信和模型屋

雖然話有錢便是任性，但係點解我城有咁多鍾情於模型的 kidult，但係就未見過有成屋都係書嘅文青做裝潢個案嘅（３６：００—４６：５３）？

樓盤傳真 2017/09/02　2017/09/02 23:06

屯門納米樓「城．點」搶閘，首批連加推 116 個單位，有三伙低於 300 萬元有交易。
符合按保門檻的二手樓會較具承接力，如果以 600 萬元做預算，找一個三房單位，會是什麼類型的單位？
油塘 PENINSULA EAST 入伙，2015 年開售時，42% 的單位 600 萬元以下，瞬間沽清，其實平得有道理，因為長遠景觀才是最大隱憂。
男戶主是模型迷，收藏量多得驚人，一住廿二年的駿景園 1400 呎單位，一家五口三代同堂，翻新過後甚至有條模型隧道，男戶主就最滿足。

模型迷例牌就要玩 display，又無端端要搞開放式廚房，比較特別嘅，就係要有影音房。

設計師將原來（左上）的廚房改為影音房，工人房縮細加個洗衣房落去（右上，左中）。玩開音響的發燒友都知道，音響房的喇叭走線十分重要，玩家通常都唔會信得過設計師，一定要自己操刀，ＣＤ架和音響櫃做出來的效果算係 okay（右中）；但模型櫃一粒二粒、一盒二盒咁有信和 feel，魔術師就唔識欣賞（左下、右下）：

開放式廚房打斜咁放係廳，例牌扮哂西咁要有個 island 位煮食（左中），結果就係一開門就見到張長飯枱，頂心頂肺（右上），長飯枱連接吧枱，自不待言（左中）。廚櫃係咁易可以擺下啲煲呀咁（右中），最緊要都係有個紅酒櫃（左下）。張長飯枱竟然係可以拉長，想不到豪宅都會用上呢類納米樓傢俱（右下）：

門口鞋櫃好簡樸，只係擺幾張相點綴下就算（左上），個廳好簡樸，幾乎係乜都無，打開門入屋就見到馬場，不過一眼望穿只怕風水不佳（右上）。廳內有個櫃，又係走簡樸無花巧路線，不過唔知點解雨傘要放在櫃內而唔係洗衣房可以晾乾水（左中）。設計師走工人房牆身拆去（右中），改為模型展示櫃（左下），不過咁快就擺滿，有新貨返都唔知點算。模型展示櫃的對面又係櫃，搞到條走廊都幾窄：

雖然話兩個女仲細，可以「共享房間」，但「小朋友大得快」，呢個裝潢唔知可以維持幾耐，奇就奇在一早就買定大大部鋼琴，仲要預埋位，好似預咗會用一段時間都唔會改位咁（左上、右上）。嫲嫲房就乜都無，非常齋，可能欺佢人老無乜要求（左上）。主人房就唔同嘞，三邊落床唔在講，仲有個小小衣帽間（右中）。書檯上又係模型，反而唔見有梳妝枱，睇嚟男戶主都幾話得事（左下）。套廁又係玻璃設計，無論係大緊便定係在浴缸中扑緊嘢都可以睇跑馬：

咁就１４０萬，個廳、嫲嫲、同埋阿女房都好似無乜做過咁，主要就係搞影音、擺模型、同埋將個廚房搬出廳，睇怕又係典型自己出錢自己享受型的戶主，屋企其他人只是「同屋主」罷了。