頭尾數目字都一樣啊 [吓吓吓?]
    D:因為左同右都係由 1,1,0,2組成 [咁又點呢?],而如果吾跟呢個組合的話,可以有好多個答案[咪係囉,討論什麼?],所以推理應該係用番呢個組合[吓????題目一定只能有一個答案???],但而家冇答案之下亦只能是旦填一個1,1,0,2 以外既數了[好委屈你咁喎,根本就係咁做啦!]

    =_= 所以通常靜音,當笑笑小電影睇 ....

    回覆刪除
    回覆
    1. 頭尾用同一個組合應該係要考小朋友對單位概念同夠唔夠小心。
      家長唸多咗。

      刪除
    2. //你P.3 第九題佢地平日D補充好多吓,已去到三分鐘內點都計得出

      係set到formula solve 定係用 trial and error 先? 兩種approach好唔同, 不過最衰有時就係呢啲題目有時好鼓勵伙去brute force trial and error.

      //題目一定只能有一個答案???
      //家長唸多咗。

      對於某些讀壞書的中剷, 無特定答案的題目會令佢地渾身不自在.

      刪除
  3. Of course trial and error XD

    回覆刪除
    回覆
    1. 咁就死得,唔怪得依家公司班電車仔成日靠墥,寫啲programme 有唔少bugs,因為從來沒有用general solution 的方式去想。

      又,排數字最後係點?個老師有無expect a unique solution?

      刪除
  4. 咁講,三年班,佢識撞又撞得啱都係佢方法,肯試同試啱已值得鼓勵,佢做完自己方法再引導佢,就完美了。(唔記得邊個講過D偉大科學最初還不是靠撞)

    排數字未派返,不過唔使問者 not unique solution啦,點拆都拆唔到係第二個解法... :P 派返先再報。

    回覆刪除
    回覆
    1. //三年班,佢識撞又撞得啱都係佢方法,肯試同試啱已值得鼓勵

      我以為「勁」的意思係可以formulate 一個 general solution 出來吖馬!

      //唔記得邊個講過D偉大科學最初還不是靠撞

      就算係「墥」,都係educated guess, 唔係random 俾啲嘢叫你亂估.

      //派返先再報。

      有拖無欠喇.

      刪除
    2. 派返,就是求其一個中間的數可以了。

      刪除
    3. 謝update, 怪獸嘉獎諗多咗了, 成日都以為問題只有 unique solution.

      刪除