2017年9月27日 星期三

城市論壇論言論自由(2017年9月17日)

無論是否在校園內,魔術師認為絕對可以討論巷蜀(是否可行?如何實行?),而且現在未立23條,學餘藥尾話齋「唔犯法的就可以做」(戴當家直程話「違法達義」,當刑責和犯法當成係買賣添!),點解唔可以「討論」呢?

城市論壇:民主牆上現撕裂 言論自由問底線 (The Right of Expression on Democracy Wall )
時間 : 17/9/2017 (星期日) 正午1200至1300
地點 : 維多利亞公園
台上嘉賓:
劉國勳 中大校董
Lau Kwok-fan Member of the Council, CUHK
何漢權 教育評議會主席
Ho Hon-kuen Chairman, Education Convergence
許峰銘 教大言論自由關注組成員
Hui Fung-ming Member, EdUHK Freedom of Speech Concern Group
張秀賢 中大學生會前會長
Cheung Sau -yin Former President, Student Union CUHK
蘇敬恆 主持
鬚勁痕

1. 「鼓吹煽動同理性討論點樣分呢?」(00:43—00:46)
魔:作為主持,竟然會 set 條咁嘅題目,真係人都癲,你都係快啲走去做政助喇!
簡單來說「鼓吹煽動」就係在某個社會氛圍之下的口號宣傳;理性討論就係有議題,並且可以轉化成問句,以作立論之用。所以魔術師認為「傷港獨立」四個字只係一個名詞,唔能夠作為討論的議題;如果係要討論,議題就應該是「傷港獨立是否可行?」或者是「傷港獨立要有甚麼準備工作?」等等。「傷港獨立」四個字以橫額宣示,配合「拒絕沉淪,唯有獨立」的周邊海報,點睇都唔似一句問句,唯一的解讀方式就是加一個感歎號上去變成「傷港獨立!」,作為政治宣傳的目的就一定有,但是否有「鼓吹煽動」的作用,就要看當時的政治氣氛和動員環境了。
再舉一例,「我要真普洱」係一個訴求:如果係「我要真普洱。」就係比較平和的語氣;「我要真普洱!」就係命令式的要求;「真普洱!」的語氣則接近要反枱,在當時的環境下,「宣傳」起的作用,就係「鼓吹煽動」受眾去以霸佔街道來爭取真普洱了。「傷港獨立」的橫幅也可以作如是觀,視乎最後的標點符號是作何理解。
***
許瘋暝

2. 「巷蜀係2047談判的一個部分,關乎傷港未來30年點樣行落去,點解我地唔可以講呢?我地是否連思考、表達對傷港未來的想法的自由都無?...《基本法》寫明50年不變,2047就係『二次談判』,巷蜀可以係其中一個 option...你們的屋契到時都會『被到期』,好可能會好似蝗國社會主義咁收哂你地啲屋...其實巷蜀又違了哪條法呢?(主持人:『《基本法》第一條』)...憲法是用來限制政府的權力和保護公民權益,人民係無辦法違反憲法的,只有極權政府才會咁做...」(2:06—3:27)
魔:又係呢類打着紅旗反紅旗,一面要否定《基本法》,一面又要旁徵博引,講一啲唔講一啲,故意曲解,誤導群眾的說法(熱狗最鍾意呢種似是而非的理論)。所謂「五十年不變」,在《基本法》內,只係適用於第五條:
第五條
香港特別行政區不實行社會主義制度和政策,保持原有的資本主義制度和生活方式,五十年不變。
所謂「2047二次談判」,一向都係有青想像出來,一廂情願的說法;至於地契,由龍獅政府年代開始都係以租地形式進行,絕大部份的傷港土地都係由政府租出,本來就係有限期。限期到之後會點,政府自然會處理,呢個亦都係政府的責任,現在就開始擔心,未免太杞人憂天。況且,與其驚殺人政權共哂你啲產,唔通就唔怕班有青巷蜀成功後將你地班小業主收租仔殺無赦咩?
呢條肥豬竟然是人之患大前學生會會長,第日俾着佢教的學生就真係該煨!
3. 「現在離2047只有30年,唔通唔係水深火熱咩?呢個係一個好嚴重的問題,正如你在97時之前都會討論97之後會變成點?我地只係想想像下,講下47之後會變成點。」(17:19—17:35)
魔:終於都承認巷蜀只係性幻想一般的「想像」。笨土有青可以 feel free 去浪費時間想像這想像那,同毒品一樣,要防止心智未成熟的青少年去將人生浪費在毫無意義的JJ之上。
8、90年代,港豬對97後會變成點,唔係只停留在「討論」的層次,而真係有一班唔少嘅中剷身體力行,移民他方;呢一個移民潮亦製造了大量中高層管理人的空缺,等當時的後生仔有得「向上流」,結果一坐就坐到依家,好多高層管理人都未到退休年齡,間接影響下一代接棒「向上流」的問題。
4.「傷港而家未立23條...可以討論巷蜀...(愈說愈激動)一講巷蜀黑警就可以拉人,唔通大家想要一個咁樣嘅傷港咩?...我地只係要發聲,點解咁都唔得?(主持人:『有人話年輕人討論巷蜀會加速立法23條,你點睇?』)我不同意,只係會激起更多年輕人,或者大家,為言論自由發聲。」(37:50—38:50)
魔:典型笨土式東拉西扯九唔搭八的回應,講來講去都係 loop,都唔知佢將來可以教邊瓣。
5. 「校方一定要尊重學生會的意見,因為學生會係由民選產生,校董會唔係,而學生代表係無權在校董會中投票選校長(手指係咁篤枱面),依家嘅政權只係會委任親信代表入去校董會,所以校方可以擅自剝奪學生的權利...校方一定要尊重學生自治的原則,佢只能夠詢問、請問,唔能夠擅自剝除唔啱自己聽的意見。」(44:36—45:13)
魔:笑到肚痛,完全睇唔明學生點樣有能力去選校長。點解校董係由特衰政府委任就一定要聽哂學生話?因果關係在哪裡?
最後,魔術師又真係好想知道有邊位校長肯請呢位許準老師?唔怕佢又叫班學生「討論」點樣「選校長」?
***
張銹言

6. 「巷蜀是否可以討論呢?咁如果違反《基本法》第一條就唔可以討論...《基本法》第五條就話『香港特別行政區不實行社會主義制度和政策』,如果我地討論將所有產權公有化,都係講緊一啲違返《基本法》嘅嘢,咁又得唔得呢?民賤亂作為一個擁護樁秧人民正苦的政黨,如果我地討論傷港行社會主義制度,是否又違反《基本法》,唔討論得呢?」(8:42—9:25)
「(反駁肥仔分對巷蜀橫額係推動、宣傳的言論)如果我去正苦掛一條『實行社會主義』的橫額,咁聽日是否就行社會主義呢?」(10:58—11:02)
「如果聽日我係民主牆度掛個橫額,話『拒絕沉淪,唯有一制』,咁一國一制係違返《基本法》,咁十大校長又會唔會出來話『一國一制』係違反《基本法》,就唔應該討論嘞!」(15:03—15:20)
魔:張銹言不愧是學人高潮出身,牙尖嘴利,偷換概念的技法非常之唔錯;講一輪橫額的例子,但係萬變不離其宗,橫額只係宣傳,而唔係討論。同樣道理,上莊 Dem Beat 係宣傳,唔係討論;「四院亙片」,「新亞桑拿」係鬥大聲,唔係討論。
正如魔術師一直都講,官員所說「不能討論巷蜀」其實是很 vauge 的說法。「討論巷蜀是否可行?」,結論是「不可行」,理性的人就自然不會浪費時間在不可行的事上面,那又何懼討論呢?
正確來說,「討論一些跟《基本法》不同的意見」是可以容許的,不叫做「違返《基本法》」:沒有經過不同意見的討論,憲法/法例就不能與時並進,自我完善。所以巷蜀是否可行又好,社會主義、一國一制是否適合傷港又好,財政預算可不可以有赤字又好,「討論」都不能算是「違反《基本法》」,只有「實行」才有可能是「違反《基本法》」(當然,一年半載的赤字預算,算不算是違反《基本法》,可能就要問問人大,如何去理解當時的立法原意了)。
7. 「在1920年,湖南獨立都由我地偉大嘅毛主席提出過,直程係分裂國家添喇。咁又係唔係唔能夠討論呢?...大家就唔好雙重標準,違反第一條就係違反《基本法》,違反第五六七八條...就唔係違反《基本法》...」(37:00—37:40)
魔:當然可以討論呀!而且,毛主席在1920年時尚未「奪權」,人地真係拋頭臚洒熱算咁去實行奪取政權,講緊嘅唔係湖南獨立,而係整個中國的管治權。在當時國民政府眼中,毛主席真係造反,而唔係「討論」同「想像」呀!真係有青不可以語兵。
***
何校長

8. 「除了言論自由之外,仲要講言論嘅自律,同埋言論嘅自我反省...(講一大輪有關蔡副,主持人問有關巷蜀)...搭飛機時,是否有自由去講『炸彈爆炸』呢?我唔會捍衛呢個權利...有關憲法嘅問題,巷蜀一步步就會變咗推翻《基本法》第一條...唔係城市亂彈講人身攻擊的問題,而係對違反一國兩制進行攻擊,所以我係完全唔會捍衛呢樣嘢,而且我覺得係唔啱嘅。」(4:40—6:03)
魔:呢位何校長真係令魔術師非常失望,在人言報寫嘢仲叫做可以,點知出嚟講嘢講到一 pat C咁,好心唔識講嘢就唔好出去獻醜喇!主持人問幾次有關校園是否可以討論巷蜀,都唔敢表態。你話可以咪可以,唔可以咪唔可以囉!你自己意見之嘛!同官員唔同意見,又有乜問題呢?
咩叫巷蜀變咗「推翻《基本法》第一條」呢?如果推翻咗第一條,《基本法》上面有關殺人政權同特衰政府的關係都會唔再適用,咁就唔止「推翻第一條」咁簡單喇。至於東拉西址又講人身攻擊,仲話巷蜀係「對違反一國兩制進行攻擊」,成件事都調轉哂嚟講,口才差到無倫,唔該何校長自己先「反省一下自己的言論」、「自律一下」先喇!頂!
9. 「唔好玩二分法,依家唔係玩緊辯論比賽(又歷史又乜又七,愈扯愈遠)...(主持人:你頭先嘅講法即係在校園裡是可以討論巷蜀?)首先,作為教育工作者,應該好似各大學校長咁,要清晰表態,話巷蜀係犯法嘅,將傷港推到去水深火熱之中...在課室裡面,就算你話唔俾講,同學都會講架喇!...你要清楚為咩嘢而講(講講下又去咗喪子之痛)...(主持人:『不如講返巷蜀。』)巷蜀都係違法...坦白講,大家問心喇,又唔係玩辯論比賽,你係度挑戰政權(主持人:『討論就等於挑戰?』)...呀,唔係,咁係挑釁,唔係挑戰...」(11:54—14:27)
魔:可能何校長真係做校長做得太耐,慣咗以權位壓人,已經喪失辯論講道理的能力,口才差到暈,水準同一般維園阿伯差唔多。
係,依家的確唔係玩辯論比賽,但係當對方以歪理來攻擊自己的時候,你要識得用當當正正,光明正大地以正確的思辨能力將「犯我校園者,雖遠必誅」啊!整個文宣對決,來回攻守,就係辯論!
成日都話巷蜀犯法,其實「巷蜀」兩個字係無辦法去「犯法」的:犯法的是「推動巷蜀」時,所做出來的行為(例如暴動、整炸彈、暗殺官員之類);所以講咗咁耐,魔術師只能同意「要清楚為咩嘢而講」呢一點:如果係唔可行嘅,討論來又做乜呢?如果係可行嘅,但又唔去推動,咁討論來又做乜呢?當然,你可以話我有大把時間去浪費,廢噏發下白日夢得唔得?當然得!但如果成班學生都認為大把時間可以浪費,用來去廢噏發白日夢,咁就係「教不嚴師之惰」,老師一係就係同流合污的巷蜀派,一係就係 not doing their job 的冗員咯!
至於將傷港推入水深火熱之中,只能夠話係不理智嘅行為,但講到底,班有青要死,唔通唔俾佢地死咩?
10. 「我就唔識得法律...我想講掛 banner 的意義係邊,同埋對《基本法》的衝擊(跟住又講爆炸)...(主持人:『咁取消丁權又可唔可以在校園裡討論呢?』)蘋果同橙係不能比較的...(張銹言:『都係《基本法》入面嘅啫!』)(主持人:『啲妄民提出啲咁嘅言論。』)(張銹言:『你擁護《基本法》,係擁護全部168條架嘛!)我唔識法律...(張銹言:『我地中學時都要教《基本法》,你點可以話唔熟《基本法》!)你唔好咁違背良心,你問下啲中學老師,有幾多真係熟《基本法》,你咁樣來扣帽子?你有無搞錯呀?」(21:10—22:50)
魔:呢個何校長,一嘢就被「前學民佬」KO,唔夠人講就叫人問良心,發爛渣,話人地扣佢帽子,真係在全傷港觀眾面前出哂醜。最弊就係自認班老師唔熟《基本法》,咁你又憑乜嘢去話討論同鼓吹巷蜀係犯法呢?先前講得咁口響,豈不是都變了廢話?
呢啲咁嘅老嘢,講來講去三幅被,前言不對後語,真係唔怪得班一袋年輕人都唔服俾佢地教訓喇!
***
肥仔fun
11. 「第一點,巷蜀絕對不是2047之後的一個選項,呢個好清晰嘅;第二點,討論和宣揚鼓動係兩回事嚟嘅,今日我地在城市亂彈絕對是討論,但鄉大那條橫額就是宣揚政治主張;第三,言論自由有無底線?我問吓主持,城市亂壇維護言論自由,但(在)城市亂壇(發言)有無規矩先?(主持人:『你意思係...』)你都說不上來喇!如果台下有觀眾不斷咁挑戰城市亂彈的規矩,你都會請佢出去喇!(主持人:『依家係講緊刑法的問題,唔係場地管理的問題』)唔一定係法律制裁,社會反對都可以,咁言論自由即係有底線喇!」(6:12—7:42)
魔:肥仔今次算係有做功課,竟然可以KO主持(以最終目的來說,管理城市亂彈的場地,跟維持傷港社會治安並無分別)。肥仔算係能夠對焦強調巷蜀從來不是2047後的一個選項,與及討論和宣傳有分別,可惜兩者的分別是甚麼,卻是辭不達意。
12. 「(有關宣揚與討論之別)將鼓動包裝成為討論...將違法或唔合道德的事情,以一些美麗的詞藻包裝,是否就變成合法呢?例如將『入獄』講成『人生更精彩』。」(14:40—15:03)
魔:肥仔雖然引喻失義,但又真係講得幾好笑!
13. 「第一,今次條巷蜀橫額,係邊個申請去掛呢?到今日都無人肯認頭。第二,呢條橫額又無署名,無日期...學生會應一早清除咗佢。(張銹言:『呢個問題你要問返學生會,你就唔好問我,我已不在其位。咁,如果係跟足程序,你係咪應為掛係啱先!』)但現在事實係違反了程序(張銹言:『你又知違反程序?你又唔係學生會,你係校董會之馬!校董會管民主場嘅咩?』)...我知道民主牆規則吖馬!」(19:04—20:07)
魔:哎,肥仔捉到鹿唔識脫角,本來已經可以KO張銹言,結果又俾佢東拉西扯逃走咗。
張話唔好問佢,要問現任學生會,只係推莊的說法。肥仔應該乘勝追擊,重申依家係問張的個人意見,如果係張在任期間發生同類事件,佢會點處理。
至於程序問題,作為校董,自己只係關心學生會有無足夠能力去管理民主牆;如果跟足程序,只要有實名,「傷港獨立」橫額當然可以掛。
14. 「我地今日在城市亂彈都在討論巷蜀(主持人:『即係得嘅?』),就唔好好似小朋友咁,呢個係咪討論呀?呢個係咪鼓動呀?我希望你作為主持人,有智慧去處理...(主持人:『劉議員有咁多問題問我,我真係適應唔到。』)」(24:00—24:40)
魔:肥仔今次真係爆哂 seed,雖然無清楚明確咁分辨到「討論」和「鼓動」,但係就將個波交返俾主持,一嘢又將佢KO咗!
***
伸延閱讀:
基本法全及相關文件
維基百科:湖南省独立运动

43 則留言:

  1. 留個短言先。

    肥仔原來係垃圾會已完,似乎蛇齋黨個接班真係有啲quantum jump!

    回覆刪除
    回覆
    1. 肥仔已經算係無咁sharp嗰位。

      刪除
    2. //魔:肥仔雖然引喻失義,但又真係講得幾好笑!

      引喻失義可能系特登的,畢竟黃C靠不適當比喻製造的歪理都唔少,佢可能只是以其人之道還治其人之身而已

      刪除
    3. //畢竟黃C靠不適當比喻製造的歪理都唔少,佢可能只是以其人之道還治其人之身而已

      嘩, 真係“一聽到與自己所知事實相左,情緒就會好受刺激” XD

      刪除
  2. 如果「港毒」用「強三女」代入,成幅牆係咁「強三女」x 30,有冇問題?Appropriate 冇?幅咁嘅牆令人覺得學生會係個咩會呢?
    又如果「港毒」用「贏錢」代之,咁又有咩意義呢?

    民選出嚟嘅嘢就大曬㗎咩?Short 咗呀?

    回覆刪除
    回覆
    1. //幅咁嘅牆令人覺得學生會係個咩會呢?

      只要有同學(選民) buy 就得喇!

      //民選出嚟嘅嘢就大曬㗎咩?Short 咗呀?

      係咪講緊侵侵? XD

      刪除
  3. //第一,今次條巷蜀橫額,係邊個申請去掛呢?到今日都無人肯認頭。第二,呢條橫額又無署名,無日期...學生會應一早清除咗佢。

    連掛嗰布都CC縮縮唔敢認,真喺要攪起巷蜀嚟仲駛旨意會有作為?又即喺登高hi到出嚟但又唔敢認。唔喺有啲咩香港獨立黨嘅咩?定喺已經縮鳩鳥?

    許峰銘個髮型真喺唔得...其實點解咁多有青嘅髮型都剪成咁嘅柒頭嘅?

    回覆刪除
    回覆
    1. //連掛嗰布都CC縮縮唔敢認,真喺要攪起巷蜀嚟仲駛旨意會有作為?又即喺登高hi到出嚟但又唔敢認。唔喺有啲咩香港獨立黨嘅咩?定喺已經縮鳩鳥?

      班有青只係滿足於「發聲(make noise)」,否則就會被人當成「不存在」,感覺實在太差。

      //許峰銘個髮型真喺唔得...

      我覺得最攞命係佢副圓眼鏡配個圓碌碌嘅面形。

      //其實點解咁多有青嘅髮型都剪成咁嘅柒頭嘅?

      同路人的標記。

      刪除
  4. Mok 叔叔說
    //李國章對港獨學生的評論非常正確,也是我一貫對港大本地生的看法。 當然香港的大學只能招不良本地學生的狀況是有點不正常,因為內地學生都把他們比下去,但是因為這樣就想唔玩真的是失敗者的心態了。 這個失敗者心態不只是浮現在本港的大學, 很多「大學教授」,中產人士都感到這個壓力,因此才會說要「寬容」這些整天不讀書捕在「民主牆」邊的敗類學生了。 這些人口不敢獨,心裡想獨。 想的是他們階層過去虛假的風光, 沒有知識卻有大把大陸人聽你那段浮假的日子。

    大陸上面非但物質生活在很多方面已經超越香港,而且他們的學者甚至普通市民在研究問題的深度和廣度已經遠勝香港。 對我自己而言,他們比我超越,我就向他們學習,有什麼值得整天不高興,遑遑不可終日的???? 人家就是當年對事情廣泛的聆聽和學習才有今天。 如果人家像你們一樣,今天還會在拉牛。 香港的學生四體不勤,五穀不分,但相信將來大陸還有拉牛的工作的話都不會請香港的學生了。//

    Comment 中
    //所以黃民創立了一個宗教,名為本土文化,實则用來摸拜頂禮,作為他們精神上的鸦片,麻醉自己//
    非常認同鴉片精神一說。

    https://www.facebook.com/permalink.php?story_fbid=309157642883514&id=100013678419300

    四圍貼就是宣傳,不是討論。而宣傳內容咁九唔搭八,點解要獨立?大多數人唔完全相信民主得唔得先?笨土要嘅係贏口舌之爭,根本就唔係要說服民眾。只有「me me me」!所以要講佢有自由表達,以為表達咗你哋就要幫我完成。呢個係佢哋成長時(校園內)學到嘅伎倆。點不知社會唔接受 ,回應 It's not always about you. 哎呀!好瘀呀!學埋家長(港媽)啲衰嘢,靠惡 R 着數。所謂「你唔瞭解我」,就係要人達到佢要求。但 who are you?,點解要瞭解佢?點解要達到佢要求?

    去問下旅遊業、飲食業、航空業、零售業前線人,無不話港客最趕客,最刁難(港女格)。明明係求人,但以為自己好巴閉,變成兇人。醜態百出。

    點解重可以以呢種態度擺上成屎亂彈?又唔見佢請得郁李國章、李嘉成、CY去?呢啲素質嘅節目,去跳廣場舞都有意義過佢。

    回覆刪除
    回覆
    1. //但是因為這樣就想唔玩真的是失敗者的心態了

      正如黃國英篇文所講,巷青呢一代好多都只想“小確幸”(我成日覺得呢個term非常肉麻同婆乸)、“複製上一代成功的方程式”,這根本就是等分身家的心態,但蝗生的存在令佢地不能留在comfort zone,hea讀hea做就會被比下去,無因此而怨恨蝗生就講我都唔信。

      但對我地呢啲土生老鬼而言,為何你地即使hea讀hea做都可以理所當然分享社會資源?就因為一個“笨土身份”,就可以公然打劫我??

      //而且他們的學者甚至普通市民在研究問題的深度和廣度已經遠勝香港

      不過我覺得呢個系迫出來的:某啲範疇唔講得,但教育政策因為科教興國的需要而教導好多思考方法,結果大家索性深耕可以討論的範疇...

      //去問下旅遊業、飲食業、航空業、零售業前線人,無不話港客最趕客,最刁難

      我剩系知呆胞成日話台北鼎泰豐好多傷民排隊打尖 XD

      刪除
    2. //呆胞成日話台北鼎泰豐好多傷民排隊打尖//
      慳D啦!上海小店大把好食過佢啦!黃河街嘅佳家。對面買啲煎生包一邊食,一邊排。我係上海或多倫多都唔會幫襯頂太瘋。

      刪除
    3. 佳家湯包真係冇得頂。次次都排過半鍾

      刪除
    4. 一籠全蟹肉小籠包都唔使 ¥100!我通常係 odd hours 去就排快D。

      刪除
    5. //這些人口不敢獨,心裡想獨。

      應該只係「幻想」獨立. 萬一真係獨立, 到時就係「真.自食其力」, 呢班有青就更適應唔到.

      //他們比我超越,我就向他們學習,有什麼值得整天不高興,遑遑不可終日的?

      因為班有青有自知之明, 明知唔夠人打而要被逼上擂台, 對他們來說就是屈辱.

      //所謂「你唔瞭解我」,就係要人達到佢要求。但 who are you?,點解要瞭解佢?點解要達到佢要求?

      「你再唔理我, 我就跳樓死咗佢!」

      //明明係求人,但以為自己好巴閉,變成兇人。

      自己理虧在先, 才聲大夾惡, 惡人先告狀.

      //小確幸

      小確幸

      應該係呆民文青引入皇民村上的字詞.

      //但對我地呢啲土生老鬼而言,為何你地即使hea讀hea做都可以理所當然分享社會資源?就因為一個“笨土身份”,就可以公然打劫我??

      老曹:個位我坐得好舒服,唔想郁喎! XD

      //教育政策因為科教興國的需要而教導好多思考方法,結果大家索性深耕可以討論的範疇...

      科教興國能夠提高民智, 對大圍社會點都係一年好事.

      //呆胞成日話台北鼎泰豐好多傷民排隊打尖 XD

      「我城幫咗你呆灣咁多, 唔係打個尖都唔得呀?」

      //我係上海或多倫多都唔會幫襯頂太瘋。
      //佳家湯包真係冇得頂。次次都排過半鍾
      //全蟹肉小籠包

      講飲講食我真係識條鐵.

      刪除
  5. 戴耀廷今早接受商台訪問時,寄語早前因參與社運被改判囚的年輕人,利用監獄經歷洗練自己、洗去戾氣,回到社區後用謙卑的心接觸民眾,「我們在下半場會有大把勁的球員換出來,停賽後、治傷後,會發揮很大作用」。

    https://m.mingpao.com/ins/instantnews/web_tc/article/20170928/s00001/1506562400102

    一九六七年暴動入獄者放監後大多都沒有變了「勁的球員」。比對近年事件,「三子」入獄可能加了光環,但其他人只是踏脚石。

    回覆刪除
    回覆
    1. 戴妖叫D年輕人,唔好有戾氣,啞哂火,聽佢指揮乎?

      刪除
    2. //下半場會有大把勁的球員換出來//
      D 黃 C 成日講到政府攪到香港 brain drain,其實係 D 黃 C 嘈喧巴閉,叻人都走曬。Brain drain 後剩番 d 乜?「勁的球員」?咁好笑?! XD XD

      刪除
    3. 球員勁唔勁就唔知,但領隊一定唔係戴妖你囉.

      刪除
    4. //戴耀廷今早接受商台訪問時,寄語早前因參與社運被改判囚的年輕人
      //戴妖叫D年輕人,唔好有戾氣,啞哂火,聽佢指揮乎?

      真係從來未見過咁想做武林盟主的人,成Q日嘴 gel gel 出謀獻策訂計劃。

      //Brain drain 後剩番 d 乜?「

      剩返啲旅遊呃like相。

      //球員勁唔勁就唔知,但領

      D,拜仁又輸,仲肉酸到死!肥安都係快啲過恆大喇!

      刪除
    5. http://www.espnfc.com/bayern-munich/story/3215502/carlo-ancelotti-to-depart-bayern-munich-following-paris-saint-germain-defeat-sources

      刪除
    6. http://www.bayernforum.com/

      Forum 啲人熱烈地彈琴熱烈地唱... 未炒之前, 有啲仲抵死到話 I don't want to see that fatty warming the bench XD

      刪除
  6. 正常人嘅討論係有特定議題,有時或者會有個結論。
    黃C 嘅「討論」已經係目的,其實做咁多野,都係為左嘥9你,嘥9成個社會所有嘅時間...

    回覆刪除
    回覆
    1. //黃C 嘅「討論」已經係目的

      都唔係嘅。佢地嘅目的就係經過「討論」,去發掘啲嘢嚟「反思」。

      刪除
    2. 思都未識,學人反思。笑死人咩?
      講嚟講去,唔係粗口就係九唔搭八。

      刪除
    3. 用普通話講「廣東話」三個字。

      刪除
    4. 「反思」真正意思係由我角度出發,and listen to me.

      刪除
    5. //and listen to me.

      you must follow me.

      刪除
    6. // 「反思」真正意思係由我角度出發,and listen to me.

      反思即係反覆去思考點解你同我唔同, 從而搵出一個解釋同思路, 令到最終你嘅思想係同我一樣.

      點解我嘅羅輯唔啱? 咁你就要反思, 自己搵出一條路出嚟, 去解通佢!

      刪除
    7. 「依家係你唔明白我,反思的責任在你不在我!」

      刪除
    8. 連自己思考都推俾人, 正正就係呢棚人嘅思考模式.乜都要人解, 乜都要人懶人包.

      刪除
    9. 呢班有青根本唔識「獨立思考」,只係識「思考獨立」。

      刪除
  7. 攪到廣東話好似得粗口咁⋯⋯
    哦,原佢哋覺得識fxxk U等於識英文,他x的就識普通話。

    仲有,佢哋有自己的巷式中文definition
    反思:反覆作出相同思考,堅定自己信念
    討論:討伐反對聲音,論述自己觀點

    回覆刪除
    回覆
    1. //反覆作出相同思考,堅定自己信念

      Insanity: doing the same thing over and over again and expecting different results.

      刪除
    2. //攪到廣東話好似得粗口咁⋯⋯

      粗口是我城方言的精髓嘛!

      //反思:反覆作出相同思考,堅定自己信念
      //Insanity: doing the same thing over and over again and expecting different results.

      黃C唔係insane喎, 佢地係強迫症, 洗手洗手再洗手, 成日都要reconfirm 自己.

      //討論:討伐反對聲音,論述自己觀點

      對話: 我講乜, 你就要跟住做

      刪除
    3. //佢地係強迫症, 洗手洗手再洗手, 成日都要reconfirm 自己//
      佢哋都唔係強迫性症嗟!係被迫害症。成日都要 reassure 自己。

      刪除
    4. //成日都要 reassure 自己。

      夜行人吹口哨也。

      刪除
  8. //對話: 我講乜, 你就要跟住做

    對話:我講的就係對的話,跟住做啦^_^

    回覆刪除
    回覆
    1. //我講的就係對的話

      老人:我食盬多過你食米!
      柒青:我睇AV多過你食盬!
      小三:我扑嘢多過你打JJ!

      刪除
    2. //對話:我講的就係對的話,跟住做啦^_^//

      絕對要聽我的說話

      刪除
    3. 俾 freelancer 答咗我句回應XD

      刪除